View Full Version : استشارة على ML350
السلام عليكم ورحمة الله وبركاته
اريد يا شباب نصيحتكم على ال ML350 لان انشاءالله نويت اشتريها وكمان متى شكلها راح يتغبر وان بيتغير شكلها ممكن توضعوا الصور.
اخوكم م.رائد
سردال
13-11-2003, 12:11 PM
وعليكم السلام ورحمة الله وبركاته
شخصياً أقول لا تشتري ألحين، ما أدري الموديل الجديد متى بينزل، يمكن بعد سنتين أو سنة، لكن مع ذلك لو شخصياً أريد أشتري هذه السيارة، راح أنتظر، أو أشتري سيارة منافسة.
والله ياخوي سردال انا فكرت فيها بس السعر مغري 150000و هده الفل كامل بس من غير شاشة وموديل 2004 من الجفالي وقلت في نفسي لو الشكل الجديد نزل ما راح يقل بالعكس راح يزيد كثير في السعر مثلا الE240 قبل ما يتغير 142500 وبعد ما اتغير 171500 فشايف كيف الفرق كبير وانا باقول لو الشكل حيتغير شوي عادي لكن لو بالكامل مثل الE مشكلة وشكرا اخوي لمشاركتك .
كرمبع
13-11-2003, 01:40 PM
بصراحة السيارة حلوة جدا خصوصا التعديلات اللي طرت في الاعوام 2003 و 2004... اصبحت منافسه لمثيلاتها رغم الفترة الزمنية على نمط واحد منذ بداية انتاجها... وبصراحة ماراح تخسر لو خذتها لو انته مرتاح لها.. اما اذا تحاتي الشكل فمازال الانتاج راح يكون رسمي في بداية 2006 يعني بعده زمن ...
تحياتي
مشكور اخوي كرمبع على ردك
بس لو أي احد من الشباب لو عنده شكل الموديل الجديد ممكت يحطه في الموضوع
مع تحياتي.
زورو الامارات
13-11-2003, 07:00 PM
السلام عليكم ورحمة الله وبركاته
طيب شرايك في اللاندكروزر ؟
فكره حلوه ومواصفات ومحرك لصالحك
على الاقل 4500 سته سلندر بتحصله بنفس السعر
اوتوماتيك
ولاتنسى ان الكروزر سعره ماينزل وقت اعاده البيع يعني فلوسك في جيبك مضمونه بأذن الله
صدقني عائلي اكثر من المرسيدس
فكر وشوف
و عليكم السلام ورحمة الله وبركاته
شكرا اخوي زورو الامارات
المشكلة ان الاندكروزر كبير وبعدين صرفية بنزين وانا ابي سيارة خاصة لي وانا شفت الجيب اللكزس الصغير والانفنيتي الجيب اللكزس ب144000و الانفنيتي ب 113000 وبيني وبينك الالماني احسن والفرق بين اللكزس و البنز قليل في السعر فالالماني اعتقد انه افضل ويستاهل المبلغ.
760IL
13-11-2003, 09:45 PM
والله انحك باللكزس افضل .....يكفي انها ضيقه من الداخل وخلفيتها ...مايحتاج اعلق+ التصميم الداخلي كلاسيكي ....بس اذا السياره داخله مزاجك اخذها ولاعليك من احد حتى انا:confused:
مشكور اخوي 760IL عل نصيحتك
والله اللي مخوفني من البنز الصيانة لان انا مجرب واللكزس الصيانة ما يحتاج بس انا للحين محتار يا شباب على ايش تنصحوني؟:confused: