سوالف للجميع - بعد عمري والله

بنت الغربي

10-10-2001, 11:13 PM

بو عبود: اقوووول بو شهاااب!!

بو شهاب : ها شتبي؟؟

بو عبووود : ملللللللل!!! خلنى نسوي شي!

بو شهاب : يعني شنسوي..بس انثبر اقعد شوف التلفزيون!

بو عبود : لا عاد ملل.. خلنى نسوي شي

بو شهاب : انزين قوم ييب التلفون!!

بو عبود : شبتسوي؟؟

بو شهاب : انت قوم وماعليك!

================================

** : الو!

بو شهاب : ياهلالالالالا واللله :)

** : نعم!!

بو شهاب : نعم الله عليج :) من معاي؟؟

** : انت من بغيت؟؟

بو شهاب : بغيت اتكلم :)

** : اتكلم؟؟؟

بو شهاب : ايي :) شخبارج؟

كراااااااااااخ!!!

==============================

بو شهاب : افااا صكته!! برجع اتصل!

** : الو

بو شهاب : ليش اتصكييينه في ويهي؟؟؟ على الاقل احترميه!!!

** : انت شتبي ما أذيتنااا؟؟

بو شهاب : من كلمج انتي الحين؟؟؟

** : عيل اتكلم من !!

بو شهاب : اكلم تلفونج :)

** : ها ها ها خفيف!!

بو شهاب : اي والله تصدقين خفيت وايد.. اقولج مارقد في الليل! على طول افكر فيج :)

** : لا والللله!!

بو شهاب : اي والله :) الصراحه صوتج سحرني وماقدر ارقد في الليل من التفكير!!

** : لا يالعيار!!! توك اول مره متصل!! شلون سحرتك..!!؟؟ بالله فهمني!!

بو شهاب : ها؟؟؟!!! اي انه اتكلم عن المستقبل :)

** : لا والله!!

بو شهاب : اللللللللله :) تكلمي با بعد عمري شبعي اذني بصوتج :)

كراااااااااااااااخ

بو شهاب : بعد صكته!! والله ماخليهاااا!!!!

=========================================

بو شهاب : الو :)

** : انت شتبي!! سندرتني الصراحه!!!!!! لوعت جبدي!!!

بو شهاب : فديييت جبدج انه :) عاااد بعد عمري خلينا نصير ربع :)

** : مابي

بو شهاب : ليش :( والله انه حبووب واعجبج :)

** : لا مابي غصب!!

بو شهاب : ليش يعني ماتصدقيني!! :(
يا خسارة الحب الي هدمتيه :(

** : اي حب؟؟؟ انت مب صاحي!

بو شهاب : انه الحين اتكلم عن المستقبل!! شفييج غبيه ماتفهميين! :)

** : انطم

بو شهاب : انشالله :) بس انه ابي اتزوج :)

** : انزين شاسوي!!

بو شهاب : اتزوجيني يا جولييت :)؟؟

** : وععععع شابي فييك!! لا مابيك

بو شهاب : ليش :(

** : مابيك!! شابي فيييك!! الصراحه انت وايد سخيييف وماقدر استحملك!!

بو شهاب : افااا!! حطمتيني!

** : يالله فارج باروح ارقد وليكون تتصل مره ثانيه!! ترى رقمك ظهر عندي وبعلم عليك اخوي!

بو شهاب : اقول مالت عليج وعلى اخووج فوقج!!! صارلي ساعه اقولج كلام حلو وامدح في عمري وانتي ولا على جبدج خبر!! يامال جبدج الشقاق!!!
الزين مني اني قايلج بتزوجج!! وين تحصلين واحد مثلي!!
حمدي ربج وحبي يدج مقلوبه!!

** : لا مقلوبه ولا عدله!!! يالله فارج

بو شهاب : انزين يابعد طوايف هلي :) باروح.. بس برجع اتصل فيج مره ثانيه :) يا ام عيالي :) يا زوجة المستقبل :)

** : لا المستقبل ولا الجزيره!!!! يالله.... كرااااااخ
==============================

صج انكم يالشبااااب فاضييين وماعندكم غير التأذي في خلق الله :)
طبعا مو كلكم :)

المبتسم

10-10-2001, 11:22 PM

:)
اهلين بنت الغربي,,,
حمد لله علي السلامه
وش هالغيبه الطويله....
ترانا ما نصبر علي فراقك...
:)....
اتمني انك ما تكرريها مره ثانيه ;)<<
لوبييز..

Sunny2000

10-10-2001, 11:32 PM

هههههههههههههههههههههههههههههههههههههههه

الله يقطع ابليسك هههههههههههههههههههههههههههههههههههههههه

والله رهيب الموضوع ..

بعدين مالها داعي النجوم ..

اكتبي انا= بنت الغربي !!

ههههههههههههههههه :)

بنت الغربي

10-10-2001, 11:35 PM

هههههههههههههههههههههههههههههههههههههههههههه
اسكت انت هههههههههههههههههه
لا النجوم تدل على اني نجمه المنتدى :)

هلالالا لوبيز :)
صح النوووم اخوي!!!
هذي ثاني موضوع اكتبه عقب مارجعت وانت رديت على الاولي :)

Sunny2000

10-10-2001, 11:44 PM

هههههههههههههههههههههههههههههههه

اي صدق اني غبي .. ههههههههههههههههههههههه

يا *********** <---- مشطوبة من المدري من

هههههههههه

معليك .. نجمة سوالف واللي تبين بعد .. :)

moon cat

11-10-2001, 01:05 AM

هاها شو هذه هذا وأنا ألغالي فى قلبك وشوف وش صار أجل لاقلبك كرهني وش يسوي !!!!لاماشاء ألله مثال للزيجات ألناجحه بنت ألغربي مطلوب من هذه ألمواضيع تثقف ألزوجات وألازواج ؟؟ هاهاها mooncat

ابو الفياصل

11-10-2001, 01:13 AM

واااااو بنووته مره وحده؟؟

موضوع روووعه..

بس انا اتوقع انه حصل معك بالصدق وانتي حررتيه هنا..

يمكن...

لوووول:):)

تحياتي لك..

ابو فيصل:):)

اسير_الصمت

11-10-2001, 01:37 AM

لالالالالا الشباب مو فاضيين ... :(

الشباب من الكبت الي هم فيه :(

ليه لما يبغى يتونس بوقته ويكلم بنت ما ترد عليه وتتكلم

معاه ....؟؟؟ :(

ليه البنات ما يعطو للشباب فرصة يخرجو الي في قلبهم :(

واذا كانوا الشباب فاضييين فإن حتى البنات أكثر فضاوة :(

================================

**** من جد عايش الدور هههههههههههههههههههههههههههههههههع :)

فين أنا جالس هههههههههههههههههههههههههههههههههع :)

رهيييييييييب المووضوع :)

وحمدلله على سلامتك بنت الغربي :)

أمير القمر

11-10-2001, 08:15 AM

موضوع حلو ويعطيج العافيه :)

أسير عيونها

11-10-2001, 10:42 AM

هي بنوته ؟؟؟؟؟ والا مو بنوته ؟؟؟؟
هي بنوته ؟؟؟؟؟ والا مو بنوته ؟؟؟؟
هي بنوته ؟؟؟؟؟ والا مو بنوته ؟؟؟؟
هي بنوته ؟؟؟؟؟ والا مو بنوته ؟؟؟؟
هي بنوته ؟؟؟؟؟ والا مو بنوته ؟؟؟؟
هي بنوته ؟؟؟؟؟ والا مو بنوته ؟؟؟؟
هي بنوته ؟؟؟؟؟ والا مو بنوته ؟؟؟؟
هي بنوته ؟؟؟؟؟ والا مو بنوته ؟؟؟؟
هي بنوته ؟؟؟؟؟ والا مو بنوته ؟؟؟؟

في الاخيرررررررر عرفت انها بنت الغررررربي نجمة المنتدى :)

اقووووووولها هلالالالالالالالالالالا بنوته والله وغلالالالالالالالالالالا :)

هلا بالي ((((( زفت اختها )))))) لا احد يسمع :) لووووول

موضوعك اكثرررررررررررر من رائع :)

المسلمي

11-10-2001, 11:07 AM

روووووووووووووووووووووعه حلو الموضوع :):) ،،

ونستنى المزيد منك بنوووووووووووووتة :):) ،،

مع تحياتي ،، المسلمي ،،

همس الورود

11-10-2001, 11:09 AM

هههههههههههههه
حلو الموضوع
بنووووتة
وصدقتي والله فاضيين
الشباب واجد لمثل
هالحركات ومملين بعد فيها
اختك همس :)

بنت الغربي

11-10-2001, 03:56 PM

هلالالالالا سني :) توك تدري انك غبي!!!!! صح النوم :) ههههههههه

هلالالالالالا بالعتوي :) ها شعنده جواد العلي :)
وهالمواضيع تثقف الزوجات والازواج؟؟؟؟!!!! ههههههههههههههه
الا تخربهم!!!

هلالالالالالالا بو فيصل :)
اي صادني مرات وايد :) بس ماطول وياهم
من بغيت؟؟ اذا شفته يبي يتدلع ويمضخها كرااااخ في ويها :)

هلالالالالالالالا اسير الكلام!!
شفيييييييييك تأثرت وايد!!!!!!!!!! هههههههههههههههههههههههه
شكله كلا كرااااااااااخ في ويهك لين تتصل :)

هلالالالالالالا والللله اميره القمر :) تسلمييين حبيبتي انتي احلى :)

هلالالالالالالالالالالالالا اسييييييييييير :) هههههههههههههههههههه
الي زفت اختها!!!! :)
لا انه مازف :) هههههههههههههههههه (عن الفضايح) لووول

هلوووووووووو المسلمي :)
تسلم اخوي على الرد :) ويعطيك العافيه

اهليييييييييين همس الورد :)
الشباب دايما مملين :) هههههههههههههه
(بتقوم الحرب)
مشكوره على الرد ويعطيج العافيه حبيبتي :)

جاسم

11-10-2001, 04:10 PM

له له له

اصابعك مو سوى يا بنت الغربي

في شباب باخلاق كريمة وفي العكس طبعا

والله يهدي الجميع

بنت الغربي

11-10-2001, 04:14 PM

جاسم!!!!

انت قريت الموضوع كله ولا لا؟؟
انه في الاخير قلت طبعا مو كلهم!!

جاسم

11-10-2001, 04:17 PM

السموحه

انا قرات الموضوع كله

الا سطر مو كلكم سقط سهوا

ونلتمس العذر من معاليك

ammar_art

11-10-2001, 04:20 PM

اضم صوتي الى العمده

بنت الغربي

11-10-2001, 04:20 PM

هههههههههههههههههههههه
عبالي بعد :)

بنت الغربي

11-10-2001, 04:22 PM

انت بعد يلي فوقي روح اقرا السطر الاخير!!!

moon cat

11-10-2001, 09:56 PM

يجي منك أكثر على قوله أحلام ألبحرينيه ألاماراتيه !!!!mooncat

بنت الغربي

11-10-2001, 09:59 PM

هههههههههه اي حبيييب؟؟؟؟ :)

الشبح 999

11-10-2001, 10:07 PM

هلا غرباويه

موضوع حلو وتسلمين :)

بنت الغربي

11-10-2001, 10:09 PM

هلالالالالالا بالشبحححححححح :)

مشكوووور وتسلم على الرد :)