View Full Version : عضو جديد + ادعو لسيارتي بالشفاء العاجل :(
مكسور الخاطر
01-01-2002, 06:27 PM
السلام عليكم ..
انا عضو جديد ويسعدني بصراحة الاشتراك في هالمنتدى الرائع ..
لكن بصراحة في عيب في هذا المنتدى "منتدى السيارات"
الانحياز الواضح للنيسان .. وانا اقول لكم لاند كروزر و بس ... :)
<========== داش المنتدى بعنف
انا كنت ناوي اكتب اول موضوع عن مقارنة بين "افعال " و "تجارب" بين لاند كروزر و النيسان باترول لكن ... ؟؟!!
سبحان الله
وانا راجع من الجامعه قاعد اجمع معلوماتي عن الاند كروزر وتجاربي الكثيرة معاه ضد خصمه نيسان باترول وصلت الى الدوار وقدامي جي ام سي يوكن هذا اليوكن بيني وبينه مسافة بسيطة حرك شوي هو و سرحت انا حسبت انه راح الا وانا ضارب فيه .. وعينكم ما تشوف الا النور :( !!
نص وجه الاند كروزر مالي راح "جي ستاندر 2001 "في هاللحظة صابني احباط و خيبة امل بس كل شي يتعوض انشاءالله .. وعلى ذلك انا اؤجل موضوعي الى ان يخرج " الستاندر" من الوكاله معافى بأذن الله
دعواتكم شباب :D
الحمدالله ان التأمين شامل ولا كانت اعلووووووووووم :p
وحياك الله معنا في المنتدى
واقولك ترى مب كل اللي في المنتدى يحبون النيسان في نا كثير يحبون
اللاندكروزر
ـــــــــــــــــــ
الله يشفيها من صعقتها ان شاء الله
عسى ما صار لك شي ؟
:D :D :D :D :) ;) :p :cool:
روح الامارات
01-01-2002, 09:07 PM
هلا ومرحبا فيك في المنتدى يا G stander وابقولك يني انا اول واحد في حزب الاند كروزر لأن سيارتي اصلا الاند كروزر VXR واعرف قوتها مقارنة بالنيسان ,وانشاء الله سيارتك ما تشوف شر ,وفي الانتظار لموضوعك عن تجربة الاند كروزر والنيسان بفارغ الصبر:) :)
مكسور الخاطر
01-01-2002, 11:23 PM
السلام عليكم
مشكورين على الردود يا عسل :)
BMW
انا الحمدالله ما تعورت بس الموتر من صوب السايق راح .. :( القهر ان ما اخذ له عندي ثلاث شهور للحين .. الحديد معوض انشالله :)
روح الامارات .. هلا والله فيك ..
موضوعي كله مطارح في مطارح مع نياسين و كامري و سوبارو و حتى البيك اب نيسان "عراوي" .. وبلاووووي ..
بس على فكرة للحين ما جربت اطلع مع نيسان 2002 بس سمعت انه مب هين :)
على العموم كل الاشياء هذي الي سويتها على موتري و الموتر صافي على شد الوكالة وما ابي اعطيكم تفاصيل اكثر خلني اشوقكم للموضوع :):)
بس للاسف راح يتأخر لان الوكاله مسكره "راس السنة" وما راح تفتح الا يوم السبت يعني على بال ما يتصلح الموتر يبيله شهر .. معليه تصبروا :):) جااااااااااااايكم يا عشااااق النيسان انا الي بخليكم تكرهونه انا
شباب الي عنده نيسان من موديل 95-2001 راح يمثل له الموضوع صدمه .. هذا للعلم ... وتحياتي لكم :)
Dentist
02-01-2002, 04:15 AM
هلا فيك اخوي
والحديد معوض انشالله اهم شي انك بصحه وعافيه ولاتشيل هم
وانا بعد والله قبل اسبوع رجع علي هندي ابن كلب معاه كامري98 كان موقف في مواقف مطعم ماريز اللي في شارع ولي العهد ورجع ريوس(ورا) من دون مايكلف على نفسه ويلتفت ويخبط لي الباب الخلفي اللي وراي ... الله لايوفقه
مع ان الماكس لسى مالها شهرين من طلعتها من الوكاله بس والله لما تفكر تقول الحمدلله جت على السيارة طز .. اهم شي صحة الواحد والباقي معوض انشالله
بس احلى شي واللي شوي خفف عني هو اني قعدت اضحك على الشرطي اللي استلم الحادث لانه كاتب في التقرير
الطرف الأول : كامري موديل 93 :D :D :D
قد شفتوا يا شباب كامري موديل 93 ههههههههههههههههه
مكسور الخاطر
02-01-2002, 09:24 AM
والله هالشرطي مو راعيها .. كامري 98 شكلها غير على الاقل يوم انك ما تعرف موديلها شوف شكلها التشكيلة الجديدة ولا القديمة قال 93 قال
شرطة آخر زمن :D
روح الامارات
02-01-2002, 02:23 PM
انصحك جرب ويا النيسان 2002 وشوف النتيجة ,ولو اني عارف النتيجة من قبل :) :)
شباب أنا ملاحظ أنكم مهتمين بالسرعة والمطارحات "وهذا شيء طبيعي بين الشباب" لكن المشكلة أنكم تتكلموا عن سيارات لا هي حق سرعة ولم تصمم أبداً عشان تكون سيارة مطارحات.
