View Full Version : خاص بعضوات شلة البنات ---------> انتخابات
ahied
11-11-2001, 02:33 PM
هناك 6 ترشيحات للأسماء :
1- المزيونات -------------> اقتراح تعبان
2- الإرهابيات -----------> اقتراح حور العين
3- الارهابيات المزيونات ----> اقتراحي انا (عهد)
4- شلة الأنس ---------> اقتراح بنت العين
5- شلة غزلان سوالف --------> اقتراح legendالحلم
6- المشاكسات -----------> اقتراح عاشقة طلال
يالله الحين مثل الانتخابات ... اختارن اللي يعجبكن ..
وبعدين على حسب الأغلبيه نقرر الأسم
ننتظر الردود
اختكن عهد
بنت العين
11-11-2001, 02:46 PM
انا اقول المزيونات
يعني يناسب البنات..و نحن ما علينا من الاولاد
تحياتي لجـ:)
ahied
11-11-2001, 02:51 PM
هـــــلا فيج بنت العين
بس انتي اقترحتي شيء ورشحتي شيء .... شلون !!!!!؟؟؟؟؟
بس عادي موب مشكلة اهم شيء رأيج
على فكرة
حلو المقلب اللي سوته اختج فيج
ههههههههههههههههههه
شو اقتراحات البقية للأسم
ننتظر ردودكن
:rolleyes:
بنت العين
11-11-2001, 03:00 PM
يعرفين ليش اقترحت هالاسم..عشان نقهر الاولاد..
و خصوصا اللي مرشح الاسم...<<== امزح..
تبين الحق عيبني الاسم..و يناسب البنات
لا تذكريني باختي انا ارويها..اتفاجئت بردود
وايده هب انا اللي كاتبتنهن..بس خطفت
وقلت انا ارويها..
ahied
11-11-2001, 03:38 PM
مهما كان اختيارج يا هلا فيج
وشوية شوية على المحروسه اختج
:)
حسينكو
11-11-2001, 04:41 PM
المشاكسات
الهبلة
11-11-2001, 05:38 PM
المزيونات
شعنونة سوالف
11-11-2001, 07:50 PM
استحي على وجهك...انت الشاب الوحيد الي دخل..
والله حاله:p
يالا اوت اوت....دخل حسناء مكانك;)
شعنونة سوالف
11-11-2001, 07:51 PM
بصراحه حلو الاسم يكون فيه شقاوه..يعني اسم المشاكسات حلو..يعجبني
والمزيونات كمان....
اش رابكم باسم المشاكسات المزيونات؟؟
اذا لا
فانا ارشح المشاكسات;)
فرفوشة
11-11-2001, 08:09 PM
انا اقول شلة المزيونات
او الارهابيات المزيونات
او على قولة مس لبنان
شلة المشاكسات المزيونات
:):):)
Bent Eldeen
11-11-2001, 08:29 PM
أهلبن
شنو هذا
أغيب كل هالغيبه الطويله ولا أحد يسأل علي :confused:
ولا حتى إيميل واحد :confused:
عموماً Take it easy يعني :mad:
عقاباً لكم ماني قايله لكم ليج غبت :(
حرررررررررره :D
بالنسبه لإسم الشله ...
لالالالا ...
أنا مب موافقه :rolleyes:
إحنا مو إتفقنا تكون عصابه :D
يعني عصابة بناتين مثلاً :D
يالله بسرعه لأني بسويلنا توقيع خاص على الفلاش ....
لا مو بس جذي .....
شنو رايكم إنصمم لنا موقع بعد :eek:
علشان إنخلص على الأولاد :D ههههههههههه :D
فرفوشة
11-11-2001, 08:37 PM
هلاا والله بنت الدين
حلو والله هالاسم
عصابة البنوتات
انا ارشح:
عصابة البنوتات
بس على فكرة من كم عضو تتالف العصابة؟؟
ومين الاعضاء؟؟
ومين الرئيس؟؟؟
Bent Eldeen
11-11-2001, 09:07 PM
إي والله ... إسم حلو
عصابة البنوتات
not bad
يالله بنات
Vote
بالنسبه لعدد الأعضاء, ماأعتقد إنها بتكون مشكله ...
هالشي نتفق عليه بعدين ...
أما بالنسبه للرئيس"ه" :D
فإحنا لازم إنكون متطورين أكثر من الأولاد ...
يعني مافينا رئيسه ...
إنما قائده "Leader"
فاهمه علي :p
يعني منظمة عمليات :D
ههههههههه
فرفوشة
11-11-2001, 09:14 PM
طبعا فهمتك
احنا الحين خلينا ندور اسم للشلة
بعديييييييين القائدة
:):):)
الفقيرة لله
11-11-2001, 09:31 PM
أرشح المزيونات وبعدين فكرة بنت الدين فكرة حلوة والله ياريت نتفق عليها فيما بعد
لكن أحب أعرف الأعمار علشان
كذلك نشوف أكبر سن وأصغر سن ، فبكون هناك طفلة الشلة ألي هي أصغر سن
والدادا بتكون الأكبر نلجأ لها في المواقف الحرجة وناخذ رايها تراها بتكون أكبرنا وعاقلة أكثر منا وفاهمة الحياة أكثر وهناك مطوعة الشلة علشان نحتكم لها في الأمور علشان ما نطيح في الخطأ
أرشح الرئيسة تكون ذات المواصفات التالية وأي وحدة تلاقي فيها هالمواصفات ترشح عمرها
أولا: تكون ذات حنكة وفطنة يعني ذكية
ثانيا : تكون ذا رأي دقيق
كذلك خطيرة في كتابة الخواطر والتعابير الجميلة وكتابة القصص
وتكون عاقلة غير متسرعة في الحكم وصبورة
إن شاء الله بنلاقي كذا
تحياتي
Bent Eldeen
11-11-2001, 09:50 PM
والله أفكار ممتااااااااااازه ...
يالله, إنفتح الإجتماع الطارئ ...
شنو رايكم؟؟
;)
الفقيرة لله
11-11-2001, 09:55 PM
أختي بنت الدين :) والله إنتي الحلوة على فكرة اسمش حلو بنت الدين فنحن بنات الدين ولا نرضى الذل والمهانة للأمة الإسلامية نحن بنات الدين مثال لبنات الدين ونعتز ونفتخر بذلك شو رايك ألحين تنزلين على الماسنجر
وبنتناقش هناك أوكي :rolleyes:
حياش الله
بروح أنزلك في الماسنجر
الفقيرة لله
11-11-2001, 09:58 PM
بس ما أعرف إيميلك ياريت تبعثي لي اضغطي على الفقيرة وراح تقدرين تبعثي لي وبعرف عنوانك وبنزلك معي على المسنجر
:confused:
Bent Eldeen
11-11-2001, 10:18 PM
مشكوره والله حبيبتي على المجامله اللطيفه. وبصراحه إسمك بعد حلو وايد.
بالنسبه للمسنجر أنا ألحين موجوده عليه "أستنى شخص :mad: " ...
أنا برسسلج ألحين إيميلي وبصراحه أتشرف بالحديث معاج...
الفقيرة لله
11-11-2001, 10:22 PM
راح أنزلك وندردش وياش ونشوف أفكار وخطط هههه
المهم سعيدة بوجودك على المنتدى والله ;) أنتظر رسالتك
بحر الحنان
11-11-2001, 11:13 PM
ارشح
البنوتات المشاكسات
لاتنسون تعلموني علايميل
تشاااااااااااو
الفقيرة لله
11-11-2001, 11:25 PM
أخت أم الحنان ماتعرفي تسوي على الإيميل ولا شو قصدك شورايك تنزلي على الماسنجر عندي بنت الدين ألحين;) :p
Bent Eldeen
11-11-2001, 11:40 PM
إضغطوا هني وعطوني رايكم (http://swalif2.tripod.com/banateeen.swf)
شعنونة سوالف
12-11-2001, 01:19 AM
انت من وين تاتيك هذه الافكار الحهنميه؟؟؟؟:p
والله انك خطيره :)
بس يا بنات مايصير هنا نقوم بتبادل الاراء...في جواسيس يترصدون لنا;)
شعنونة سوالف
12-11-2001, 01:20 AM
بنت الدين...التوقيع لم يظهر:confused:
ahied
12-11-2001, 11:03 AM
مـــــــــــرحــــــــــبــــــا يا بنات
ليش ما تتفضلون على طرائف وكاريكاتير
لأنه على هذا الحال رح ننقسم نص في سوالف الاصدقاء ونص في الطرائف .....
وبما ان الفكرة بدأت من هناك من طرائف
فشو رايكن نتجمع في مكان واحد ؟؟؟
ونتناقش
:rolleyes:
ahied
12-11-2001, 11:09 AM
ما رديت على الاستفسار اللي طرحته عليك
منو هيه حسناء ؟؟
حد يشرح لي .... شو سالفتها ؟؟
=========================
مس لبنان can you tell me
حسناء who is ??????????
احب اعرف لو ممكن
:rolleyes:
ahied
12-11-2001, 11:20 AM
misslbnan
(( المشاكسات ))
اول مرشحة لهذا الاسم يا هلا فيج
اختي رسلت لج ايميل .... اذا وصلج ردي عليي
واذا ما وصل بليززز انتي حاولي تطرشين لي ايميل
===================================
Bent Eldeen
(( عصابة بناتين ))
اسم جديد وحلو بس اختي على حسب الاغلبية رح نختار
ما نريد نزعل حد اوكي
اختي رسلت لج ايميل .... اذا وصلج ردي عليي
واذا ما وصل بليززز انتي حاولي تطرشين لي ايميل
===================================
الفقيرة لله
(( المزيونات ))
انتي ثاني وحده ترشح هالاسم ,,,
مشكورة على تواصلج في طرائف ايضا
اختي رسلت لج ايميل .... اذا وصلج ردي عليي
واذا ما وصل بليززز انتي حاولي تطرشين لي ايميل
===================================
أسيل
(( المزيونات ))
ثالث وحده ترشح هالاسم
بس حيرتيني .. في طرائف تقولين شيء وهني شيء ثاني شلووووووووووووووووووووووووووووووووووووووووووووووووون ؟؟؟؟؟؟؟
ههههههههههههههههه
اختي رسلت لج ايميل .... اذا وصلج ردي عليي
واذا ما وصل بليززز انتي حاولي تطرشين لي ايميل
===================================
فرفوشة
(عصابة البنوتات ) اسم جميل بس على حسن الاغلبية شو تريد
اختي رسلت لج ايميل .... اذا وصلج ردي عليي
واذا ما وصل بليززز انتي حاولي تطرشين لي ايميل
===================================
الهبلة
(( المزيونات ))
رابع ترشيح للمزيونات
على فكرة ضحكت وايد على اسمج ههههههههههههه
اختي رسلت لج ايميل .... اذا وصلج ردي عليي
واذا ما وصل بليززز انتي حاولي تطرشين لي ايميل
********************************************
مشكورين اخواتي على تواصلكن ..... اتمنى احصلكن في طرائف
عاشقة
12-11-2001, 12:06 PM
أنا أرشح عصابة البناتين أو المشاكسات...
أفضل..:)
حبيب الامس
12-11-2001, 12:24 PM
:D :D :D
Bent Eldeen
12-11-2001, 01:36 PM
مس لبنان:
TRY IT THIS WAY
http://members.tripod.com/swalif2/banateeen.swf
عهد:
اها
مو مشكله
نلتقي في قسم الطرائف
ولو ان عاشقة طلال هي اللي بدات الفكره من هني :) عصابه :) ههههههه
على فكره حسناء = مس لبنان :)
حبيب الامس:
:):):):D :D :D
ahied
12-11-2001, 02:46 PM
ما يطلع شيء في الوصلة .... أولا
ثانيا : انا موب قصدي شيء بس حسب ما عرفته من البنات
انه الشلة كانت فكرة وما ادري عملتوا بيها او لا بس احدهم
ذكر انها فشلت .. على العموم ان شاء الله ننجح هالمرة
كل قصدي اننا نكون في مكان واحد عشان يسهل النقاش
ولا رح نكون مصخره امام الشباب واحنا ما نريد التفرقة
لأن التفرقة ما تجيب الا الفشل ... بعيد الشر عنا
;)
ثالثا
ليش انتي عصبية جي ...؟؟ ههههههههه خليج coooooooool
:o :o :o :o
ورابعا لج تحياتي الحاره
:rolleyes: عهد :rolleyes:
ahied
12-11-2001, 02:48 PM
زادت وحده على المشاكسات .......
الاغلبية على المشاكسات والارهابيات
ننتظر البقية
:rolleyes:
ahied
12-11-2001, 02:51 PM
زادت وحده على المشاكسات .......
الاغلبية على المشاكسات والارهابيات
ننتظر البقية
:rolleyes:
اختكن عهد
:rolleyes:
ahied
12-11-2001, 03:08 PM
:confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused:
بنت العين ؟؟؟
سويرة الطقاقة ؟؟؟
سحر العيون ؟؟؟
ليش ما تعطون افكار
شو فيكن ؟؟؟
سويرة وين اختفيتي فجأة ؟؟؟؟؟؟؟؟؟؟؟؟؟
نريد افكاركن
على الاقل نحن على نهاية هالاسبوع لازم نقرر اسم للشلة
:rolleyes:
بنت العين
12-11-2001, 03:22 PM
هلا عهود..
شرات ما قلتلج من قبل...اختار المزيونات..
يناسب و حلو..:)
تحياتي لجــ :)
Bent Eldeen
12-11-2001, 03:47 PM
واو عجبتني طريقتج في تحليل الإجابه على شكل خطوات .. :) زي الأساليب إللي نستخدمها في الكليه لحل المسائل المعقده :p وحابه إني أستعيرها منج شوي :cool: :
أولا: إنتي متأكده إن الوصله ماتشتغل :eek: :confused: ياربي شني المشكله :confused: الوصله شغاله عندي وعند الفقيره لله بعد :rolleyes: .
سؤال يابنات, شنو الكود لإضافة الفلاشات في المنتدى؟؟ علشان أبي أوريكم الفلاش إللي سويته...
ثانياً: أنا فاهمه قصدج, بس أستهبل :D كنت بس أبي أقوللك نحن وهنا وشغالين بعد :eek: ههههههههههه ...
ثالثاً: أنا cooooooooool واااااايد (بطيخه إمثلجه معاج :D ) بس كنت أمزح وياج حبيبتي ...
رابعاً وخامساً وسادساً ..... إلخ: مشكوره حبيبتي ... شنو رايج إنصير أصدقاء؟؟؟:confused:
تحياتي لج ....
انا اييد المزيونات... واحسبوني الله يخليكم ..تذكروووووووني تراني والله مشغوله بالاختبارات...:D :D :D
حسينكو
13-11-2001, 12:19 AM
مرحبا اختي عهد
بالنسبة لستفسارك فقد اجبت عنه في موضوعك الاخر
بنت الدين اختي
حسناء لا تساوي مس لبنان
اش جاب لجاب