سوالف للجميع - بطوله تل المرعب

Crower

25-10-2002, 08:07 PM

اختتمت مساء امس البطوله
و مثل ما قلت للعديد من الشباب احتكر فريق ابوظبي تيم ( عباره عن فريق من الشباب و لكن ما يشاركون بالاسم هذا رسميا ) المراكز الاولى و الثانيه في كافه فئات الدراجات الناريه بلا منازع
و في بطوله السيارات تميزت المسابقه بكثره الاعطال الفنيه!!! و تقريبا كل سيارات الجيب تعرضت لاعطال فنيه؟؟
و لكن اسفرت عن وصول سياره الكلباني من العين الى القمه ( نيسان و بس) و اتمنى من الشباب يمدونا بالمعلومات عن فئه السيارات ( المزيد ان كان بالامكان.............;)

فاهم

25-10-2002, 08:10 PM

النيسان جم مديله
او ماقلتلنا شصار على موتركم شسواااا ما بيض الويه :)

Crower

25-10-2002, 08:22 PM

و الله قوته ما فيها حيله..... بس اول تجربه ما خفينا التواير راح مسافه حلوه ثاني مره خفينا التواير على اساس المره هاي بيروح فوق ما قصر على طول كسر الديفريشن:D
خيرها في غيرها المم المركز الاول واحد من الربع و يكفي.......
انا خبروني كل التفاصيل بس لاني في بريطانيا تعرف يعني؟؟
فما اعرف بالضبط تفاصيل السياره

روح الامارات

26-10-2002, 02:05 AM

هلا والله اخوي كرور ,رحت المسابقة والصراحة فءة الثماني سلندر هي الاقوى بس مثل ماقلت ياريال بعض المشاركين مامدالهم توهم بيصعدون الا وظهرت الاعطال ,جيبين رانجلر اول ماضربوا الصعده نقع عندهم الدفرنش وثلاث نياسين وصلوا للنص وبعدين احترقت المكينه عليهم :( :(
يعني ماشاء الله اسم على مسمى والرمله مب هينه هناك (تل المرعب) .:eek: :eek:
بس يبض ويهنا راعي النيسان وصعد ماشاء الله عليه وهنيئا له على الفوز :) .
وشكرا اخوي كرور على الموضوع :)

فاهم

26-10-2002, 02:07 AM

ماقلتولي يا جماعه اي مديل النيسان

يا جماعه ترا الدبل ما يستحمل القوه هذي كلها والله من جذي تلقى المواتر بسرعه تطق:)