View Full Version : زورو الامارات زعلان على الربع :(
زورو الامارات
08-10-2001, 07:40 PM
السلام عليكم ورحمة الله وبركاته
بكل صراحة وبلا مقدمات
انا صار لي فتره طويلة غايب عن المنتدى بس ادخل له من فتره لفتره اشوف الجديد
محد سأل بالمره مافي غير الاخ فنون
افا والله نسيتوا من يسوي التجارب والصور الصافية
والتقارير الزينه
على الاقل وينك شو مسوي حي ولا ميت :(
Ferrari^_^love
08-10-2001, 07:44 PM
من ناحيتي .. انا الحمد لله أشوفك كل يوم في المسنجر :):) ... ومطمئن عليك من خلال المسنجر .. والصراحه انا لاحظت غياب مواضيعك عن المنتدى .. وعلى العموم .. كل شي ولا زعلك حبوب :):)
L.O CUSTOMS
08-10-2001, 08:14 PM
والله مـــــــتأسفين لكن اعذرنا وش نسوي كثرة الأعضاء والمواضيع تخلي الواحد ما يدري وش يحط ولا وش يبقي ومره ثانيه مــــتاسفين.
سوناتا
09-10-2001, 01:58 AM
زي ماتعرف كثرت المشاغل والأسفار ، هذا مسافر وهذا عنده أختبارات وهذا يدرس وهذا كمبيوتره عطلان ... الأعذار كثيرة وأكيد أننا مانسيناك ، لكن ألتمسنا لك واحد من هذه الأعذار
وأهم شيء الآن تكون راضي :) يالله عاد نبي نشوف الإبتسامة
هلا زورو شحبارك حبيبي والله لك وحشة
على العموم انا الي أعرفه انك مشغول بالجامعة والله وياك ماحبيت اضايقك
بس والله لك وحشة ومواضيعك الروعة .......ياسيدهم
وناطرين جديدك على نار
معليش أخوي زورو ومثلك عارف الدنيا ومشاغلها وحتى كثير من الأعضاء غايبين "أن شاء الله المانع خير".
على العموم أن شاء الله تكون أنت بصحة وبخير وكيف حال الأخ جراند في 8؟؟
أبو نايف
09-10-2001, 02:21 AM
انت من الاخوه الاعزاء ولك الحق تتشره علينا
بس أهم شيء تكون سالم وغانم
على العموم بالنسبه لي مشاركاتي أقل بكثير من أول ويمكن علشان كذا ما لاحظت انقطاعك ومثل ما قال اخوي NFS فيه كثيرين منقطعين
وعسى المانع خير
grandv8
09-10-2001, 06:00 AM
السلام عليكم جميعا
الشباب ماقصرتم بس انتم تنسوا شي ووتتذكرون شي ثاني ، اخوي زورو
الامارات زعلان شوي ان محد يسال عنه الا عدد محددود جدا.
بس هو صح عنده ظروف بس الله يعين الجميع.
بس اذكر الجميع مافي زعل الاصدقاء كلنا حبايب ،والله يعين الجميع.
الي نقدر عليه بنسويه.
شكرا مرة ثانية الي جابو معانا
:):):):):):):):):):):):)
fist302
09-10-2001, 09:00 AM
انت ملك التيست درايف ولا غنى عنك...بس تبي الصراحة انا لو حبيت اسأل عن كل عضو غايب فترة عن سوالف فهذا يعني اني بأسال عن 75% من الأعضاء :(
مثل ماقالوا الشباب في مشاغل بس مأأعتقد انه هذا هو السبب الحقيقي .... لو كان لكل واحد فينا مشاغل الدنيا كلها 5 دقائق فقط يوميا كافية للرد على أية أسئلة...ولكن السبب هو حالة الفتور اللي حاصلة في المنتدى....ولها عدة أسباب من أهمها من وجهة نظري كثرة الأعضاء الجدد...
عموما نحن في انتظار تجاربك القادمة...بالتوفيق.
تحياتي للجميع
كابريس
09-10-2001, 01:24 PM
منظرين تجربة الكابريس :(
البعير
09-10-2001, 11:31 PM
ترا انت دوم على البال...(وأعتقد أنك تعرف السبب);)
لأنه لا تنسا يا بوالشباب أني طالب منك تجربة الإيفوليوشن:)
صح ولا أنا غلطان؟؟؟:)
وأيضاً انت دوم على البال لأنك من أفضل الأعضاء الموجودين حالياً..
وأنشطهم من ناحية التجارب والتست درايف:)
(عسى المانع خير)...
ـــــــــــــــــــــــ
أخوك الـhttp://www.angelfire.com/ar/zamel1/images/cmil.gif
Eclipse
10-10-2001, 02:31 AM
تصور يوم غبت ... ايش صار فيني
بكيت ... ودمعتي في وسط عيني
مايهون علي زعلك ...:):)
زورو الامارات
10-10-2001, 06:52 PM
السلام عليكم ورحمة الله وبركاته
جزاكم الله الف خير ماقصرتوا يا شباب
مو زعلان بقدر مايكون عتب
العتب من محبه
والله الي شغلني عن التجارب الدراسه لاني ادرس في الجامعه
تعب خصوصا اني ادرس في جامعه عجمان وانا في دبي يعني درب زحمه وحاله ماعلينا
بس اشوف المنتدى هادي مافيه جديد
الظاهر الدراسه مأثره كثير
ومره ثانيه وثالثه ورابعه ماقصرتو يا شباب المستقبل وسبيس توت :):)
تحياتي للجميع
lumina
11-10-2001, 12:02 AM
لا والله ما يهون علينا زعلك لكن شو نسوي الإنسان ينيى و سامحنا على النسيان ...
cruiser2000
11-10-2001, 07:11 PM
يالله شباب عاد صوره جماعية
اس2000 روح يمين شوي ايوه بس بس كذا افضل .....
ابتسمو واحد اثنين ياخي اكلبس لا تحرك مستعجل ليه .....
ايوه بس كذا واحد اثنين
سمايل اكشن
كاميرا
فلاش
http://us.a1.yimg.com/us.yimg.com/a/iy/shopping/6.jpg