سوالف للجميع - هايونداي سوناتا في لقطات جديدة..........(جديد)

سردال

19-04-2004, 07:04 AM

رد مقتبس من RED Chevy
مشرفنا نفس الور من داخل إنفنتي والقير تبع لكزس أم عيون ممطوطة والوجه لومينا وش بقى، أعتقد تقفل الموضوع أفضل بيوصل 6 صفحات:D

هذه النوعية من الردود تسمى في المواقع الأجنبية Flamebait وهي ردود تثير الحوارات الساخنة، وعادات ما تحذف أو ينبه صاحبها وفي بعض الأحيان يتم منعه نهائياً من المشاركة.

أرجو أن نصل إلى مرحلة من الوعي الكافي لكي نكتب آراءنا دون إثارة الآخرين.

ومع أنني كررت كلامي هذا عشرات المرات لكن يبدو ألا فائدة ترجى من تكرار الكلام

علي عبدالله

19-04-2004, 07:16 AM

يعني :think:
اللي ملاحظه ان في محاولات (كورية ) جادة للمنافسة .بس اذا باحكم من خلال الصور فاللي باين ان الابيروس افضل من هذي ومتفوق عليها صراحة (هذا طبعا بالنسبة للمنافسة على لقب كوريا ):p
اما العالم اظن ليحين يحتاجون تعديلات وتطويرات اضافية للمنافسة الجادة مع الاوروبيين مثلا :think:

RED Chevy

19-04-2004, 07:25 AM

سردال إخوي سردال إنت شمشكلتك معاي؟
باقي الأعضاء يكتبون رودود ومواضيع أخس ماشوفك ترد على حد غيري كفاية موضوع ماجد الأخير داخل ويسب ويلعن ويستهزء بالشركة ماشفتك رديت عليه هناك وقلت له نفس الكلام اللي قلته لي!
أغلب ردودك في الفترة الأخيرة لي آنا ليش عسى ماشر شايف مني شي، آنا توقعت ردك يكون هناك مو علي في ذي الموضوع، وهل آنا قلت شيغلط، يعني تبي أدخل أشوف وأطلع أو أكتب رد أقول سيارة ممتازة واقلدوا حد فيها.:mad:
سامحني إذا غلكت عليك بشي لكن هذي اللي ملاحظه، وتقصدني يتم تنبيه العضو أو حذف الرد أو طرد العضو آنا ماجد غلط علي وقط كلام وماشوف حد وقف عضويته أو نبهه والموضوع كان نقاش بيني زبين الشبابي ليش مارديت عليه؟
في المنتدى مافي غيري الطوفة الهبيطة اللي أبسط شي تقولوا متعصب أو ترودون بطريقة( بس مابي أكمل وتصير مشاكل)

عاشق التضبيط

19-04-2004, 08:11 AM

رد مقتبس من سردال
هذه النوعية من الردود تسمى في المواقع الأجنبية Flamebait وهي ردود تثير الحوارات الساخنة، وعادات ما تحذف أو ينبه صاحبها وفي بعض الأحيان يتم منعه نهائياً من المشاركة.

أرجو أن نصل إلى مرحلة من الوعي الكافي لكي نكتب آراءنا دون إثارة الآخرين.

ومع أنني كررت كلامي هذا عشرات المرات لكن يبدو ألا فائدة ترجى من تكرار الكلام

والله كلامك صحيح ياسردال آ آه لو ترجع ايامك مشرف عام كان احنا الحين بخير المشكله المشرف العام ماعمره دخل قسم السيارات والمشرفين حقين السيارات للأسف تاركين الحبل على الغارب يعني موضوع زي حق الكدله و100 عام ودري ايش شوف المشاكل اللي صايره وكل واحد يرد ويفكر انه يرد بصراحه بس هو للأسف يرد بوقاحه زي ماقلت انت في فرق بين الوقاحه والصراحه

والله صار المنتدى كله مشاكل للأسف حفظنا الردود وعرفنا هالعضو وش بيرد وايش راح يقط كلام

صار العضو اللي يسوي مشاكل وبلبله محبوب واشكرك يافلان على هالموضوع

المشرفين لازم يصحوووووون ولازم مشرف جديد يهدي الامور ويحسن الوضع
والله هذا وقت المشرف

المشرف موب بالاسم بس او يحط مواضيع جديده او يجي يقفل الموضوع بالكامل :anger:

بس بيني وبينك ياسردال احس انك قسيت على ريد شيفي بزياده

يعني في كثير نفس حالته مع احترامي له بس يحبون يسون شراره بالموضوع على بالهم انهم حركو الموضوع لاتزعل مني ياريد شيفي وانا مقدر ضروفك انك تقول الوضع كله ماشي كذا والاعضاء اكثرهم اسلوبهم كذا انا بقولك خلك احسن منهم واذا هم على غلط لاتصير زيهم

وانا ادري ان هاليومين صرت اتفلسف كثير بس والله من حر قلبي :anger:

من المشاكل اللي اشوفها بين الاعضاء

وين سوالف زمان اللي كلنا فيه اخوه لما الواحد يطلب شي او يسأل عن شي كلنا نفزع له الحين لما الواحد يسال عن شي وانا اعرف الجواب بس الكاتب فلان وانا ما اواطنه ماني راد عليه كذا أحرم عشرين الف واحد من الفايده والمعلومه :cry:

علي عبدالله

19-04-2004, 08:25 AM

بالفعل
سردال مترصد حق رد شيفي في الفترة الاخيرة
(لدرجة اني لما اشوف قائمة اخر الردود اذا حصلت اسم سردال اتوقع غالبا انه نقد موجه لرد شيفي ) :p
عموما لو اخذناها من جانب فكاهي بتشوفون السالفة ظريفة جدا :D

RED Chevy

19-04-2004, 08:36 AM

رد مقتبس من عاشق التضبيط
والله كلامك صحيح ياسردال آ آه لو ترجع ايامك مشرف عام كان احنا الحين بخير المشكله المشرف العام ماعمره دخل قسم السيارات والمشرفين حقين السيارات للأسف تاركين الحبل على الغارب يعني موضوع زي حق الكدله و100 عام ودري ايش شوف المشاكل اللي صايره وكل واحد يرد ويفكر انه يرد بصراحه بس هو للأسف يرد بوقاحه زي ماقلت انت في فرق بين الوقاحه والصراحه

والله صار المنتدى كله مشاكل للأسف حفظنا الردود وعرفنا هالعضو وش بيرد وايش راح يقط كلام

صار العضو اللي يسوي مشاكل وبلبله محبوب واشكرك يافلان على هالموضوع

المشرفين لازم يصحوووووون ولازم مشرف جديد يهدي الامور ويحسن الوضع
والله هذا وقت المشرف

المشرف موب بالاسم بس او يحط مواضيع جديده او يجي يقفل الموضوع بالكامل :anger:

بس بيني وبينك ياسردال احس انك قسيت على ريد شيفي بزياده

يعني في كثير نفس حالته مع احترامي له بس يحبون يسون شراره بالموضوع على بالهم انهم حركو الموضوع لاتزعل مني ياريد شيفي وانا مقدر ضروفك انك تقول الوضع كله ماشي كذا والاعضاء اكثرهم اسلوبهم كذا انا بقولك خلك احسن منهم واذا هم على غلط لاتصير زيهم

وانا ادري ان هاليومين صرت اتفلسف كثير بس والله من حر قلبي :anger:

من المشاكل اللي اشوفها بين الاعضاء

وين سوالف زمان اللي كلنا فيه اخوه لما الواحد يطلب شي او يسأل عن شي كلنا نفزع له الحين لما الواحد يسال عن شي وانا اعرف الجواب بس الكاتب فلان وانا ما اواطنه ماني راد عليه كذا أحرم عشرين الف واحد من الفايده والمعلومه :cry:

بهالشكل إنت تزيد من إحترامي لك ياعاشق، صحيح إنتقدتني بس بطريقة صح، بس مو آنا اللي بديت هالشي، يقول لك العين بالعين والسن بالسن مثل ماينكتب شي أرد عليه بنفس الأسلوب، في مواضيع تقدر تتناقش مع صاحبها وفي مواضيع صاحبها داش يتهاوش ويسب ويلعن، موضوع ماجد مو لازم ينحذف لازم ينرد عليه وشوف الغلط اللي عنده، وعن آخر فقرة هذي الشي السائد أحين، آنا الحمد لله إذا شفت روحي أقدر أفيد حد حتى لو بشي بسيط أرد حتى لو كان ماجد بعينه، وأرد على أغلب مواضيعه اللي مامنها فايدة مثلاً الموضوع اللي يسب فيه بالبيد رديت عليه ولا كأن صار شي، لكن في أشكال الطيب مايفيد معاها وعن المشرفين أشوف مأدين واجبهنم تمام التمام بس في ناس لازم تتوقف عند حدها وسلامتك.

الأنصاري

19-04-2004, 08:40 AM

شباب خلاص كلكم اخوان مانبي نشوف مثل هذة الردود كل واحد حر في رايه

محمد دريهم

19-04-2004, 08:49 AM

اخوي ريد تشيفي..
اللومينا كلها على بعضها تصميمها مسروق من الاوبل اوميجا..فكيف الهونداي تسرق من هولدن..

وبعدين انا ركبت الانفنيتي..مافيه اي شبه من الداخل سوا في اللون الابيض..

الانفنيتي من جوا فيه كومبيتور بدل الرادو..والكاسيت حقها تلقاه في الدرج اللي على جنب..يعني اختلاف السما عن الارض..حتى العدادات,,,مختلفه تمام..

وبعدين والله السياره من جوا دلع...وحطمت االمنافسين تحطييييييييييييييييييييييييييييييييييييييييييييم

سردال

19-04-2004, 09:14 AM

رد مقتبس من RED Chevy
سردال إخوي سردال إنت شمشكلتك معاي؟
باقي الأعضاء يكتبون رودود ومواضيع أخس ماشوفك ترد على حد غيري كفاية موضوع ماجد الأخير داخل ويسب ويلعن ويستهزء بالشركة ماشفتك رديت عليه هناك وقلت له نفس الكلام اللي قلته لي!
أغلب ردودك في الفترة الأخيرة لي آنا ليش عسى ماشر شايف مني شي، آنا توقعت ردك يكون هناك مو علي في ذي الموضوع، وهل آنا قلت شيغلط، يعني تبي أدخل أشوف وأطلع أو أكتب رد أقول سيارة ممتازة واقلدوا حد فيها.:mad:
سامحني إذا غلكت عليك بشي لكن هذي اللي ملاحظه، وتقصدني يتم تنبيه العضو أو حذف الرد أو طرد العضو آنا ماجد غلط علي وقط كلام وماشوف حد وقف عضويته أو نبهه والموضوع كان نقاش بيني زبين الشبابي ليش مارديت عليه؟
في المنتدى مافي غيري الطوفة الهبيطة اللي أبسط شي تقولوا متعصب أو ترودون بطريقة( بس مابي أكمل وتصير مشاكل)

أخوي ... تذكر دائماً أنك أخوي ... والله ما أحمل في نفسي على أحد شيء، لكن سبحان الله، ما أدخل موضوع عن الكوري إلا وأحصل لك فيه رد ما يعجبني أسلوبه (ركز على أسلوبه) أقصد أنك حر في رأيك لكن الأسلوب مهم أيضاً، أما يكتب في باقي المواضيع فلا شأن لي بها، لأني إن دخلت موضوع وشفت الغلط فيه ما راح أسكت، والمواضيع اللي ما أدخلها فبالتأكيد ما راح تحصل فيها رد لي، وأنا ما أقرأ كل المواضيع، بل أقرأ القليل منها.

وليست المشكلة في الآراء إنما في الأسلوب، يا ما شفت ناس كتبوا ردود ما فيها أي شيء إلا أنها كانت السبب في الخلافات وطرد الأعضاء، ووالله ما أريد يحصل هذا مرة ثانية.

راعي البيج: لا مترصد ولا أي حاجة ... كل ما في الأمر أني أدخل الموضوع أشوف رد ما يعجبني أرد عليه، وإن كان نصيب أخونا هو الأكثر فهذا ما يعني إني مترصد له.

RED Chevy

19-04-2004, 09:38 AM

بوعبود : أوامرك يامعلم:D

ولد الخبر :آنا هذي اللي مايعجبني قبل مارد عليك أول شي تعرف إن الأوميجا واللومينا سيارة وحدة أو لا؟

سردال: حصل خير يالغالي، ومثل مانت تحصل لي رد مايعجبك آنا أكون محصل ردد مهي بعاجبتني، أو السيارة بكبرها ماتعجبتني، تذكر أول موضوع لسوناتا وصلوها للمرسيدس وهي سوناتا جان زين أوبيروس هل يعجبك ذي؟:rolleyes: وعلعموم ماحصل إلا الخير والإختلاف في الرأي لايفسد الود( محكومة بالضروف:D )

محمد دريهم

19-04-2004, 09:56 AM

ياخوي وش جاب الاوميجا للومينا.....الومينا هولدن تونا عرفناها من كم سنه...والاوميجا موجوده من اكثر من 30 سنه

RED Chevy

19-04-2004, 10:08 AM

إنت تصعب المسألة زود علي كنت بشرح لك 5 أسطر أحين بتخليني أشرح الدبل:
اللومينا هي الأوميجا ومافي فرق بينهم غير الشكل والمواصفات.
نجي بالترتيب:
1- الشاصي للأوميجا واللومينا والكدلكCTS هو شاصي واحد واحد واحد.
2- الأبواب هي نفسها وإذا ماتصدقني روح شوف باب اللومينا والأوميجا جيب لي فرق وشوف إذا ناقشتك في الموضوع مرة ثانية.
3- شوف قصة السيارة، آخر السقف( يعني بين السقف والصندوق) هذي نفس القطعة موجودة السقف نفسه والشاصي نفسه والأبواب نفسها.
4- الأوميجا ماطلعت إلا الموديل اللي يشابه الكدلك كاتيرا( والكدلك أوميجا معدلة لاغير) والشاصي نفسه اللي على اللومينا وبتشوفه قريب على الأفالون.
5- إركب السيارتين، شوف سنسر الشمس( اللي يشغل الليتات أوتو) نفس المكان اللهم الفرق بالشكل.
6- الهنادل اللي في السقف( اللي تمسكهم لين تطلع أو تعلق عليهم شي) نفسهم وجيب لي فرق وحتى في الكابرس.
7- شوف المكان اللي يطلع منه الحزام في الثلاث نفسه.
حاول تروح سكراب وشوف تحت كرسي أوميجا ولومينا جيب لي فرق.
8- سو نفس الخطوة لكن شوفالأجزاء اللي تحت السيارة من شافتات وغيره.
9- نظام التعليق نفسه وحتى الفخوذ( المقصات نفسها).
10- كمبيوتر الرحلات يعطيك نفس المعلومات في السيارتين.
سقف الكدلك CTS نفس الخام المصنوع منه سقف الكدلك.
على فكرة نص موديلات الأوبل تنصنع في إستراليا والفكترا أولهم والكورسا بعد.
وسلامتك أتمنى إن المعلومة وصلت.:D

loolicpolic

19-04-2004, 03:44 PM

رد مقتبس من RED Chevy
إنت تصعب المسألة زود علي كنت بشرح لك 5 أسطر أحين بتخليني أشرح الدبل:
اللومينا هي الأوميجا ومافي فرق بينهم غير الشكل والمواصفات.
نجي بالترتيب:
1- الشاصي للأوميجا واللومينا والكدلكCTS هو شاصي واحد واحد واحد.
2- الأبواب هي نفسها وإذا ماتصدقني روح شوف باب اللومينا والأوميجا جيب لي فرق وشوف إذا ناقشتك في الموضوع مرة ثانية.
3- شوف قصة السيارة، آخر السقف( يعني بين السقف والصندوق) هذي نفس القطعة موجودة السقف نفسه والشاصي نفسه والأبواب نفسها.
4- الأوميجا ماطلعت إلا الموديل اللي يشابه الكدلك كاتيرا( والكدلك أوميجا معدلة لاغير) والشاصي نفسه اللي على اللومينا وبتشوفه قريب على الأفالون.
5- إركب السيارتين، شوف سنسر الشمس( اللي يشغل الليتات أوتو) نفس المكان اللهم الفرق بالشكل.
6- الهنادل اللي في السقف( اللي تمسكهم لين تطلع أو تعلق عليهم شي) نفسهم وجيب لي فرق وحتى في الكابرس.
7- شوف المكان اللي يطلع منه الحزام في الثلاث نفسه.
حاول تروح سكراب وشوف تحت كرسي أوميجا ولومينا جيب لي فرق.
8- سو نفس الخطوة لكن شوفالأجزاء اللي تحت السيارة من شافتات وغيره.
9- نظام التعليق نفسه وحتى الفخوذ( المقصات نفسها).
10- كمبيوتر الرحلات يعطيك نفس المعلومات في السيارتين.
سقف الكدلك CTS نفس الخام المصنوع منه سقف الكدلك.
على فكرة نص موديلات الأوبل تنصنع في إستراليا والفكترا أولهم والكورسا بعد.
وسلامتك أتمنى إن المعلومة وصلت.:D

كلام صحيح 100 في الـ 100

تحياتي..

loolicpolic

19-04-2004, 03:50 PM

رد مقتبس من بوعبود
شباب خلاص كلكم اخوان مانبي نشوف مثل هذة الردود كل واحد حر في رايه

تدرون وش يعجبني في منتدانا.. إنو كلنا فعلا إخوه.. ومشاكل صغيره وتافهه مالازم تفرق بينا وتخلينا نغلط على بعض :headshak:

كمان، في شي يخليني أأكد لكم كلامي، وهو إنو مجرد ما توضح الفكره أو أي عضو أخطأ يعتذر، أخوه الثاني يقبل إعتذاره بكل رحابة صدر، وكأن لم يكن.. :eek:

عنجد يا شباب، الله يخلينا لبعض ويبعد عنا المشاكل :)

قولوا آمين..

طبعا، رأي شخصي بحت، لأتمنى الجميع يشاركني فيه

تحياتي..:corsair: :banana:

A7medo

19-04-2004, 04:49 PM

رد مقتبس من loolicpolic
تدرون وش يعجبني في منتدانا.. إنو كلنا فعلا إخوه.. ومشاكل صغيره وتافهه مالازم تفرق بينا وتخلينا نغلط على بعض :headshak:

كمان، في شي يخليني أأكد لكم كلامي، وهو إنو مجرد ما توضح الفكره أو أي عضو أخطأ يعتذر، أخوه الثاني يقبل إعتذاره بكل رحابة صدر، وكأن لم يكن.. :eek:

عنجد يا شباب، الله يخلينا لبعض ويبعد عنا المشاكل :)

قولوا آمين..

طبعا، رأي شخصي بحت، لأتمنى الجميع يشاركني فيه

تحياتي..:corsair: :banana:

آمين

RED Chevy

19-04-2004, 04:52 PM

آمين ونص ويعلم الله آنا ماشايل بقلبي شي وكل الشباب معتبرهم مثل إخواني، لكن بس واحد هو اللي عندي مشكلة وياه:rolleyes: وأزلية ماتنحل.

محمد دريهم

20-04-2004, 12:05 AM

أخوي ريد تشيفي...

الكونولوسلولت الداخلي للاوميجا مختلف اخلاتف السماء عن الأرض عن الليومينا..

اخوي ريد تشيفي..

محرك اللومينا جدا غبي...

لأنه 4600 سي سي و سته سلندر..وقوته أقل من محرك الاوبل..
علما ان محرك الاوبل 3200 سي سي..والاوبل تطلع على اللومينا قومه وخط بمحرك أصغر..وبالرغم ان الاوبل وزنها اعلى من اللومينا...

وش تفسر هذا؟؟ ماهو غباء في المكائن الامريكيه؟؟

silver

20-04-2004, 01:06 AM

التصميم قلت انا من أول إنه ممتاز
لكن الكنسول الوسطي طالع فاضي شوي يحتاج زيادة أشياء فيه أو أزرار ولا راح تطلع كأنها لعبة من الداخل.
بختصار تحتاج شوية لمسه داخلية وتطلع جميلة

RED Chevy
أثبتولكم على رأي ... تشبه اللومينا ولا الأودي ؟
وبلنسبة لسالفة 6 صفحات ... فأنا قلت لك من قبل أيش إلي يوصل المواضيع إلي زي كذا إلى 6 صفحات ;)

راعي البيج
أكيد الأوبيروس راح تكون أفضل ... السوناتا من فئة الأكورد - الكامري-الجلنت .... أما الأوبيروس ماعرفت كيف اصنفها لكن الموقع الرئيسي لها صنفها على إنها تنافس الأفلون والكرايسلر الكونكورد ... والكرون فكتوريا على ما اظن ... فشيء طبيعي إنها تكون أفضل لأنها افخم ...

:)

مشكور AMG/////

20-04-2004, 09:45 AM

رد مقتبس من RED Chevy
إنت تصعب المسألة زود علي كنت بشرح لك 5 أسطر أحين بتخليني أشرح الدبل:
اللومينا هي الأوميجا ومافي فرق بينهم غير الشكل والمواصفات.
نجي بالترتيب:
1- الشاصي للأوميجا واللومينا والكدلكCTS هو شاصي واحد واحد واحد.
2- الأبواب هي نفسها وإذا ماتصدقني روح شوف باب اللومينا والأوميجا جيب لي فرق وشوف إذا ناقشتك في الموضوع مرة ثانية.
3- شوف قصة السيارة، آخر السقف( يعني بين السقف والصندوق) هذي نفس القطعة موجودة السقف نفسه والشاصي نفسه والأبواب نفسها.
4- الأوميجا ماطلعت إلا الموديل اللي يشابه الكدلك كاتيرا( والكدلك أوميجا معدلة لاغير) والشاصي نفسه اللي على اللومينا وبتشوفه قريب على الأفالون.
5- إركب السيارتين، شوف سنسر الشمس( اللي يشغل الليتات أوتو) نفس المكان اللهم الفرق بالشكل.
6- الهنادل اللي في السقف( اللي تمسكهم لين تطلع أو تعلق عليهم شي) نفسهم وجيب لي فرق وحتى في الكابرس.
7- شوف المكان اللي يطلع منه الحزام في الثلاث نفسه.
حاول تروح سكراب وشوف تحت كرسي أوميجا ولومينا جيب لي فرق.
8- سو نفس الخطوة لكن شوفالأجزاء اللي تحت السيارة من شافتات وغيره.
9- نظام التعليق نفسه وحتى الفخوذ( المقصات نفسها).
10- كمبيوتر الرحلات يعطيك نفس المعلومات في السيارتين.
سقف الكدلك CTS نفس الخام المصنوع منه سقف الكدلك.
على فكرة نص موديلات الأوبل تنصنع في إستراليا والفكترا أولهم والكورسا بعد.
وسلامتك أتمنى إن المعلومة وصلت.:D

والله كلام سليم ياعبدالرحمن ...ماشاء الله عليك اول مرة اجد نقطه واحدة في ردودك استطيع كتابة رد من خلالها ...بس حبيت انبه الى نقطه واحدة ...اصلا من متى والاوميجا سيارة جودة ؟ ...ياللقهر فسيارات اوبل من يوم ماامتلكتها جنرال موتورز وهي في تخبط مستمر ...واكبر دليل وشاهد هو الانحدار الكبييييييير لمبيعاتها في اوروبا بلدها الاول ...ولاحول ولا قوة الا بالله :corsair:

X_RaYs

20-04-2004, 10:31 AM

الموضوع عن السوناتا والردود عن اللومينا والأوميجا :D

عموما اشوف السياره ( الى الآن ) انيقه .. وبانتظار الشكل النهائي اللي اتمنى انه يكون مبتكر .. او بمعنى آخر ( غير مسروق ) :sleep:

RED Chevy

20-04-2004, 10:34 AM

والله مدري شسوي شاقول:headshak: نجي بالترتيب:
ولد الخبر: إنت تحيرني زود مدري إنت تبي تجنني أو شي من هالقبيل أحين محرك اللومينا 4.6:rolleyes: أؤجوك رجاء خاص حبيبي تأكد من الكلام اللي تقوله من إني أحس إنك عارف بس تبي تجنني:D

silver : أحين آنا قلت تشبه الأودي؟:rolleyes:

S8 : ماجد:think: الله يهديك بس;)

AMG

20-04-2004, 04:27 PM

http://file1.bobaedream.co.kr//national/national1082369277.jpg

ممممممم شو رايكم :help:

loolicpolic

20-04-2004, 04:49 PM

فيها شبه من الهوندا أكورد الحالي :think:

ولا شو رأيكم؟

تحياتي..

TOP-SECRET

21-04-2004, 06:02 AM

مشرفنا AMG ماطلعت الصوره :knight: حاول مره اخرى :knight:

AMG

21-04-2004, 06:28 AM

http://www.uploadit.org/ascariss/national1082369277.jpg

21-04-2004, 06:43 AM

RED Chevy
للمعلومية فقط
فسيارة هونداي سوناتا حصلت وللسنه الرابعة على التوالي على رضا المستهلك الاول في امريكا وهذا الكلام نقلا عن موقع جي دي باور

ماادري هل الكابريس واللومينا وصلت لجودة السوناتا؟

RED Chevy

21-04-2004, 07:33 AM

والله ياماجد لو أحصل واحد فاهم بالسيارات مثل الشبابي أتفاهم معاه يكون شي جيد لكن مقدر أقول غير إن السوناتا أحسن من المايباخ:knight:

الأنصاري

21-04-2004, 08:02 AM

http://www.hondacars.com/images/banners/2004/accord_sedan/exterior_gallery/photo_11_large.jpg

http://www.uploadit.org/ascariss/national1082369277.jpg

انا ما اقصد شئ في هذا الرد بس الصراحة حاولت امسك نفسي بس الصراحة ولاتزعلون هذا اسطاب هوندا اكورد:D :D

mill_955

21-04-2004, 09:10 AM

رد مقتبس من AMG
http://www.uploadit.org/ascariss/national1082369277.jpg

شكلك غلطان يا اخ AMG ;)

شكلك جايب اللنك حق الصوره من موقع هوندا :laugh:

silver

21-04-2004, 09:30 AM

يجوز ليش لاء ... الكوريين ياخذون من أشكال السيارة ويطورونها وينتجونها :p

بس عندي سؤال الأكورد الشكل الجديد متى تم إطلاقه بالتحديد :)
لأني كتبت موضوع في بداية عام 2003 وحطيت فيه صور السوناتا هذي وكانت السيارة جاهزة ... بمعنى ممكن تكون السيارة إنتجت في نفس الوقت إلي تم فيه إنتاج الأكورد الجديدة ... هذا هو الموضوع (http://www.swalif.net/sforum1/showthread.php?s=&threadid=162726&highlight=%D3%E6%E4%C7%CA%C7) ... وأنا كذلك ذكرت فيه إنها تشبه الأكورد الجديدة.
:)

RED Chevy

22-04-2004, 04:37 AM

لا لا مشرفنا هذي 100% فوتوشوب:D بس ياخي بتقلدون قلدوا موتر عدل حاطين أقبح موديل من الأكورد لا وماخذين أخس نتقطة فيها على الأقل شفتوا الماكس، وتسلم مشرفنا على الصورة:)

محمد دريهم

22-04-2004, 12:55 PM

أصلا االاكورد بذاتها مقتبسه من البي ام خلفيتها..

يعني عادي..كلهم يقتبسون..ليه ماسويتوا زحمه على الهوندا

RED Chevy

22-04-2004, 01:06 PM

والله صاير خفيف دم ياولد الخبر;) أحين أي بي إم الأورد ماخذه منه، عمري ماشفت بي إم بخلفية الأكورد القبييييييييييييييييييييييييحة، 97 نعم فيها شبه كبير من ال7القديم بس هذي وينها ووين البي إم وش جاب السما للأرض:rolleyes: حرام عليك تشبه البي إم بالأكورد:headshak:

محمد دريهم

22-04-2004, 01:08 PM

اخوي ريد تشيفي..وش اللي حرام..

مو كلها مصنوعه من حديد واللي صنعوها بشر؟؟؟

ليه مانقارن؟؟

RED Chevy

22-04-2004, 01:19 PM

من قال في شي حرام ياولد الخبر؟
الصح صح والغلط غلط، أحين وين الاكورد ووين البي إم، مادري إنت أي بي إم تقصد ماشوف ولا وحدة تشابه ولانقطة في الأكورد الجديدة، ماتلاحظ إنك متعصب للكوري( هذي الجملة ياتني منك بس للأمريكي) أحين ليش ماترضى على الهونداي وهي عيني عينك ماخذه خلفية الأكورد( جان زين نقوا شي عدل) أتمنى إني مازعلت بشي بس ياخي واضحة وضوح الشمس والأكورد مافيها شبه من أي سيارة ثانية شكلها كأنها مركبة فضائية الله يرحم أيام التسعينات بس:rolleyes:

الأنصاري

22-04-2004, 01:25 PM

قضية التقليد صارت عادية الكل يقلد الأفضل :think:

مجنون سيارات

22-04-2004, 05:14 PM

2001

http://mgnoon1syarat.jeeran.com/images/REAR.jpg

2004

http://mgnoon1syarat.jeeran.com/images/Sunny-2004FollowupHP3.jpg

القرن الجديد

22-04-2004, 09:05 PM

رد مقتبس من مجنون سيارات
2001

http://mgnoon1syarat.jeeran.com/images/REAR.jpg

2004

http://mgnoon1syarat.jeeran.com/images/Sunny-2004FollowupHP3.jpg
.

ممكن رد ؟؟؟؟؟؟؟؟؟؟؟؟؟؟؟؟؟؟؟؟

او هذا حلال

مع ان السوناتا ماقلدت الاكورد بل العكس (ارجعو لرد سلفر)

مشكور مجنون سيارات

RED Chevy

23-04-2004, 11:04 AM

رد مقتبس من القرن الجديد
.

ممكن رد ؟؟؟؟؟؟؟؟؟؟؟؟؟؟؟؟؟؟؟؟

او هذا حلال

مع ان السوناتا ماقلدت الاكورد بل العكس (ارجعو لرد سلفر)

مشكور مجنون سيارات
على أرمك وهذي الرد:
آنا أول مرة أشوف هذي الصورة والنيسان مقلدة الهونداي 100% هني في تقليد لكن الأكورد مقلدة على البي إم لا، هذي تقليد100% وواضح وضوح الشمس آمر تبي شي زود:D

TOP-SECRET

23-04-2004, 08:22 PM

افا يالنيسان طلعت تقلد هيونداي :OO: هههههههه عادي عادي كل واحد يقلد الثاني اهم شي نحصل شي يرضي المستهلك :p

القرن الجديد

23-04-2004, 08:31 PM

رد مقتبس من RED Chevy
على أرمك وهذي الرد:
آنا أول مرة أشوف هذي الصورة والنيسان مقلدة الهونداي 100% هني في تقليد لكن الأكورد مقلدة على البي إم لا، هذي تقليد100% وواضح وضوح الشمس آمر تبي شي زود:D

مافهمت وش السالفة وش تقصد مين الي مقلد الثاني :think:
الاكورد مقلدة البي ام ولا لا ؟؟؟؟؟

RED Chevy

24-04-2004, 02:56 AM

أي النيسان قلدت الهونداي والهونداي قلدت الهوندا والهوندا ماقلدت حد والبي إم ماقلدت حد:blink:

القرن الجديد

24-04-2004, 08:14 PM

طيب يا اخي RED Chevy

سلفر قال في موضوعة

ان صور السوناتا مسربة قبل ما تنتج الهوندا سيارتها بسنتين

وش لون قلدتها :glasses:

مع الصور فا وش الراي

RED Chevy

25-04-2004, 09:27 AM

رد مقتبس من القرن الجديد
طيب يا اخي RED Chevy

سلفر قال في موضوعة

ان صور السوناتا مسربة قبل ما تنتج الهوندا سيارتها بسنتين

وش لون قلدتها :glasses:

مع الصور فا وش الراي

وبعدين؟
الأكورد الجديدة نزلت السوق شهر 10 2002 وموضوع سلفر شهر 3 2003;)

سردال

25-04-2004, 11:07 AM

رد مقتبس من RED Chevy
وبعدين؟
الأكورد الجديدة نزلت السوق شهر 10 2002 وموضوع سلفر شهر 3 2003;)

كلام صحيح ... صور هيونداي سربت قبل طرح أكورد في السوق، وكون سلفر كتب الموضوع بعد طرح السيارة في السوق لا يلغي الحقيقة، كيف قلدت هيونداي سيارة لم تطرح بعد في السوق؟

أتذكر أنني قلت أيضاً نفس هذا الكلام في موضوع سابق لكن لم يرد علي أحد.

بن ممدوح

26-04-2004, 06:17 AM

رد مقتبس من X_RaYs
الموضوع عن السوناتا والردود عن اللومينا والأوميجا :D

عموما اشوف السياره ( الى الآن ) انيقه .. وبانتظار الشكل النهائي اللي اتمنى انه يكون مبتكر .. او بمعنى آخر ( غير مسروق ) :sleep:

RED Chevy

26-04-2004, 08:07 AM

رد مقتبس من سردال
كلام صحيح ... صور هيونداي سربت قبل طرح أكورد في السوق، وكون سلفر كتب الموضوع بعد طرح السيارة في السوق لا يلغي الحقيقة، كيف قلدت هيونداي سيارة لم تطرح بعد في السوق؟

أتذكر أنني قلت أيضاً نفس هذا الكلام في موضوع سابق لكن لم يرد علي أحد.

يعني الهوناد كان لها تصميم ثاني ولما شافوا السوناتا غيروا الشكل وخلوه مثلها؟
كل شي جايز:)

القرن الجديد

26-04-2004, 07:53 PM

رد مقتبس من RED Chevy
يعني الهوناد كان لها تصميم ثاني ولما شافوا السوناتا غيروا الشكل وخلوه مثلها؟
كل شي جايز:)

هههههههههههههههههههههههههه

RED Chevy

ليش مو راضية الفكرة تدخل راسك

البقاء للافضل

هيونداي :banana:

RED Chevy

27-04-2004, 08:49 AM

مادري:D بس الهوندا نازلة من متى مايصير السوناتا هي الأساس الهوندا خل نقول جهزت شهر 8 و شهرين على ماتوصل الخليج وخل نقول صور السوناتا بعد طلعت شهر 8 بعد من سابع المستحيلات تكون الهوندا قلدت:D والبقاء للأفضل مثل ماقلت سوق الأكورد والماكس مكسر الكامري حتى اللومينا صارت تنشاف أكثر:D

سردال

27-04-2004, 09:31 AM

RED Chevy: عندما نقول أن السوناتا طرحت قبل الهوندا لا يعني ذلك أن هوندا قلدت سوناتا ولا يجب أن تستنتج ذلك، الصور سربت قبل طرح هوندا في الأسواق العالمية، ولا يوجد شيء اسمه "سابع المستحيلات" في هذا العالم، كونها هوندا لا يعني أنها لن تقلد الآخرين.

أما سوق الكامري فكما أعرف هي الأكثر مبيعاً في أمريكا أكبر سوق سيارات، أما هنا فأراها تباع مثل الخبز، وحسب الإحصائيات فتويوتا حصتها في سوق الخليج أكبر من نيسان ومن هوندا.

نقطة أخيرة بخصوص التقليد، من الصعب أن تقوم أي شركة بتقليد الشركات الأخرى هكذا بكل بساطة، لأن الأمر سينتقل إلى المحاكم وستدفع الشركات الملايين فقط في إجراءات المحكمة وإذا خسرت القضية فهناك ملايين أخرى ستدفع أيضاً، الأمر الآخر أن كل السيارات تتشابه، ويبدو أن عقليات المصممين بدأت تضعف فلم نعد نجد اختلافاً كبيراً إلا في شركات قليلة.

RED Chevy

27-04-2004, 09:42 AM

والسؤال وين الإبداع؟
تويوتا ممكن نشوف شي مقلد لكن في تصاميم هوندا نفس الشي كل الشركات لكن هونداي ممكن تشوف العكس سيارة أو 3 فيهم تصميم من هونداي نفسها وكيا بعد والباقي كوبي من الربع، وين قبل ماتشوف موتر يشابه الثاني، في شركات طلعت بتصاميم حلوة وشركات طلعت بتصاميم غبية لكن متميزة وشركات طلعت بتصاميم غريبة وحلوة مثل ردي عليك بخصوص البي إم:)

والصور أوكي سربت بس نبي نعرف الشباب يقولون هوندا مقلدة وآنا أقول الهونداي مقلدة نبي نوصل لنتيجة واللي أشوفه أصح إن الهونداي مقلدة وبس:)

وبخصوص الكامري عالمياً إي لكن عندنا في البحرين لا ولا ولا وين سوقها وسوق 98 ذيك أول مانزلت صدقني بيت جمبنا ماخذين كوامري4 98-99 وإحنا خذنا 2 أما أحين لا خلاص الكامري صارت من خبر كان السوق سوق الأكورد والماكس واللومينا 2003 صدقني تشوفها أكثر من الكامري 2003 هني:)

سردال

27-04-2004, 10:40 AM

RED Chevy: أعذرني ... صراحة أنت تودي الحوار يمين ويسار ولمواضيع مختلفة :)

منطقياً السيارة الجديدة تقلد القديمة، يمكن لا هوندا قلدت ولا هيونداي قلدت، لكن مستحيل سيارة قديمة تقلد سيارة جديدة (يعني سوناتا ما قلدت أكورد منطقياً) ، إلا إذا كان المصمم عنده قدرات فوق عقلية تخليه يتوقع المستقبل، وإذا إنت مصر على رأيك فما في داعي تطالب إنا نوصل لنتيجة، خلاص إنت عندك نتيجة جاهزة والبقية عندهم آرائهم ومش لازم نتفق على شيء.

بخصوص تويوتا، سوق البحرين صغير ولا يمكن اعتباره مقياس، السوق السعودية هي المقياس، أما إذا كل واحد يعتبر بلاده هي المقياس فالكامري عندنا في كل مكان.

abu_nasser

27-04-2004, 07:06 PM

رد مقتبس من RED Chevy
موالقير تبع لكزس
:) المشكلة ان شكل القير هذا موجود في السوناتا من سنة 2001 اي قبل ما يتغير شكل القير حق اللكزس :o

القرن الجديد

27-04-2004, 10:08 PM

رد مقتبس من abu_nasser
:) المشكلة ان شكل القير هذا موجود في السوناتا من سنة 2001 اي قبل ما يتغير شكل القير حق اللكزس :o

هههههههههههههههههههه

بيقول RED Chevy
لا لا مومعقول اكيد السوناتا مقلدة اللكزس لانه لايعقل :eek: العكس

ههههههههههههه امزح:D

ويقول المثل من حبك مزح معك هههههه

RED Chevy

28-04-2004, 08:42 AM

:D في الES2000:D .

سردال:
مصر:D

وبخصوص السوق ماتقدر تحكم غير في البحرين والكويت وقطر هذي بلادين صغيرة وتشوف فيهم كل شي، عندنا بالبحرين سيارات من كل دول الخليج نشوف الخليج شو ياخذون والبحرينيين شو ياخذون ولفة وحدة لنص ساعة تعرف السوق ومافيه:rolleyes:

سردال

28-04-2004, 09:29 AM

RED Chevy: آخذ كلامك على أنك تمزح وتتغشمر، لأنك أكبر من أنك تتعصب لرأيك، إلا إذا كنت جاد فعلاً في إصرارك، أما السوق فأنا أتكلم عن حجم المبيعات

RED Chevy

28-04-2004, 09:51 AM

رد مقتبس من سردال
RED Chevy: آخذ كلامك على أنك تمزح وتتغشمر، لأنك أكبر من أنك تتعصب لرأيك، إلا إذا كنت جاد فعلاً في إصرارك، أما السوق فأنا أتكلم عن حجم المبيعات

السالفة ومافيها إنها مادخلت عقلي إن الأكورد تاخذ من السوناتا وبس:rolleyes:

وبخصوص السوق آنا ماكنت أتكلم عن المبيعات المبيعات من قد السعودية بس تدري في السعودية ل2002 اللومينا إباعت أكثر من المكسيما:) وعندي الأرقام في عدد من سعودي أوتو وفي طكلام الأسواق قصدي الإنتشار والتنوع لاغير