أيهم أفضل يوكون أم أكسبديشن

[HaKeM]

كل عام وأنت بخير

أيهم أفضل من ناحية الخدمة والراحة وصرفية البنزين ( القوة غير مهتم بها)

يوكون 2x4 الفل أوبشن ب114ألف

أو اكسبديشن 2X4 ب114 ألف

والياباني أستبعدته لأنه الوالد مايبغاه والألماني سعره مرتفع

يريت تفيدوني بأرائكم:)

تحياتي

[حفيد الفاروق]

بسم الله الرحمن الرحيم

علبالي تتغشمر لما سألت هالسؤال :D
أكيد اليوكن طال عمرك أحسن هيكله متين وشكله حلو وكافي إن الجمس لها سمعة وسوق .

[HaKeM]

ما أتغشمر لأنه الأكسبديشن الشكل الجديد فيه مميزات حلوة

باستنى ردودكم

تحياتي:)

[AU (TT) DI]

حاكم العدل

كل عام وانت بخير وسلامه ..

وينعاد عليك بالخير :)

بصراحه مثل ماقال أخوي حفيد الفاروق ..:black:

يوكون أفضل بكثير ولا به مشاكل .. بس الفورد الله يقطعه مخيس وخراباته واجد :damp:

هذا ر أيي ولو تبي الصدق روح وشف طوارق من VW الجديد هيكل الكايين البورش وفخم وسعره في حدود ال 140 الف يعني مهوب بعدي عن المبلغ الي حاطه

والله يكتب لك الخير

[BO_NASSER]

السلام عليكم ورحمة الله وبركاته

وانت بخير وعسى الله يعيده على جميع المسلمين باليمن والبركات ,,

أفضل اليوكون على الأكسبدشن للأسباب الآتيه:
1- جودة تصنيعه أفضل نسبيا (أعطاله قليله)
2- مرغوب أكثر عند اعادة البيع .
3- توفر قطع غياره وخدمة الوكيل أفضل بكثير من وكيل فورد (( في قطر))

وأهم شيء هو صلاة الأستخاره ,, يعطيك خيرها ويكفيك شرها مقدما.

تحياتي

بو ناصر

[TOP-SECRET]

اخوي حاكم العدل انا اشوف كشكل اليوكن اجمل بكثيرررررر ومن ناحية الراحه ممتاز جدا والقوه قوووووووووووووي ومن ناحية صرفية البترول انا جربت سوبر بان الوالد صار يوفر اكثر من سابقه بكثيررررررررررر:) ولكن من ناحية الوسع الاكسبدشن اوسع واعتقد بكثير :) انصح باليوكن;)

[الأنصاري]

الإكسبديشن حلو خاصه الجديد بس افضل اليوكن عليه مادري ليش

[560SEL]

السلام عليكم ورحمة الله وبركاته

كل عام و انت بخير يا أخوي

الموضوع كله يتوقف على نوعية استخامك للسياره

فاذا كنت ترغب سياره ذات محرك قوي فعليك باليوكون لأن العيب الوحيد في الاكسبيديشن هو محركه الضعيف نسبيا

لكن اذا كنت ممن لا يهتمون بقوة المحرك فالاختيار فعلا محير مع اني أميل للفورد أكثر لأنه أحدث من اليوكون و مواصفاته جيده




تحياتي

[كرمبع]

بصراحة هالمقارنة تفرق من مكان لاخر...

بصراحة الفورد سوقه نايم في الامارات يعني ماله سمعه وسيارة منحوسه عندنا محد يهتم فيها وبصراحة اغلب سيارات الفورد اللي ناجحة هي الموستنج مع انه فيه خرابات والسبب ذلك يرجع للوكيل بعكس السعودية تعتبر الفورد من السيارات الاساسية في عالم السيارات..

بس الشفر هو الماشي هني يعني اليوكون يفضل على الاكسبيدشن


خلاصة ان السيارة بشكل عام تنجح فقط اذا الوكيل وفر للزبون الرعاية والخدمة الممتازة...

[DodgE]

من رأيي الأكسبدشن
شكل رائع
هاااااااااااااادي (ملاحظه هامه)
مقصوره أجمل
عندنا 98 مع الكرف ولا أحلى منه ولا إشتكى من شي أبد

أنصحك فيه على الأقل شكل حلو و(جديد) مو مثل اليوكون

تحياتي

[زورو الامارات]

السلام عليكم ورحمة الله وبركاته

مايبغي لها بعد



اليوكن وانت مغمض قطعه متوفره خصوصا في السعوديه

ورخيصه


سعر جيد عند اعاده البيع

ويستحمل مطبات خطوطكم وشوارعكم المحفره

[bashar_255]

و الله انا راكب الإثنين

1. الفورد اوسع و اريح .

2. صرفيه افضل .

3. ما ليها صوت ابد .

4. اللى ركبتها دفع خلفي و طعسنا بها آخر حلاوه.


5. تحياتي:p








;) ;)

[^SNoOopY^]

هلالالالالالالالالالا

حاكم

تدري

اليو كون جيد

بس عيبه الديكور الي جوا يقربع بسررررررررررعة

اما الاكسبديشن والله ماعندي خلفية عنه

طيب ليش مافكرت بالانفوي؟؟:confused:

والله تمااااااااااام

وحلو مرة

واحلى من اليوكون؟؟;)

[durango]

رد مقتبس من حفيد الفاروق
بسم الله الرحمن الرحيم

علبالي تتغشمر لما سألت هالسؤال :D
أكيد اليوكن طال عمرك أحسن هيكله متين وشكله حلو وكافي إن الجمس لها سمعة وسوق .

[HaKeM]

النفوي سمعت من ناس عانوا من مشاكل أصوات فيه من جهة الكفرات وفي موضوع أنكتب في المنتدى أنه الأنفوي والتريل بلايزر فيهم عيب تصنيعي في الفرامل

واليوكون قوي وشكله هوا الأختيار الأفضل

تحياتي:)

[الامير الاحمر]

والله افضل اليوكون
:confused: :confused: :confused:

[بورش]

خذ اليوكون وانت مغمض



االا على فكره غريبه ما جا احد وقال خذ لك هوندا اكورد 2003 :p

[mill_955]

انا انصحك تاخذ هوندا اكورد 2004 سته سلندر :D

[mill_955]

لا ترا امزح

خذ اليوكون وانت مغمض:glasses: