سوالف للجميع - بنز ابو عيون كوبيه

topspeed

28-09-2003, 07:06 AM

السلام عليكم ورحمة الله وبركاته

اخواني

الله يمسيكم بالخير جميع

خدمه صغيره لاخوكم ولا تردوني خايب

بكم القى

CLK 320 98-99-2000

مرسيدس بنز ابو عيون كوبيه تنده مو كشف

ارجو منكم الرد باقصر وقت لان ماعندي خبره وخايف ينقص على بقيمتها

حبوب بوظبي

28-09-2003, 07:09 AM

فالشارقه شفتلك كم واحد ( شكلهم نظاف بس انا ما دققت)
سعرهم يتراوح من 75 لي 82 الف درهم

هذا في شهر 7 و الحين الله اعلم

حبوب بوظبي

28-09-2003, 07:18 AM

بس حبيت اضيف شي
اللي شفتهن كانت موديلاتهن
97و 98 هذا و الله اعلم

topspeed

28-09-2003, 07:18 AM

السلام عليكم ورحمة الله وبركاته

صحيح انك اسم على مسمى ياحبوب

مشكور ماقصرت على ردك ;)

بس عندي سؤال اللي شفتهم وش موديلاتهم وهل هم خليجي

او الماني مع العلم ان الخليجي بيكون احسن من ناحية الحراره

topspeed

28-09-2003, 07:20 AM

ارحم الله والديك وماقصرت

حبوب بوظبي

28-09-2003, 07:28 AM

الموديلات قلتلك من 97 لي 98
و كلهن خليجي

انا ربيعي كان بياخذ وحده
عدادها 27000 كم بس:confused: :confused: :confused:
(انا شكيت فالسالفه)
هيه نظيفه و موديل 98
كان و الله اعلم طالب فيها 79 الف درهم

بس انا احب اصحح معلوماتك
- اذا بتاخذ مستعمل خذلك وارد احسن
ليش؟ سألتني ليش؟
لأن الخليجي صاحبه ما بيبيعه إلا بعد ما يبهدله
(انا اعرف سواقة العرب فل ريس دايما)
و الحر اللي هنيه ما يبقيلك فالفرش شي
و لا تعال اسأل عن دفتر التشييكات (و لا عمره شيكها بالوكاله)

شوف الوارد كيف:
يمكن ما مشى اكثر من 140
الفل ريس عمره ما ندعس
التشييكات فمعادها و فالوكاله (اطلب الدفتر من صاحب المعرض)
الجو بارد حلو ما يخرب الأثاث
و تراه سعرهن اغلى من الخليجي <-- للعلم
و إذا بتقولي عشان الخليجي يستحمل الحر
الموديلات من 98 تقريبا كلها تستحمل حر هالبلاد
(ما شي فرق إلا فلون الأثاث)

و شكرا:)

topspeed

28-09-2003, 07:41 AM

السلام عليكم ورحمة الله وبركاته

ما اقدر اقول الا الف شكر لك على سعة صدرك

وودي من اخواني اهل السعوديه او الكويت انهم يساعدوني لانه اسهل

على من باقي دول الخليج

الشبابي

28-09-2003, 08:17 AM

اخوي توب سبيد ...
يوجد مرسيدس سي ال كي 2003 بألوان وانواع مختلفة وماشية قليل من المانيا واسعارها تتراوح مابين 130 الى 150 ريال ...
يوجد ديزل وبنزين واتو وعايدي بعد ...
وصراحة المواتر جديدة ورهيبة من جد من جوة ...

اخوك الشبابي

topspeed

28-09-2003, 08:33 AM

بارك الله فيك يالشبابي وعساك سالم وغانم

بالنسبه حق الموديلات الجديده فهناك عذروبين يخلوني اشيلهم من راسي

اولا الشكل من ورا تعبان

ثانيا والاهم هو ان الميزانيه بحدود الثمانين

مشكور على التواصل