View Full Version : استفسار بخصوص سيارة .. اعتقد اخذت كل المواصفات اللي ابيها
cruiser2000
06-07-2004, 07:37 AM
السلام عليكم ورحمة الله وبركاته
كي حالكم شباب؟
السموحة على الانقطاع بسبب الامتحانات اولا وانقطاع الانترنت
ثانيا
بس انا قبل فترة حاولت ادخل المنتدى لكن مب راضي يفتح :(
_______________________________________
أول شي قولوا مبرووووووووك
اشتغلت بس في فترة تدريب الحين بعدها اشتغل دوام رسمي :)
:D
تذكرون اني قلت لكم اني ادور على سيارة معينة لاستبددالها بالدايو
لان فترة سكن الدايو معاي بتخلص وفعلا خلصت
والحين ادور على سيارة
انا ما بكون فاضي اعبي النيسان كل يوم بترول
اصبحت اشتغل ودوامي يبعد 25 كيلو عن البيت
يعني 50 كيلو متر كل يوم
_____________________
أول شي:
الدايو بعناها حق واحد ب 5000 درهم
المهم خلصت الفيزا مالتها معاي وكان الامر خارج عن ارادتي
يعني مب انا صاحب الفكرة
المهم الامر حدث في لمح البصر
الحين ادور على سيارة تناسب المواصفات اللي خبرتكم عنها
وهي كالتاالي:
باب واحد فقط
تكفي لشخصين فقط
عدم وجود كراسي للركاب اللي في الخاف
يعني عدد الركاب 2 مع السائق
تكون قوية
مناسبة ورخيصة نوعا ما
اقتصادية يعني 4 او 5 سلندر
ممتازة في الخطوط
اعطالها معدومة او شبه معدومة كاستخدام يومي
عملية وملائمة للاستخدام اشخصي
تنفع للخطوط الشبه طويلة
يعني قوم 70 كيلو متر كحد اقصى
قطع الغيار تكون متوفرة
واهم شي جير عادي
انا حصلت سيارة فيها كل شي من المواصفات
حصلت سيارة باب واحد
لشخصين فقط
تتوفر بجير عادي فقط ( يمكن تتوفر اوتوماتيك بس اللي شفتهن كلهن عادي)
تنفع خطوط
4 سلندرات للمحرك
غير مستهلكة
قطع غيارها متوفرة ومب غالية
خرابها قليل
لكن معدوم مع الاستعمال النظيف
تقدر تعدل فيها اشياء كثيرة
البدي مالها قوي
المدعمية الامامي والخلفية حديد ( مب متأكد من الامامية)
نعييمة وغير معورة للراس
انها ...........
ما بخبركم توقعوا انتوا ;)
تحياتي لكم
اخوكم
كروزر2000
خالد
grandv8
06-07-2004, 07:41 AM
السلام عليكم ورحمة الله وبركاته
هلا اخوي نورت المنتدى يامرحبابك اخوي بين اصدقائك،مبروك على انتهاء الامتحانات ،وبالبركة بالعمل الجديد ان شاء الله.
منتدى صاير سيرفر تعبان وصاحبه مب راضي يغيره مهم.
انا اتوقع سيارة ورخصية
تويوتا ستارلت جي تي تيربو
:D
بنجوف بقية الاعضاء
:)
cruiser2000
06-07-2004, 07:48 AM
السلام عليكم ورحمة الله وبركاته
شكرا جراند على المشاركة
لكن السيارة قامت تنتشر اللي تقصدها
لكن مش هي الاجابة
واعتقد ستارلت فيها كراسي للراكب الخلفي
بس مش هاي الاجابة :)
سيارة ما بتدخل في بالك مع انها منتشره بس مشكلتها مش شبابية
ويابانية بعد
تحياتي لك
اخو
خالد
loolicpolic
06-07-2004, 07:57 AM
هوندا S2000؟
تحياتي..
بيجو بس ماعرف 306 307 يعني من هالقبيييل
loolicpolic
06-07-2004, 09:05 AM
عرفتها... سوزوكي X90 مش متاكد من إسمها.. صغيرة وراكبين بس.. طبعا فورويل" مش متأكد، بس عالية شوي"!
تحياتي..
king_prelude
06-07-2004, 09:10 AM
رد مقتبس من loolicpolic
هوندا S2000؟
تحياتي..
R32 HPA
06-07-2004, 09:27 AM
السلام عليكم ورحمة الله وبركاته
أتوقع اذا ماخاب ظني انها تويوتا MR2 بس بالله اذا كان صح قولي:banana:
DraGGeR
06-07-2004, 04:04 PM
يمكن مازدا مياتا؟؟؟
corvette indiana police
06-07-2004, 04:36 PM
انا اقول
zx350 وتوكل على الله
بس انها 6 سلندر
infiniti
06-07-2004, 04:46 PM
اما هونداي اكسنت كوبيه
او سمارت
:D
مبروك مقدما.
corvette indiana police
06-07-2004, 04:52 PM
بخصوص توقعي
اتوقع ميتسوبيشي اكلبس
مجنون سيارات
06-07-2004, 05:21 PM
مبروك على انتهاء الامتحانات ،وبالبركة بالعمل الجديد ان شاء الله.
