((( زيت المحرك )))

[علي عبدالله]

السلام عليكم
وصلتني على الايميل رسالة تتكلم عن الزيت السيارة والمدة اللي يتوجب بعدها تغييره وهذا هو النص

السلام عليكم...
زمان كنت دائما احرص على تغيير زيت سيارتي كل 2000كيلو. لان كل ما جيت أغير الزيت
قال لي العامل يا ساااااتر ليش تترك الزيت 2000كيلو لازم تغيره!! وانا مصدق وعلى
نياتي ويا غافل لك الله اغيره:سن.

وانا بحكم اني ساكن بالرياض ولا يخفى عليكم الرياض ومشاوريها فكنت امشي2000 كيلو
باسبوعين او ثلاثة(هذي ايام المراهقة) وكنت شغال تغيير زيت والسبة ابو يمن(والله من
النصب) المهم ماعلينا هو حيروح من ربنا فين!!

المهم كنت جالس مع قريب لي يعمل مهندي بصندوق التنمية الصناعي يقول قريبي: كنت
باجتماع مع موظف اجنبي بشركة الزيوت(شل) المهم يقول الاجنبي(اعتقد انه اوروبي
اوامريكي) نسيت وش قال المهم...

يقول الاجنبي: ليش انتم يا السعوديين والخليجيين عامة تغيرون زيوتكم بالشكل هذا؟!
من قال ان الزيت يفقد لزوجته وجودته بعد 2000كيلو!!!

أكيد العمالة الوافدة تضحك عليكم لهدف تجاري ومادي بحت!!

قال له قريبي: يعني كم المسافة اللي ممكن امشيها ثم أغير الزيت؟؟؟

قال الموظف: اقل اقل شي 5000 آلاف حسب قدم السيارة وحداثتها ولا تغيره الا بعد ما
تشوف الزيت وتلمسه بيدك وتتأكد من لزوجته وهل كان اسود بدرجة تحتاج لتغييره.

ويا عم سبني اعيط يقول:

فعلا بعدها صرت اغير الزيت كل 4000 الى 5000 كيلو وما عندي اي مشكلة ابد والسيارة
ماشية تماااااام بس حرصت اني اسحب عيار الزيت واشوف لون ومدى لزوجة الزيت.

وحسبي الله على الاجانب لاعبين علينا ومسويين فاهمين وهم من جنبها...
.................................................................................

هذا هو النص وعلى مايبدو انه مرسل من منتدى (القطيف ريسينج)
ولكن السؤال المهم هم لماذا يغير البعض زيت السيارة بعد 2000 فقط
انا شخصيا اغيره بعد 6000 الى 7000 كيلو بدون مشاكل
وهل نستطيع القول فعلا ان سبب هذه الظاهرة هو العمالة الاسيوية ومحاولتها للتكسب .....هذا والله اعلم :glasses:

[عين الفهد]

الموضوع على ما أذكر طرح بالمنتدى وماكان مذكور انه منقول :think:

وشكراً على أمانتك ونزاهتك :p

من ناحية تغيير الزيت يعتمد على عدة عوامل
1- اسلوب استخدام السياره
2- درجه حراره الجو
3-نوع الزيت(طبيعي أو اصطناعي)
4-المسافه المقطوعه
5-لون الزيت ولزوجته

من ناحيه نوع الزيت:p متأكد راح تسألون وش معنى الطبيعي والاصطناعي

الطبيعي عمره محدد بأقصى شيئ 7000 كم
أما الاصطناعي (تلقوه في الBMW) فيتبدل كل 20000 كم تقريباً ويكون أغلى من الأول

وبصراحه بالنسبه لتغيير الزيت وللمحافظه على عمر المحرك دائماً غيروا الزيت مع الفلتر كل حوالي 5000 أو على الأقل إفحصوا معيار الزيت من ناحية لونه ولزوجته وكميته

وشكراً :rolleyes:

أخوكم

[RED Chevy]

أبسط شي لاتهدون صيانة الوكيل خلوا السيرفس دايم عنده منها أضمن ومايطيح الضمان وأي شي في السيارة هم مسؤولين عنه والزيت لازم يتبدل كل 5000 لكن البي إم والأوبل كل 25000 والأوبل كورسا كل 35000 وال745 كل 45000 يعني يعتمد على نوع السيارة لكن الأغلب الأمريكي والياباني كل 5000 المرسيدس كل 10000 وكل 200 هذي جنون الصراحة مايمديه يفقد 50% من لزوجته وومشكور ياراعي اليج على النقل.:rolleyes:

[BLACK-ICE]

والي يحط نوع زيت غير حق سيارته
10/30 ويحط رقم ثاني لها ضرر؟؟

[علي عبدالله]

رد مقتبس من عين الفهد
الموضوع على ما أذكر طرح بالمنتدى وماكان مذكور انه منقول :think:

وشكراً على أمانتك ونزاهتك :p

من ناحية تغيير الزيت يعتمد على عدة عوامل
1- اسلوب استخدام السياره
2- درجه حراره الجو
3-نوع الزيت(طبيعي أو اصطناعي)
4-المسافه المقطوعه
5-لون الزيت ولزوجته

من ناحيه نوع الزيت:p متأكد راح تسألون وش معنى الطبيعي والاصطناعي

الطبيعي عمره محدد بأقصى شيئ 7000 كم
أما الاصطناعي (تلقوه في الBMW) فيتبدل كل 20000 كم تقريباً ويكون أغلى من الأول

وبصراحه بالنسبه لتغيير الزيت وللمحافظه على عمر المحرك دائماً غيروا الزيت مع الفلتر كل حوالي 5000 أو على الأقل إفحصوا معيار الزيت من ناحية لونه ولزوجته وكميته

وشكراً :rolleyes:

أخوكم


عين الفهد شكرا لك على مشاركتك الفعالة
العوامل اللي ذكرتها بالفعل اهم عوامل خصوصا موضوع (درجة حرارة الجو) وحنا داخلين على صيف والله يعين:eek:
اما سالفة (الزيت الطبيعي والصناعي) الحمدلله انك وضحت القصد منه لاني في البداية توقعت تقصد زيت طبيعي يعني (زيت زيتون ):p .بس زين انك وضحت القصد وهي معلومة جديدة بالنسبة لي
بخصوص الفلتر انا ما اغيره الا بعد 3 مرات او مرتين من تغيير الزيت (يعني تقريبا بعد حوالي مسافة 20000 اغير الفلتر)
عموما شكرا لك مرة اخرى على التفاعل وذكر بعض المعلومات الجديدة

:)

[علي عبدالله]

رد مقتبس من RED Chevy
أبسط شي لاتهدون صيانة الوكيل خلوا السيرفس دايم عنده منها أضمن ومايطيح الضمان وأي شي في السيارة هم مسؤولين عنه والزيت لازم يتبدل كل 5000 لكن البي إم والأوبل كل 25000 والأوبل كورسا كل 35000 وال745 كل 45000 يعني يعتمد على نوع السيارة لكن الأغلب الأمريكي والياباني كل 5000 المرسيدس كل 10000 وكل 200 هذي جنون الصراحة مايمديه يفقد 50% من لزوجته وومشكور ياراعي اليج على النقل.:rolleyes:

ريد شيفي الارقام اللي ذكرتها معقولة جدا
انا شخصيا اخليه 7000 كيلو دايما بدون مشاكل ..وبالنسبة لل200 كيلو (اكيد تقصد 20000 بس نسيت الصفر ) لان ماحد يغيره بعد 200 كيلو صراحة :damp:
بس انا معاك انها حركة مبالغ فيها بس اللي دايم اسمعه ان بالفعل في بعض الناس تغير الزيت بعد 2000 كيلو فقط وهذا غريب !! لان اغلب الخبراء اكدوا ان الزيت يستمر لمدة 5000 الى 7000 كيلو بدون مشاكل :glasses:
وشكرا لك على مشاركتك

[علي عبدالله]

رد مقتبس من BLACK-ICE
والي يحط نوع زيت غير حق سيارته
10/30 ويحط رقم ثاني لها ضرر؟؟

بلاك ايس
تصدق هذا اخر شي انا افكر لما اغير الزيت
لدرجة اني دايما انوع (مرة اجرب زيت شل والمرة اللي بعدها احط موبيل واحيانا احط gtx ) يعني متنوع
بس من ناحية الارقام ..راح اعطي موضوعها اهتمام اكبر في المرة القادمة
وشكرا على المشاركة الحلوة :glasses:

[الشبابي]

على حسب نوع السيارة وعلى حسب كم تشيل زيت ...
يعني على سبيل المثال .. البي ام الجديد 745 يتغير كل 20 الف ام 760 فيتغير كل 40 الف ويعتمد على كم علبه السيارة تاخذ ...
فالالماني ياخذ علب كثير ... فالمرسيدس اس 320 ياخذ 8 علب من الزيت التخليقي (( سانثيتيك )) وهي نوعية تستمر فترة طويلة وتحملها عالي .... اما لو تشوف اية سيارة يابانية ثانية او امريكية بتلاقيها 4 علب وتزيد نص اذا غيرت الفلتر ... فهناك فرق كبير بالنوعية والكمية وبالنسبة للصيانة حقت الشركة فاذا كانت فلوسك زايدة دخلها لأني جربت كثير من الوكالات وكلها ما تسوي التعليمات اللي بالكاتالوج والضمان يسري حتى لو ماسويت صيانة لأن قيمة الضمان مدفوعة مع قيمة السيارة ...













