خبر فرحني وااايد تعاالوا وشوفوا...

[cruiser2000]

السلام عليكم ورحمة الله وبركاته


كيف الحال؟ انشاء الله بخير

كل عام وانتوا بخير مبروووك عليكم العيد

عساكم من العايدين والسالمين




انا كنت اتصفح الانتر نت وشوفوا شو حصلت :



انتوا تعرفون ان عندي ماتيز

والماتيز 3 سلندرات بقوة 50 حصان تقريبا

وبسعه 780 سي سي او ما يقاربها



المهم انا حصلت هذا وقولوا رايكم

http://matiztop100.com/zb/data/m_demo/national1040202975[1].jpg

http://matiztop100.com/zb/data/m_demo/national1040202975_2[1].jpg


مكينة ماتيز بأربعه سلندرات وسعة 1000سي سي

شرايكم احطها على سيارتي تعتقدون اني بغلب الهيونداي جيتز؟


علما بأن الجيتز 4 سلندرات وما اعرف عنها وايد لكني حاولت اسابقها لكن غلبتني

راعيها ما كان يسوق زين وايد لكن الجيتز فيها عزم اقوى من سيارتي
علما بأن الماتيز مالتي موديل 2000 والجيتز 2003

وسيارتي رقم 3 وحتى الجيتز رقم 3

لكن سيارتي مكروووفه ماشية 85000 كيلومتر والجيتز توها وكالة

انا مصمم اني احط المكينة هذي شو تقولون؟


خبر فرحني والله عاد ما اعرف معلومات اكثر لان الكلام كان ياباني




مع حبتي لكم
كروزر2000

[سردال]

يعتمد الأمر على الهدف، إذا تريد تغلب الجيتز وأي سيارة ثانية بعد تقدر تحط المكينة الجديدة وتزودها بعد، وماتيز سيارة خفيفة، صدقني راح تخلي أصحاب السيارات السريعة يحرقون سياراتهم من القهر :laugh: <--- أمزح، لكن فعلاً، إذا الأمر مجرد سباق ومطارح فأعتقد أن المسألة ما تستاهل، خلك محافظ على السيارة، وتذكر أنها خلاص ما تنباع في السوق (هذا اللي أعرفه).

[cruiser2000]

السلام عليكم ورحمة الله وبركاته


مشكوور اخوي سردال على الرد

لكن انا اول شي عندي هدفين لكن هدفي الاقوى مب المطارحة

انا اول شي سيارتي اعرف انها ما راح تنباع لو ان خمسة
وقفوني يريدون يشترونها مني لكن ما وافقت اكيد لانها ما
راح تيب سعر مناسب كم بتنباع يعني
خلنا نقول اعلى سعر لها
دام اني محافظ عليها ومب مدعومة والحمدلله يعني بتيب 6000 درهم؟
مستحيل

واذا قلنا 6 الاف درهم انباعت شو بشتري بست اللاف درهم سيارة
احسن عن الماتيز؟

مستحيل ما بحصل احسن منها :o

لكن هدفي هو ان عزم السيارة ما صار اوكيه وايد

لاني ما قمت اشغل المكيف ابدا واذا شغلت المكيف الريس
مالها يرقد مرة وما فيها عزم مووول

قلت اقويها شوي للعزم لا غير ولا من ناحية المطارحة

انغلبت اكثر من مرة لكن مب حقيقيا

لاني اسابق سيارات كبيرة فوق مستواي عشر مرات

لاني فقط امصخرههم تخيلوا سابقت مرسيدس سي ال 500

وما قام يزيد السرعة فوق ال100 يبي يتمصخر عليه لكني انا كنت
جدامه وعاطي العداد تقريبا 125 فقط ومع هذا عطاني
فول لايت يبيني اوقف

لبسته

اداعس اكس فايف وبودمعه فقط للمصخرة ومش للسباق

وبعدين انا اوقات ادعس السيارة مش للمطارحة او سباق

لكني ادعس عشان ما تركبن عليه

غالبا كل اسبوع مرة او كل خمس ايام مرة هذا لا غير


وبعدين سوقها خسران بالمرة واريد اقويها شوي عشان العزم
لان مكينتها مرة مافيها عزم


مشكور مرة ثانية للرد


تحياتي لكم
كروزر2000

[سردال]

طيب، توكل على الله، شخصياً لو عندي ماتيز، ما راح أبيعها، مش لأنها رخيصة، لكن لأنها متميزة (بالنسبة لي على الأقل :)) وتعجبني، ويبدو من كلامك فعلاً أنها تحتاج قوة، لكن خبرني كيف بتحصل المكينة؟ وكم تكلفك؟

[cruiser2000]

السلام عليكم ورحمة الله وبركاته

شكرا على الرد اخوي سردال

ومن ناحية ماتيز هي فعلا اذا بعتها بتكون خسارة كبيرة جدا

لانها نفعتني مدة طويلة ولا راح ابيعها اخواني الاصغر عني
بياخذونها ويتعلمون عليها في السواقه والاصغير بعد جذي


بخليها تراث!!!!!!:D



ومن ناحية المكينة انا ما اعرف كيف بحصلها لكن أكيد بتكون موجودة في
الوكالة لكنها جذي بتككلفني وايد لانها من الوكالة


لكن بحاول ما اعتقد انها غالية وايد لانها اربعه سلندر كم بتكون يعني يمكن

2500 درهم ما ادري ما عندي خبرة في سعر المحركات

بس بحاول اخذتها واكلم اخوي بالموضوع وبشوف

على خير ان شاء الله

شكرا للرد اخوي سردال


مع محبتي لكم كلكم
كروزر2000

[سردال]

الله يوفقك، لا تنسى تكتب التفاصيل إذا قدرت تحصل المحرك وركبته، وخبرنا عن الفرق بينها وبين المحرك الحالي.

هذا موقع حصلته يمكن يعجبك:
http://www.mymatiz.com

وهديتك لحزب السيارات الصغيرة حلوة ;) (في موضوع 360Z HKS)

[مكيكان]

شوف لك محرك هوندا 1.6 فتيك اريح لك


بس يمكن ما يركب :help:

[bashar_255]

و الله توني بقولها اخوي مكيكان :D

خاصه اني متأكد انها بتكون ارخص من مكينة الماتيز لو بياخدها :help:

لأنه ما بيحقل مستعمل




;)