سوالف للجميع - لاند كروزر جي!

ألأعرابي

14-10-2001, 08:51 PM

ممكن حد يخبرنا عن ما يعرفه عن هذه السياره الا و هي من أسرع السيارات الجيب و أعتقد أنها اتطوف الشيروكي كلاسيك و بعض الأجياب فقط تطوفها و أظن هي الأكس5 و قراند شيروكي و اللكسز جيب الصغير و ربما الأسكيلايد.....
لدي بعض الأسئله و هي
هل هذه السياره سريعة الأنقلاب؟
هل تتحمل السرعاتي العاليه (160 و ما فوق)؟
هل تهتز هذه السياره في السرعات العاليه أم ثابته؟
هل من الممكن الشل (تمشي على تايرين) بها؟
هل قويه تتحمل؟
هل تصرف من البنزين الكثير؟
أخر سؤال و هو
هل من السهل قيادتها علما بأنها كبيره نوعا ما غير أنها قير عادي...
و شكرا
(اسف للأطاله و لكنني أفكر أن أشتري واحده مستعمله) :)

ألأعرابي

14-10-2001, 11:57 PM

معقوله 28 واحد شافوا الموضوع محد عارف شيء عن السياره
اخاف الا ما عرفتوا عن اي وحده أتكلم السياراه مشهوره في قطر و يسمون الموتر هذا هناك بالهدد من سرعته
و في الأمارات و السعوديه

روح الامارات

15-10-2001, 12:09 AM

مرحبا أخوي الاعرابي
حدد هل g اوgxاوgxr

أبو نايف

15-10-2001, 12:09 AM

اسئلتك هذي تفصيليه وما يقدر يجاوب عليها الا واحد سبق و امتلك أواستخدم هذه السياره لفتره طويله:):)

فالعذر والسموحه:):)

ألأعرابي

15-10-2001, 04:13 PM

مشكور روح الأمارات:)
أنت وايد معاي أخاف بس غربلتك
كتبت فوق (جي)
يعني G
اسؤال واحد زياده هل هناك فرق في السرعه كثير بين الجي و الجي أكس (G and GX)

روح الامارات

15-10-2001, 08:23 PM

أفا عليك بس وليش أتغربل منك موضوعاتك كلها شايقة
بلنسبة لسؤالك مافي أي أختلاف في السرعة بس الأختلاف في المواصفات فقط.

ألأعرابي

15-10-2001, 08:25 PM

بس أنا سمعت أن الجي اسرع كروزر لخفة وزنه
ما جاوبتني على الأسئله اللي في البدايه

روح الامارات

15-10-2001, 09:46 PM

بسيطة الأسئلة أنا عندي خبره كافية في مجال الكروزر
كلامك صح أن الجي يروح لخفة وزنه والسبب يعود الانه ما يستهلك كهرباء وايد ,يعني مثلا الجامات هندل والكراسي مب كهرباء كل هذه العوامل تخلي السياره أقوى من الفل أبشن تمام.
أما عن أسئلتك فهذه السيارة سواء 6سلندر او8سلندر تنافس النيسان واليوكون والفوردأكسبديشن طبقا لما هو وارد في موقع toyota.com وهذي السيارة تتحمل حتى على سرعة 220كلم/ساعة أنا مثلا الكروزر اللى عندي VXR شايل عنه الكت أوف وأسرع الى سرعة 210كلم/ساعة والموتر ماشاء الله ثابت على الخط,ماأعتقد أنها سريعة االانقلاب لثقل وزنها.

روح الامارات

15-10-2001, 09:52 PM

نسيت أقول أن صعب أتشل فيها تايرين لثقل وزنها وهي ما تصرف بنزين لأن تانكيين VXR اللي عندي يمشيني 560 كلم/ساعة.

ألأعرابي

15-10-2001, 10:13 PM

لو أشتر سياره تنصحني بنيسان بترول ولا جي
ثنينهم من موديل 97

روح الامارات

15-10-2001, 10:18 PM

انا أنصحك أول أتجرب السيارتين وشوف من الأحسن

ألأعرابي

15-10-2001, 10:32 PM

عندك فكره أي منهم يصرف بنزين أكثر
على فكره أن شاء اللع انا جايكم الأمارات أدرس في الجامعه الأمريكيه في الشارقه السنه القادمه و هالموتر اللي بشتريه بيكون معاي

روح الامارات

16-10-2001, 12:02 AM

6سلندر يصرف اقل يعني ما شي فرق بينهم بس 8سلندر يصرف ووايد,وحياك الله في الامارات وعلى فكرة انا في جامعة الشارقة يعني انشاء الله قراب من بعض

روح الامارات

16-10-2001, 12:07 AM

طبعا معروف عدنا في الامارات ان النيسان يصرف بترول وايداكثر من الكروزر يعني غير الكروزر مافي

ألأعرابي

16-10-2001, 06:59 PM

مشكور و ما تقصر!!!