اخوكم الشبابي

[RED Chevy]

راعي اليج مشها حتى إسمك كان قاصر الباء، كان قصدي على 2000 كيلو هذي اللي قصدي عليها وآسفين على الغلطة.
الشبابي: لا والله ياخوك عندكم يمكن هني لازم الصيانة عند الوكيل الهوندا إذا 3 سيرفسات ماوديتها يطيح الضمان لا وشوف الملاعين الأكورد القديمة أول ماطلعناها عقب 6 شهور طق القير ومارضوا يصلحونه مع إن إحنا شاريين ضمان 5 سنين ويقول ا سوء إستعمال وهي كانت مدلعه آخر دلع، المشكلة تخاف إذا ماوديت الموتر صار فيه شي يقول مو مصلح أحين إحنا مانودي غير الأكورد والكابرس الباقي كلهم عند ورشتنا.
:rolleyes:

[HaKeM]

الشباب دايمن يقولوا الخبراء ينصحوا بتغيير الزيت كل 5000 أو أكثر بصراحة أعتقد هذا الشي ينطبق في بلدانهم اما في الخليج ما أعتقد ..
لأنه دول الخليج دجة الحرارة فيها في الصيف أقل شي في حدود ال40 درجة مئوية في المدن الساحلية فما بالك بالرياض والشرقية والكويت 50درجة وانته طالع وهذا يساعد على احتراق الزيت بسرعة وايضاً طريقة استعمال السيارة عن طريق الحرق والدعس الجامد يأثر على الزيت
فأعتقد أنه افضل مدة لتغيير الزيت 2000 إل 3000 كيلو متر

أخوي RED Chevy الوكلاء في السعودية كلهم نصابين لا صيانة ولا غيره كله نصب على الناس

تحياتي

[علي عبدالله]

السلام عليكم
الشبابي شكرا على تواصلك وبالنسبة لصيانة الوكالة (هذا اخر شي افكر فيه صراحة اني اغير الزيت في الوكالة ) احس ان السالفة اسرع لو اروح لي عند اي واحد هندي اخليه يغيره بكل بساطة


ريد شيفي
عادي خلها (راعي اليج) :D وراح تكون احلى ايضا لو نسيت نقطة الجيم
تستوي(راعي اليح) وبكذا نفتح محل فواكه .
عموما بخصوص انك ضربت مثالك في الهوندا بالذات فهذا (حديث ذو شجون) :) بس ما اقدر اوافقك عليه او اعراضك لاني لو وافقتك بيقولون متعصب ضد السيارة من زمان ..ولو عارضتك اكون كذبت نفسي
بالتالي شكرا لك على التوضيح :)


حاكم العدل
حتى لو وضعنا في اللاعتبار موضوع درجة حرارة الجو العالية في الخليج لكن تبديل الزيت عند 2000 كيلو فقط هو امر مبالغ فيه وبشكل كبير صراحة :glasses:

[محمد دريهم]

ياجماعه..



بالله تقارنون أجواء الخليج..بأجواء أوروبا؟؟؟



احنا من الطبيعي نغير كل 2000 كيلو...



واللي يغير كل 7000..أكيد مابيصير لسيارته شي..


لكن بيلاحظ الفرق في المستقبل..


يعني العمر الافتراضي للمحرك رايح يقل...

[علي عبدالله]

رد مقتبس من ولد الخبر
ياجماعه..



بالله تقارنون أجواء الخليج..بأجواء أوروبا؟؟؟



احنا من الطبيعي نغير كل 2000 كيلو...



واللي يغير كل 7000..أكيد مابيصير لسيارته شي..


لكن بيلاحظ الفرق في المستقبل..


يعني العمر الافتراضي للمحرك رايح يقل...



اعرف ناس كثار مايغيرون زيت المحرك الا بعد 5000 كيلو
وعلى الرغم من هذا الا ان سياراتهم لسة سليمة وصار لها اكثر من 14 سنة ومازل المحرك سليم
سالفة الالفين كيلو (في نظري) وانا اوفق كاتب المقال عليها وهي انها خدعة طلعتها العمالة الاسيوية لزيادة الارباح ليس اكثر :)