يعني السيارات اللي تتكلموا عنها كم تسارعها ؟؟؟؟
يمكن أفضل سيارة تجيب 9 ثواني ، هل هذا الرقم مثير للأعجاب؟؟؟
مسكين
مالقيت الى يوكون تصدم فيه
الله يعوضك احسن منها(وش رايك تاخذ يوكون:D )
NFS
يمكن أفضل سيارة تجيب 9 ثواني ، هل هذا الرقم مثير للأعجاب؟؟؟
معاك حق المطارحات كثرت بشكر غير طبيعي
ألأعرابي
02-01-2002, 04:05 PM
يا حبايبي الموضوع موب موضوع سرعه
سرعة الجيب تكفي أنها تكون قويه لدرجة أنها تشد البر
يعني مو شرط تجيب 250 حتى يكون جيب فعال
لكن المهم في الجيب قوة تحمله قلة أعطاله , و راحة السائق و الركاب
مكسور الخاطر
02-01-2002, 10:01 PM
يعطيكم العافيه شباب
اخوي NFS
في الخليج اهني وغالب الدول وانا اخص بالذكر "قطر " و "الامارات" .. اغلب السباقات و المطارحات بين الشباب اتكون بين الاند كروزر و النيسان و الشروكي و اليوكن وهذي الموتار الستيشن سرعتها اعتقد مب سهله كونها سيارة جيب اما اذا انت تقصد ان المطارح و السباقات مخصص للسيارات السريعه .. فراري .. بي ام دبليو .. مرسيدس ... وغيرها من السيارات فانا اقولك هالسيارات اول شي توجدها في الخليج موجود لكنه مب مثل الاند كروزر ولا النيسان بترول وبعدين اذا خبطت البي ام ولا الاودي كم يبغيلك اتصلحها ؟؟؟ :confused:
واخيراً .. امتع مطارح مطارح السيارات الاستيشن .. الجيب وخاصة اذا الطرفين جير عادي ... :) .... وجهة نظري
تحياتي لكم
كابريس
03-01-2002, 12:54 AM
ايش هي مواصفات سيارتك وهل هي أقل نوع في اللاند كروزر؟:)
مكسور الخاطر
03-01-2002, 01:49 AM
هلا كابريس .. غريبه ما تعرف الجي ستاندر ؟ :)
ما اظنه منتشر بالسعودية لكنه في قطر منتشر وايد ..
الجي ستاندر هو اقل نوع في الاند كروزر من ناحية الكماليات ..
يعني بدون مكيف ورا ولا قفول كهربائية "ركبتها لها ;) " وبعض الكماليات لكن المحرك نفس محرك GX-R 6 سلندر و 24 صباب و 4500 ..
هالموتر معروف بقوته وسرعته لانه خفيييييييييييييف و لهالسبب اغلب دوريات الشرطة حالياً تستعمل هالموتر ... اظن سعره في السعودية ارخص من الدوحة ... 94 الف ريال كاش .. اظن
تحياتي
ألأعرابي
03-01-2002, 01:56 AM
يا حبيبي
جي ستاندر
ابغي اصحح لك شيء
ليس اسمه جي-ستاندر
هي
جي-ستاندرد
G-standard
و ستاندر بالأنجليزي يعني عادي
و في هذه الحاله المقصود مواصفات عاديه
ما عليها زود
مكسور الخاطر
03-01-2002, 02:03 AM
ادري والله يا الاعرابي .. بس بين الشباب المتعارف عليه يسمونه ستاندر ..
كابريس
03-01-2002, 12:29 PM
طيب الفل ابشن ايش مواصفاته؟:D
تعبناك معانا:D
بودمعة
03-01-2002, 03:39 PM
مسكيييييييييييييييييييييييييين
مكسور الخاطر
03-01-2002, 03:59 PM
هلا اخوي كابرس
الفول ابشن لازم يكون من فئة VX-R المحرك بيكون 8 سلندر 4500 و طبعاً كماليات ثانيه مثل الجلد وغيره مع العلم ان الجلد ما ينزل على كل من
GX-R , GX , G
والشيء الثاني الـ VX-R دفع بالعجلات الاربع إلى الـ 80 وبعدين يفصل .. المسجل و الراديو مختلف و فيه زينون في اليتات .. و رنجات VX-R غير ,, المنيوم .. هذي مواصفات الفل ابشن بشكل عام
تحياتي
G-Stander
صحيح وأنا ملاحظ هذا الشيء عند الشباب في دولة الأمارات و دولة قطر لكن عندنا هنا في شرق السعودية سيارات الدفع الرباعي مش بذاك الأنتشار وما حد ياخذها إلا العوائل وإللي ما تبي تشتري شيء أمريكي "السوبربان وطخته".
كابريس
04-01-2002, 11:42 PM
مشكووووووووووور:)