View Full Version : سيارة بـ 170 ألف ... ما رأيكم؟
xhaytham
23-11-2003, 03:05 AM
السلام عليكم ورحمة الله وبركاته
اولاً أحيي جميع أعضاء ومشرفي هذا القسم النشيط ماشاء الله تبارك الله والرائع والمفعم بمواضيعه المستجدة والقوية...
وتحية خاصة الى المشرف الرائع AMG وإلى الأخ S8 لمواضيع الأكثر من مميزة...
ونحمد الله عز وجل ان يسر لنا التسجيل في هذا المنتدى المبارك...
الموضوع يا اخوان بإختصار ان هناك شخص كبير في السن يريد شراء سيارة وميزانيتة تتراواح ما بين 170 ألف - 190 ألف سعودي وحالياً في قائمة الإختيار السيارتين التاليتين:
1- كاديلاك
http://fp.images.autos.msn.com/merismus/gallery/c444439a.jpg
http://fp.images.autos.msn.com/merismus/gallery/c444440a.jpg
http://fp.images.autos.msn.com/merismus/gallery/c444441a.jpg
2- لينكون تاون كار
http://fp.images.autos.msn.com/merismus/gallery/c444411a.jpg
أرجو إعطائي معلومات وافية عن السيارتين من جميع النواحية لو تكرمتم..
وهناك سيارات في البال لكن لا أعلم سعرها مثل الإنفينتي
أرق وأعذب التحايا
هيثم
الأنصاري
23-11-2003, 05:23 AM
الصراحه السيارتين من نفس الطينة:D :D
بس اعتقد ان الكاديلك افضل
هشومي
23-11-2003, 05:25 AM
يشوف له مرسدس لو بس بودي افضل له من هالخرده
BoSaLem
23-11-2003, 06:45 AM
والله عندي انا اللنكن افخم ورسمي حيل وحلو حق كبار السن :D
E_TYPE
23-11-2003, 07:03 AM
هلا اخوي خد مرسديس E240احسن منهم اثنينهم بس براحتك انا عندي لنكون احسن من الكاديلك
STS4ever
23-11-2003, 07:29 AM
اللنكون مريييييييييح جدا وينفع للكبار وقطعه رخيصه مره وسعره اقل من الكاديلاك يعني انصحه باللنكولن :)
سلام
كرمبع
23-11-2003, 08:21 AM
عندك هالمبلغ حطه على الماني ولاتضيعه على سيارة حق سنتين وبس
فوردLX
23-11-2003, 08:38 AM
رد مقتبس من STS4ever
اللنكون مريييييييييح جدا وينفع للكبار وقطعه رخيصه مره وسعره اقل من الكاديلاك يعني انصحه باللنكولن :)
سلام
خاصتاً الجديد مره فخم وواسع من الداخل وزنون ولاتنسى انه افخم سياره امريكيه وهي التي يستخدمها الرئساء في الغرب لنوكولن تون كار
زورو الامارات
23-11-2003, 10:20 AM
السلام عليكم ورحمة الله وبركاته
مافي اختيارات ثانيه غير الامريكيه ؟
اللكزس اختيار موفق بس السعر مرتفع
والمرسيدس على هالسعر ماتقدر تجيب لك اس كلاس
وان جبت إي كلاس بتكون 240 فمابتنفع مع رجل كبير يبغي سياره فيها عزم اكثر من ماتكون قويه ويبغيها وسيعه من الداخل على شان عائلته
A7medo
23-11-2003, 11:32 AM
نصيحتى أن ياخذ تاون كار لأن في أعتقادي أن أعمارهم طويلة
The Crown
23-11-2003, 02:10 PM
السلام عليكم
انا ارشح التاون كار بصراحة : شكل خارجي احلا وتحس له هيبته وفخامته خصوصا موديل 2003 , محرك v8 4.6 صحيح اقل قوة حصانية من محرك الكاديلاك ولكن عزمه اقوى 306 رطل مقابل 300 في الكاديلاك واقتصادي اكثر وهذا عن تجربة , سعر السيارة وقطع غيارها وصيانتها رخيصة جدا مقارنة بالكاديلاك وتقدر تسويلها صيانة فأي مكان خارج الوكالة بدون ماتتعبك , رحابة كبيرة في الداخل وقيادتها ناعمة جدا تناسب كبار السن
هذي وجهة نظري وانشالله اكون افدتك :)
Mark2
23-11-2003, 03:36 PM
السلام عليكم ورحمة الله وبركاته
أنا اكول اختار انيفينتي و توكل على الله:)
TOP-SECRET
23-11-2003, 05:35 PM
انا اشوف الكاديلك افخم في الشكل من الخارج لكن من الداخل مادري لاني مادخلته بس اتوقع النكولن افخم من الداخل:)
infiniti
23-11-2003, 06:08 PM
السلام عليكم ورحمة الله وبركاته
صراحه اشوف افضل سياره من الاختيارات هي انفينيني Q45 مميزه و قليله بالشوارع و مواصفات افضل من الكاديلاك و اللنكون تقنيه اعلى و جوده يابانيه و اعطال قليله جدا لاكن صيانتها غاليه شوي.
