طقة القير............

[روح الامارات]

السلام عليكم ورحمة الله وبركاته


في الحقيقة قبل اسبوع تقربيا ظهرة عندي طقة في القير يوم يبدل القير من الاول الى القير الثاني بشكل خفيف لكن لما يبدلي القير من ثلاثة اى ثنين تحديدا على سرعة 80 كم اسمع صووت طقة قوية وماعرفت شو السبب الى الان
بالمناسبة سيارتي لاندكروزر موديل 1999 VXR_V8 :( :(
رجاء المساعده تكفون :( :(
تحياتي
روح الامارات

[A7medo]

أتأكد يمكن الكلش رايح

[فاهم]

هلا وغلا

من صجك هذي تسميها مشكله

:D

لاني انا كل ما اسوق سياره بعد شهر تقريبن لازم اسمع فيها طقه بالقير

بالكروزر صوت طقة قيره تسمعها بعد كيلو لوووول

او حتى النيسان الحين قام يطقطق قيره

خاصتن اذا مثلن ماشي ولقير على الثاني او خففت لمه يرد حق الاول يطق او تحس السياره تهتز معاه

اتوقع استعمالي خايس

بس والله طال عمرك انا كل مواتري جذي او ما فركت اعرف المشكله


خلاص ان عرفت انت بلغنى:D

تحياتي :)

[حبوب بوظبي]

هيه و الله انا عندي نفس المشكله
مدري ليش
يا ريت حد من الأخوه يفيدنا :help: :help: :help:

[روح الامارات]

هلا والله ب A7MEDO وفاهم

ماعتقد الكلتش لان اعرف ان الكلتش اذا كان رايح الخموتر مابيرضى يبدل الى لما يحكر بين القيور ,اما يافاهم الطقة هذه ماكانت بالقير من قبل لكن خطي اللى سويته اني خليت ايل القير فترة طويلة وماغيرته وامس بس غيرته وغير الفلتر مال القير ومن يومها والقير يطق لكن عندي ملاحظة وهي ان يوم امشي بالسيارة خط طويل وبعدين اوصل المدينة يوةم ادعس القير وهو في الثاني على سرعة 80 كم تخف الطقة عكس يوم يكون الموتر بارد تكون الطقة اقوى :( :( :(
تحياتي
روح الامارات

[روح الامارات]

رد مقتبس من حبوب بوظبي
هيه و الله انا عندي نفس المشكله
مدري ليش
يا ريت حد من الأخوه يفيدنا :help: :help: :help:
نفس المشكلة :help: وسؤال لك يوم تحط اقير في ال L او 2 الموتر مايرضى يوصل للتفه الا بضرابه عكس يوم تحطيه في D صح ولا لا:rolleyes: :rolleyes:
وتحياتي لك حبوب بوظبي

[CIVIC_R1]

أتوقع انه من كرسي القير ...

[TOP-SECRET]

اخوي تأكد من الكلج لان سيارت الوالد نفس الشي كان فيها طقه في القير من القيار الاول لين الثاني بس خذها الوكاله وصلحوها على الضمان وقالو له الخراب كان في الكلج :laugh: وبالمناسبه ترى اكثر موديلات 99 فيها نفس هالمشكله:headshak:
انت خذ موترك اي كراج يفهم في هالشي او وكالة التويوتا وبيفهمونك شالحاصل في سيارتك:banana:

[روح الامارات]

كرسي القير مافي شي حتى كراسي المكينه ولما وديتها الوكالة سالتهم فلت يمكن الكلتش قالوا لي لا مستحيل من الكلتش لان كلتش قير اوتو مستحيل يروح الا اذا كان الواحد لاعن ام الموتر عقب يرووح الكلتش عليه :( :(
انا اتوقع من كهرباء القير شرايكم يمكن من هذه السالفه لكن انا مابغيت اسرع قلت خل اسأل الشباب وادري انهم بيكفون :) :)
تحياتي للجميع

[Accord-R]

سياارة الواالد كااان فيها نفس المشكله .. والسبب فلتر القير .. والله اعلم

[كانكار]

الأخوة الأعزاء
الجير الأوتوماتيكي لا يحمل كلتش.. بدل من ذلك فيه Torque Converter علميا اسمه (محول العزم) وشوارعيا اسمه (البطيخة). ومشكلة الطقة ماراح تكون في غالب الأمر من البطيخة، الأرجح فيه مشكلة في ضغط الزيت داخل الجير نفسه لأنه لو المشكلة في البطيخة راح تكون الطقة في كل التبديلات. ويمكن أن تكون المشكلة أيضا في إلكترونيات الجير.

[كابريس]

الحق وشيك على الجير في الوكالة :eek:

[STS4ever]

اخوي ممكن سؤال ؟؟

متى طلع معك الصوت ؟؟ مثلا بعد مااكلت مطب او مثلا دقيت بالسياره من تحت ولا شلون

سلام

[روح الامارات]

مشكور ين شباب على ردودكم ما قصرتوا :) :)
بالنسبة ل سؤالك اخوي STS4EVER طلعت المشكلة قبل اسبوع ونص وقبل كان القير عادي يبدل بنعومة ومافي اي مشاكل لكن بعد ما رجعت من عمان طلع لي هذه الطقه ولما شيكت على ايل القير كان لونه اسود على احمر فرحت عند محطات تغيير الزيت وقالوا لي زين انك غيرته لان ايل القير محترق مامنه فايده , وطبعا غيرت الايل والفلتر معاه لكن ظلت نفس المشكلة :( :( لكن عزائي الوحيد الحين هو ان لما اروح خط طويل وبسرعة 140 كم بعدين احس ان الطقة تقل بشكل كبير حتى بالكاد احسبها الا لما اضغط ريس على الاخر:( :(
واسمحولي على الاطالة:) :)
تحياتي للجميع

[560SEL]

اهاااا

المشكله هذي كانت موجوده في المرسيدس

اذا كان العيب في الكلتشات فبتلقا القير يفضي من حاله

لكن اذا كنت تحس بطقه وحده و بعدين تختفي فالمشكله اما تكون في الفلتر او تكون في البلف و غالبا انها في البلف



تحياتي

[روح الامارات]

هلا اخوي 560 SEL تسلم على مرورك الكريم لكن في نقطة بهي القير اوتو ماتيك الكلتش مايروح ابد الا اذا السيارة ملعون والدين والدينها ولو سالفت الكلتش كان الموشر بيطلع لي في السيارة , وانا وديت السيارة الوكالة قالوا لي يمكن الدفرشن ناقص ايل اما القير مافي شي ورحت لكراج قال لي احتمال يكون في فضاوة بين القير والدبل :( :( احترت ياريال من هذه السالفة وانشاء الاقي الحل هنا ...........؟.:( :(

[SnoopY]

رد مقتبس من كانكار
الأخوة الأعزاء
الجير الأوتوماتيكي لا يحمل كلتش.. بدل من ذلك فيه Torque Converter علميا اسمه (محول العزم) وشوارعيا اسمه (البطيخة). ومشكلة الطقة ماراح تكون في غالب الأمر من البطيخة، الأرجح فيه مشكلة في ضغط الزيت داخل الجير نفسه لأنه لو المشكلة في البطيخة راح تكون الطقة في كل التبديلات. ويمكن أن تكون المشكلة أيضا في إلكترونيات الجير.

مضبوط كلامك بس فيه كلاتشات ثانيه بين تروس القير هذه اللي العاده تنعدم في القير الاوتو !!

روح الامارات /

المشكله ما راح تروح مع تغيير زيت القير (لانه الكلاتشات اساس معدومه خلاص ) تغيير الزيت راح يخلي المشكله ما تزيد !!

و على فكره لما تغير الزيت تأكد انه رقم الزيت اللي تستعمله يكون موافق لكتيب السياره و درجه الحراره ! ( حاله حال زيت المكينه )و انك تغير الفلتر تبع القير كمان

سلام

[ACCORD-VETIC]

i think this kind of sound always product from >>>Filter
cheak it
:black:
don`t forget with oil of couse
:rolleyes:

[روح الامارات]

هلا والله ب سنوبي واكورد , انا غيرت قبل 5 ايام الزيت القير مع فلتر القير والنتيجه ان الطقه خفت شوي لكن ظلت المشكلة زي ماهي , لكن عندي ملاحظة وهي ان لما اخلي القير في وضعية L او 2 احس الموتر مايرظى يسحب خصوصا لما يكون الRPM من 2 وطالع الى 5 وخطين يعني احس كان شي يشده ومايخليه يسحب اما يوم اخليه في وضعية D يسحب الموتر سحب قوي ماشاء الله عليه حتى قبل ماكان يسحب كده :rolleyes: :rolleyes: اما من سالفت كلتشات مستبعده تماما لان قير الكروزر يعتمد على تقنية الكترونية وهي torque converter وانا اتصور ان المشكلة في كهرباء القير فهل هذا ممكن....؟:confused: :confused:

[SnoopY]

رد مقتبس من روح الامارات
هلا والله ب سنوبي واكورد , انا غيرت قبل 5 ايام الزيت القير مع فلتر القير والنتيجه ان الطقه خفت شوي لكن ظلت المشكلة زي ماهي , لكن عندي ملاحظة وهي ان لما اخلي القير في وضعية L او 2 احس الموتر مايرظى يسحب خصوصا لما يكون الRPM من 2 وطالع الى 5 وخطين يعني احس كان شي يشده ومايخليه يسحب اما يوم اخليه في وضعية D يسحب الموتر سحب قوي ماشاء الله عليه حتى قبل ماكان يسحب كده :rolleyes: :rolleyes: اما من سالفت كلتشات مستبعده تماما لان قير الكروزر يعتمد على تقنية الكترونية وهي torque converter وانا اتصور ان المشكلة في كهرباء القير فهل هذا ممكن....؟:confused: :confused:

ما ادري اخوي بس شكلك ما فهمت قصدي

حاجه معروفه انه كل القيور الاوتو تستعمل ال Torque converter

الكلتشات الي اقصدها هي الكلاتشات الموجوده داخل القير الاوتو بين التروس بحيث انه كل مره يعشق القير تخلي نقلاته ناعمه ..... مشكلتك انه الكلاتشات هذه عندك متواكله و الدليل على كذا انه لون الزيت تبع القير عندك كان اسود اشوي !! الانتضام في تغيير الزيت راح يقلل من التآكل بس ما راح يرجع الاجزاء المتواكله ... الحل الوحيد انك تغير الكلاتشات ( توضيب قير) !!

ولو كانت هذه المشكله عندي في سيارتي راح اواضب على تغيير الزيت و ما راح اوضب القير الا لما يطيح ...


ارجو انك استوعبت كلامي المره هذه و اي خدمات ثانيه احنا حاضرين و بالخدمه !!

سلام

[حبوب بوظبي]

زين وين ممكن اغير هالكلتشات؟
و بكم تقريبا؟
و كم وقت بتاخذ؟

انا عندي مرسيدس بو عيون 1998
و ربيعي عنده مكسيما 2000
و السيارتين فيهم نفس المشكله

[SnoopY]

رد مقتبس من حبوب بوظبي
زين وين ممكن اغير هالكلتشات؟
و بكم تقريبا؟
و كم وقت بتاخذ؟

انا عندي مرسيدس بو عيون 1998
و ربيعي عنده مكسيما 2000
و السيارتين فيهم نفس المشكله

تغيير الكلاتشات هذه هو توضييب القير الاوتو (( طبعا اذا تاكدت انه كل شي ثاني اوكيه ... كراسي المكينه و القير... الزيوت الفلاتر .... الخ ))

علشان كذا ما احد يسوييها الا لما يطيح القير !!!

سلام

[STS4ever]

اخوي ماادري عندك بلف في القير ؟؟؟

اذا فيه شيك عليه :):)

سلام

[روح الامارات]

اخر التطورارت , رحت ورشة تصليح قيور وقالي الرجال ان يوجد موزع للكهرباء في القير ( بلف على ماعتقد اسمه ) المهم قالي من هذه المشكلة :( :(
في الحقيقة انا محتار لان هو قال ممكن الفيوزات رايحة او يحتاج لتنظيف ما عرفت بالضبط لكن اشوف رايكم ومنكم نستفيد;) ;)
تحياتي
روح الامارات

[hait]

بيع السيارة واشتري غيرها




او غير السواق :D :D :D