الشـــــاطر يحكي !!!!!!!!

[أمير أبوظبي]

عليكم السلام ورحمة الله وبركاته

انا ناوي اشتري رنج روفر مستعمل موديل 2004 ..يكون ماشي 25000 كيلو متر .. بس المشكله ماعندي فكره عن الاسعار .. اذا حد يعرف اسعارهم .. او عنده فكره رجاء لا يبخل علي برده ؟:)

[RED Chevy]

موتر ماعليه كلام بس 2004 ماشي 25000 حرام وايد ماشي هذي مشي 2003 لكن إذا الموتر نظيف وايد يستاهل من 180000لي 200000 يعني حسب الموتر هذي تسعير تقديري مني والله أعلم بس شوف موتر هاللون شكله مكروف وتاخذ 2003 أحسن يطلع أرخص والفرق بينهم بس في الطفاية ولا شي غير.:rolleyes:

[Saleen_UAE]

السلام عليكم ورحمة الله وبركاته

RED Chevy حرام عليك 180000 الى 200000 أنته جيبلي رنج بهذا السعر وأن بشتري كاش و بعطيك عموله 5000 الف درهم الله يهديك بس واين أتحصل رنج موديل 2004 بهذا السعر.

أمير أبوظبي عندي واحد موديل 2004 ماشي 5000 فقط مطلوب فيه 245000 الف درهم.

[RED Chevy]

إي حبيبي سالين أشوف الموتر ماشي وايد بس اللي عندك يستاهل سعره ماماشي شي 2004 بالكثير يكون ماشي 15000 هذي وين 25000 حرام فيه السعر وكل شي جايز.:D

[RED Chevy]

بركالسلام عليكم ورحمة الله وبركاته
بتصريح من الأيام: الاثنين 22 صفر 1425هـ 12 أبريل 2004م



استقبل الشيخ فواز بن محمد آل خليفة رئيس المؤسسة العامة للشباب والرياضة يوم امس المدرب اليوغسلافي الكسندا المدير الفني الجديد للمنتخبات الوطنية بالكرة الطائرة وذلك بمناسبة التعاقد معه رسميا للاشراف الفني على منتخبات اللعبة خلال المرحلة المقبلة.

ورحب الشيخ فواز بالمدرب اليوغسلافي متمنيا له التوفيق والنجاح في مهمته الجديدة، من جهته اعرب الكسندا عن تقديره البالغ لاهتمام الشيخ فواز مؤكدا انه سيبذل قصارى جهده في سبيل تطوير لعبة الكرة الطائرة في مملكة البحرين.

يذكر ان المدرب اليوغسلافي يتمتع بخبرات تدريبية كبيرة وقد سبق له تدريب المنتخب اليوغسلافي كما ترأس لجنة المدربين في الاتحاد المقدوني.

[أمير أبوظبي]

RED Chevy
شكرا الغالي على ردك ... بس لقيت سياره موديل 2003 ماشيه 60000 ومطلوب فيها 170000 درهم .. السعر مناسب للميزانيه .. بس للاسف طلع في السياره اثار حادث وهونت عنها :)

[أمير أبوظبي]

Saleen_UAE
هلا الغالي ...والله السياره الي عندك عز الطلب .. بس للاسف الميزانيه ماتسمح ... انا حدي 170000 درهم .

بس تعال السياره الي عندك مواصفات خليجيه ولا وارد ؟



:)

[Saleen_UAE]

السلام عليكم ورحمة الله وبركاته

Red_chevy
أنته جيبلي 2003 نظيف ماشي حدود 30000 كيلو وخذ 180000 + 5000 عمولك ياحبيبي في طلب شديد على السيارة في السوق.


أمير أبوظبي
السيارة الي عندي وارد الخليج الطاير أبيض وعليه ضمان contrect service
أذا خاطرك في السيارة بخلصها لك 242000 الف درهم

;)

[HAMANN.de]

بسم الله الرحمن الرحيم

السلام عليكم ورحمة الله وبركاته

اخوي Saleen_UAE أنا من QATAR

انا عندي x5 4.4 بابيعها
بس
لقيت رنج روفر مستعمل موديل 2003

أبيض من د اخل أسود

مطلوب فيه 190000قابل 60000km

وارد UAE

السعر مناسب ول غالي

بس انا جيت UAE خذ ت فكره عن الاسعار كانت نار


Tanks

[أمير أبوظبي]

Saleen_UAE

تسلم الغالي على التخفيض ... بس بعدها غاليه .. خيرها في غيرها .. على فكره .. السياره جديده .. بس انا متعجب من الناس الي تشتري سياره وتمشيها 5000 وتبيعها!!!! ياترا ليش ؟؟؟؟ :think:

[Saleen_UAE]

السلام عليكم ورحمة الله وبركاته

هلا أخوي HAMANN 5.0

السعر يعتمد عليك أم سعره أذا تبي رأي الشخصي أن مادفع فيه أكثر من 170000 الف درهم

وأذا تبي رنج أو X5 احمر/أحمر 4.6

تراني حاضر بس أنته خبرني

تحياتي لك

[Saleen_UAE]

السلام عليكم ورحمة الله وبركاته

أمير أبوظبي المشكلة الناس تسمع عن الرنج بس في حياته ماستعمل السيارة شو يسوي يروح يشترية وبعد شهر يعافه فيبيعه وأخوك موجود وحاضر هههه

;)

[أمير أبوظبي]

Saleen_UAE

عالم غريبه :D

بس ياخوي الرنج شكله كشخه .....وبعدين ما مداهم يعافونه .. يقولك ماشي 5000 !!!! .. يعني ياااااااادوبه طلعه من الوكاله ومرنه ...
:blink:

[Saleen_UAE]

السلام عليكم ورحمة الله وبركاته



أمير أبوظبي أتصدق البارحة الرنج كانت بطاريته ميته ماطاع يشتغل يعني الرنج يريد أمداره يعني لازم أتحافظ عليه وتستحمل بعد 5000 كيلو والبطاريه ميته عرفت كيف يعني بختصار أذا انته ماداري على السيارات لآتفكر في الرنج.

:cool:

[أمير أبوظبي]

Saleen_UAE

انا مره استخدمت STS كدلك ... وكانت كل يوم وثاني يطلعلي فيها عطل ... وكنت زبون دائم للكراجات ... يعني لازم امر على الكراج بشكل اسبوعي على شان اصلح شي ... حتى كنت على الحديده من كثر الدفع والتصليحات .. حتى حديده يمكن ماشي :D ... وبعتها بخساره .. بس على شان افتك منها ومن تصليحاتها...

وبعد تجربتي معها .. كرهت السيارات الامريكيه وكرهت السيارات الي محتاجه واحد يداريها ... ويحافظ عليها . .. اخر شي قلت ما الك ياولد غير الياباني .. عبي بترول وتوكل على الله .. وانسى شي اسمه تصليح وخراب ...

الي ابي اقوله ..وفهمته من كلامك ... ان الرنج اخو الامريكي .... والله لا يعيدها من تجربه ..انا كل ما اذكر الامريكي واستخدامه احس بغصه :cry:

[RED Chevy]

شباب في حد يلعب بردودي لا لا لا مايصير في ردود آنا ماكتبتها في شي غلط بغير الارقم السري مايصير يامشرفين شوفوا لنا حل مايصير مستحيل وش دخل الشيخ فواز بالسالفة؟
آنا أحين RED Chevy الأصلي وبعدين أي رد تشوفونه مو مثل إسلوبي هذي مو آنا.
:anger:

[STS4ever]

[STS4ever]

رد مقتبس من أمير أبوظبي
Saleen_UAE

انا مره استخدمت STS كدلك ... وكانت كل يوم وثاني يطلعلي فيها عطل ... وكنت زبون دائم للكراجات ... يعني لازم امر على الكراج بشكل اسبوعي على شان اصلح شي ... حتى كنت على الحديده من كثر الدفع والتصليحات .. حتى حديده يمكن ماشي :D ... وبعتها بخساره .. بس على شان افتك منها ومن تصليحاتها...

وبعد تجربتي معها .. كرهت السيارات الامريكيه وكرهت السيارات الي محتاجه واحد يداريها ... ويحافظ عليها . .. اخر شي قلت ما الك ياولد غير الياباني .. عبي بترول وتوكل على الله .. وانسى شي اسمه تصليح وخراب ...

الي ابي اقوله ..وفهمته من كلامك ... ان الرنج اخو الامريكي .... والله لا يعيدها من تجربه ..انا كل ما اذكر الامريكي واستخدامه احس بغصه :cry:

ممكن تذكر لي المشاكل اللي واجهتك في STS من باب الاطلاع فقط

[أمير أبوظبي]

STS4ever
والله ياخوي ما ادري من وين ابدأ ... بس بقولك بلاعطال الي مرت علي ولا يمكن انساها ...

انا ببدا لك القصه من الاول ... انا اشتريت السياره جديده من الوكاله كانت موديل 1994 ... بعد مرور شهر تقريبا من الاستخدام .. طلعتلي مشكله في المكيف وكان المكيف مايبرد .. بس يطلع هواء .. انا كنت احسب السبب كان الغاز .. ركبتلها غاز تبريد .. بس المكيف على حاله ... يعني ماتغير شي .. وصلت السياره للوكيل وقالي البطاريه ضعيفه وبدلت البطاريه .. ورجع المكيف مثل الاول ... ( مع العلم ان السياره في شهرها الاول)

مره من المرات ... ضربت حصاه صغيره في المكينه .. وشرخت المكينه قطعه في الماكينه من تحت ... وعلى شان يبدلون القطعه ... لازم ينزلون المكينه كامله ... لان السياره .. دفع امامي .... وكلفتني 17000 درهم
مره منضم الريس .. خرب ...
مره القير خرب ولازم ابدله كامل ... رحت الوكاله .. على شان ابدله .. قالولي ان سعره .. ما اذكر .. بحدود الاربعين الف .. او ثلاثين .. المهم مبلغ خيالي ... قلت اركبله قير مستعمل ...وامشي حالي ..وحصلت قير مستعمل بنصف السعر كان 15000 درهم .

ومره ... ومره ... ومره ....

وعلى كل زياره للكراج .. كنت ادفع اقل شي 3000 درهم ..

المهم... ولا اطول عليك السالفه ... وصلت لمرحله اني ابي اتخلص من السياره باي طريقه ... لا معارض تريد تشتريه .. ولا حد .. لا ن السياره غير معروفه كثير في الامارات .. اخرتا بعتها 14000 درهم .. مع اني كنت شاريها من الوكاله 165000 درهم .. بس تصدق بعتها وانا كنت فرحان .. لاني تخلصت من كابوس مزعج :D

[HAMANN.de]

بسم الله الرحمن الرحيم

السلام عليكم ورحمة الله وبركاته

مشكور اخوي Saleen_UAE على ردك السريع ابصراحه انا استعملت الx5 حوالي سنه وانا من النوع الي احب اغير وما اظن اني اجع لل x5ولو كانت4.6 وانا محتار بين الكايان والرنج تقدر بس الله لايهينك تعطيني اسعارهم عندكم الرنج مو2002+2003+الكايان2003

وشكرا خوي

[RED Chevy]

رد مقتبس من Saleen_UAE
السلام عليكم ورحمة الله وبركاته

Red_chevy
أنته جيبلي 2003 نظيف ماشي حدود 30000 كيلو وخذ 180000 + 5000 عمولك ياحبيبي في طلب شديد على السيارة في السوق.


أمير أبوظبي
السيارة الي عندي وارد الخليج الطاير أبيض وعليه ضمان contrect service
أذا خاطرك في السيارة بخلصها لك 242000 الف درهم

;)
هلا إخوي سالين، إذا ودك بواحد بنفس السعر اللي قلته موديل 2003 أزرق أكياس الوكاله ليلحين عليه وماشي 33000 بنفس السعر خبرني موجود واحد خليجي ضمانه على الخليج كامل تصليح للحاودث ببلاش على حساب الوكالة.:rolleyes:

[Saleen_UAE]

السلام عليكم ورحمة الله وبركاته

HAMANN 5.0

أسف على التأخير أبصراحة الأسعار مختلفة بس مش وايد البورش أتحصله 220000 الين 230000 تقريباً أم الرنج على حسب النظافة والكيلو من 180000 الين 215000 أن عندي رينج 2003 أبيض/هيليوس نظيف جداً ماشي 35000 الف كيلو جميع الزوايد عليه مطلوب فيه على شانك بعطيك 210000 الأف درهم.

;)


Red_Chevy

هلا عزيزي نعم أريد السيارة بس الله يخليك عطني موصفات والكيلو متر وأن عند كلامي.

:corsair: ;)

[أمير أبوظبي]

Saleen_UAE

انا عندي لكزس 430 LS موديل 2003 ماشيه 25000 كيلو ... لو ابيعها كم تعتقد بيكون سعرها ؟؟؟
ولك مني احلا تحيه :)

[HAMANN.de]

السلام عليكم ورحمة الله وبركاته

مشكور اخوي Saleen_UAE على تجاوبك معاي انا ابصراحه عندي سيارتينx54.4+EVO7 وناوي ابيعهم واخذ كايان او رنج روفر بس افظل الكايان بس المشكله ان الوكاله عندنا تعبانه ومحد يمدحها للسيرفس انشالله باصرف السيارتين وباعطيك خبر على طول علشان اترتبلي الموظوع قبل مااجي عشان مااتوهق ومشكور على تعاونك معاي اخوي والله يعطيك العافيه ;)

[Saleen_UAE]

السلام عليكم ورحمة الله وبركاته

أمير بوظبي

السيارة أن أشتريها 170000 الى 175000 على حسب الوان والمواصفات أذا تبا أتبيع حاضر تراني

:D

HAMANN 5.0

تم بيع سياراتك وخبرني بدبرلك بورش بسعر حلو

;)

[HAMANN.de]

انشالله اخوي Saleen_UAE بس المشكله الEVO بيعتها صعبه مب كل من يرغب فيها

شفت الكايان الي حاص صورته اخوناAMG جامبالا صج امسكت بس انشالله جاي يومه
:cry: :cry: :cry:

[RED Chevy]

والله إخوي سالين، الموتر مثل ماقلت لك، الكراسي محد لمس الجلد مالهم، وحتى الدوسات بقراطيسهم، وماشي 33000 وفل أوبشن وآنا في البحرين أي سؤال حاضرين والموتر فيه فتحة وباقي مواصفات الرنج العادية لونه أزرق ومافيه ولا حادث ولاشموخ يعني جديد بس ماشي 33000.
وإذا تبي شي زود راسلني على الخاص.:D

[أمير أبوظبي]

Saleen_UAE
بصراحه ما افكر ابيعها .. بس حبيت اسال عن سعرها كم وصل الحين ... شكرا عزيزي ....السياره نظيفه ولونها لؤلؤي .. ومواصفات خليجيه .. حتى قراطيس الوكاله بعدها موجوده :)


على فكره ... اذا عندك معرض سيارات .. ممكن تقولنا على اسمه ... على شان اذا صار نصيب نتعامل معاكم :)

[Saleen_UAE]

السلام عليكم ورحمة الله وبركاته

HAMANN 5.0

أن أنتظرك بس قبل ماتجي عطني مهله أسبوع على شان أدوار السياره.

Red_chevy

ماشي مشكلة بس الله يخليك كم سعر السيارة وأن بجيك البحرين حاضر وعمولك محفوظه أخوي بس أرسلي مواصفات السيارة في e_mail
al3in73@yahoo.com السعر الله يخليك

:)

أمير بوظبي أن ماعندي معرض بس أبيع وأشتري ولكن عندي معرض واحد من الربع أسم المعرض الميراج في منطقة العوير.
وحياك أي وجت.

:rolleyes:

[RED Chevy]

حبيبي سالين ماعندي إيميل:D أدري بتقول مايصير بس أقول لك يصير:D شوف الكابرس اللي في توقيعي، شف الصغير اللي جنبه، آنا مسجل بالمنتدى ببريده وآنا ماعندي ولاناوي أسوي، بطرش لك على الخاص ونتفاهم هناك:)

[HAMANN.de]

السلام عليكم ورحمة الله وبركاته

خلاص اخوي Saleen_UAE صار انشالله بس خلني اصرف وباعطيك خبر على طول

شكرا