كيف تعرف سرعة سيارتك حسابيا.....

[fist302]

مرحبا شباب
هل ترغب في معرفة سرعة سيارتك عندRPM معين او في نمرة معينة او باطارات معينة وهل تريد معرفة سرعة سيارتك اذا غيرت الدفرنس عند أي من هذه الاختلافات؟؟؟؟؟ هل رغبت يوما في معرفة كم ستكون سرعتك القصوى بدفرنس اصغر او اطارات اكبر؟؟؟
اليكم الحل:::
في معادلة بسيطة توضح لك كل شي....
مطلوب منك تحديد 4 متغيرات وعامل ثابت....
المتغيرات هي: ( نفترض انه السيارة هي ماكسيما 95 )
اولا...الارتفاع الكلي للاطار( القطر ) وهذه ممكن تحسبها عن طريق الموقع التالي : http://www.miata.net/garage/tirecalc.html
للتأكيد مثلا:اطار الماكسيمامقاس 205/65/15 يكون قطره 25,5 انش

ثانيا...دورات المحرك المطلوب معرفة السرعة عندها(RPM) سواء كان ذلك في الدورات القصوى للمحرك (6500) في الماكسيمااو حتى عند 2000 دورة الاختيار لك.

ثالثا....دفرنس السيارة وهذا ممكن تحصل عليه من كتالوج السيارة او من المجلات الدفرنس هنا: 3,823

رابعا....النمرة او النسبة المطلوب حساب السرعة عندها ..كيفية الحصول عليه (راجع ثالثا)..بالنسبة للماكسيما
الأول: 3,285
الثاني: 1,850
الثالث: 1,272
الرابع: 0,974
الخامس: 0,790

خامسا...العامل الثابت ويساوي= 336

اوكيه نبدأ المعادلة
لحساب السرعة في الجير الأول (3,285) على سرعة دوران 6500 ودفرنس (3,823) وكفرات مقاس 205/65/15 قطر( 25,5 )

المعادلة هي:
(سرعة دوران المحرك X قطر الاطار)
ـــــــــــــــــــــــــ
(الدفرنس X الجير المطلوب X العامل الثابت(336)

تترجم الى:
(6500 * 25,5 )
ــــــــــــــــ = 39 ميل = 63 كلم
(3,823 * 3,285 * 336 )

وهي السرعة المطلوبة بالنسبة للمعطيات أعلاه
للحصول على باقي النسب نعمل نفس الشي لكن نغير النسبة فقط وتكون النتائج كالتالي:
الثاني 112
الثالث 162
الرابع 216
الخامس 260

ملاحظة: على الخامس 260 عند 6500 دورة طيب لو كانت 3000 دورة كم بتكون السرعة؟؟ 120 كلم عملية نسبة وتناسب.

طيب لو واحد حابب يغير كفرات 205/55/15 اللي قطرها(23,9) قد ايش بيكون الفرق؟؟؟
نفس المعادلة مع تغيير قطر الاطار...بيكون عندنا التالي مع الكفرات الجديدة:
الأول 59
الثاني 104
الثالث 152
الرابع 203
الخامس 243
شايفين الفرق بنخسر تقريبا 260-243 = 17 كلم في النسبة الخامسة على نفس دورات المحرك وبنفس الدفرنس ونفس النسبة.

نفس الفرق أو أكثر ممكن نشوفه لو غيرنا الدفرنس الى أكبر أو أصغر.
نفس الشي بالنسبة للماكسيما الأوتو:
يختلف الدفرنس ( 3,619 ) وكل النسب الأربع أيضا مع تشابه مقاس الاطارات والRPM نجد انه:
النسبة الأولى تعطي 78
الثاني 141
الثالث 218
الرابع 314 ‍‍‍‍!!!!طبعا لايمكن السيارة توصل السرعة دي.
شايفين الاختلاف.

اتمنى انه الموضوع يهمكم لأنه بصراحة يهمني كثير واعتبره مهم لأي واحد يحب تعديل سيارته.

اللي ارجوه منكم اللي عجبه الموضوع الرجاء وضع المعطيات السابقة والسرعة القصوى في كل نسبة.
تحياتي للجميع

[King_SS]

جيدجدا وخطوة للامام
بس قللي كيف سارت المكسيما معاك بعد التعديلات وخاصة في شوارع الرياض

[E55]

شكراً لك يا fist302 على هذا الموضوع الممتاز :)

خلينا نشوف أرقامنا كم ونرجع لك

[M5]

موضوع حلو أخوي فيست ..

وان شاء الله أوافيك بنتايج سيارتي قريباً ( هذا اذا قدرت أجيب نسب القير والدفرنس ) :(


مشكور حبيبي :)

[E55]

تعبت وأنا أدور يا fist302

قطر الإطار عرفناه = 25.3 إنش

الدورات القصوى للمحرك = الخط الأحمر يبدأ من بعد 5500 دروة ، لكني أشوفه يبدل عند 6000 دورة

دفرنس السيارة = 3.46 وهذا الوحيد اللي حصلته (حتى مب متأكد منه)

رابعاً = ما لقيت شي :(

[Salamander-C2K]

يعطيك العافيه يا فست..... وشكرا لك على هذه المعلومات :)

بالمناسبه..... متى نشوفك في جده..... تراك وحشتنا والله..... وكيف الماكس معاك..... سمعت عنها اشياء كثير :)

[NFS]

شكراً يا فيست على الطريقة الخطيرة هذي.

أنا حاولت أطلع الـGear Ratio و الـFinal Gear Ratio من النت بس ما لقيت:(

المفروض نحط هذا الموضوع في الأرشيف علشان نرجع له وقت ما نحتاج له.

[fist302]

King_SS
الماكسيما بخير وسترى لها كليب غدا ان شاء الله.

E55
الله يكون في عونك حاول تدور أكثر .....انا كل اللى اعرفه انه دفرنس اللومينا اكبر من دفرنس الكمارو يعني بيكون (رقميا)اقل من 3,23

M5
لاتشيل هم باحاول اشوفلك نسبك من الكتالوجات اللي عندي والمجلات.

Salamander-C2K
تسلم وانت وحشتنا اكثر http://forums.maxima.org/images/smilies/kiss.gif ايش رأيك نتقابل الثلاثاء القادم...لأني جاي جدة ;)

NFS
لاتشيل هم خبرني موديل سيارتك وانا باجيبلك خبرها.

تحياتي للجميع