أمير أبوظبي
01-03-2002, 10:02 PM
السلام عليكم ورحمه الله وبركاته
بدون مقدمات انا بتكلم عن قصه ادماني ........مب الادمان الي في بالكم لا ....انا اقصد ادمان الانترنت.....انا ادري ان تفكيركم راح بعيد :D
انا بدت عندي الحاله ( الله يفكلكم منها ) من ست سنوات..ايام ماكنت طالب ادرس في امريكا
...كان بدايات عام 1994 من اول ماظهرت الانترنت وقبل لا تنتشر .. انا بصراحه ( والعياذ بالله من كلمه انا ) اعتبر عمري من رواد الانترنت في القرن العشرين .. لاني من الاوائل الي استخدموها ..... (خلوني امدح عمري شوي ) :cool: بس ماكنت ادري ان الانترنت مهمه ..ونها بتدخل كل بيت .. بهاذي السرعه .. وان الكل بيحتاجها مثل مايحتاجون التلفون في حياتم ...صارت شي ضروري ...بس كنت استخدمها على شان اقرا الصحف المحليه الي كانت تصدر في دوله الامارات .. لانه صعب علينا في امريكا نحصلها .....
على العموم .....
الانترنت كانت شي هامشي في حياتي ماكنت اهتم فيها ذاك الزود .. كانت بالنسبه لي مثل المجله الي تكون مفروره على الرف .. لين مااحس اني محتاجله ......اسير واتصفحه
مرت الايام والليالي والكمبيوتر مفرور في زاويه البيت ...ماكنت التفت له .. كنت احسبه شي يديد وانتهت موضته .. وانه الي فيه صار ممل (على بالي مجله ومليتها)
حتى وصل اليوم الي غير نظرتي للانترنت
واليوم هذا كان يوم بااااااااارد ......والثلج ينزل بغزاره .. حتى اذكر اني شغلت التلفزيون على شان اشوف اخبار الطقس .. ولا اني اسمع المذيع يقول " تتوقع المصادر الجويه انه ينزل ثلج غزير وننصح سكان المدينه مايضهرون من بيوتم لينما يوقف الثلج لانه فيه خطر على حياتم" هذا الكلام الي قاله المذيع كله بالانجليزي طبعا ( وكان شكله جدي وحواجبه متصاكات من كثر الجديه ) ..لدرجه حسيت انه يقول استعدوا للحرب ز
انا اذيك الساعه على طول رحت للثلاجه اتفحص المأونه ...وكانت خيبه امل كبيره مرسومه على ويهي بعد ماشفت الي في الثلاجه ...لانه الشي الوحيد الي لقيته كان حليب ..وكيس خبز ..وجبن .....(قلت في خاطري يالله زين ..خبز وحليب أحسن من لا شئ)
وعلى فكره انا كنت وحيد في الشقه محد يرد على الصوت غير صوت التلفزيون ....مر اليوم الاول .. والثلج ينزل ..ومر اليوم الثاني ... وأنا عيني على الشباك اطالع الثلج وهو ينزل ...والثلج ماهو راضي يوقف ...وخلص اليوم الثاني ...وطل اليوم الثالث .. والثلج على حاله مستمر ( حسيت اني اكره شي اسمه ثلج اذيك الايام ) :(
وفجأه ..طاحت عيني على الكمبيوتر .. ;)
قلت يالله بطقطق على الكمبيوتر شوي ..عسى اني أسلي عمري الملل
المهم شغلت الكمبيوتر...ودخلت على الانترنت ...وتميت ادخل من موقع لموقع .والي عجبني اكثر مواقع الدردشه ...كنت اكلم ناس ..من جميع الجنسيات ...بس كانت لغتنا وحده ...وهي الكلام لمجرد الكلام...ليس لهدف معين ولكن لتمضيت الوقت والتسليه .. والمناقشه
التفتت على الساعه ولقيتا انه مر على تقريبا خمس ساعات ...بدون ماحس ...بس حسيت اني كنت تعباااااان ومرهق ...وأني سويت شي في يومي الطويل هذا .....وحسيت انا الملل الي كنت احسبه راح ... راح لاني تكلمت مع ناس .. انا صدق ماسمعت اصواتم وهم يكلموني ... ولا شفت اشكالهم ...بس حسيت انه حد كان معي ;)
بعدها سكرت الكمبيوتر ..وفتحت على نشره الاخبار على شان اعرف شو اخر اخبار الثلج ......وطلع المذيع بطلته البهيه يقول .. انه الثلج وقف .. وانه اليوم التالي بيكون جميل ومشمس :)
ومن اذيك الايام وأنا مدمن ....نعم مدمن ....بس أدمان جميل ..اتمنا لكم ادمان موفق يا أعضاء سوالف :D
بدون مقدمات انا بتكلم عن قصه ادماني ........مب الادمان الي في بالكم لا ....انا اقصد ادمان الانترنت.....انا ادري ان تفكيركم راح بعيد :D
انا بدت عندي الحاله ( الله يفكلكم منها ) من ست سنوات..ايام ماكنت طالب ادرس في امريكا
...كان بدايات عام 1994 من اول ماظهرت الانترنت وقبل لا تنتشر .. انا بصراحه ( والعياذ بالله من كلمه انا ) اعتبر عمري من رواد الانترنت في القرن العشرين .. لاني من الاوائل الي استخدموها ..... (خلوني امدح عمري شوي ) :cool: بس ماكنت ادري ان الانترنت مهمه ..ونها بتدخل كل بيت .. بهاذي السرعه .. وان الكل بيحتاجها مثل مايحتاجون التلفون في حياتم ...صارت شي ضروري ...بس كنت استخدمها على شان اقرا الصحف المحليه الي كانت تصدر في دوله الامارات .. لانه صعب علينا في امريكا نحصلها .....