عندي اقتراح لو تروح و تجرب السيارات تعمل TEST DRIVE و تختار انت بنفسك و التجربه خير برهان :banana:
UAE LOVE
23-11-2003, 07:15 PM
لاتفكر غير بلكاديلاك
xhaytham
23-11-2003, 08:31 PM
السلام عليكم ورحمة الله وبركاته
ماشاء الله ردود كثيرةى:eek: :p
لكن اخواني ارجو ممن يقول ان مثلاً الكاديلاك افضل ان يذكر ولو على الاقل سبب واحداً وجيهاً ولا يكون فقط استناداً على ذوق شخصي...
بالنسبة للإنفينتي كم هو سعرها في الوكالة في السعودية؟ وهل خبر توقفها وفشلها صحيح؟
جزى الله الجميع خير الجزاء
SL500
23-11-2003, 08:50 PM
ذا اذا يبي امريكي
وانا انصحه وبشدددددددة بالكزس او المرسيدس S حتى لو ما كانت جديدة
رد مقتبس من xhaytham
السلام عليكم ورحمة الله وبركاته
اولاً أحيي جميع أعضاء ومشرفي هذا القسم النشيط ماشاء الله تبارك الله والرائع والمفعم بمواضيعه المستجدة والقوية...
وتحية خاصة الى المشرف الرائع AMG وإلى الأخ S8 لمواضيع الأكثر من مميزة...
هيثم
وعليكم السلام ورحمة الله وبركاته
حيا الله الاخ العزيز هيثم
بصراحة بعد ذكر اسمي فوق مااقدر اتركك دون اي رد
هذا موضوع لي بخصوص الكاديلاك دوفييل DTS جربته من فتره بسيطة وكتبت عن تجربته المصورة هنا في المنتدى
تجربة مصورة (كاديلاك دوفييل DTS ) نايت فيجين . (http://www.swalif.net/sforum1/showthread.php?threadid=176524)
تصفح معلوماته وان شاء الله انك ستستفيد ...واي استفسار انا حاضر ,,,, مع العلم اني انصح بالانفينيتي Q45 لانها ياباني ...
black scorpion
23-11-2003, 11:43 PM
شوف الانفنتي Q45 اعتقد انها الانسب والاكثر جوده من الكاديلاك واللنكون
الشبابي
24-11-2003, 12:18 AM
يا رجال خذ لك انفينيتي احسن خيار له ...
سيارة وسيعة وفخمة وقوية وهيبة وقطع غيار نفس اسعار النيسان يعني مو رافعين اسعارها مثل الفرق بين لكزس وتويوتا وصيانتها ماهي معقدة مثل الالماني و مواصفاتها عالية وشكلها روعة وناعمة مررررررة ولا غير كذا صيانتها ببلاش .......
اخوكم الشبابي
mustang cobra
01-12-2003, 07:01 PM
بسم الله الرحمن الرحيم
انا انصحك بالمرسيديس s واذابيدفع 180 بالراحه يالقاله مستعمل وماشي شوي اامن واحلى وقطع غيارها متوفره واتصلحها باي ورشه او e320 سبع سنوات ماحيتغير شكلها وفيها قوة ممتازه وقطع غيار ارخص ولاتنس الجوده الالمانيه يكفيك علامة المثلث الي قدام;) وسلامتكم
Dentist
01-12-2003, 09:41 PM
نصيحتي لك ابعد عن هالسيارتين ..
