View Full Version : عندي مشكلة وان شاءالله تحلونها لي
alsamawe
25-08-2003, 10:52 AM
انا عندي اسيشن موديل 97 (لاند كروزر vxr) المهم انا سافرت فيها
بس حصلت لي مشكله في الطريق وهي انا الحراره ترتفع عند ما امشي فوق 100 والمكيف يصير حار مدري شو السب المهم انا يوم رجعت الامارات وديتها الكراج قالي المشكله في الوتر بامب وبدلته
لاكن دون فايده الحراره ترتفع عندي كانك يابوزيد ما غزيت المهم اريد منكم تقولولي شو الحل لاني كرهت السياره ...
الأهبل
25-08-2003, 12:12 PM
ليش ما توديه الوكاله افضل وشغلهم مضمووووووون
بس السعر شوي غاااااااالي
روح الامارات
25-08-2003, 12:45 PM
السلام عليكم ورحمة الله وبركاته
هلا اخوي السماوي , انت وين وديت موترك وقالولك ان المشكلة من الوتر بامب لان هناك عدة احتمالات لارتفاع الحرارة في الكروزر انا اعرف شو الاشياء اللى تخلي حراته مرتفعه منها
1_ كلتش المروحة
2_ الراديتر يكون متشبع وسخ ويحتاج لتظيف
3_ بوية الراديتر يمكن يبيلها تبديل
شييك على هذيل الاشياء وخبرني بالنتيجه و انشاء خير :glasses: :glasses:
alsamawe
25-08-2003, 06:54 PM
مشكورين اخواني على الردود
اخوي روح الامارات انا ما فهمت شو تقصد بي كلتش المروحة تراني غشيم في سوالف المكاين اصلا انا ما افتح البونيت الا بالحظ
اما بخصوص الريديتر انا سويتله تنضيف بس ما نفع اما بخصوص الماي فهو
تمام ...
عندي سوال انا لاحظة ان المراوح الصغير يلي في المكينه حركتها مش سريعه قلت يمكن يكون هذا السبب ..
روح الامارات
25-08-2003, 07:16 PM
السلام عليكم ورحمة الله وبركاته
هلا اخوي السماوي , والله الظاهر ان مشكلتك في كلتش المروحة وهذه هي المروحة اللى تبرد الراديتر , طيب غتدي طريقة افتح البونيت اذا شفت ان الهواء اللى طالع من المروحه قوي معناها ان كلتش المروحة تمام اما اذا كان الهواء ضعيف فمعناه ان الكلتش رايح مال المروحة ويحتاج تغيير :) :)
جرب اخوي وانشاء الله تنفرج عتك
مكيكان
25-08-2003, 08:40 PM
بيعه و فك حالك ;)
alsamawe
25-08-2003, 09:13 PM
اخوي روح الامارات اقدر اجرب والمكينه بارده ولا لازم اضربلي خط واجرب بعدين
اخوي مكيكان ما اقدر ابيعه لانه تاريخ مسافرين في اكثر من 7 مرات والله
انه موتر قوي بس المشكله فيني ما اعرف كيف احافظ عليه
روح الامارات
25-08-2003, 10:07 PM
السلام عليكم ورحمة الله وبركاته
هلا اخوي السماوي , لايلرجال مايحتاج تمسك خط انت انتظر الى ان تسخن السيارة يعني توصل لحرارتها الطبيعيه افتح البونيت وشوف الهواء اللى من المروحة مثل ما قلت لك والصراحة انا شاك فيها لان صارات معي بالكروزر اللى عندي مرة :( :( والحمدلله وديتها الوكالة وغيروها والحمدلله الحرارة تمام
alsamawe
28-08-2003, 10:17 AM
مشكور اخوي روح الامارات على ردك وطلع ان المروحتين الصغار خربانات
وبدلتهم والحين الحمدلله الحراره ما ترتفع