سوالف للجميع - برج بيتزا

زمردة

25-08-2003, 03:02 PM

:D

كلمة سمعتها اليوم وأضحكتني ..

فما هي الكلمة أو الجملة التي نطقت بالغلط وأضحكتك ؟ كذيه :D مو كذيه :)

ايميل مغبر

25-08-2003, 03:13 PM

موضوع رنان ترى

خذي هالموقف

مرة كنت مع واحد من الشباب وكان يدق على واحد ,,, سألته
شفيه مايرفع جواله ؟؟؟

قال لي المقفال مجول ( الجوال مقفل )

هذي صار لي 3 سنوات واذا اذكرها افطس من الضحك
:p :p :p :p
:p :p :p
:p :p
:p

وردة بلادي

25-08-2003, 03:21 PM

السلام عليكم ورحمة الله وبركاته

فعلا الاخطاء ترى تكثر لما الواحد يسرع فى الكلام

بس اذكر كلمة كل مااسمعها اضحك

اختى الكبيرة بدل ماتقول فلسفة تجلبها فلفسة

كورن فليكس =كم فلكس

زمردة

25-08-2003, 03:58 PM

حياك الله .. :D

آل المقفال مجول آل :D

كلمة أخرى أضحكتني .. حين أراد أحد أبناء أخي أن يقول : صب مطر .. فقال : صب شمس :D

زمردة

25-08-2003, 04:01 PM

أماراتية حتى النخاع ..

كأني أعرف أختك :D

هناك من ينطق كلمة الديكور .. دوكير :D

فيجا الكبير

25-08-2003, 04:24 PM

هههههههههههههه..

موضوع حلو..

أعرف واحد صديقي جا بيقول (( أصابعي )) قالها بالسرعة (( صباعاتي )) :laugh: :laugh: .. ومن يومها وحنا ماسكينها عليه.. :D

الامير الاحمر

26-08-2003, 04:58 AM

ههههههه
ذكرتوني بواحد من الربع
ابدا مايعرف يقول ما
مااعرف>>>> ماارعف
مائنه يغلط لا ماينطقها صح ابداااا

ابو الفياصل

26-08-2003, 05:17 AM

خخخخخخخخخخخخخ

يا كثر الأغلاط هذي..

انا اعرف واحد ذاك اليوم يكلم واحد ومستعجل..

جا بيقول تبي شي.؟
قال له شبي تي:D

ومواقف كثيره جداً..

بس ما اتذكرها..

تحياتي:)

كابريس

26-08-2003, 05:59 PM

مرة كنت بأكلم واحد وكنا نتكلم عن واحد ;)

المهم
وانا بأتكلم جيت ابغى اقول عمره كدا

قلت موديل :D ( متعود دايما في السيارات )

والثاني فطس من الضحك :rolleyes:

دينار بحريني

26-08-2003, 06:05 PM

ايها القارئين الكرام

في يوم من الايام

و في جلسه صافيه حميميه

بين شخصي الكريم و الاخت مرايا

كنت " و هنا اتكلم عن نفسي طبعا " ابي اقول قبل و بعد

ولكن بعد العشا و امتلاء البطون الواحد ما يدري هو شنو يقول :rolleyes:

فقمت قلت قبل و "اكل" بدال ما اقول قبل و بعد

و بصراحه الاخت الخشم مرايا قامت مشكوره بتعليق الكلمه هذي علي لفتره لا بأس بها

فصرت كل ما ابي اتكلم بنفس الموضوع تقولي قبل و اكل ها

و شكرا يا اعزائي الاطفال :glasses:

مرايا مبعثرة

26-08-2003, 06:22 PM

دينار

ما بقا شي من غسيلنا ما نشرتيه :D

مرة وحدة من خوياتي تبي تقول (( الادمية)) قالت (( الابدمية)) :D

خوش موضوع زمردة

هق الهااااق

NoSe

:D

حمامه

27-08-2003, 08:06 AM

السلام عليكم و رحمة الله و بركاته

الصراحه موضوع عجيب :D

مره كنت مع صديقتي قاعده أكلمها على المسنجر و كان مأذيها و بدل ما تقول أشوفج على البالتوك قالت أشوفج على البالتوج ، ومن يومها صرنا نسميه البالتوج :laugh:

سعيده بتواجدج معانا أختي زمرده :)

جوناء الحب

28-08-2003, 01:52 AM

صبااااح الخيرات يا حبايب

موضوع لزييييييز :D :D

مرة كنت باتفرج مباراة في كرة القدم

و بما اني ما اعرف شي فيها ( الخبط بين الكورة و الاعب):(

جيت جلست معاهم لقافة

و لما جاب واحد فيهم هدف

نطيت من مكاني و جاية اقولهم

( الهدف ما ينحسب ) قلتلهم ( المايحتسب اهتدف):headshak: :headshak: :headshak:

و من يومها عينكم ما تشوف النور

و دمتم سالمين

روح الامارات

28-08-2003, 02:46 AM

السلام عليكم ورحمة الله وبركاته

اذكر واحد من الشباب كنا طالعين البر اخر الليل والدنيا كانت مغيمه وتصب مطر :) وشوي الا ولع لك البرق والريال من كثر ماهو متحمس في البر قال الدنيا نور :D :D :D خخخخخ لين يومك وانا طايح فيه :D

bnt-alsaif

28-08-2003, 07:46 AM

مره من المرات كنا نلعب لعبه في الورق و هذي اللعبه هي إنه كل ما نرمي و رق مشابه لازم إنقول إسم الحيوان اللي الشخص مختاره و آنه كنت مختاره أخطبوط و مر ولد خالتي و أحنا نلعب مع بنت خالتي و أهي تستحي من هذا الولد واايد .. و لما مر كان فيه أوراق متشابهه و بدال لا تقول أخطبوط صرخت و قالت طووووووووووووووووووووووووووووووووووووووووووووووووووط :laugh:

زمردة

30-08-2003, 01:34 AM

فيجا الكبير :

صباعاتي .. عادي ..

أعتقد أنه بعضهم يقولها هكذا .. أليس كذلك ؟ :confused:

----------------------------------------------------------

الامير الاحمر ..

ما أقصّد .. قصدي ما أصدّق :)

----------------------------------------------------------

أبو الفياصل :

شو هالتأليف ؟ :mad:

---------------------------------------------------------

كابريس ..

عادي تصير في أحسن العائلات :D

-----------------------------------------------------------

مرايا مبعثرة :

واحد من عيال أخوي ( ألعب مع العيال لا يغركم طولي .. قصدي عمري

:D )

بدل ما يقول بيت قال بيد .. ومسكناها عليه وألفنا منها قصة .. ترى هو اللي قال من قبل صب شمس :D

وقال بعد بيبوي بدل بايباي :D ..

وإليك القصة :

كان رجل في الشارع لما ( صب شمس ) راح تحت شجرة لأنه ( قربه ) عوره ( قربه هذي غلطتي ) وبعدها قال ( بيبوي ) لرفيجة وراح ( البيد ) :D

-----------------------------------------------------------------

وعليكم السلام ورحمة الله وبركاته ..

وأنا أكثر سعادة أختي حمامة ..

إلا شو اسمج في البالتوج ؟ :p

------------------------------------------------------------------

جوناء الحب :

صبااااح الأنوار ..

شلج في البحر وأهواله ..

خربطتي اللغة وقعدتِ :D

سويتيها على وزن المقفال مجول :D

-------------------------------------------------------------------

روح الامارات :

الدنيا نور :D

عيل لو صب شمس شو بيقول ؟:D

---------------------------------------------------------------------

bnt-alsaif

ابنة خالتج كانت قاصدة .. تقول طووووووووووووط ( تزمر ) حتى تتحجبين عن ابن خالتك ..

:D

----------------------------------------------------------------------

اليوم جمعة .. شوفوا هالرابط :
http://www.swalif.net/sforum1/showthread.php?threadid=172015

فيجا الكبير

30-08-2003, 05:00 AM

في ناس تقول صباعاتي :OO: :eek:

:D

طيب هذا موقف ثاني..

هذا واحد صاحبي أيام الابتدائي لما كنا صغار.. جا بيقول أبي أحلق عالصفر قال بلحق صفر..

ومن يومها وحنا نقول له صفر صفر الحقه الحقه.. :D:D

بو علاء

30-08-2003, 09:09 AM

ياخوي يا فيجا الكبير الغالي علي
من يوم ما عرفتج ونت تفقش عالناس يابوي شبعنا ارانب

استغفر الله :headshak: :headshak:

امزح لا تزعل ;) ;) ;) ;) ;)

Dreams Mix

30-08-2003, 10:53 AM

لا انا صارت كتير اوي منها :D

اذكر مره كنت عند واحد من الاقارب ... بدال مايقول شغل المكيف ..

قال شغل المطيف :D ...

يتبع في الجزء الثاني ..

Dremo
:cool:

Mr.Kiady

30-08-2003, 12:37 PM

:D :D :D
أنا عندي اختي الصغييرووونه :D بدل ماتقول :
بنطلون تقول بلطلون
واذا جات بتصححها قالت منطلون :D

بو علاء

02-09-2003, 05:53 AM

انا اختي الصغييييييييييييييييييره
بدل ماتقول شنطه تقول شمطه :D :D

SL500

02-09-2003, 07:39 AM

موضوع رائع وسلمت لاختيارك الموفق

اما بالنسبة للمواقف الللي صارت لي فياااااااا كثرها ولكن باعطيكم واحد منها

يوم دخلت محل ملابس جديد و بدل ما اقول للرجال :إيش صناعه البضاعة........تخيلوا وش قلت له

قلت:وش جنسيتها كخخخخخخخخخخ:D

زمردة

03-09-2003, 09:33 AM

أضحك الله سنكم :D

أشكركم على تشريفكم للموضوع ..

تستحقون هدية من هدايا العمرة التي أحضرتها لكم :)

هذه هديتكم الأولى :
http://www.thekra.org/

وتجدون هنا هدايا أخرى .. أهديت للأخوة والأخوات في سوالف الأصدقاء :
http://www.swalif.net/sforum1/showthread.php?threadid=173650

فيجا الكبير

03-09-2003, 09:50 AM

بو علاء:-

الأرانب عندي حساسية منها..:p

يعني الأرانب السريعة والفيلة الطائرة والتماسيح الضخمة مو من اختصاصاتي..;)

تحياتي لك:cool:

زمردة

04-09-2003, 05:34 AM

ابعد عنا أرانبك السريعة والفيلة الطائرة والتماسيح الضخمة ..

لو سمحت .. أنت والأخ أبو العلاء :mad:

مشاكس أفندي

04-09-2003, 08:19 AM

مرة كنت أنا و صاحبي ما شين في الشارع و كنا عم ناكل فطاير فصاحبي قال البهركا إنطقعت (قصدو الكهربا إنقطعت) طبعا ذليتو مع صحابنا

ومرة كنت أنا واحد في المخبز وشوفنى دونات فكنت أبي أشتري فقلت لصاحب المحل ممكن دونات بالرز طبعا كل الي فل محل فرطو ضحك!!!!!!!:laugh: :laugh: :laugh: :laugh:

زمردة

05-09-2003, 04:45 PM

أسأل الله أن يبهرك بكرمه ..

وأن يدنيك منه ..

:D