اتوقع السياره
هايلكس غماره وحده
او نيسان بيك اب غماره (ددسن)
:D
cruiser2000 امزح معك انشاء الله ما تزعل مني
:)
Black Chevy
06-07-2004, 05:54 PM
هوندا s2000 لانها حق شخصين و 4 سلندر و صرفيتها حيل حيل حيل قليله و ما اعتقد انها تيي قير اتماتك كل عادي....
و اذا تبي موتر احسن من عندك الاودي تي تي كشف هذا 6 سلندر قير اف ون و باب واحد و حق شخصين و لا تخاف يتوفر 4 سلندر مع تيربو و من غير تيربو....و سعره مقارب للs2000
تحياتي
السلام عليكم ورحمة الله وبركاته
تصدق انا حاسس ان مافيه سياره في باللك ولا شئ (حاسس انك بتعمل كذا عشان تحمس الشباب بس:damp:)
عموماً انا بأعطيك سيارات ارشحها لك .
أول شئ زي ماقال اخوي بلاك شيفي الأودي تي تي و اس 2000
وبعد فيه الأوكورا بس ما ادري متوفرة عندكم بالمواصفات الي طلبتها ولا لا؟؟؟؟
هوندا سيفيك تايب ار
نيسان بولسر
اممممممممممممممممم
اش كمان.............:think:
والله هذا الي جاي في بالي الحين ....
واذا جاء كمان بأكبه هنا....
RED Chevy
06-07-2004, 06:40 PM
ماتطلع من الهوندا:D
crx
S2000
وحدة من السيارتين وإذا ولا وحدة هي أودي:D
وألف مبروك على الشغل الجديد واله يوفجك، لكن تصدق وآنا أقرى مواصفات السيارة قلت 100% هوندا واله أعلم:rolleyes:
A7medo
07-07-2004, 06:35 PM
CRX 100%
BLACK-ICE
08-07-2004, 12:38 AM
crx
TOP-SECRET
08-07-2004, 07:03 AM
اتوقع CRX او MR2 او AUDI TT
:think: وعالبركه بو وليد على الوظيفه:banana: وحياك الله المنتدى مره ثانيه;)
الرجال يقول لكم المدعامية الأمامية والخلفية حديد!!
يعني أغلب إجاباتكم غلط!!
cruiser2000
08-07-2004, 01:53 PM
السلام عليكم ورحمة الله وبركاته
صدقوني اني اسف على الاطالة
بسبب احتراق البور مال الكمبيوتر وادى الى احتراق الهارد ديسك
اليوم طلعته من الجراج :D
على العموم خلونا نشوف الاجابات:
احم
loolicpolic:
لا
SLR:
السيارة اللي تقصدها سمعت اخوي انه بيشتريها لي
loolicpolic:
لا
king_prelude:
لا
R32 HPA:
وعليكم السلام ورحمة الله وبركاته
لا
DraGGeR:
لا - بس بفكر بالسيارة هذي صراحة ....
corvette indiana police:
سيارة حلوة لكن ماشي قطع غيار في العين
ولو شي
كان من زمان اشتريتها ......:p
مجنون سيارات:
الله يبارك لك
مممم انت خلك على جنب برجعلك في نهاية ردي لا تخاف
انا مستحيل ازعل ;) ( لان ردك يهمني وايد وبتتفاجأ )
Black Chevy:
لا
WRX:
مممم لا انا عندي سيارة وفيها كل شي
بس حبيت اشوف الشباب ممكن احصل سيارة احسن عنها
نيسان بوسلر مممممم هذي بعد بفكر فيها ...
RED Chevy:
الله يبارك لك حبيبي عبد الرحمن
لا
A7medo:
لا
BLACK-ICE:
لا
TOYOTA - OBAS:
الله يبارك لك حمد
لا
NFS:
ههههههههههههههههههه
انا هذا اللي مب داخل راسي
يعني مع كل هذول واحد فهم مواصفات السيارة
لا اثنين
على العموم بقول ان واحد قرب كثيييييييرا جدا جدا جدا جدا
ناقصة كلمة وحدة لو يقولها خلاص
على العموم انا بقول السيارة
وانتوا قولوا رايكم
السيارة هي :
نيسان بي اب غمارة وحدة نصف كريل
يعني كريل صغير
والسيارة شفتها
جير عادي ممتازة هيكل حديد والمدعميات حديد يعني ماشي
خوف قوية على الخطوط ونعيمة ومريحة
وفوق ل هذا حق راكبين فقط واقدر احل اغراض
بعد في الكريل واربعه سلندر صرفيتها في البترول زينة اكثر
عن الدايو بشوي
وقطع الغيار متوفرة في كل مكان لانها نيسان
بس انتوا عطيتوني سيارات ممتازة صراحة وما فكرت فيهن
يعني نيسان بوسلر
سي ار اس
سوزوكي اكس 90 لو اني ما شفتها لكن شكلها زين
بس سمعت من اخوي انه بيشتري بيجو 306 مادري اشاعات
المهم قولولي رايكم بالبيك اب هل بينفعني ؟
وبالنسبة للحرارة هل يحر بسرعة او انه ما يتحمل الخطوط؟
اذا الاجابات جيدة ما بتردد وباخذة واذا لا
بفكر بسيارة ثانية .........
انتظر الاجابات
تحياتي لكم وشكرا على الردود
اخوكم
خالد
RED Chevy
08-07-2004, 06:44 PM
أفا عليك بس:D
لفيتنا كل شركاتالدنيا وآخرتها بيك أب...
الصراحة مانصحك به، مايناسبك كشاب وسبورتي تاخذ بيك أب...
لو سيير--سلفرادو--رام--F150--تندرا ممكن:banana:
cruiser2000
09-07-2004, 05:54 AM
السلام عليكم ورحمة الله وبركاته
حبيبي عبد الرحمن
ليش ما تناسبني ؟
انا اول شي اريد السيارة هذي فقط حق الدوام والاستعمال
وبعدين هي مافيها شي لاني شفت الصالون
مرة لازم يخرب وما يتحمل اوزان كبيرة
تعرف عندي ربع شوي فيهم ثقل والدايو سبرنجاتها راحن منهم
قلت البيك اب بيفكني شوي من الحمل على الاقل
وبعدين التندرا شفته لكن مافيني على قطع غياره
وهو كبير عليه و8 سلندرات
وسيلفادور و اف 150 نفس الشي
بس تعرف
اعتقد ما بينفعني البيك اب :(
صراحة انا محتار شو اخذ........
RED Chevy
09-07-2004, 07:40 AM
لا لا لو تاخذ بترول كوبيه( ربع) أو حتى الراف فور والباقي من هالربع عندي يكون أفضل لك كشاب:rolleyes:
شوف لك شي يجمع بين الثنين بين عملية البيك أب وراحة وفخامة السيدان، إنت ليش مصر على 4 سلندر ترى ال8 مايصرف كثير:p
TOP-SECRET
09-07-2004, 04:57 PM
بووليد كم ميزانيتك خذ لك نيسان كوبي من 89 الى 94 تحصل سعره اقل من 15 الف وحالته حلوه وفي الامارات اكثرهم مغيرين المكينه ومركبين مكينه تويوتا يعني ماعليك الا تسوي بوليش حق التواير:p
http://www.ta7meel.com/up/37/1089320642.jpg
cruiser2000
10-07-2004, 08:52 AM
السلام عليكم ورحمة الله وبركاته
اخوي عبدالرحمن:
الصراحة ما افكر بالنيسان ابدا بسبب الصرفية الزايدة
وانا مجرب ال2000 مال العائلة مريح جدا
والمكيف بااااارد الساعة 1.30 -2.00 عز الظهر وعلى سرعة 120
وناعم جدا جدا
لكن مع كل هذا يصرف بترول بكيف كيفك هذا ال 2000 الله يعين
لو موديلات القبل 1998
بس الراف فور ماعندي فكرة عن صرفيتها كم تمشي حق الفل
لو اكثرمن 400 كيلومتر ترا شي ممتاز جدا
بس سعرها شوي غالي خاصة الشكل الجديد بس
انا بشوف ويمكن اذا حصلت وحدة سعرها زين بشتريها ليش لا
اخوي حمد:
مشكلة النيسان تاللي تقصدة يستهلك بترول وااايد اكثر عن موديلات ال
2000 ونحن مجربين
وما بلقى واحد نظيف في الامارات
حصلنا الاف منهن في دبي لكن كلهن مقلوبات ولا مدمورات
يعني نظيف مرة مستحيل
بس مدري بخصوص موديلات ال 2000 عن صرفيتهن وسعرهن
ومشكورين على المشاركة
Crower
10-07-2004, 08:56 AM
حلك موجود...... مر المعارض في دبي و دور لك راف وارد و محوله يسار بتحصلهم بحوالي 12-15 الف درهم...... مكيف بارد, صرفيه ممتازه, رخيصه, فورويل,قليله ان ما كانت معدومه الاعطال
و نصيحه لا تخسر فلوس و تاخذلك يديده لانها بس للكراف
cruiser2000
10-07-2004, 09:26 AM
السلام عليكم ورحمة الله وبركاته
كرور اي موديل انت تقصد؟
وهل هو مثل الشكل اليديد او القديم ؟
اذا الجديدي تراه زين وايد
القديم شكلة غير مقبول
:)
اخوك
خالد