View Full Version : كيف اقدر اشيل ريحة التدخين من السيارة ؟؟
ايطالي
20-10-2003, 12:53 PM
السلام عليكم
ياشباب انا لي الحين سنتين شاري سيارتي .. ومن اول ما اشتريتها وانا ادخن فيها دايم .. واذا احد معاي كان يبي يدخن ما امانع
بس المشكلة الحين ان السيارة اذا فتحت المكيف تطلع ريحة دخاااان غير طبيعية .. ودايم اذا احد ركب معي وهو ما يدخن ينزعج من الريحة
وكانت غلطتي اني كنت لما ادخن اخلي الهواء المكيف جوا السيارة .. يعني ما اخلي الدخان يطلع برا السيارة
فيا ليت احد يشور علي بفكرة تشيل لي الريحة من المكيف :help: :help:
مستني ردودكم يا شباب :)
bashar_255
20-10-2003, 01:21 PM
و الله هذ اثاث ما تقولي المكيف :headshak:
ما لك الا انك تودي يغسلو للك الأسيات محلات ما يغسلو الكنب....
طيب انا اعطيك حل سريع وان شاء الله تنحل مشكلتك
اول شي الله يبعد عنك هالسم القاتل اللي اسمه دخان
ثانيا
عند تشغيل المكيف هناك حالتين لطريقة تبريد الهواء
الطريقة الاولى واللتي تكون نتايجها في التبريد افضل هي ان تجعل وضعيه الهواء على شكل التدوير في السيارة اي انت الهواء يدور في السيارة بحيث ان المروحة تسحب الهواء البارد من داخل السيارة وتتم عمليه تبريده مرة اخرى من خلال الفريون ومن ثم خروجه من فتحات التكييف <-----مع العلم ان هذه الطريقة خطرة وخاصة اذا كانت السيارة واقفة مكانها
الطريقة الثانية وهي ان تجعل منظومة ادخال الهواء من خارج السيارة
ستلاحظ اختلاف كبييييييييييير جدا ولكن ستعاني في اول خمس دقايق من قلة برودة الهواء ولكن مع تغيير كبير في رائحة المكيف
ان شاء الله وضحت الصورة ؟
استمر على هالطريقة حتى تجد ان الرائحة قد تغيرت تماما ولا تعودها مرة اخرى :)
زورو الامارات
20-10-2003, 01:48 PM
السلام عليكم ورحمة الله وبركاته
حسب ماسمعت ان الفحم يشيل الروايح
ياليت لو تحط فحم في السياره
لان حسب ماسمعت انهم يحطون فحم في الثلاجه لما تطلع ريحة
وثاني شي ياخي بطل تدخين ؟ خايفين عليك ياخي :) :)
الله يهديك وتبطل هالسم قريب ان شاء الله انت وباقي الشباب
علي عبدالله
20-10-2003, 02:15 PM
استعمل الحل التقليدي المتعارف عليه يا اخي
قم بتعليق قطعة بلاستيكية على المرآة الامامية لتعطي السيارة رائحة عطرية
هذه القطع يبيعونها في محلات زينة السيارات
وشكرا .......
Qatif_Altima_Hks
20-10-2003, 02:27 PM
انا اقولك حل
اذا تبغى تدخن افتح الفتحه حق المكيف الي تجيب هواء من برى
واذا تبغى تروح الريحه من جد في محلات الزينه قوطي صغير زي قوطي الصلصل:D جد اتكلم والله داخله ريحه موطبيعيه وخذ الك هذي الي يعلقوها وحده قدام ووحده ورى
وبتشكرني الف شكر:rolleyes:
HOLDEN-SSX
20-10-2003, 03:13 PM
طيب ماحد يعرف كيف يرجع ريحة الوكالة للسيارة لانها ريحة غير طبيعيه;) قصدي مافي ريحة يبيعونها مثل ريحة السيارة لما تطلع من الوكالة :D
مكيكان
20-10-2003, 03:25 PM
نظف فلتر المكيف
او بدله من الاساس و ريح حالك
و لو عندك كراج مفتوح ( يدش فيه الهوا )
افتح درايش السياره في ليله جوها حلو زي الليله :D
و خليها للصباح <<< اذا مآمن عليها من القطاوه :laugh:
لو قلت لي وين الفلتر
عاده يكون في جهه الراكب
و غالبا ما يكون خلف الدرج يعني لازم تفك الدرج
و احيانا يكون برا يعني ما تقدر تفتحه الا من الكبوت ( الفلكس و جماعتها )
كرافت
20-10-2003, 04:06 PM
سلااااااااااااااااام
انا عندي لك الحل
جب طيب عود بخور
يعني حط فحم في المبخره وحط فيها كم قطعه عود من النوع الزين
وشغل السياره ومكيفها وخل البخره في السياره الى ان تصير كلها
دخااان <<-- من العود مو الدخان
وبعدين طف السياره وخلها لثاني يوم وبالهناء والشفاء
لا صج طريقه مجربها وكوووويسه مره
جرب وعلمنا بالنتاااايج
المسافر
20-10-2003, 06:43 PM
رد مقتبس من S8
طيب انا اعطيك حل سريع وان شاء الله تنحل مشكلتك
اول شي الله يبعد عنك هالسم القاتل اللي اسمه دخان
ثانيا
عند تشغيل المكيف هناك حالتين لطريقة تبريد الهواء
الطريقة الاولى واللتي تكون نتايجها في التبريد افضل هي ان تجعل وضعيه الهواء على شكل التدوير في السيارة اي انت الهواء يدور في السيارة بحيث ان المروحة تسحب الهواء البارد من داخل السيارة وتتم عمليه تبريده مرة اخرى من خلال الفريون ومن ثم خروجه من فتحات التكييف <-----مع العلم ان هذه الطريقة خطرة وخاصة اذا كانت السيارة واقفة مكانها
الطريقة الثانية وهي ان تجعل منظومة ادخال الهواء من خارج السيارة
ستلاحظ اختلاف كبييييييييييير جدا ولكن ستعاني في اول خمس دقايق من قلة برودة الهواء ولكن مع تغيير كبير في رائحة المكيف
ان شاء الله وضحت الصورة ؟
استمر على هالطريقة حتى تجد ان الرائحة قد تغيرت تماما ولا تعودها مرة اخرى :)
بسم الله الرحمن الرحيم
الحال من بعظه انا ريحت الزقاير حتى بالكشنات متعلقه ريحت سيارتي كلها زقاير حطيت عطر او كل شي او هم الريحه لحد الحين موجوده:laugh:
عاشق التضبيط
20-10-2003, 09:27 PM
رد مقتبس من مكيكان
نظف فلتر المكيف
او بدله من الاساس و ريح حالك
و لو عندك كراج مفتوح ( يدش فيه الهوا )
افتح درايش السياره في ليله جوها حلو زي الليله :D
و خليها للصباح <<< اذا مآمن عليها من القطاوه :laugh:
لو قلت لي وين الفلتر
عاده يكون في جهه الراكب
و غالبا ما يكون خلف الدرج يعني لازم تفك الدرج
و احيانا يكون برا يعني ما تقدر تفتحه الا من الكبوت ( الفلكس و جماعتها )
صحيح كلامك اخوي انا مجربها في ماكسيما
انا الحمدلله ما أدخن واخوياي قليل اللي يدخنون ومستحيل احد يولع زقاره بسيارتي انواع النذاله :laugh:
بس كانت تطلع لي ريحه كريهه زي الشي الخربان حطيت بخور قلت يمكن تروح مافي فايده كل ما اشغل المكيف تطلع لي
واخر شي اقترح علي كهربائي انه يفك فلتر المكيف وقلتله يالله دووس فكه يوم فكه طلع بلاوي :eek: طلع بقايا من الشجر صغيره هي اللي مسويه المشكله يجي عليها شوية مويه وتطلع الريحه وبعدين انا غلطتي كنت اطفي السياره واخلى الزر اللي يخلي الهوا داخلي مطفى
وصارت تدخل القطع الصغيره
الطائر
21-10-2003, 02:28 AM
بسم الله الرحمن الرحيم
تغيير الفلتر هو الحل الاسلم. بحسب معلوماتى (ويمكن تكون غلط) يجى بمكيف السيارة فلترين. واحد للهوا الخارجى ويكون كبير مثل فلتر المكينة وواحد ثانى للهوا الداخلى ويكون صغير. المطلوب هو تغيير الفلتر الصغير.
ايطالي
21-10-2003, 02:48 PM
يعطيكم الف عافية يا شباب على الردود اللي تبرد القلب :D
على العموم فكرة اني احط قطعة اللي تعطي ريحة .. فكرت فيها بس ابي حل للمكيف
اخوي s8 او اي احد من الاخوان اللي اقترح نفس الاقتراح .. اذا وضعت خاصية ادخال الهواء من الخارج .. في الوقت اللي ادخن فية فقط .. وشلتها لما ما ادخن هل هذا يأثر على المكيف .. مع العلم اني ممكن ادخن اكثر من مرة .. يعني بغير وضعية دخيل الهواء اكثر من مرة وانا اسوق ؟؟
ومشكورين :)
لا ماعندك اي مشكله ان شاء الله
بس انا اقول خل الهواء من بره على طوووووول حتى في الاوقات الي ماتدخن فيها عشان الريحة تتغير تماماً
HaKeM
22-10-2003, 04:27 AM
أخوي الإيطالي أفضل حل أنك تغير فلتر المكيف وحسب دليل الصيانة فلتر المكيف يتغير كل 40 ألف كيلو وهناك حل أوفر تنظف فلتر المكيف
تحياتي:)
ايطالي
22-10-2003, 04:20 PM
مشكووور اخوي s8 .. ويعطيك الف عافية على النصيحة
اخوي حاكم العدل .. انا ناوي اشيك على السيارة تشييك كامل بعد اسبوع .. وبسألهم انشاء الله على الفلتر .. ومشكور اخوي على ردك :)
بودمعة
23-10-2003, 01:15 AM
أنا أقول بانه لافائدة من كل هذه الحلول
فكلها قد تقضي على الرائحة مؤقتا فقط
والسبب ان صاحبنا ايطالي مازال يدخن في السيارة هو واصدقائه
فكيف تنحل المشكلة مادامت ستتجدد في كل مرة تدخن فيها:headshak:
فأول شيء يا أخي ايطالي هو عليك حل مشكلة التدخين أولا سواء ان تتوقف عنه إن شاء الله أو ان لاتدخن في السيارة مطلقا انت أو غيرك
وبذلك سيكون كل حل ناجحا وبشكل مطلق إن شاء الله
وتقبل تحياتي
وتقبلوا يا اصدقائي تحياتي العطرة:D