سوالف للجميع - موضوع للمناقشة ( الجنوط المتحركة )

BMW745Li

21-07-2003, 01:33 AM

السلام عليكم ورحمة الله وبركاته

من منكم شاهد هذي الجنوط وعلى أي سيارة :)

ومن يعرف تقنيتها ومضارها

http://bmw745li.jeeran.com/images/stunner-anim-small.gif

علما بأني شاهدتها على مرسيدس فياقرا و BMW 745 و لكزس LS430 في الرياض
طبعا بأشكال ومقاسات مختلفة

وسمعت أنها غير عملية بتاتا وغير أمنة في السرعات العالية

بعد ال 120 كم

أما السعر خلوها مستورة

بالمناسبة الجنوط هذي عليها براءة إختراع :D

ودمتم:)

A7medo

21-07-2003, 01:42 AM

صراحة هي حركة حلوة أو عجبتني بس ما عندي أي خبر عنها

أو شفت وحدة في البحرين مرسيدس حوت عليه لوحة سعودية

Lamborghini

21-07-2003, 02:13 AM

هذي الحركـة منتشره في أمريكا علـى سيارات الـ suv لوجود فائض في العزم و القوة ، لكن ماتحصها كثير علـى سيارات الصالون ، الجنوط هذي غير عمليـة ولاتصلح لأي شي ما عدى المظاهر ، سعرها غالي جدا اللي يشتريها دائما يشتريها حق " الفشخرة " .. :)

ACCORD-V6

21-07-2003, 02:16 AM

بصراحة شفتها في الرياض
لكن ماعندي اي معلومات عنها

لكن شكلها رائئئع

760IL

21-07-2003, 05:58 AM

اول مره في حياتي اسمع عن هالجنوط

زورو الامارات

21-07-2003, 06:04 AM

السلام عليكم

اول مره اشوفها

Third Eye

21-07-2003, 06:23 AM

أنا شفتها بس ما تعجبني

StiNGraY_Bhr

21-07-2003, 06:25 AM

هذي الجنوط جنوط عاديه زيها زي اي جنوط بس عليها spinner kit يعني مالها اي سلبيات زيادة عن الجنوط العادية ...

21-07-2003, 06:34 AM

انا بصراحة انبهرت من اول مرة اشوفها في الرياض عندما كنت هناك

بصراحة شي خيال ومنتشرة كثير في الرياض

الحمد لله بعد رجوعي لجدة اكتشفت انها موجودة وشفتها مرة على لكزس LS430

عند سؤالي لسعرها في محل الجنوط الكبيرة افادني البائع ان سعرها 23الف ريال فقطططط:OO: :OO: :OO: لمقاس 18 انش

عموما باذن الله قريب وراح تركب على البيجو ان شاء الله اما مقاس 18 او 19 كحد اقصى

http://www.autoreview.ru/new_site/year2001/n03/test/607-09.jpg

21-07-2003, 06:36 AM

BMW745Li
ممكن تعطيني موقعهم ؟

لان انا عندي موقع وودي بواحد ثاني

evo.505

21-07-2003, 06:37 AM

دايم اشوفها شكلها يضحك تشوف السيارة واقفة والجنوط تدور غبية:D :D

SLR

21-07-2003, 06:38 AM

شفتها انا اول مرة على اول رنج اشوفه فحياتي عالطبيعة على رنج روفر الجديدة لولد حاكم عجمان... وكانت الجنوط جميلة جدا اثناء توقفها للاشارة الحمراء تلمح وكأنها تتحرك من دون توقف ناتج على حركة الغطاء الخارجي للجنط مع توقف الطبقة الداخلية...

المنظر جميل وهو يتحرك..

ولكن اللي اشوفه ان معظم الجنوط اشكالها غريبة وقبيحة ساعة التوقف...

تحياتي ...

SLR

BMW745Li

21-07-2003, 06:52 AM

السلام عليكم ورحمة الله وبركاته

مشكورين على التعليقات :D

هذي الجنوط ( الرنجات ) موجودة من أكثر من سنة ونصف في الرياض

وسمعت عن معرض سيارات في الرياض باعها على أمير ب 90000 ريال :rolleyes: تسعون ألف ريال لاغيرها ( حشا شيك مو موضوع :D )
وبعدين أستقر سعرها ب 45000 ريال وربما نقصت الأسعار الأن

لاكن اللي ودي أعرفة كيف تتحرك يعني هل فيها مولد كهربائي ثابت
أم أن الطاقة الحركية تتحول إلى كهربائية مع المشي .

علما بأن الجنوط تتحرك عندما تكون السيارة واقفة وإذا مشت بسرعات منخفضة

وتثبت عندما تكون السيارة ماشية بسرعات عالية أو بسرعة ثابتة 100كم مثلا ( محددة من قبل ) لست متأكد .

يعني العملية عكسية نوعا ما

ومن عندة معلومات أكثر يفيدنا

أخوي لمبرغيني مشكور على المعلومة .

أخوي StiNGraY_Bhr ممكن توضح أكثر عن spinner kit لأني حصلت شئ بالنت لاكن راح أوضحة في وقتة لما تتوفر المعلومات الكافية

يعني هل أفهم منك أن الجنوط العادية أو بعضها تمشي معها ذا الحركة . مع إني ما أتوقع

ودمتم ,,,

SLR

21-07-2003, 06:56 AM

نظامها بسيط...

يعني طبقتين من الجنوط في بعض يفصل بينهم محور (Bearing) ...وهذا المحور يولد حركة متواصلة ديناميك بمجرد حركة الجنط الاصلي.. فبالتالي تنتقل الحركة عن طريق المحور للجنط الخارجي لدرجة ان لو توقفت السيارة راح يظل الجنط يتحرك اللين مايبطء تدريجيا ليقف...

هذا اللي اعرفه..

وللبقية آراء..

SLR

SLR

21-07-2003, 07:02 AM

http://forums.mbworld.org/forums/attachment.php?postid=358545

http://forums.mbworld.org/forums/attachment.php?postid=358546

SLR

BMW745Li

21-07-2003, 07:03 AM

السلام عليكم

أنا لم أرى الردود بعد رد الأخ StiNGraY_Bhr

الغالي S8 أنت تامر أمر :) هذا موقع حلو http://www.wheels.cc بس بشرط تصور لنا السيارة بعدها :D
هذا أفضل موقع جنوط شفته وفية ملفات فيديو توضح المقصود لاكن حجمها كبير يبغالك تترك الجهاز ربع ساعة على الأقل أو تقرأ موضوع طويل :)

وياليت كل واحد يعرف موقع بالنت يزودنا باللي عندة

أخوي evo.505 مشكور والناس أذواق وأنا بصراحة لما أشوفها تعجبني

أخوي SLR مثل ما تفضلت جميلة وجذابة ولاكن ؟

للأسف موديلات كثير أشكالها لك عليها شوي وهي ما تنفع إلا بطلاء كرووم

لكن فيه موديلات أشكالها حلوة .

وشكرا ,,,

BMW745Li

21-07-2003, 07:07 AM

أخوي SLR شكرا يالغالي
وضحت الفكرة
وهذي
BMW745Li (http://www.wheels.cc/gallery/BMW@745%23Diablo@Vienna%20SP6...JPG)

ودمتم

P800

21-07-2003, 07:11 AM

على فكرة هي موجودة بالرياض بمعرض العربة بشارع التحلية

ابو كثير

21-07-2003, 07:38 AM

رد مقتبس من SLR

ولكن اللي اشوفه ان معظم الجنوط اشكالها غريبة وقبيحة ساعة التوقف...

SLR

حركه غبيه
ما لها داعي
صرف فلوس على الفاضي

في النهايه
كل واحد حر بفلوسه :cool:

Third Eye

21-07-2003, 09:01 AM

أظن أنو تتركب على أي جنط
هي مثل المروحة
http://www.superbuytires.com/wheels/ChopperSP4.JPG

زورو الامارات

21-07-2003, 09:16 AM

رد مقتبس من S8
انا بصراحة انبهرت من اول مرة اشوفها في الرياض عندما كنت هناك

بصراحة شي خيال ومنتشرة كثير في الرياض

الحمد لله بعد رجوعي لجدة اكتشفت انها موجودة وشفتها مرة على لكزس LS430

عند سؤالي لسعرها في محل الجنوط الكبيرة افادني البائع ان سعرها 23الف ريال فقطططط:OO: :OO: :OO: لمقاس 18 انش

عموما باذن الله قريب وراح تركب على البيجو ان شاء الله اما مقاس 18 او 19 كحد اقصى

http://www.autoreview.ru/new_site/year2001/n03/test/607-09.jpg

السلام عليكم

اسمح لي اقول لك غلطان اذا بتركبهم

بهذا السعر اجيب لي سياره صغيره اخليها حق الكراف

هيونداي او ماشابه مستعمله او دايو ماتيزا

احسن لي فكر فيها وشوف

silver

21-07-2003, 09:47 AM

اذكر انه كا في موضوع نفس هذا ... لكن ما ادري وين راح ؟؟:confused:

بس والله صرف فلوس على الفاضي زي ما قالوا الأخوان ... ادفع 23ألف ريال على جنط علشان انه يتحرك :damp: والله عمره ما تحرك ادفع هذي الفلوس في شيء ثاني اصرف لي ... اروح اجيب لي سيارة تتحرك احسن :D

SLR

21-07-2003, 10:25 AM

يعني في ناس ماعندهم علم عن هالنوعية من الجنوط .. والموضوع ماحيث الفارئ على التركيب وماشابه ذلك... انه مجرد موضوع لتعم الفائدة على الجميع...

ومن ناحية الشراء بصراحة اللي عنده بيشتري واللي ماعنده لايشتري ..

Take it easy.....

SLR

BMW745Li

21-07-2003, 12:31 PM

السلام عليكم ورحمة الله وبركاته
مشكورين شباب على التفاعل مع الموضوع

أخوي زورو الامارات صدقني لو تشوفها على مرسيدس أو بي أم دبليو
تغير رايك :banana:

أخوي S8 إذا ركبتها لازم تشوف لنا حل وتعرضها فيديو :D

StiNGraY_Bhr

21-07-2003, 05:07 PM

اللي قصدته انه في kit تشتريه و يركب علي "بعض" الجنوط ويصير spinner .. طبعا ما راح يكون نفس الانواع الغالية بس يفي بالغرض و طبعا هذه الجنوط لا كهرباء ولا شي مجرد قوة زخم نفس لما تدفع شي و تتركه و يتحرك لحاله .. و السر يكمن في المقاومة و الاحتكاك الشبه معدومين في البيرنغ حق ال spinner .. فكلما كان الاحتكاك اقل دارت المروحة بشكل اسرع و لمدة اطول و هذا اللي يميز الانواع الغالية !
http://ebay1.ipixmedia.com/abc/M28/_EBAY_c4e2b16387f453149f88f434bc347a92/i-1.JPG

BMW745Li

22-07-2003, 03:15 AM

السلام عليكم

مشكور أخوي StiNGraY_Bhr شكلك مجربها :)

طيب السؤال الصعب وصل :D

كيف أعرف الزين من الشين هل فية رقم أو مواصفات عامة مهما تغيرت الشركة الصانعة ؟ لأني آلاحظ موديلات كثير تحمل الرقم 6

SP6

وياليت تقولي وشرايك بهذا الموديل

http://www.superbuytires.com/wheels/LowenhartLD5.JPG
http://www.superbuytires.com/wheels/LowenhartLD5+SP6.JPG

URL1 (http://www.superbuytires.com/wheels_by_brand.html?stage=2&brand=Lowenhart&model=LD5)
URL2 (http://www.superbuytires.com/wheels_by_brand.html?stage=2&brand=Lowenhart&model=LD5+SP6)

ومعليش شكلي تعبتك :)

BMW745Li

22-07-2003, 01:43 PM

السلام عليكم

اللي عندة إستعداد يحمل 5 ميجا بايت تقريبا لا يفوتة

علما بأن المدة 35 ثانية فقط

أحفظ الهدف بأسم ^ Save Target As (http://www.royalflushcustoms.com/images/RFC%20Life/autoshow.avi)

ودمتم ,,,

ACCORD-VETIC

22-07-2003, 08:22 PM

رد مقتبس من silver
اذكر انه كا في موضوع نفس هذا ... لكن ما ادري وين راح ؟؟:confused:

بس والله صرف فلوس على الفاضي زي ما قالوا الأخوان ... ادفع 23ألف ريال على جنط علشان انه يتحرك :damp: والله عمره ما تحرك ادفع هذي الفلوس في شيء ثاني اصرف لي ... اروح اجيب لي سيارة تتحرك احسن :D
كلام في منتهى الصحة:D

DodgE

22-07-2003, 10:36 PM

أخوي StiNGraY_Bhr
لقيت في أكثر من موقع القطعه إلي ذكرتها بس ماعرفت كيف تركب أو حتى صوره من الخلف للقطعه أبعرف كيف تركب

StiNGraY_Bhr

23-07-2003, 03:23 AM

BMW745Li :
لسوء الحظ و لعدم توفرها في السوق المحلي ما راح تعرف الزين الا من سعرها يعني اذا نويت عليها لا تاخذ ارخص شي ! خذلك نوعية متوسطة السعر و من شركة امريكية ( رواد صناعة هذه الجنوط ) ..

DodgE :
هي تركب مكان غطاء البلوط اللي بالنص و تتثبت مع البلوط نفسها . لهذا السبب لازم يكون الكت متوافق مع الجنط و الحصول على spinner kit للجنط الحالي ليس بالامر الهين .

شوفوا اذا تلاحظوا الصور اللي حاطها الاخ BMW745L هي لنفس الجنط مره مع spinner و مرة بدون .. و انا بحثت كثير في موضوع هذه الجنوط كنت ناوي عليها لل Range Rover حقي بس للاسف ما في شركة تنزل Bolt Pattern زي اللي عندي و الترهيم بيكلف مبلغ خيالي و مو اكيد يضبط
:mad:

BMW745Li

24-07-2003, 10:16 PM

السلام عليكم

شكرا للتعليقات شباب

ومشكور على الإفادة أخوي StiNGraY_Bhr :D

الأكورد العنيد

24-07-2003, 10:25 PM

corvette c4

25-07-2003, 02:43 AM

هذه الجنوط عند السليماني بجده ب37 الف ريال فقط لاغير (والله هذه شيك مو سعر):confused:

وبعدين اللي يركب هذه الجنوط مايبيله الا الشركه لو بيغير كفرات لانه عندنا البناشر شي يشكي الالم من البلاهه

SLR

25-07-2003, 06:57 PM

corvette c4
سليماني هذا شاي:)...

بخصوص السعر بصراحة مايستاهل ابد حتى لو كان 10000 بعد اشوفه مايستاهل ... لو تفكر في القطع اللي يحتويه هذا الجنط مابتسعره على اساس المبلغ اللي ذكرته...

Toooooooooooooooooo Much..

BMW745Li

27-07-2003, 03:03 AM

السلام عليكم ورحمة الله وبركاته

صدقت أخوي SLR

لاحظ الفرق بين المتحركة والعادية

تجد المتحركة أغلى ب 50% عن العادي ومن نفس الموديل

والشركة الوحيدة اللي شفتها مشهورة هي Lorinser

Lorinser (http://www.superbuytires.com/wheels_by_brand.html?brand=Lorinser)

وأسعارها مقارنة بالشركات الأخرى معقولة

تناقض غريب :laugh: