View Full Version : سرقات بالجمله .....السماوي يسرق المواضيع منا
غريب السيف
11-01-2002, 08:42 PM
لحقوا يالربع ترى فيه واحد من موقع بن دبي اسمه السماوي يسرق مواضيعكم ويحطها في واحه السيارات هناك... لا وبعد المواضيع منقوله نقل..
والاخوان اللي تعرضوا للسرقه هم
SHAT6OON
AMG
SNOOPY
والعدد راح يزيد لان واحه السيارات جديده هناك
لازم نوقفه عند حده
اضغط على الوصله وادخل واحه السيارات وشوف السرقه
http://oasis.bindubai.com/oasis.cgi?s=3c3ef8a51df9ffff;act=SF;f=21
محد يقدر يتفوق على منتدى سوالف
الراوي
11-01-2002, 08:53 PM
كلام اخوي صحيح ؟ انا موضوعي " أقوى فايبر على الاطلاق " انسرق !
وتصحيح لأخوي غريب السيف اسمي ShaY6ooN مب SHAT6OON :)
F-150
11-01-2002, 08:55 PM
والله سرقه عيني عينك حتى العنوان ماتغير
لكن ما باليد حيله الموقع مفتوح و الكل يقدر ياخذ منه إلي يبغى
والله تصلح تكون ((مخبر الموقع)):D
غريب السيف
11-01-2002, 09:04 PM
شكرا لتفعالكم معاي ...
الاخ SHAY6OON اسف للخطأ عير المقصود نتيجه للاستعجال
الاخ F-150 فكرتك حلوه:D :D
ألأعرابي
11-01-2002, 09:40 PM
وشفيها؟
خل يسرق
احنا ألصل و هو التقليد و في النهايه الفايده تعم الجميع!
F-150
11-01-2002, 09:49 PM
صح مو مشكله ياخذ لكن من باب الذوق إنه ينوه ويقول في آخر الموضوع عن المصدر
هو يفكر إنه ماحد حوله
مايدري إنـه عندنا أعضاء أكفاء
على فكره إحنا مانبغى نحش في الرجال بدون مايدافع عن نفسه
إحنا نتمنى إنه يسجل معانا ويدافع عن نفسه ويقول لنا إذا إحنا فهمنه غلط أو لا
يعني (((لاتضلمون الرجال)))))))))
IMPALA SS '96
12-01-2002, 05:27 AM
أولا: نشكرك على إهتمامك بالمنتدى .........
غريب السيف إنت داخل بإسم حكومي في ذاك المنتدى؟؟
تراه حكومي شرشح الكذاب الحرامي مزبوط......"مظبوط" يعني "عدل"
لا ومسوي مسكين وتعبان بمواضيعه........قال إيش أعذروني ما ترجمت زين......:mad:
وترى ما أتوقع هذا الحرامي نيته طيبة ولا سواها عفويا و من باب نشر الفائدة...........
وتراه حرامي ذو غباء عنيف........كل شي منقول حرفيا.......
يالله.........خليه يسرق.....بكيفه......
والله لو إنه رجال خليه يدخل بنفس الإسم عندنا في المنتدى و يواجهنا........
صدقوني سأُحْرَم من الكتابة بعده.........:D :D
تحياتي وخليك مصحصح معانا يا غريب السيف ولاّ ترى الإستقالة تستناك.......في درج المكتب.........:D :D "أمزح"
بما انه يسرق مواضيع كثيره
فاكيد انه يدخل سوالف دائما
وبيشوف الموضوع هذى(انتبهو لا يسرقه)
ابغى احذره واقوله
سماوي لو حولت تسرق موضوع ثاني بتكون جنيت على نفسك وبتجيب نهايتك بيدك :mad:
Z28*POWER*
12-01-2002, 06:00 AM
عندي حل محطم
ليش ماتروحون و تسجلون في المنتدى الي هو يكتب فيه و تفضحونه و تخبروون المشرفين هناك عنه:mad:
*SS* POWER
12-01-2002, 06:51 AM
أخوي SS *power*
هذي اسمها أمانة أدبية
وأي شخص يحب ينقل موضوع لابد أن يشير إلى كاتب الموضوع الأصلى لا أن ينسبه لنفسه
=====
E55
الراوي
12-01-2002, 12:48 PM
*SS* POWER
كل واحد مسئول عن نفسه وانا الحمدلله عمري ما سرقت
واحب انوه ان النقل غير السرقه
النقل معناه انه ينقل موضوع ويذكر مصدره عشان ما تضيع الجهود
والسرقه معناها انه ياخذ موضوع وينسبه لنفسه !
وهي مب اسرار حربيه ولا فلوس لكن جهود ناس ؟
http://oasis.bindubai.com/oasis.cgi?s=3c400f80708affff;act=ST;f=21;t=1869
كرمبع
12-01-2002, 03:33 PM
سلام عليكم...
صحيح حقوق الطبع مهمة ويعاقب عليها القانون بس كلنا اخوان وعرب واعتقد مافيها شي لو الكل يستفيد..
ونشر مواضيع الكتاب يكفيهم فخر ان موضوعهم لاقى متابعة كبيرة ودليل ذلك انه انتقل لمنتديات اخرى...
ومن حسن الذوق انه يكون في النهاية توقيع يبين مصدر الموضوع لعدم ضياع حقوق الكاتب..
وتقبلوا تحياتي
غريب السيف
12-01-2002, 04:41 PM
شكرا لتفاعلكم وغيرتكم على منتدى سوالف
ترى اللي يحب نقل المواضيع لازم يشير لصاحبها
او يستأدن منه ...مو يلطها لط وينسبها لنفسه
وترى (حكومي) صاحبي الروح بالروح وكتب كل شي بناء على طلبي
وما قصر وانا اشكره وايد
وانا وحكومي وراه:D :D :D
والبركه فيكم
انا راح ارفع قضية كيف يسرقون موضوعاتي لا واونهم هم اللي يتعبون ويكتبونهم انا راح افضحهم شر فضيحة :mad:
L.O CUSTOMS
12-01-2002, 05:55 PM
تكفون يا أسرار الدوله!!
الله وأكبر الرجال فعلاً تعب وكتب الموضوع والثاني سرقه لاكن ما يحتاج لكل هاذي البهدله
--- الحل---
ان المشرفين يقفلون المنتدى ولا يدخله غير للمصرح له بالكتابه!!
ولا على كذا كل واحد بيقعد يشتكي انا كتبت وإنسرق موضوعي بالموقع الفلاني وانا وانا
الحل زي ما قلت لكم ولا ليش نكتب مواضيع
وأنا بالنسبه لي (تيكت إيزي) ما في اي مشاكل الدعوه موضوع لاكن في بعظ المواضيع الي تكتب حرام تسرق مثل المواضيع الطويله او تفصيل سياره او شي من هاذا القبيل فأنا اشوف انه حرام لإن صاحب الموضوع بيلخص ويطلع كل الي في رأسه
لاكن انا اشوف ان افضل حل مكتوب فوق
ويا شباب هذا رأيي الشخصي ما اقصد فيه احد او اخر
وفعلا المواضيع الي حرام تنسرق مثل مواضيع AMG:(
اسف على الإطاله:(
*SS* POWER
12-01-2002, 08:46 PM
وهذه سرقات جديده :D :D :D وما خفي كان اعظم
يلا ورونا شطارتكم وفضحوهم
http://www.eqla3.com/cgi-bin/cgi/ultimatebb.cgi?ubb=get_topic&f=24&t=000911
http://www.eqla3.com/cgi-bin/cgi/ultimatebb.cgi?ubb=get_topic&f=24&t=000895
http://www.eqla3.com/cgi-bin/cgi/ultimatebb.cgi?ubb=get_topic&f=24&t=000888
http://www.eqla3.com/cgi-bin/cgi/ultimatebb.cgi?ubb=get_topic&f=24&t=000903
http://www.eqla3.com/cgi-bin/cgi/ultimatebb.cgi?ubb=get_topic&f=24&t=000892
في ساحة الإقلاع شعارهم :
( نحن نبدع وغيرنا يتبع )
إذا ... لابد أن يكون شعارنا في سوالف السيارات :
نحن نبدع ، وغيرنا ينسخ
والمنتدى هذى ماعنده مشرف نتفاهم معاه؟؟
((احسن من استخدام الحل الاخير))
L.O CUSTOMS
13-01-2002, 03:45 PM
بعد
حتى الإقلاع نهبونا اجل وش بقى :mad: