كل شئ عن راديتر السيارة !!!!!!!!

[الأنصاري]

بسم الله الرحمن الرحيم

بحاول في هذا الموضوع اتكلم عن راديتر السيارة والمشاكل والخرابات الي ممكن تواجهونها والحلول لها اتمنى ان اشمل جميع الجوانب خاصة مع خبرتي المتواضعة:D :D

طبعا مقدمة بسيطة الكل يعرفها ان بدون الراديتر تحترق مكينة السيارة لأن الراديتر يعمل على توفير درجة حرارة متوازنة للسيارة وتختلف الراديترات في الحجم حسب سعة المحرك وعدد السلندرات وحتى نوع السيارة ((سيارات الى عليها تيربو لها راديتر خاص)) وطبعا الراديتر له ماء خاص اسمة اثلين الجاليكون والسبب في اضافة هذا الماء ان يتخر على درجات حرارة مرتفعة مش زي الماء العالي


المشاكل : المشكلة الأولى هي ان الراديتر يتلف او يصير فيه ليك ((تسريب)) نتيجة لعومل عديدة
العامل الأول : الماء ينفذ وانت نسيت تملية وما لاحظت ارتفاع درجة الحرارة مما ادى الى تلف الراديتر

العامل الثاني: عطل مضخخة المياة ((الواتر بمب)) مما لايسمح للماء ان يكون دورة بسرعة جيدة فتترفع الحرارة ويتلف الاديتر

العمال الثالث: تعطل المروحة ((كلج المروحة)) وهو ايضا يسبب ارتفاع درجة الحرارة ويتلف الراديتر

اسباب التلف وعدم نفع التصليح : الوكالات تهمهم المكاسب لذلك اغلب الراديترات راسها مصنوع من البلاستك وبعد ارتفاع درجة الحرارة ينصهر البلاستك ويتسرب الماء
ولا يمكنك تصليح الراديتر الا باستخدام المعجون ((حل فاشل)) ولا يمكنك لحام البلاستك مع الحديد او النحاس لذلك لازم تشتري راديتر جديد

انتبه : عندما يتلف الرادتر افحص المروحة ومضخة الماء حتى لاتركب راديتر جديد و تتكرر المشكلة

الحلول : امامك واحد من حلين شراء راديتر جديد من الوكالة او تجاري ((ما انصح))
الحل الثاني شراء او تفصيل راديتر المونيوم من الشركات الجديدة المتوفرة في اغلب دول الخليج
الحلو في راديتر الألمونيوم او النحاس ان يمكن لحمة بعد تلفة والشئ الثاني انه مضمون حيث انك تاخذ ضمان من 3 الى 5 سنوات عليه والسعر نصف قيمة الأصلي من الوكالة

وهذة بعض الصور
اولا راديتر المونيوم
http://assado.jeeran.com/0144.jpg

ثانيا:راديتر وكالة http://assado.jeeran.com/0145.jpg
ثالثا: راديتر تالف مانفع معاه اي حل

http://assado.jeeran.com/0146.jpg

[غالية]

اشكرك على الموضوع المفيد..
يعطيك العافيه:)

[CAMARO4EVER]

مشكوووور على هذا الشرح والصور ..






تحياتي لك ...

http://www.bahrainevents.com/vb/images/avatars/1739.gif

[الأنصاري]

غالية ,camaro4ever
العفو ماسوينا شئ

[DodgE]

يعطيك العافيه أخوي بو عبود

وأحب أهنيك مو بس على هذا الموضوع أنتقائك للمواضيع جيد وملفت نظري بصراحه وأحب أهنيك مره أخوي وللأمام

تحياتي

[Lorinser]

تسلم أخوي عالموضوع المفيد :)
بالنسبة لحجم الراديتر .... يقولون كلما زاد عدد العيون يعني العرض يكون احسن ؟

[ddt]

مشكور على الموضوع القيم

ولو تخبرنا عن انواع ماء الراديتر اذا سمحت

[الأنصاري]

DodgE الله يعافيك والله احرجتني وشهاتك اعتز فيها

بالنسبة للحجم اعتقد هو يعتمد على سعة المحرك في المقام الأول

نوع الماء
هونوع واحد ماء لونة اخضر مكتوب علية جلايكون وشركات عديدة تصنعة
بس في اوربا تختلف التركيبة لأن الماء دورة ان يرفع درجت الغليان في المناطق الحرارة عشان مايتبخر بسرعة

اما في المناطق الباردة يخفض درجت الغليان عشان مايتجمد الماء

[HaKeM]

مشكور أخوي بو عبود على هالموضوع المفيد.

المعلومة هذي صحيحة ولا خاطئة سويناها في الجمس لمن غيرنا رديتره وكالة أول ماركبناه مليناه بمويه الرديتر الخضره تقيلة شويه يقول المهندس فيها ماده تحفظ الرديتير وبعد كده دايمن لمن تنقص المويه نعبيها مويه مقطره الي تيجي في قوارير لون القاروة الخارجي أحمر.

[زورو الامارات]

السلام عليكم


موضوع متميز يا بوعبود تحياتي لك :)

[ACCORD-V6]

رد مقتبس من زورو الامارات
-------------------------------------------------------------------
موضوع متميز يا بوعبود تحياتي لك
-------------------------------------------------------------------

[خليل أبو سمرة]

رد مقتبس من زورو الامارات
السلام عليكم


موضوع متميز يا بوعبود تحياتي لك :)

:glasses: SL 55 AMG:glasses:

[الأنصاري]

حاكم العدل مافي ضرر اضافة ماء اذا كان في نقص بسيط ولكن من الأفضل تضع الماء الأخضر وعلى العموم هو اصلا سعرة رخيصة مادري 6 ولا 7 ريالات

زورو الإمارات
ACCORD-V6
SL 55 AMG
العفو

[نواف بن أحمد]

رد مقتبس من camaro4ever
مشكوووور على هذا الشرح والصور ..






تحياتي لك ...

http://www.bahrainevents.com/vb/images/avatars/1739.gif

[760IL]

طيب اذا كان دخل في الراديتر شويت رمل ايش الحل .....

[الأنصاري]

اخوي 760IL
يمكن ما اعطيك جواب وافي بس اذا الرمل كان في مطارة الماء هذة سهلة لأن المطارة تنفك وتتنظف
واذا كان الرمل من خارج الراديتر ممكن بمنفاخ الهواء ((مالها تاثير))
بس اذا دخل مع الماء في المطارة الى الراديتر فافضل شئ تفضي كل الماء الي في الراديتر وتحط ماء جديد
لأن الماء في الراديتر تصيرلة عملية دوران واذا انت خايف او شاك فضي كل الماء وحط ماء جديد
بس ما اعتقد ان لها تاثير ايش يدخل الرمل داخل الراديتر

[الأنصاري]

مزيد من التوضيح
اولا اعتذر بسبب عدم جودة الصور لأنها ملتقطة من هاتف
والصراحة الخبرة الي حصلت عليها جائت من تعرض لهذة المواقف لأن والحمد لله جربنا السيارات الأمريكية واليابانية والألمانية
وكان عندنا مرسدس قديم 84 ومادري لو كانت هذة المشكلة موجودة في المرسدسات الجديدة ولكن تلاحظ ان السيارة تسخن كثير عكس الياباني والأمريكي ولذلك اخترب الراديتر في هذة السيارة وبدات المشاكل تطلع صحيح الواحد خسر فلوس بس اكتسب خبرة يعني احيانا يكون في البيت سيارة قديمة شئ جيد لأن الواحد يكتسب خبرة من الخرابات اما الياباني خراباتة قليلة ماتقدر تكتسب خبرة :D :D ((امزح))

هذة صور زيادة تزيد التوضيح
هذة صورة مطارة الماء
http://assado.jeeran.com/0151.jpg
تلاحظ ان في انوب للخارج وانبوب في الداخل
الخارجي يخرج الماء الزائد عن الحاجة
http://assado.jeeran.com/0152.jpg
هذة صورة علبة الماء الأصلية لسيارات جمس وشفر ((الوكالة))
طبعا لا احد يشتريها سعرها غالي على فاضي بس انا حصلتها صدفة في المخزن قلت اصورها
http://assado.jeeran.com/0153.jpg

[روح الامارات]

يعطيك العافية اخوي بو عبود على هذه المعلومات القيمة :) :) لكن عندي سؤال بخصوص ماء الراديتر , وكالة تويوتا تضع ماء احمر للراديتر يسمى COOLENT LONG LIFE على سيارتها لكن انا ابغي اغير احط ماء اخضر فهل ذلك بيساهم في خفض درجة حرارة سيارتي....؟ اغلب ربعي استعملوا نوعية الماء الاخضر وهم مرتاحين منه وانا متردد...؟
تحياتي
روح الامارات

[الأنصاري]

اخوي روح الامارات والله من ناحية خفض درجة الحرارة ما اعتقد بكون في فرق والشئ الثاني التيوتا مايسخن الحرارة ربع دايما
اما بخصوص انك تحط الماء الأخضر بدل الأحمر ما في اي فرق والنتيجة واحدة غير ان الوكالات يوم تروح تسوي تشيك للسيارة يعطيك في الفاترورة 50 ريال ماء راديتر عشان يتكسبون يقولك ماء خاص وشغل وكالة نفس الجمس والشفر وكل الوكالات
والله لو حبيت تمشي مع الماء الأحمر ----ممتاز
الماء الأخضر ---ممتاز وكل العالم تستعملة ومتوفر في كل مكان
اصلا الراديتر يحتاج ماء للحرارة والماده المصاحبة سواء ايش كان لونها هي اثلين الجلايكون وهذة مادرة تمنع الماء من التجمد في درجة الحرارة المنخفضة
يعني تخيل لو تجمد الماء في الراديتر بتسير بلاوي
اسمحلي على موضوع الإنشاء هذا

ولو تلاحظ ان هذة حركت الوكالات يعني تيوتا في الوقت الحالي تصنع زيوت حق سياراتها شئ حلو بس مهما يكون ما اعتقد بكون افضل من زيوت شركات التخصص مثل موبيل ((وجهة نظر في ناس كثير يخالفوني))
وشكرا

[الارهابي]

مره كنت في الوكاله و سمعت رجال عنده لومينا 96 يقول انه استخدم الماي الاخضر لها بدل الاحمر و راس المكينه ( المنيوم ) تاكل من جهه مجاري الماي

ما علينا

بالنسبه للماي حق الرديتر
لازم تكون نسبه السائل المخصص للرديتر و الماي العادي 50/50
و ما في مشكله لو زادت نسبه الماي العادي عن السائل المخصص للرديتر

الهدف الاساسي من سائل الرديتر سواء الاحمر او الاخضر
يحمي الرديتر من الصدا
و يمنع الماي داخل الرديتر من التجمد ( الشي اللي صعب جدا يحصل في منطقتنا حتى في الشتاء )
اعتقد انه ماله دور اصلا في تخفيض الحراره او له دور جانبي
اصلا لو تجرب و تعبي الرديتر من السائل الملون بالكامل بتلاحظ ارتفاع حراره المحرك
و لو تعبي الرديتر بماي عادي ما راح ترتفع الحراره
و لاحظوا معظم علب سوائل الرديتر الملونه مكتوب عليها antifreeze
يعني مضاد للتجمد :D :D :D :D

[الأنصاري]

الارهابي كلامك صحيح بس ما اعتقد تبديل الماء له اثر على الراديتر
اما راديتر الأمونيوم قتل ان سهل يتلحم بس هذا مش معناه انة مايخترب

اما بقية كلامك صحيحة 100 في 100
بس يفضل ان نسبة الماء الأخضر او الأحمر تكون متساوية مع الماء

ومشكور مرة ثانية على المعلومات

[الارهابي]

رد مقتبس من بوعبود
الارهابي كلامك صحيح بس ما اعتقد تبديل الماء له اثر على الراديتر
اما راديتر الأمونيوم قتل ان سهل يتلحم بس هذا مش معناه انة مايخترب


هلا اخوي
انا ما اقصد انه يضر الرديتر
قلت اني مره كنت في الجميح اللي في الدمام
في قسم قطع الغيار
و شفت واحد جاي و اشترى ماي رديتر احمر
و سمعته يقول انه مره عباها ماي اخضر و راس المكينه تآكل من الداخل
صراحه ما ادري ليش
يمكن كلامه غلط
او يمكن تآكل عشان شي ثاني
او تلاقيه يمشي بالسياره و الحراراه على H حتى الراس تضرر :D :D
يسلمو على الرد

[الأنصاري]

مشكور على التوضيح:banana: :banana: :banana: