مشكله يعاني منها البعض ويمكن كثير؟

[dmx]

بسم الله الرحمن الرحيم
ياشباب في منكم من يسافر بسيارته ولكن في الخط (الله يكرمكم) الحشرات في الخط تضرب في الواجه هنا المشكله الحشرات تعدم الواجه وتسوي الخدوش والواحد مو فاضي لسمكره كل شويه.

طيب وماهو الحل في هذه المشكلة ياشباب؟

[محمد دريهم]

مشكلك اعاني من هذي المشكله..


وصرت اخلي الفيري على الوجه على طول ...لاني كل يوم على سفر.....


والحل تلقاه عند زيبارت يحون طبقه لحماية الوجهية يممكن تكلف 800 ريال مع ضمان 5 سنوات...


هذا اللي اعرفه وشكرا

[RED Chevy]

هذي سلمك الله تاخذ صابون فيير أو لوكس( حتى الشامبو يفيد) وغطي وجه الموتر كامل وتخلي يصير طبقه كثيفه شوي، يعني ماتخليه خفيف، تسوي هذي ولين رديت رشه بماي وبس.

[هشومي]

حط لك برقع للسيارة

[RED Chevy]

لا هشومي البرقع يرفع الحراره ويكتم الهوا عن المكينه خاصه في الخطوط البرقع لداخل المدينه أوكي لكن على الخط يذبح الموتر.

[علي عبدالله]

رد مقتبس من RED Chevy
هذي سلمك الله تاخذ صابون فيير أو لوكس( حتى الشامبو يفيد) وغطي وجه الموتر كامل وتخلي يصير طبقه كثيفه شوي، يعني ماتخليه خفيف، تسوي هذي ولين رديت رشه بماي وبس.

نستخدم نفس الاسلوب دايما لما نسافر وبالفعل يجيب نتائج مرضية تمام http://www.ec-co.com/vb/images/smilies/vb_smoke.gif
بس انا مشكلتي الشخصية اكبر من هذي ..على طريق الجامعة اكون غالبا مسرع وساعات تطلع طيور محلقة امام السيارة واصدمها بقوة (بعض الاحيان تترك خدوش قوية على الزجاج الامامي):headshak:
والطيور اشد ضررا من الحشرات والصابون مايفلح معاها :help:

[STS4ever]

الفيري اللي معتقدين انه يحمي الوجه هذا يعدم الوجه وبعد يخليه ينعدم اكثر من بدونه والحل برقع 200 ريال وانتهينا

سلام

[FSM]

هههههه والله انا اعاني من مشكلة أكبر ....:cry:

وهي ان قطاوة حارتنا يتهاوشون على السيارة ...

وفي الصباااااح ... تلقى أنوااااااااااع الخدوووووش :cry: :cry:

وما أدري ايش الحل ..:think:


:black:

[RED Chevy]

رد مقتبس من STS4ever
الفيري اللي معتقدين انه يحمي الوجه هذا يعدم الوجه وبعد يخليه ينعدم اكثر من بدونه والحل برقع 200 ريال وانتهينا

سلام
بس إحنا كل مره نحط وصديق إخوي يحط على موتره وماصار بالبدي شي ولاصاد الصبغ شي ومثل ماقلت فوق البرقع يكتم الهوا عن المكينه يعني التبريد بيكون زفت;)

[RED Chevy]

FSM هذي أكبر مشكله حنا داخل الطبيله ومو سالمين في قطو ذابحنا كل يوم يشمخ السياره إخوي قال بيحط واير كهرباء على السور عشان يتوب مايدش البيت:D

[FSM]

رد مقتبس من RED Chevy
FSM هذي أكبر مشكله حنا داخل الطبيله ومو سالمين في قطو ذابحنا كل يوم يشمخ السياره إخوي قال بيحط واير كهرباء على السور عشان يتوب مايدش البيت:D


والله السيارة داخل الكراج ... بس نفس الشي ... ما في فايدة ...


عموماً...


عدني طريقة .. راح أجربها اليوم ...


واذا نفعت راح أقولك عليها :black: :black: :black: :black: :black:

[king_stratus]

هلا ااااااااااااااااا بيك


بصراحه الكثير يعاني من هده المشكله بس انا شفت الطبقه الي عند زيبارت ماعجبتني يبين حد على الكبوت وهي نهايت الطبقه اتشوه السياره وبس

[dmx]

طيب مشكور على الردود ولكن مشكلت القطاوي؟ والطيور اصعب من الحشرات ؟ وش الاقترحات؟
:anger:

[ACCORD-V6]

رد مقتبس من STS4ever
الفيري اللي معتقدين انه يحمي الوجه هذا يعدم الوجه وبعد يخليه ينعدم اكثر من بدونه والحل برقع 200 ريال وانتهينا

سلام

كلامك صحيح
لكن فيه غلط
البرقع انا شريت واحد لسيارتي ب 110 ريال
تركيبه اسهل من فكه

انا كنت استخدم فيري
لكن اذا حطيت فيري يبغالك نص ساعه عشان تنظف الوجه لانه يبغاله فرك عشان يروح
والفرك والمويه مع الفيري راح تخرب البويه شوي شوي وانت ماتحس
وايضا قدرته على منع الخدوش اقل من البرقع

واشتريت برقع
ولايرتفع حراره ولاشي لان فيه فتحات على نفس الشبك

وهو سهل جدا في التركيب والفك

[القرن الجديد]

رد مقتبس من STS4ever
الفيري اللي معتقدين انه يحمي الوجه هذا يعدم الوجه وبعد يخليه ينعدم اكثر من بدونه والحل برقع 200 ريال وانتهينا

سلام


اي والله صدقت

[mill_955]

ياشباب فيه طبقة شمع يحطونها محلات التلميع على السياره وتتجدد كل 3 شهور وقيمتها تقريبا 250 ريال

وانا حاطها عل سيارتي وافادتني كثير

[dmx]

السلام عليكم ورحمة الله وبركاته
ياشباب انا مشكور على الردود بس الفيري يعدم السياره واسال مجرب وما تحس فيه الا بعد فتره لكن زيبات وين موجود في جده
مشكور





مع تحيات dmx

[RED Chevy]

زيبارت مايفيد، إحنا حاطين على الكابرس بس يعطيك لمعه والشموخ مايودها

[mill_955]

زيبارت مايقدر يشيل الخدوش لكن يقدر يحمي السياره من الخدوش الجديده

[mill_955]

زيبارت مايقدر يشيل الخدوش لكن يقدر يحمي السياره من الخدوش الجديده

وبالنشبه لموقع زيبارت بجده :

على طريق المدينه . تترك سوق حراء على يسارك وتروح قدام كانك رايح المطار راح تلقاه على اليمين بعد كوبري حراء

[RED Chevy]

لا ياخويmill_955 إحنا حاطينه ثاني يوم إستلمنا الموتر يعني الموتر ولا صاده ربع شمخ ولا إنغسل،وأحين الشموخ تبين واضحه( الله يلعن القطو ذي عفس الموتر عفاس)

[Qatif_Altima_Hks]

رد مقتبس من RED Chevy
FSM هذي أكبر مشكله حنا داخل الطبيله ومو سالمين في قطو ذابحنا كل يوم يشمخ السياره إخوي قال بيحط واير كهرباء على السور عشان يتوب مايدش البيت:D


نفس المشكله عدنا قطو في الفريق حافظ رقم شاصيه :D

لونه ابيض وبني كل يوم ابن الزقه ينام فوق التنده ماتريحه الا التنده

يوم شكلي بفلت عليه طابوقه من فوق ياانا ياهو ابن الديوس:eek: