سوالف للجميع - قصة قصيرة

ياكوياكو

16-02-2004, 11:19 PM

قصة قصيرة

خلوني اروح اصلي واجي اقولها لكم 
الحمدللله صليت قولوا امين تقبل 
اليوم قعدت من النوم الصبح وناسة الشمس طالعه " والله صار لها اسبوع ما شفناها " والجو دافي بس 1 تحت الصفر

قلت ياولد خلني اروح واشنطن دي سي " مو سي دي مثل الشباب اول ما يجون امريكا "
ترى السالفة حذفة عصى بس اربع ساعات رايح واربع ساعات جاي ...... بس شاسوي طاقني الجوع وصار كأني قطو ..... مثل القطو اللي كله مطيح بدرام الزبالة اللي قدام بيتكم حبيب صوت العقل ههههههههه

بس مرات اصير نفس القطو الللي بالسرداب لووووووووووووول

المهم ركبت السيارة " حاط الفنان السعودي الجديد الورع هذا اللي اذانيه طويلة ويمشي جنب القطار ويغني ناديت ويحب وحدة اكبر منه بعشرين سنه " المهم ماطول عليكم ...

انا اعرف في دي سي " مو سي دي " كم اخ من السودان والحمدلله كان الثلج نازل فا مبينين عدل اليوم لما شفتهم ..... على فكرة اخوانا من السودان " ترى غاليين على قلبي حيل "

مشكلتهم مشكلة ...... هم على شان انهم وصلوا امريكا على بالهم انهم خلاص اذكى ناس بالدنيا ........ فيجلسون يحللون الاخبار الامريكية على كيفهم لدرجة اني بديت احسن ان السودان القوة العظمى في العالم ..... سمعوا شيقولون ...

ماحممد " محمد بالعربي " : السيد بوش بيخاف من السزودان ترفع اسعار النفط بعد ماكتشفوا النفط في غرب الزودان "

إلاماد " عماد بالعربي " : يازول احنا كسرنا راس الدورررال " يعني الدولار " بتقدر تشتري سمكة بخمسة سنت دحييين .

مروان : آآآآآ ... يازول السيد بوش بيترجى البشير يوقف الهجمة الاعلامية من الفضائية الزودانية
هوه ارسلووو ليو تسسع مليون دورال " مدري منو ارسل لمنو بس اللي يعرف يعلمني .
وهنا سألتهم سؤال بريء جدا جدا ....

الاخوان عندهم اقامات شرعية في امريكا ؟؟؟؟
وعينك ما تشوف الا النور ....

يستكمل غدا !!!!!
:D :D :D :D :D

ياكوياكو

17-02-2004, 03:38 PM

كمل لكم القصة ....

بعد ما نحاشوا الشباب الزودانيين :D :D :D

حسيت بالندم لاني جلس لحالي

كنا جالسين في مقهى اسمه لبنان زمان خوش مقهى " غاوي على قولت اهل الامارات "

:D :D :D :D

مدريت الا صديق اسمة مروان فلسطيني كان عايش بالكويت " بس شنو فلته الولد .... صوت العقل ترى بالبرمجه مروان يعجبك "

بس مشكلته ان اهله كله يحطون عليه " ويقولن عليه انه خبل ومصخرة و كل الناس تقص عليه "

وبحكم علاقتي معاه كان يتشكى لي ويفضفض على الاخر .... بس اليوم مروان صج متضايق ...

مروان هذا لو يلمس " ادلاغه :D :D :D :D " يصير مية دولار يعني ذكي جدا والفلوس تحبه ..........

بس اهله بحكم حالتهم وغربتهم بين الكويت والاردن وامريكا يحبون الفلوس ......... ومروان اخر العنقود

فاكله على راسه " لدرجة انه يشتغل 15 ساعة بس علشان لايروح البيت لان امة وابوه زايرينة الحين وقاعدين على قلبه ..........

بس اللي عور قلبي امه اليوم طارده زرجته " خوش بنيه وتوها داشه الاسلام ومحترمة "

بس امه على قولتها " بدياك توووخذ فلزطينية محجبة تاكل زعتر "

مع ان امه ما تلبس حجاب وتشرب زقايير " شايفها عيني "

زوجته المسكينة يوم انطردت من البيت راحت ونامت بالسيارة" تخيلوا -1 تحت الصفر وتنام بالسيارة " والله تقطع قلبي عليها

المهم مروان ميت قهر بين نار بر والدينه وبين زوجة اللي توها مسلمة وتحبه ويحبها .........

وقاعد يتشكى " شوووووو اعمل في حالي احرق نفسي "

وانا اهديه ......... يا بن الناس هالكلام ما راح يحل المشكلة المهم اتصلت على اخت امريكية مسلمة ومحترمه ......

قلتلها السالفة ورضت تستضيف الزوجه المسكينة ......

" والله انا يبي يشب راسي من سوالف المسلمين في امريكا .... يقولون الناس هم اللي ظالمينا لاننا مسلمين .......... بس بصراحه هم اللي ظالمين انفسهم محد ظلمهم ........ لدرجة ان الربا منتشر فيهم ..... يتسلفون من بعض وبالربا .......................لاحول ولاقوة الا بالله ..... واكلين بعض اكل ومشاكل وصراعات ... وياويلك يا سواد ليلك ا>ا دوروا انك خليخي ........ على طول تحصل على لقب وهابي متطرف لو انك .... لابس شورت "

المهم بعد محلينا مشكلة الاخ مروان ..... استاذن مني يروح الدوام ...

اشوي الا التلفون يدق ...... الا ام صباح ........ زميلتكم شيخة على التلفون .............

وستلمتني وبنك يالقاطع .......... وسلامات وتشره ........ وبالاخير قالت لي سالفة خطيرة اقولها لكم بالحلقة القادمة

يستكمل !!!!!:D

كـيـمـو

17-02-2004, 04:15 PM

مشكور على الشعر >>>> واحد شارب قاز :D

والله سوالفك جيده ياولدي لكن فيه بعضها ودي اقلك هاه ماسمعت :D

الله يعينك صاير مصلح بين شعوب وقابيل العرب في بلاد ماوراء المحيط الاطلسي

ياكوياكو

18-02-2004, 02:00 AM

دقت علي طويلة العمر :D :D
وينك ويالقاطع ومسكت فيني الطريق السريع ..... يا حليلها

المهم بعد ما خلصت من المشاريه والعتب

قالت ياكوياكو .... ترى سيارتي متعلقه بالثلج صارلها ثلاث ايام :D :D :D

ومو عارفه اطلعها :D :D :D

وين سيارتج يا حجية قالت في ال مين ستريت " main st" في نص دي سي :D :D :D

انا عاد ما هانت علي ام صباح ..... ركبت الجيب ودقيت على محمد صفيحة " هذا اخ من مصر واسمه حقيقي"

صج صفيحة .... عملاق وعضلات وصحة ........ فسقان ..... بس مشكلته ..... انه مصدق انه صوته حلوووووووووو :help: :help: :help:

الله يعين " اول ما رد على التلفون سحب موال ..... انت فيين والحب فين " شق طبلة اذني

" فينك ياراجل انت فيها والا عليها " .... خلني اترجم لكم .... يعني انت حي ولا ميت

المهم " محمد صفيحة ما يخلي ربعه " ...... على قولته... انا تربيت فالرس ولازم احس " .......... ابو صفيحة كان عايش بمنطقة الرس بالسعودية ايام كان ابوه يشتغل مهندس زراعي هنا.....
......
تواعدت معاه بس ما علمته شنو ابي منه ......:eek: :eek: :eek: :eek: :eek:

ركب ابو صفيحة ..... وتسمت على الكشن .... وقال ماما عزماك على الغدى عندنا " ابو ....."
قلت مقبولة بس خلنا نخلص الحين

رحت لين وصلت السيارة .... كانت مدفونه بالثلج مع مجموعة سيارات

قلت محمد " ابيك تفتش عن بورش ازرق اللوحة الامامية لوحة كويتية ....

طالع فيني ابو صفيحة وقال قولته المشهورة " آآآآآآآآآآآآآههههه ياغلبي منك "

قلت له ترى صوتك حلو يا بوجاسم ..... انشكح الولد ونط ...........

وبيني بينكم انا كنت احاول اتاخر قد ما اقدر علشان ما نزل لين يلقى السيارة ...

المهم نص ساعة وحنا نحوس لين طحنا على سيارة ام صباح " البورش الازرق "

انجن محمد ابو صفيحة .......... راسه و الف سيف يسوق السيارة ..... وقال قوله المأثور رعاه الله " خليني احقق حلم حياتي "

:D :D :D

صراحه بعد اللي سواه كسر خاطري ..... قلت يالله

وصار مالم يكن بالحسبان :D :D :D :D

يستكمل غدا باذن الرحمن

ياكوياكو

19-02-2004, 07:45 PM

:cry: :cry: :cry: :cry: :cry:

للهدرجة الموضوع ملاقة ....

محد علق محد مر .......... ليش طالعين البر :black: :black:

المهم انا مصر " مو مصر " اصرارا ...... اكمل القصة القصيرة :D :D :D :D

بس علقوا قولوا شي .... حسوا فينا حسحسونا :help: :help:

ما علينا ....

محمد صفيحة اصر انه يسوق البورش الازرق ويحقق حلم حياته :)

بس المشكلة انه بعير ...... ما دخل في السيارة ....... واحاولت اساعده ..... يدخل ما كو فايد

لدرجة انه الجنز ماله انشق " ما راح اقولكم واشفت لحظتها " لوووووووووووووول

المهم " قام يغني اجر الصوت من موتر عصاني " وضاق خلقه ..... قلت محمد انت سوق سيارتي وانا " الشكوى لله اسوق البورش " .....هههههههههههههههه

المهم ...... وناسة صج اني مو عايش مالوم الناس اللي تحط فلوسها على السيارات ..... ولا شنو رايك ابو الفياصل :)

سيارة تبرق وترعد .... وليتات ويايرات ........ ياسيدي على عيال النعمة

واقعد افر الشوارع ومحمد صفيحة يدق على النقال " انتا اريح فين ياراجل "

قلت له " هو الغدا امتى " على قولت الدعاية ههههههههههه

وفر وفر وقز.......... دق ثاني مره " يخرب بيت حماتك ياخي انتا وخدني على فين " ......... قلت " هو العشا امتى " .......... جر موال عقابي
باعلى صوته " اشكيك لمين ." اييييي اذنيييييييييييي يالبطة ...

المهم دق النقال مرة ثانية " بس عاد هالمرة ام صباح على الخط " ها شنو سويت وينك

قلت صراحة طلعت السيارة بس قاعد افر فيها " وناسه " .......... وكل العادة .... " شيخة كريمة وذويقه ........ عندك خبر صوت العقل " :D

قالت خلاص .... لا تستعجل على راحت ....... تقدر تردها بكرة اذا عاجبتك .......

" ايه وناسة ..... هيا ....... وفر و محمد صفيحة مسكين ما يدري شطبخة "

ههههههههههههههه غلبان ................. ويتصل .....

كلمته قال " انت يامنسم .... تعلمها بالرس .......... وينك ماما والغداء

وهبالك ......... يحب سمع قصايد حامد زيد " هههههههههه

قلت خلاص انروح بيتكم ...... شيخة ماتبي السيارة اليوم

قال يخرب بيت جاركم ابو علي ياخي .... انت طينتك ايه

وصار اللي مو على بال ولا على الخاطر ........؟؟؟؟!!!!!!

يتبع لاحقا..........:D

كـيـمـو

20-02-2004, 08:26 AM

هلا

انا بالنسبه لي رديت

ويمكن الشباب حاسين ان الكلام خريطي :D

أتبعها لاحقاً

بنت نت

20-02-2004, 08:36 AM

بوووووه ذا كله وقصيرة!!!لوطويلة وش بتكون!!:D

ارد عليك بعد كم يوم:D

shahnaz

20-02-2004, 09:37 AM

بسم الله الرحمن الرحيم

السلام عليكم ورحمة الله وبركاته

بالنسبة لي أفضل القصص الطويلة !! :D :eek:

يسلمموووو ياكوياكو !! :)

صوت العقل

20-02-2004, 02:31 PM

خوش قصة .........صكيت على طه حسين:D :D

انا سبحت في أعماق القصة <<<(ليش الاخ سمجة:laugh: :laugh: )

بس خلوني أكمل:anger: :anger:

أنا سبحت في أعماق القصة ووجدت انك كنت موفق في استخدام

الاسلوب الفكههههههههههههههاي :eek: :eek:

وأقحمتنا في الحبكة الفنية المثيرة

وكنت متميز جدااا في استخدام عامل التشويق

<<<<(شفيه هذا اخاف قاعد ينقد رسالة دكتوراه)

يااخي انتا مبدع....بس ابي اعرف شسالفة محمد هذا:confused:

اي يبة من لقا احبابة نسى اصحابة
وانا اقول ليش الولد ماقام يبين على المسنجر

طلعت تعرف واحد من وراي<<<(اخسى عليك ياوحش:D )

يصير خير ....أنا عاذرك لانك في غربة اللحين

أقول انا عندي لك خوش اقتراح ...شرايك تكتب مذكراتك بالغربة;)

المهم سلملنا على الاهل وعلى شيخة وترى كل الشباب يسلمون عليك:) :)

شد حيلك وذاكر .....والا مومصدق انك بعطلة عشان الثلج
:D :D