هل صرفية التيرسل هذه معقوله

[جلكسي]

السلام عليكم ورحمة الله وبركاته

عندي تيرسل 97 ومعروفه التيرسل بأنها اقتصاديه في البنزين وتمشي 450 كيلو اذا كان خط


لكن انا اعبيها فل 30 ريال و تمشيني 250 كيلو الى 300 بالكثير

وانا دعستي مو ثابته يعني ادعس وارفع رجلي وادعس وكذا

ودائما اشغل المكيف

السؤال هل هذه الصرفيه معقوله وطبيعيه وهل للمكيف تاثير كبير على صرفية البنزين ؟؟؟؟؟؟؟؟؟

[grandv8]

السلام عليكم ورحمة الله وبركاته

صرفية البترول تأتي من عدت اشياء
ثقل السيارة من اشخاص بداخلها
سيارة ضد اتجاه الرياح
حرارة الجو الشديد
ضغط المستمر بقومة السيارة مع المكيف او بدونه
قومة السيارة والضغط على الفرامل بشدة
السرعات العالية للسيارة
فلتر البترول غير نظيف او غير مبدل
كاربتير به خلل يباله تنظيف او تعدبل شغله به

وان شاء الله الشباب يفيدونك اكثر بعد

تحياتي
:)

[جلكسي]

اخوي بالنسبه لي

انا اشغل المكيف واحط احيانا على الدرجه الثانيه او الثالثه او الرابعه
حسب حرارة الجو

وبصراحه احيانا ظغط على الفرامل يكون شديد لأني اكون ماشي بسرعه عاليه مثل 120 او 140

ادعس نص الدعسه او ربعها مالي شيء محدد و احيانا ادعس الدعسه كلها

فلتر البنزين والهواء جديدين والكربريتر مسويله اصلاح جديد ومصفيه ومسوي وزن ديلكو ومغير البواجي واسلاكها

بالنسبه للجو انت تعرف جو المنطقه الشرقيه


بالنسبه للسرعه امشي يوميا 120 الى 140



بعد هذا كله هل تعتقدون ان هناك خلل او مشكله في الصرفيه

ارجوا الرد من الخبراء لأني مصلح السياره على ضمان شهر وابغى اشوف هل هي مشكله او شيء طبيعي

[جلكسي]

للرفع

[DraGGeR]

ما أعتقد في خلل

لأنه فيه عوامل تؤثر على صرفية البنزين و هي مثل ما تكرم أخوي grandv8

و حتى سيارتي و سيارة أبوي و سيارات أخواني زادت صرفية البنزين عندهم

ان ساء الله ما يكون في أي مشكلة

سلام

[جلكسي]

مشكورين اخواني واتمنى رأي بقية الأخوان لكن اخوي يعني كم كيلو كانت تمشي سابقا والحين كم

[جلكسي]

للرفع

[بريداوي الى الابد]

اخوي جلكسي انا معاي لاندكروزر ثمانية سلندر

بعض الاحيان اعبيه بـ 60 ريال ولا يقعد معاي اكثر من ساعتين

اذا كنت الاحق موكب او مطارده وبعض الاحيان اذا كنت مروق والله يمشيني الى قبل انت

جرب لا تتعدا 100كلم وخلك هادي يوم واحد وشوف الصرفيه كيف

ولا ماتحس انا بعض الاحيان

اطلع من البيت لشقه بعض الاحيان والله يروح حول ربع التانكي اذا كان مزاجي
تفحيط ومقاومات وسرعه وبعض الاحيان احس انه ماتحرك

ياولد ارفق على سيارتك:D

[loolicpolic]

بغض النظر عن سوء الإستعمال..

الصرفية هاي جدا عالية على التيرسل:headshak:

نصيحتي، شيك على كهربة السيارة..

ومن الأفضل تعمل تشك أب كامل..

تحياتي..

[جلكسي]

اخواني انا من 4 ايام

مغير البواجي
وفلتر الهواء
وفلتر البنزين
ومركب اصلاح كبريتر اصلي وكاله
ومسوي للكبريتر تصفيه
ومغير اسلاك البواجي قبل 10 ايام

ومسوي وزن ديلكو

هذا كله عشان مشكلة الصرفية

هل تعتقدون في مشكله اخرى ؟؟؟؟؟؟

[bahrainlove]

صديقي كان عنده تيرسل وكانت مابين كل فترة تحتاج لتغيير قطع في الكاربريتر وكان يوديها الوكالة وتكلفه حوالي 50 دينار

[جلكسي]

للرفع

انا اعتقد انا السياره مكينتها 1.3 وقوتها اعتقد 1500 سي سي

[أبوالزين]

جرب الكريسيدا 4 سلندر موديل 91 و بتجول حمد لله و الشكر:D :D

[جلكسي]

ليه اخوي الكرسيدا كم كيلو تمشي داخل المدينه

[جلكسي]

up

[silver]

رد مقتبس من جلكسي
للرفع

انا اعتقد انا السياره مكينتها 1.3 وقوتها اعتقد 1500 سي سي
سي سي (CC) على ما اظن تعني سنتي متر مكعب ... وهو لقياس سعة المحرك ... كيف يكون سعته 1.3لتر و 1500 سنتيمتر مكعب :D

[جلكسي]

اخوي انا عليمي وش تترجى

[بريداوي الى الابد]

جلكسي ارفق على عمرك مو لازم هطياران

تلقاك بدائري ماسك خط الصبات دايم ارفق:anger: