سوالف للجميع - في كل السيارات : لماذا ترتفع حرارة المحرك عند تشغيل المكيف؟

18-07-2003, 05:21 AM

بسم الله الرحمن الرحيم ,,,,
مساء الخير اخواني الاعضاء.......

اكيد تلاحظون مثل ماالاحظ انا وغيري الكثير انه في حاله تشغييل المكيف فان درجة حرارة المحرك ترتفع اكثر من المعتاد قبل تشغيل المكيف
بمعنى اخر

الحرارة الطبيعية في السيارة الفلانية على الربع
ولكن بعد تشغيل المكيف تجد ان الحرارة ترتفع الى النصف ,,,هو شي طبيعي ولا منه اي مضره

لكن اللي ابغى اعرفه .....>>>>

ماهو السبب في ارتفاع الحرارة ؟
هل مو ضغط الكمبروسير على المحرك ؟
تساؤلي غريب ولا عندي اي احتمالات للحل ......

مع العلم ان هذا في اغلب السيارات وفي بعضها بالعكس اي الحرارة تنخفض عند تشغيل المكيف وذلك بسبب وجود مروحة خاصة بالمكيف

اتمنى ان اجد لديكم جوبا لسؤالي

ودمتم
محبكم :) S8:)

King 4x4

18-07-2003, 05:36 AM

السبب هو اللي ذكرته تمام.
هو ان الكمبروسر حق المكيف يسوي ضغط على المكينه و يؤدي الى استنفاذ طاقه زياده و معظم السيارات اليابانيه (بالأخص نيسان) يجي فيها مروحه خاصه للكمبروسر ما تشتغل الا اذا اشتغل المكيف و هكذا تلاقي السياره في الصيف ما ترتفع فيها الحراره. :banana:

760IL

18-07-2003, 05:57 AM

احسن مافي اللومينا االي عندي ان مروحة التبريد تشتغل مع المكيف تلقائيا(زين حصلنا منها فايده)

King 4x4

18-07-2003, 06:09 AM

أكثر السيارات اليابانيه أول ما تشغل المكيف تشتغل وياه المروحه.

أقول أخوي 760IL روح دور على واحد ينضحك عليه وبيع اللومينا حقتك عشان ما تندم.
واحد من الشباب كان عنده ماكسيما 2001 انغر بشكل اللومينا و مكينتها راح باع المكسيما و اشتراله LTZ و ندم ندمه ما توصف. :Sad2:

18-07-2003, 06:49 AM

S8

مساء النور والسرور

كلام الأخ العزيز King 4x4 صحيح ما شاء الله

بس أنا أبغا أضيف نقطه ثانية ..
انت عارف انه دائرة التكييف في السيارة تبدأ من الكمبريسور مروراً بالمكثف* ( اللي عند راديتر السيارة ) و بالمبخر ( اللي داخل السيارة وتسمى ثلاجة المكيف ) وانتهاءاً بالكمبريسور مره ثانيه

غاز الفريون لما ينضغط من الكمبريسور ويروح للراديتر حق المكيف في مقدمة السيارة ( المكثف* ) يكون درجة حرارته عاليه جداً وبالتالي يرفع حرارة موية التبريد في الراديتر ،، لذلك يحتاج الى مروحة تبريد اضافيه خاصة براديتر المكيف ( المكثف )

في السيارات القديمه اللي مافيها الا مروحه واحده عن طريق بكرة المحرك .. كان المكثف يرفع حرارة مياه التبريد اللي داخل الراديتر وبالتالي ترتفع حرارة المرحك
( راديتر المكيف وراديتر السيارة متقاربين جداً ولكنهم يختلفوا عن بعض )

التحية للجميع :cool:

* المكثف سمي بهذا الاسم لأنه يقوم بتحويل غاز الفريون الى الحاله السائله

كابريس

18-07-2003, 07:20 AM

رد مقتبس من S8
S8:)

عندي الحرارة على الربع واحيانا تطلع شوية اذا مشيت مسافة ووقفت بدون ماأشغل المكيف

اما اذا شغلته تبقلى ثابتة على الربع

18-07-2003, 08:45 AM

ماشاء الله تبارك الله
شي طيب في خلال وقت بسيط اجد هذه الردود
King 4X4
760LI
M5
كابريس
الف شكر
:cool: :cool: :cool:

ابو الشيماء

18-07-2003, 09:04 AM

بالاضافه الى كل ماذكرتم وهو صحيح

حتى عزم السيارة يضعف ويزيد استهلاكها للوقود بشكل اقل من الضعف قليلاً .

والحرارة الي ذكرتموها سواء كانت على مؤشر الحرارة او في سخونة

المحرك تعود الى ما ذكرتم بالاضافة الى تحمل المحرك قوة اضافية في تشغيل الكمبريسور .

وكما يقولون ....... ومثل ما يقول الشريطية : المكيف يآكل نصف المكينة ...
:corsair:

18-07-2003, 12:33 PM

صحيح بالفعل .....

طيب ماريكم في انه المكيف ياخذ ثلثين قوة المحرك ؟

هل هذا صحيح؟

VIPER GTS-R

18-07-2003, 02:08 PM

السلام عليكم

مشكور اخوي S8 على هالموضوع الحلو

بصراحة المكيف له تاثير كبير على المحرك لاني في الفترة الاخيرة صارت بسيارتي مشكلة وهي الحرارة الزايدة بصراحة وسويت تنضيف للرديتر وغيرت البلف وفحصت المراوح وكلش تمام واخيرا اكتشفنا ان المشكلة من المكيف لاكن فيه سدد في مواصير الفريون حتى الكميف ما يبرد الا اذا اسرعت بالسيارة بس تسخن على طول بس هذا اخر شي اتوقعته انها تكون السخونة من المكيف :confused:

الأنصاري

18-07-2003, 03:29 PM

السيارات الأمانية تسخن مع المكيف بس ماتحس بفرق كبير في العزم
الياباني مايسخن كثير دايما ربع الا الهوندا والمازدا بس العزم يطيح وينحس فيه كثير

Third Eye

18-07-2003, 06:32 PM

فعلا سيارتي دائما على الربع وإذا مررررة على الثلث:confused:

19-07-2003, 05:59 AM

الف شكر على المشاركة وابداء الراي والخبرات

روح الامارات

19-07-2003, 06:43 AM

هلا باخوي S8 لاتنسى الى جانب كل هذا حرارة الجو :glasses: :glasses: ايضا يوجد عامل اخر وهو بوية الرداديتر تحاتج لتغيير بين فترة وفترة على الاقل 6 شهور تكفي لانه مع مرور الوقت تقل فاعليت البوية

تحياتي

روح الامارات

Third Eye

19-07-2003, 07:52 AM

عجيييييب يا s8 صرت مبدع

مبرووك:banana:

19-07-2003, 09:14 AM

رد مقتبس من a.w.t
عجيييييب يا s8 صرت مبدع

مبرووك:banana:

الله يبارك في عمرك
وعقبالك

ACCORD_559

19-07-2003, 02:42 PM

طيب ياجماعة الخير في بعض السيارات مثل الكامري قبل ماتشغل المكيب يكووون امبير الحراره في النص ؟

لمن تشغل المكيف يوصل الى الربع ينخفض؟؟

ليش؟

وفي بعض السيارات العكس؟:help: :help:

King 4x4

19-07-2003, 03:18 PM

لأنه تشتغل مروحه المكيف.
وش السالفه لازم أقول السبب مرتين.:headshak:

20-07-2003, 01:37 PM

ممكن تعيد يا King 4x4 :D

King 4x4

20-07-2003, 01:44 PM

أقول يا S8 أنت "ابداع"

:laugh: :laugh: :laugh: :laugh: :laugh:

SKYLINE GTR

20-07-2003, 06:22 PM

مشكور اخوي ماجد على الموضوع

يا جماعة انا عندي مشكلة وابي مساعدتكم

عندي الحرارة في الماكسيما 2000 ترتفع ارتفاع غير طبيعي وتوصل تقريبا الى الثلاث ارباع ويفصل عندي التكييف حتى صوت المراوح يكون مزعج بالمرة اذا شغلت المكيف يعني كل مراوح السيارة تشتغل

رحت للوكالة وغيروا الزيت والفلتر :confused: مع اني ما ادري وش علاقتهم بالسلافة وكمان غيروا موية الرديتر لكن ما تغير شي في السيارة

تعتقدون هالشي والمشكلة هذي من ايش ؟؟ تكفون شوروا علي وللمعلومية السيارة قد جاها حادث في الوجه وغيرت الراديتر

مجنون بورش

20-07-2003, 10:14 PM

انا عندي الماجنا من يوم ما اشتريتها والحرارة على النص
بمكيف ومن غيره :)
من يوم ما اشغل السيارة ترتفع للنص وماتزيد ولا تنقص:cool:

ACCORD_559

20-07-2003, 10:16 PM

:D ودها الشرركه:D

King 4x4

20-07-2003, 10:17 PM

شيك على توصيلات الرديتر. أقرب شيء المشكله منه لأن كل مراوح السياره شغاله على كلامك و بعدين شيك على المكيف. :glasses:

حبوب بوظبي

21-07-2003, 12:26 AM

أنا بصراحه عندي العكس :damp:

لما أشغل المكيف ينزل عداد الحراره
و كمان كل ما ازود المكيف تقل الحراره كمان و كمان
:banana: :banana: :banana:

أنا سيارتي مرسيدس (بو عيون) 1998

و شكرا:confused:

ACCORD-V6

21-07-2003, 02:27 AM

الهوندا لماتشغلها ترتفع للنص
شغلت مكيف ولاماشغلت طبيعي كذا

21-07-2003, 07:06 AM

رد مقتبس من حبوب بوظبي
أنا بصراحه عندي العكس :damp:

لما أشغل المكيف ينزل عداد الحراره
و كمان كل ما ازود المكيف تقل الحراره كمان و كمان
:banana: :banana: :banana:

أنا سيارتي مرسيدس (بو عيون) 1998

و شكرا:confused:

لو تلاحظ وترجع تقرء الموضوع تجد اني ذكرت ذلك وهو بسبب ااشتغال المروحة الاخرى المخصصة للمكيف

King 4x4

21-07-2003, 11:05 AM

أقول أنا الي قلت أول و لا تخطي سمعت. :mad: :mad:

أضحك :laugh: :laugh: :laugh: :laugh: :laugh: :laugh: :laugh:

روح الامارات

21-07-2003, 05:07 PM

رد مقتبس من SKYLINE GTR
مشكور اخوي ماجد على الموضوع

يا جماعة انا عندي مشكلة وابي مساعدتكم

عندي الحرارة في الماكسيما 2000 ترتفع ارتفاع غير طبيعي وتوصل تقريبا الى الثلاث ارباع ويفصل عندي التكييف حتى صوت المراوح يكون مزعج بالمرة اذا شغلت المكيف يعني كل مراوح السيارة تشتغل

رحت للوكالة وغيروا الزيت والفلتر :confused: مع اني ما ادري وش علاقتهم بالسلافة وكمان غيروا موية الرديتر لكن ما تغير شي في السيارة

تعتقدون هالشي والمشكلة هذي من ايش ؟؟ تكفون شوروا علي وللمعلومية السيارة قد جاها حادث في الوجه وغيرت الراديتر

شييك على كلاتشات المروحة يمكن هي السبب

22-07-2003, 12:04 PM

روح الامارات :D
الماكسيما مراوحها كهربائيه ;)

SKYLINE GTR
شيك على الآتي :

(1) - تأكد ان توصيلات المياه سليمه ومافيها انسداد ( الخراطيش )

(2) - تأكد من ان لي المويه قاسي نوعاً ما .. لأنه اذا كان اللي طري جداً بحيث انك ممكن تقفله بيدك بسهولة ، فهذا معناه انه ممكن يقفل مع المشي .. كيف يعني ؟
المحرك لما يدور بسرعه عاليه ( فوق الـ 3000 مثلاً ) تدور أيضاً طرمبة المويه بسرعه ويكون انسياب المياه داخل اللي سريع ، فاذا كان اللي ضعيف ( طري ) رايح يقفل وما يخلي المويه تنساب بشكل سليم

(3) - تأكد من أن المراوح شغاله بشكل سليم

(4) - تأكد ان بلف الحراره يفتح فتحة كامله أو غير مسدود .. بحيث تنساب المياه بشكل سليم

أخيراً اذا تأكدت من هذا كله وما زالت الحرارة توصل الى الثلاثه أرباع
في الحاله هذي لازم تشيك على وجه راس المحرك .

تحياتي ،،

A7medo

22-07-2003, 03:03 PM

رد مقتبس من M5
روح الامارات :D
الماكسيما مراوحها كهربائيه ;)

SKYLINE GTR
شيك على الآتي :

(1) - تأكد ان توصيلات المياه سليمه ومافيها انسداد ( الخراطيش )

(2) - تأكد من ان لي المويه قاسي نوعاً ما .. لأنه اذا كان اللي طري جداً بحيث انك ممكن تقفله بيدك بسهولة ، فهذا معناه انه ممكن يقفل مع المشي .. كيف يعني ؟
المحرك لما يدور بسرعه عاليه ( فوق الـ 3000 مثلاً ) تدور أيضاً طرمبة المويه بسرعه ويكون انسياب المياه داخل اللي سريع ، فاذا كان اللي ضعيف ( طري ) رايح يقفل وما يخلي المويه تنساب بشكل سليم

(3) - تأكد من أن المراوح شغاله بشكل سليم

(4) - تأكد ان بلف الحراره يفتح فتحة كامله أو غير مسدود .. بحيث تنساب المياه بشكل سليم

أخيراً اذا تأكدت من هذا كله وما زالت الحرارة توصل الى الثلاثه أرباع
في الحاله هذي لازم تشيك على وجه راس المحرك .

تحياتي ،،

أخوي M5 وشهو بلف الحراره ... ما فهمتة لأن عندكم في السعودية مصطلحات ما نقدر أحنا البحرينين نستوعبها والعكس صحيح

هلا أنت تقصد الثرموستات ؟؟؟

الأنصاري

22-07-2003, 03:08 PM

شوف الحرارة ترتفع في هذة الحالات
كلج المروحة خربان
الراديتر خربان
مافي ماء في الدبه
في انسداد في التوصيلات

هل عانيت من هذة المشكلة بعد ما اخترب عندك شئ لأن هذا شئ خطير لأن المكسيما ماتسخن ابدا

22-07-2003, 09:39 PM

رد مقتبس من A7medo
أخوي M5 وشهو بلف الحراره ... ما فهمتة لأن عندكم في السعودية مصطلحات ما نقدر أحنا البحرينين نستوعبها والعكس صحيح

هلا أنت تقصد الثرموستات ؟؟؟

نعم صحيح .. اللي أقصده هو الثرموستات .. أو منظم درجة الحرارة

وتسمية " بلف " جات من كلمة VALVE ( صمام ) :D :D

وحيا الله أهل البحرين كلهم :glasses:

A7medo

23-07-2003, 03:23 AM

مشكور الله أحييك أخوي M5

23-07-2003, 06:42 AM

رد مقتبس من M5
روح الامارات :D
الماكسيما مراوحها كهربائيه ;)

SKYLINE GTR
شيك على الآتي :

(2) - تأكد من ان لي المويه قاسي نوعاً ما .. لأنه اذا كان اللي طري جداً بحيث انك ممكن تقفله بيدك بسهولة ، فهذا معناه انه ممكن يقفل مع المشي .. كيف يعني ؟
المحرك لما يدور بسرعه عاليه ( فوق الـ 3000 مثلاً ) تدور أيضاً طرمبة المويه بسرعه ويكون انسياب المياه داخل اللي سريع ، فاذا كان اللي ضعيف ( طري ) رايح يقفل وما يخلي المويه تنساب بشكل سليم

تحياتي ،،

قصدك ان اللي ينكمش على بعضه؟

SKYLINE GTR

24-07-2003, 08:25 AM

الله يعطيكم العافية اخواني ، ما قصرتوا

ان شاء الله يابو عبدالله اني بشوف اللي قلته وعلى الله تضبط

على فكرة انا قبل يومين شلت البلف قلت يمكن ان الحرارة تنزل ، بعد ما شلته في الليل صارت الحرارة توصل النصف وما ترتفع حتى اني جربت السيارة على سرعة 200 كم وكانت الامور تمام :)

لكن في النهار تقريبا على الساعة 10 الصباح جربتها على سرعة الـ 160 كم لكن رجعت الحرارة لنفس المشكلة ، ياترى بتكون المشكلة من ايش بعد ما شلت البلف ؟؟

وانا ما الاحظ ارتفاع الحرارة الا على سرعات فوق الـ 120 كم او اذا عطيت السيارة عزم على 4000 د.د يعني هذا ممكن يرجح الحاجة الثانية اللي ذكرتها

الصوت العالي اللي يطلع من السيارة ما هو من المراوح ، يقول الكهربائي ان من الكمبريسور وانه يبي له تغيير :confused: بس هل ممكن ان فيه قطع في الكمبريسور تتغير بدل ما اغير الكمبريسور كامل ؟؟

وبالنسبة للمراوح يابو عبد الله فهي شغالة تمام وما عليها خلاف :D والله يعطيك العافية ياغالي ولا يهونون الاخوان كلهم عضو عضو :)

24-07-2003, 12:07 PM

S8

نعم ينكمش ،،
لأنه انت عارف لما مضخة المياه تدور بسرعه .. ويكون سريان المياه من خلال اللي بسرعه كبيره ،
فيحصل ما يسمى بالـ " Vacuum " يعني تفريغ أو خلخله
فاذا كان اللي ضعيف راح ينكمش وبالتالي يصبح مرور المياه ضعيف جداً

بس هذي نادراً ما تصير في السيارات الا اذا كانت قديمه .. يعني مر عليها 10 سنوات

SKYLINE GTR
شيك على وجه راس المحرك ،، وعلى فكره انت عندك راسين مو راس واحد :)

تحياتي ،،

24-07-2003, 06:00 PM

اااااااه ياابو عبدالله
هذي الطريقة تعبتني كثير في الكامري حقتي واخيرا اكتشفت ان السبب هو ان راس المكينه رايح فيها

الحمد لله خرطته ولا كلفني اكثر من 350 ريال على مااعتقد

SKYLINE GTR

26-07-2003, 06:18 AM

تعتقد ان الراس فيه مشكلة ؟؟ :(

27-07-2003, 07:54 AM

ها ماقلت لنا وش طلع لك من مشكله؟

corvette c4

27-07-2003, 11:08 AM

[QUOTE]رد مقتبس من M5
[B]S8

نعم ينكمش ،،
لأنه انت عارف لما مضخة المياه تدور بسرعه .. ويكون سريان المياه من خلال اللي بسرعه كبيره ،
فيحصل ما يسمى بالـ " Vacuum " يعني تفريغ أو خلخله
فاذا كان اللي ضعيف راح ينكمش وبالتالي يصبح مرور المياه ضعيف جداً

بس هذي نادراً ما تصير في السيارات الا اذا كانت قديمه .. يعني مر عليها 10 سنوات

طيب وش المشكله ليش ينكمش لانه انا معي كورفيت موديل90 واللي لين يعني اطبقه بيدي ودرجة الحراره تكون مع المكيف 100تقريبا اذا السياره واقفه و90_95 اذا السياره ماشيه فاايش المشكله مع انه الراديتر اربع طبقات له سنه تقريبا بس للاسف نحاس لو احد يعرف مكان يفصل راديتر الامنيوم 4طبقات لايبخل علينا تكفى

corvette c4

28-07-2003, 10:49 PM

اخوي M5

ماقلت لي وش سبب انه اللي ينكمش ويصير لين

اللي عنده خبره يرد

29-07-2003, 01:44 AM

اللي يخليه ليّن ( طري ) هو تعرض اللي ( الخرطوش ) للحراره العاليه لعدة مرات

بالنسبة لسبب الانكماش .. أولاً الانكماش يحدث عند السرعات العاليه

السبب يا طويل العمر مثل ما ذكرت سابقاً
انه مرور المياه بسرعه كبيره من خلال ( اللي ) يجعله ينكمش بسبب عملية الـ " Vacuum " أو الخلخله أو التفريغ

التعريف العلمي للـ Vacuum :
( انخفاض الضغط نتيجة الانسياب من منطقه الى أخرى )

مثال بسيط ..

الآن لما يكون على الرصيف شوية أوراق شجر .. وتمر سيارة بسرعه بجانب الرصيف وش اللي يسير .. تلاحظ أن أوراق الشجر تندفع خلف السيارة بسرعه كبيره ..
والسبب ان السيارة عملت في الحاله هذي خلخله ( Vacuum ) أو عملية شفط
لأنه مؤخرة السيارة في حالة السير بسرعه تعتبر منطقه مفرّغه من الهواء نوعاً ما ( ضغط منخفض ) لذلك هذا الضغط المنخفض يجب أن يملأ فوراً ليصيح الضغط معتدل .. فتجد أن الهواء المحيط بالسيارة يتجه بقوة نحو المنطقه المفرّغه خلف السيارة ساحباً معه أوراق الشجر

اللي يحصل في لي ( خرطوش ) الراديتر نفس الشيء .. اندفاع المياه بسرعه داخل اللي يسبب عملية تفريغ جزئيه للهواء .. فيصبح ضغط الهواء داخل اللي أقل من الخارج .. بمعنى أن الضغط خارج اللي أعلى من داخل اللي ،، لذلك يحاول الهواء الدخول الى منطقة الضغط المنخفض ( داخل اللي ) ليعادل الضغط .. فيقوم الهواء بضغط اللي ( ينكمش )

آسف على الاطاله
وأي سؤال أنا حاضر

SKYLINE GTR

29-07-2003, 05:19 AM

اخوي ابو عبدالله

اليوم عرفت ان فيه وحده من المراوح ما تدور زين زي المروحة الثانية يعني وهي تدور على سرعات عالية تطلع الصوت المزعج اللي قلت لك

قالي يمكن تغير المروحة او الرمان حق المروحة والصوت المزعج هذا بيروح ، لكن اللي ما اعرفه هل ارتفاع الحرارة الزايد اللي عندي بيكون من هالشي ؟؟

29-07-2003, 06:16 AM

أكيد وان شاء الله 100% لانو وجاهتني نفس الحركة في الكابريس SS حقي كانت ترتفع الحرارة الى اعلى شي واكتشفت ان دينمو احدى المراوح خربان ..غيرته ورجعت الحرارة تمام التمام:)

وانت مادام انك شايف ان الدينمو فيه صوت او قربعة او رجة او او او فغيره افضل لك

وخبرنا باللي يصير لك :)