وعندك الانفينتي روعه أو مرسيدس S مستعملة استعمال نظيف
وتحياتي
X_RaYs
02-12-2003, 12:29 AM
أرشح التاون كار :rolleyes:
ACCORD-V6
02-12-2003, 12:47 AM
السلام عليكم ورحمة الله وبركاته
شوف اخوي
الكاديلك افخم داخلي وخارجي وهذا شي واضح
لكن على مااسمع واشوف ايضا ان الكاديلك خراباتها كثيرة وعمرها قصير
لكن في الشكل اكيد الكاديلك
وهذا مايعني ان التاون كار سيارة صبورة وعمرها طويل لا بالعكس الامريكي كله تعبان لكن اللينكون اطول عمر من الكدلك وارخص قطع غيار
لكن اذا تبغى الكلام النهائي
انفينتيQ45
افضل مليون مرة
1-ياباني
2-عمر طويل
3-جودة افضل من الامريكي بفارق كبير
4-افخم
5-متطورة اكثر من الامركي
6-شكلها جديد
وووو الخ فيه اشياء كثيرة
لكن مرسيدس S مستعمل ماانصحه لانها سنة ولاسنتين بيتغير شكلة
اسف جدا جدا على الاطالة
أنا من رأيي
أي سيارة .. أفضل من هذي السيارتين بالذات
بسم الله الرحمن الرحيم
BMW 5 series ماااا غيرهااااااااااا
و لا ال e class .....
تحياتي
كابريس
04-12-2003, 07:35 AM
BMW الفئة الخامسة الجديدة ؟؟؟
علي 2000
04-12-2003, 08:02 AM
بسم الله الرحمن الرحيم
أنا في رايي انفنتي أو مرسيدس أحسن شي الياباني و الالماني
بس الالماني غالي لكن احسن شي تاخذه انفنتي لانه
واســـــــــــــــعه
قويه
انسيابيه ليتها كبير جذاب
يوجد بها شاشه صغيره ووووووووو
في رايي احسن شي انفنتي
مـــــــــــــــــع تحيات علي 2000
السلام عليكم ورحمة الله وبركاته
ليش مستغرب اخوي كابريس ؟؟
السيارة سعرها ب 178 الف بدون الكراسي المكيفة فول اوبشنز بعد الخصم الدبلوماسي توصل 172 الف ...اما مع الكراسي المكيفة فسعرها ب 188 الف ...
تحياتي
على فكرة الدفعة هذي مافيها تلفزيون
و النافيجيشن سيستم يعتمد على الاسهم مب خريطة مع ان الشاشة دي في دي :(
اما في الدفعة الياية بتنزل ميزة التلفزيون و الخريطة ان شاء الله و الهميزة بتنزل في اواخر هالسنة في المانيا اذا ما نزلت يعني قول في الصيف في الخليج ان شاء الله
تحياتي
كابريس
05-12-2003, 03:26 AM
رد مقتبس من FIGO
السلام عليكم ورحمة الله وبركاته
ليش مستغرب اخوي كابريس ؟؟
السيارة سعرها ب 178 الف بدون الكراسي المكيفة فول اوبشنز بعد الخصم الدبلوماسي توصل 172 الف ...اما مع الكراسي المكيفة فسعرها ب 188 الف ...
تحياتي
أنا مع بي ام دبليو الفئة الخامسة وأؤيدها وبشدة
بس يمكن انت فهمتني غلط
وأنا عارف سعر السيارة
:rolleyes:
أبوالزين
05-12-2003, 03:35 AM
صراحة حج شخص كبير في السن اللينكولن ولا احسن,, والكابرس بعد سيارة تناسب كبار السن :)
ViPeR_4_LiFe
05-12-2003, 11:14 AM
رد مقتبس من بوعبود
الصراحه السيارتين من نفس الطينة:D :D
بس اعتقد ان الكاديلك افضل