PDA

View Full Version : قصيدة محشش في حبيبته وردها عليه!!!!


الحيرانه
30-01-2004, 07:59 AM
السلاموو عليكم ..

اليكم مايقوله هذا المحشش لحبيبته ...

حبيبتي

....يامصيبتي

...ياسعبولتي

مالي اراك دوما بالحوش منسدحه ؟؟

والبساسه من حولك منبطحه

الا ياليتني امزعك لين تصيحين

ما اجملك وانتي بالزنوبات تركضين

انتي بين الفتيات

هم حبة الكيرم وانتي الخمسين

هم الجحه وانتي السكين

انتي الفلته .....وهم مستدلخين

حبيبتي انتي عسيب نخله

بل انتي ركبة نمله

انت لينا وانا عدنان

انا سوق خضره

وانتي صندوق بردقان

حبيبتي تراي جوعان...؟؟؟؟؟؟؟!!

ياصندوق البردقان

ياغطا جالون

يادعاية صابون

ياسياره بلا طبلون

يانمله لازقه بشطرطون

حبيبتي انا بدونك

زي طلعة شباب بدون القطه

زي الغدا بدون سلطه

زي الشاورما بدون شطه

زي الكوريلا بدون شنطه

حبيبتي انتي السكه وانا القطار

انتي المطرقه وان المسمار

انتي طقاقة وانا طار

انتي بسة وانا الفار

انتي المنقله وانا الفرجار

حبيبتي

في احد ياكل سلطه بدون خيار...؟؟

ياخيارة حياتي

يابويبينة لمباتي

بالاخير ....بسالك سوال صريح

هذي سيقانك ولا مراجيح؟؟؟!!

حبيبتي ترى حبك رجني رج اللبن

بديت مافرق هو الكيري قشطه ولا جبن؟؟



الحبيبه...وبعد ان اضناها الشوق

وتحركت مشاعرها بعد قرائتها لخاطرة المحشش العاطفيه

ترد علية بهذي الخاطرة

حبيبي

ماذا تبي......؟؟

ياكثرك ياحبي

اشتاق لك شوق مهوب بسيط

حبك ينقط بقلبي تنقيط

يا بعد براميل شارع التفحيط

حبيبي

خذني الى الحوش

لكي نلهو ...ونلعب... مصاقيل

ونسمع اخبار بوش...واركض قدامك وتطلع العصاقيل

حبيبي..ياشلختن من تسبدي

حبيبي..انا غيرك مابدي

حبيبي

انت الجنوط... وانا الكفرات

انت راس المعسل ...وانا الجمرات

انت الددسن وانا الصندوق

انت اللحمه وانا المرقوق

ياحبيبي

يادفتري المشقوق

احبك كثر حبي للبيض المسلوق

حياتي بدونك حوسة .....والخشه معفوسه

وشعري شوشه ....والكشه منفوشه

وبالحوش تلقاني

يابو شقه مفروشه... ترى نبي كيلو كوسه

اتذكرك وانا اكل سليق......كتبت اسمك على غطا البريق

انت بدنيتي

زي ريموت التلفزيون

والغطا للقوطي..؟

وبدون شوفك اصير باب بدون كيلون

هكذا الحب ولا بلا خخخخخخخخخ

منقوووووووووله الحيرانه

بنت نت
30-01-2004, 08:13 AM
منسمييييييييييييين واصلين حدهم:D

يسلمو حيرانو:)

روتي
30-01-2004, 08:22 AM
:D ايش سالفة التحشيش اليوووم ... وايش سالفة القصائد :think:


ثانكس :D

ايميل مغبر
30-01-2004, 06:26 PM
ايميل مغبر مر من هنا
:p

نواف بن أحمد
31-01-2004, 07:27 AM
انت الددسن وانا الصندوق



أحلى مقطع ...:D

الحيرانه
31-01-2004, 08:14 AM
مشكوريين على الرد
الحيرانه

حركات
31-01-2004, 11:10 PM
:laugh: :laugh: :laugh: :laugh: :laugh:



:D الله يرجخم صدق مهويييييييييييين:D



يسلمووووووووو الحيرانه:banana: