يجبر مصابي فيك

[حبيبها]

لتذكيركم بحبيبها .. وان كنتم تستحقون الافضل :



رغم الجروح ورغم سكين ذكراك
رغم احتضاري لاتغيبت مابيك

مابيك وايامي بعد كل ماجاك
ملت ومل من العطا قلب مغليك

قلب تهيالك واسكنك واهداك
كل الشعور اللي خلا منه ماضيك

واسرج لك ظهور المسرات واسداك
من لوعته ليل غفا في لياليك

يلهم ذويك بداخلي درب سلواك
رب سكب في داخلي كل مافيك

والا الجريح اللي تمناك واعطاك
نبض لعب في حسبته موج طاريك

يجبر مصابه فيك انه بلياك
يدفن وراك اكبر واصغر بلاويك

يحسن عزا صبره على كبر بلواك
مادام قفت بالهقاوي هقاويك

[ابو مالك]

حمدلله كان هناك نبض بهذا المنتدى حمدلله حمد لله حمدلله

[البحاري]

مع أني لا أحب الشعر الشعبي :)

لكن كلماتك ذات معاي جميلة :)

[حبيبها]

ابو مالك :

كلنا مقصر بحق العزيزة سوالف .. معك حق


===========

البحاري :

ذائقتك الاجمل ..تابعه وسيجبرك على حبه


لكم جميعا تحياتي

[كريم سبلا]

الاخ العزيز حبيبها


الحمد لله علي السلامه



وصح لسانك مليوووووون


والله يجبر مصابك .زبس من قاللك اننا نسيناك




لك تحياتي....

[حبيبها]

وشلونك ..
ياخوي والله تهنا بهالتقسيم الجديد ..

لك وللغالين وحشه ..

وكل عام وانت والطيبين بخير