View Full Version : صباحات شرقية - كلمة حق ولازم اقولها
بياع القلوب
23-10-2001, 10:45 AM
صباحكم شرقي
متبوع باشواق دافئة
كدفء الخليج المعطاء
يمكن من زمان ما كتبت صباحاتي هنا
وقد آن الآوان ان تشرق صباحاتنا من جديد
رغم ما ما واجهنا من صعاب
اعزائي
قبل يومين كتب لي الله ان اسافر للرياض
وكتب لي ان اقابل اخوي الغالي غريب نجد والاخوان الاعزاء - عبودي 1 والهامس ..
مع العلم ان غريب كان مريضا وعلى الفراش لكنه أبى الا ان يأتي ويراني :)
حقيقي موقف اخوي لن انساه ، وهذا ليس بمستغرب عليه فقد سبق وان تقابلنا كثيرا قبل هذه المره ...
مدري وش الي يخليني دائما انتقد غريب واتشاكس معاه :) هذه طبيعتي معاه ومع بعض الاخوة الاعزاء من المشرفين ، وغم القند الاذع الي يعرف به بياع ومعرفتي بقلب غريب الكبير ازيد من النقد وهو يبتسم بكل ثقة :) وماشاء الله عليه بارد الاعصاب مع إني اتعمد ارفع ضغطه :)
المهم
اود ان اشكر اخي غريب على تعبه وحرصه على مقابله اصدقاءه وهذا ان دل فيدل على حرصه ووعيه على ان يكون مشرفا نصوحا حتى خارج ردهات المنتدى :)
فتحية من الاعماق لك يا غريب :)
والشرقية تنتظرك ...
ملاحظه : :( وربي لو انحذف اي موضوع لي بوريك شغلك وماني حاضر عرسك :(:)
تحياتي
يا صباح الورد والورود ....عموري
وشلونك ؟؟؟ تمام؟؟ الحمدلله ..
و الله انا افتقدتك .. وقلت هذا سواها ... واتاها :)
لكن زين انك رجعت ..و الا كان عملت الزي منو عشان ارجعك :)
وغريب نجد :::: ماشالله عليه كبر في عيني اليوم اكثر
والله يديم حسه في سوالف ... بس هذا مو مستغرب عليه
الجود الاصل وكرم الاخلاق ,,, ملموسين فيه ,,,
و الكل يشهد له بهالشي ..
ويسعد صباحك عزيزي ,,,
لا تغيب مرتن ثانيه ...فهمت والا وربي :( بزعل عليك وزعلي
ما ينتحمل .....
وسوها وشوف ..
تحياتي لك اخوي الغالي عامر
ثائر
عاشقة
23-10-2001, 11:03 AM
أهلين بياع
صباحك أشرق:)
رحلة انشاء الله كانت موفقة..
وسلامة الخ غريب..
وتحياتي لك ولجميع الأعضاء:)
بياع القلوب
23-10-2001, 11:04 AM
هلا اخوي ثائر
واسعدني وجودك هذا الصباح في سوالف :)
لا تخاف وانا اخوك انا ما ازعل من الرجاجيل شرواك ، صدقني معرفة الرجال كنز وانا اخوك ... وكثير من الاخوة هنا كنوز ، وهذي مو مجامله ويشهد علي ربي ...
كثير نصادف من اشكال والوان الرجال ، تشوف الكريم والئيم - تشوف الشهم والنذل ، وغيرهم من المتناقضات ...
لكن لا يدوم الا ما يبنى على الود والاحترام ...
لك كل التقدير ولا تخاف باقي معكم ان شاء الله :)
تحياتي
بياع القلوب
23-10-2001, 11:08 AM
هلا عاشقة طلال
وصباح الخير والفرح والسرور :9
الحمد لله كانت رحلة موفقه جدا
واهم شيء لقائي باخوي غريب :) واخواني عبودي1 والهامس :)
كنت بنسوي تفحيط عشان فوز المنتخب بس خفنا بعدين نتأخر عليكم ، يعني ما يصير يحطون اربعة مشرفبن في التوقيف في ليله وحده :):)
لك مني كل التقدير ..
الله يدوم الود والمحبه والاخوة ...
وتسلم يا رب ..
والف سلامة لاخوي غريب ,,,ما يشوف شر انشالله ,,
و الله ثولتني عليه :(
يعني رد على موضوعي وهو تعبان ؟؟:(:(:(
يا ربي ..الله يرجعه لنا بالسلامه ...
وتحياتي لك اخوي
ثائر
بياع القلوب
23-10-2001, 11:26 AM
هلا ثائر
لا هو بخير احين ان شاء الله :)
تحياتي
الحمدلله ...
طمنتني والله ..:)
سلالالالالالالام
ثائر
صمت الكلام
23-10-2001, 12:09 PM
قاعد بجنيف الاخ بياع ...
صباحكم شرقي
متبوع باشواق دافئة
كدفء الخليج المعطاء
بس تدري بياع .... احنا عيال الخليج ما نشوف الدنيا تسوى بدون خليجنا الحااااااااااااااااااااااااااار
الله يديم الامان فيه والسلام
تحياتي لك يا صاحب الصباحات الشرقيه اللي توني اكتشف انك على ما اعتقد تقصد المنطقة الشرقيه وانا كل هالمدة علبالي الشرق الاوسط :)
سعودية
23-10-2001, 12:14 PM
الله يخليكم لبعض ويطرح الخير في ايامك ..
وعلى قولتنا يقبلكم الصحة والعافية ولا يوريكم مكروه بإذنه تعالى ..
وإن شاء الله نفرح فيكم ونشوفكم عرسان ونبارك من قلوبنا يا رب ..
تحياتي لك :)
بياع القلوب
23-10-2001, 01:32 PM
هلا صمت الكلام
شخبارك؟
وحتى لو كنت في جنيف وباريس ولندن ايضا احن الى دفء وحراره خليجنا الهاديء :)
اللي يعجبني في الخليج وخاصة خليج المنطقة الشرقية الدمام والخبر هو طبيعه الهدوء التي نراها في امواجه وتطبعت الناس هناك بذلك الهدوء :)
فعلا يا صمت انا من زمان اتكلم عن صباحات المنطقة الشرقية :) لأنها عشقي الاول والاخير ... وفعلا الله يديم عليها الامن والسلام والهدوء :)
لك مني كل تقدير ولازلت انتظر توقيعي :):)
بياع القلوب
23-10-2001, 01:36 PM
هلا سعودية
شخبارك؟
اشكر لك هذا الصباح الجميل وتلك الامنيات الطيبة من أخت طيبة :)
وأدام على الجميع الصحة والعافيه ....
هي كلمة وحبيت اقولها لأخوي غريب لانه والله المسكين حلفنا عليه ما يتحرك من فراشه لكنه جاء وقابلنا رغم الوقت المتأخر ... :)
والله يقدرني ان تكون ضروفي مناسبه واحضر زواجه بالعيد :)
مع انه ما طب الشرقية الى احين .. معليش ملحوقه ...
تحياتي لشخصك الكريم ولشيطوني وابو شيطوني :)
المبتسم
23-10-2001, 02:42 PM
هلا والله اخوي بياع...
لا والله الف سلامه لاخوي غريب..
صراحه انا من فتره كنت مقهور منه
لانه قاعد يحذف مواضيعي واحد ورا التاني:(
ولمن شفته علي الماسنجر بغيت اذبحه...
بس والله سبحان الله من كلامه حسيت انه
انسان عاقل ورزين واحترمت وجهه نظره...
ومشكوراخوي علي موضوعك...
علي فكره وين اللي اتفقنا عليه؟؟؟;)
تحياتي..
بياع القلوب
23-10-2001, 03:51 PM
هلا اخوي لوبيز
شخبارك؟
ابد اتفاقنا قائم الى الآن وتمت العملية بنجاح
صحيح انا ما شفتك هذاك اليوم لظروف صحيه بس اوفدك بزياره قريبه وبقول لك كل التفاصيل :)
تحياتي
كلامك يعكس شيئين ....
طيبة قلبك و طيبة قلب غريب نجد .....
الاعتراف بالحق فضيلة و هذا اللي انت سويته ....
و كرم أخلاق غريب و الكل يعرف أن غريب نجد انسان ذوق بمعنى
الكلمة فتحياتي لك و له ... :):)
و صباح الأخوة الصادقة :):)
بياع القلوب
23-10-2001, 04:16 PM
هلا ماما توته
لك وحشه والله
انا بخير والحمد لله
وفعلا اشكر غريب على كرم اخلاقه
وادام الله الاخوة والمحبه بين الجميع
تحياتي :)
المبتسم
23-10-2001, 07:48 PM
اهلين اخوي بياع
الف بعيد الشر عنك..
سلامات والله يالغالي...
بس انا ما اقصد اقول ليش ما مريت..
احم...
انا اقصد...
ولا بعدين..
عموما تحياتي لك..
حسينكو
23-10-2001, 10:21 PM
مرحبا بياع
صباح الخير
او مساء الخير بالاحرى
الله يعافي اخونا غريب نجد ويعطيه الصحة
الله يديم المحبة والاخوة عليكم
وتحياتي ودعواتي لغريب نجد بالشفاء العاجل والتام
حسين
بياع القلوب
24-10-2001, 02:19 AM
هلا لوبيز
علم :)
هلا حسينكو
الله يسلمك من الشر
ولك تحياتي
الدكتور ريان
24-10-2001, 05:30 AM
تقابل غريب واحنا ...لا
طبعا ياعم من لقي احبابه نسي اصحابه ....:)
والله شيء جميل ...بس يكمل الموضوع لو حطيت اوصاف غريب الحقيقية (باورطك يابياع الا ينحذف الموضوع هههههه ) بس لازم تمرو على جدة ..ياشباب ...لاتفتوكم الرطوبة ...او على قول مديرنا الربوطة ...هههههههه وترى جدة غير ...باليل ..يعني جوها بارد معتدل ...وقولي في رايح على جدة ..سلملي على جدة :)
ام انتم علشانكم بالشرقية والرياض قريبين من بعض ..اظن كلها 300كليو غرام ..ههههههه
شوف عامر ...انتا وغريب ...ترى يمكن انقل لمستشفى حكومي بالرياض ...ودي ان اشوفكم ...دورولنا محل كوفي شوب وبلياردو نتقابل فيه ههههههههه مو تقفلو جوالتكم ..:) وانا باعطيكم ايميل اول مااوصل ...ومنها نشوف بياع ...يقولو يشبه جواد العلي هههههههه تحياتي عامر وغريب :)
بياع القلوب
24-10-2001, 10:20 AM
هلا وغلا ريانوووه
شخبارك؟
وش يجيبك الرياض ؟
ياخي تعال الشرقية احلى :)
والله نتشرف
لا مو بس قابلت غريب
الا قابلت عبودي والهامس :)
عموما نتشرف بقدومك شرق واترك جده غير :) والشرقية مو بس غير ! إلا غير شكل بعد :):)
الله يهديك :) انت من شفت صروتي مع البعارين قلت اني اشبه مدري مين ؟ ياخي انا تعمدت اتصور معهم عشان ابان احلى واحد :)
ياراجل خلها مستوره احسن ....