على العموم .....
الانترنت كانت شي هامشي في حياتي ماكنت اهتم فيها ذاك الزود .. كانت بالنسبه لي مثل المجله الي تكون مفروره على الرف .. لين مااحس اني محتاجله ......اسير واتصفحه
مرت الايام والليالي والكمبيوتر مفرور في زاويه البيت ...ماكنت التفت له .. كنت احسبه شي يديد وانتهت موضته .. وانه الي فيه صار ممل (على بالي مجله ومليتها)
حتى وصل اليوم الي غير نظرتي للانترنت
واليوم هذا كان يوم بااااااااارد ......والثلج ينزل بغزاره .. حتى اذكر اني شغلت التلفزيون على شان اشوف اخبار الطقس .. ولا اني اسمع المذيع يقول " تتوقع المصادر الجويه انه ينزل ثلج غزير وننصح سكان المدينه مايضهرون من بيوتم لينما يوقف الثلج لانه فيه خطر على حياتم" هذا الكلام الي قاله المذيع كله بالانجليزي طبعا ( وكان شكله جدي وحواجبه متصاكات من كثر الجديه ) ..لدرجه حسيت انه يقول استعدوا للحرب ز
انا اذيك الساعه على طول رحت للثلاجه اتفحص المأونه ...وكانت خيبه امل كبيره مرسومه على ويهي بعد ماشفت الي في الثلاجه ...لانه الشي الوحيد الي لقيته كان حليب ..وكيس خبز ..وجبن .....(قلت في خاطري يالله زين ..خبز وحليب أحسن من لا شئ)
وعلى فكره انا كنت وحيد في الشقه محد يرد على الصوت غير صوت التلفزيون ....مر اليوم الاول .. والثلج ينزل ..ومر اليوم الثاني ... وأنا عيني على الشباك اطالع الثلج وهو ينزل ...والثلج ماهو راضي يوقف ...وخلص اليوم الثاني ...وطل اليوم الثالث .. والثلج على حاله مستمر ( حسيت اني اكره شي اسمه ثلج اذيك الايام ) :(
وفجأه ..طاحت عيني على الكمبيوتر .. ;)
قلت يالله بطقطق على الكمبيوتر شوي ..عسى اني أسلي عمري الملل
المهم شغلت الكمبيوتر...ودخلت على الانترنت ...وتميت ادخل من موقع لموقع .والي عجبني اكثر مواقع الدردشه ...كنت اكلم ناس ..من جميع الجنسيات ...بس كانت لغتنا وحده ...وهي الكلام لمجرد الكلام...ليس لهدف معين ولكن لتمضيت الوقت والتسليه .. والمناقشه
التفتت على الساعه ولقيتا انه مر على تقريبا خمس ساعات ...بدون ماحس ...بس حسيت اني كنت تعباااااان ومرهق ...وأني سويت شي في يومي الطويل هذا .....وحسيت انا الملل الي كنت احسبه راح ... راح لاني تكلمت مع ناس .. انا صدق ماسمعت اصواتم وهم يكلموني ... ولا شفت اشكالهم ...بس حسيت انه حد كان معي ;)
بعدها سكرت الكمبيوتر ..وفتحت على نشره الاخبار على شان اعرف شو اخر اخبار الثلج ......وطلع المذيع بطلته البهيه يقول .. انه الثلج وقف .. وانه اليوم التالي بيكون جميل ومشمس :)
ومن اذيك الايام وأنا مدمن ....نعم مدمن ....بس أدمان جميل ..اتمنا لكم ادمان موفق يا أعضاء سوالف :D