شو رايكم في لومينا SS

[Saleen_UAE]

السلام عليكم ورحمة الله وبركاته

شباب أن بصراحة نوي نيه شينه بشتري لومينا SS وأريد أعرف شو عيوب السيارة للعلم أن بعدني أفكر بس اريد أعرف من أصحاب الومينا أو الي جربو السيارة تنصحون في السيارة ؟؟؟؟؟؟

تحياتي لكم



:corsair: :cool:

[Dr-H]

هلا اخوي


هذا يعتمد عليك وعلى السبب اللي يخليك تشتري السياره
يعني اذا اتحب اتركب الاهل معاك يعني تستعملها دوووم ... ما اعتقد انها تنفعك

اما اذا انت اتحب تاخذها للتعديل والتزويد ... في رايي مافي احسن منها

بشكل عام السيارة سعرها واايد مناسب بالنسبه لسيارات ال 8 سلندر
ومساحتها واسعه ... ورياااضيه (اهم شي) يعني ماراح اتحصل على سياره بكل هذي المميزات.

واذا سمعت ان بديها ضعيف صدقني هذا الكلام مب صحيح .... مثل مايقول المثل اسأل مجرب ولا تسأل طبيب.

[RED Chevy]

السلام عليكم ورحمة الله وبركاته
والله إخوي إحنا مجربين اللومينا إستعمال كم يوم، لكن موتر:black: :black: ، إنصحك وبشده إنك تاخذ، ومو مهم مستعمل أو جديد، الموتر كل شي تبيه تحصله فيه، سرعه ثبات( أكرر ثبات) وتستمتع وإنت فيه وشكل روعه ومميزات وايد، وتقدر تستعمله 2في1 يعني موتر سبورت ورياضي من الدرجه الأولى، وموتر عائلي، يعني يجمع بين السيدان والكوبيه، والمحرك مايحتاج كلام، لكن فيه عيب واحد، ألا وهو إن شباب سوالف نصهم موعاجبهم و.................. يكرهون اللومينا، أو بشكل أصح الGM

[BoSaLem]

يقولك ( ابعد عن الشر يا عمري وغنيله )











شلك بعوار الراس ؟؟

:confused:

[L u m SS i n a]

السلام عليكم ..

لومينا SS هي الاختيار الصائب لاسلوب حياة يتطلب أداءً عالياً ..

قالوها بالانجليزي الرجاجيل من عام 2000 :

If your life style demands performance , the Lumina SS is the car for you

قائمة المميزات طويله وقائمه العيوب .. لا يوجد عيوب :)

أبرز المميزات :

1-القوه الهائله والثبات المميز على كافة السرعات (السياره معي موديل 2001 ماشي 83 ألف ما عمرها زحفت علي) ..

2-الاستجابه الفوريه (خلها تشم ريحة البنزين بس )

3-العملانيه (عمليه جداً)

4-قدرتها ومرونتها للاستخدام اليومي الشاق (اروح فيها الجامعه واجي ومشاوير الى اخر الليل و اودي اهلي واجيبهم )

5-شكل جذاب جداً وحضور قوي (موديل 2001 والى الحين الناس تناظرني وين ما اروح ويين ما اجي )

6-سمعه قويه جداً (اذا قالوا فلان معه اس اس :) )

7-سعر اعادة بيع عالي (ناس معهم موديل 2001 ماشي فوق الـ 50 ألف السياره جابت لهم اكثر من 55 ألف ريال)

8-مريحه جداً (نظام التعليق جمع بين القدره على تدبر أمر قوة المحرك بالاضافه الى الراحه اثناء القياده على كافة السرعات)

9-روعة التشغيل في كافة الظروف (برد - حر - مطر - ثلج السياره تعمل بكامل كفاءتها في كافة الظروف)

10-نالت اعجاب ابرز خبراء السيارات في العالم العربي (بكر ازهر - رئيس تحرير مجلة سعودي اوتو رشحها هي و كابرس اس اس عام 2000 لجائزة سيارة العام)

11-انخفاض تكاليف الصيانه الدوريه وتوفر قطع الغيار في كل مكان

12-حصلت على جائزة (أفضل قيمه للمال)

13-تعتبر من افضل السيارات للمقاومات والسرعه ومن افضل السيارات التي تتقبل التعديلات بكافة اشكالها

14-سعرها رخيص جداً جداً جداً .. كل المميزات المذكوره بسعر لا يتجاوز 90 ألف ريال (درهم) !!

فعلاً .. أفضل قيمه للمال = لومينا SS

اكثر شي عاجبني فيها الثبات على كافة السرعات وتغييرات القير (قويه) .. ما شاء الله تبارك الله





واذا تبي معلومات زياده :) انا موجود في المسنجر Tracoff@hotmail.com




الاخ ابو سالم :

اي شر الله يهديك :) السياره من شريتها عام 2001 وانا مبسوط آخر بسطه وما فكرت ابيعها ولا حتى استبدلها بالموديل الجديد :)

[مؤيد اف1]

حمستوني للسياره شباب بس بغيت اعرف ...الصيانة الدوريه عن الوكيل لها كم تكلف عادتا وسلامتكم:)

[Saleen_UAE]

السلام عليكم ورحمة الله وبركاته

DR-H
تشكر على الرد اخوي السيارة أن بشتريها وعندي وعندك خير الحمد لله ان بشتري السيارة لنفسي لآن عندي نيسان بترول فأن بستعمل السيارة .....

L u m SS i n a
بسالك سوال شو الفرق في القوة بين الكوبي و الاربع ابواب؟؟

لأني أبصراحة حبت الاربع أبواب أكثر .

شو رايك في الوان أن أمحصل أحمر ومن الداخل جلد احمر أبي رايك لوسمحت؟؟


شباب شكراًً على ردودكم

:glasses2:

[الامير الاحمر]

والله ونعم لاختيار واعتقد انه الاخ Tracoff@hotmail.com
ماقصر بالمرررررة
والله مسكت وانا والله احلى حاجة عجبتني باللومينا -الاستجابه الفوريه (خلها تشم ريحة البنزين بس )

:rolleyes:

[أبوالزين]

لا تتردد