BMW

[RED Chevy]

السلام عليكم ورحمة الله وبركاته


صبحكم-مساكم الله بالخير شباب سوالف...

عساكم فرحانين...


المهم مثل ماإتفقنا قبل كل كم يوم نحط موضوع نقيم شركة من الشركات ونشوف عيوبها-مميزاتها بكل حيادية وعقلانية....

الإسبوع الأول هو اليوم ونبتدي بالشركة العريقة اللي هي BMW المنافس الشرس والأول لمرسيدس...

طبعاً نستلم الشركة نفصلها قطعة قطعة نشوف عيوبها ومميزاته ووش ناقصها بالخليج عندنا ووش هي النقاط اللي هي متميزة بها...

ياليت تكون الردود مرتبة وواضحة وحيادية( اللي يبي يسوي مشاكل يفتح موضوع جديد مو هني)...

[TOP-SECRET]

انزين انت افتح الموضوع يعني مافهمت الحين عن شنو بالضبط انتكلم بوعوف:D

من وجهة نظري المتواضعه ان البي ام دبليو في السنوات الاخيره من ظهور الاشكال الجديده اعتقد انها عدلت كثير من شكل سياراتها مع انها في السابق جميله ولكن الحاليه اجمل والمحركات اصبحت تقنياتها افضل بكثير ونظام الاي درايف انا اشوفه خطوه مميزه في البي ام دبليو بس مايعجبني فيها انها قامت توحد اشكال سياراتها يعني نفس الشكل بس الفئه اصغر :o

[الشبابي]

اخوي ريد شيفي ...
من عيوب البي ام دبليو ...
1/ قطع غيار نار .
2/ ما تقدر تصلحها خارج الوكالة لأنها معقدة جدا .
3/ مشاكلها كثيرة نوعا ما وخصوصا مشاكل الكهرباء .
4/ سعرها عند اعادة البيع سئ .
5/ لا يوجد امكانية تنقية المواصفات بالطلب زي المرسيدس .
6/ لا يوجد لها تظبيطات كثيرة ... يعني ما في شركات كثير تعدلها زي المرسيدس .
7/ اشكال بي ام دبليو ليست مثل منافساتها مثل المرسيدس ما عدا ال 745 فهو جميل .
8/ عدم توفر الفئة الخامسة بحامل اكواب وعدم وجود مكيف في الخلف .
9/ تميل كثير باللفات على عكس المرسيدس وذلك لعدم توفرها بنظام abc الموجود في مرسيدس .
10 / لا نرى السقف الزجاجي بسياراتها .
11/ عدم توفر انظمة الدفع الرباعي مثل مرسيدس واودي .


مميزات بي ام ...
1/ مواصفات سيارات بي ام دبليو عالية جدا ... حتى يمكن تشتري سيارة ما تعرف مواصفاتها الابعد شهور .
2/ قوة عالية لمحركاتها وعزم عالي واستهلاكها الاقل . ( المعادلة الصعبة ) .
3/ انظمة متطورة بالمحرك مثل الفانوس والباي فانوس ... .
4/ رساوة سيارات بي ام دبليو غير طبيعية وتتفوق على مرسيدس .
5/ راحة غير طبيعية احسن مرسيدس ومطبات انعم . ( عن تجربة ) .
6/ جودة المواد الداخلية افضل من المرسيدس .
7/ افخم بكثير من المرسيدس وخصوصا طراز الانديفيجول .
8/ تغلبوا على مشكلة الحرارة في جميع سياراتهم وتفوقوا على مرسيدس في ذلك .. فال 12 سلندر لا توجد فيه مشاكل بالحرارة مثل ال 600 .
9 / استعمال سهل جدا للنافيجيشن وكمبيوتر متطور تطور غير طبيعي .
10 / ضمان 5 سنين من الوكيل ، و 3سنين صيانة ببلاش يعني بتضمن 3 سنين بدون نصب .
11/ افضل انظمة زينون برأيي ... .
12 / سيارات تسبق فئات غيرها بالمميزات والتقنية فال330 مواصفاتها قريبة من الاي من مرسيدس مع انها من المفترض ان تنافس الفئة سي من مرسيدس .











اخوكم الشبابي

[666]

بسم الله الرحمن الرحيم

من عيوب البي ام دبليو ...
1/ قطع غيار نار .
2/ ما تقدر تصلحها خارج الوكالة لأنها معقدة جدا .
3/ مشاكلها كثيرة نوعا ما وخصوصا مشاكل الكهرباء .
4/ سعرها عند اعادة البيع سئ .
5/ لا يوجد امكانية تنقية المواصفات بالطلب زي المرسيدس .
6/ لا يوجد لها تظبيطات كثيرة ... يعني ما في شركات كثير تعدلها زي المرسيدس .
7/ اشكال بي ام دبليو ليست مثل منافساتها مثل المرسيدس ما عدا ال 745 فهو جميل .
8/ عدم توفر الفئة الخامسة بحامل اكواب وعدم وجود مكيف في الخلف .
9/ تميل كثير باللفات على عكس المرسيدس وذلك لعدم توفرها بنظام abc الموجود في مرسيدس .
10 / لا نرى السقف الزجاجي بسياراتها .
11/ عدم توفر انظمة الدفع الرباعي مثل مرسيدس واودي

حبيت انتقد بعض النقاط اللي ذكرتها اخوي الشبابي ومشكور على ردك الحلو أولا..

طال عمرك .. تقدر تصلحها خارج الوكاله عادي مثل اي سياره اخرى .. يعتمد اي ورشه بتروح:D

تقدر تنقي المواصفات اللي تبيها على السياره بس ما تقدر تغير المواصفات الميكانيكيه حسب علمي :think:

فيه لها شركات كبيره تعدلها و تعدل ابوها بس على الفلوس:D فيه شركات متى ما بغيت تعدلها ترسلها لهم .. قيمة الشحن شوف كم هههه وعندك من اغلى الشركات اللي تعدلها مارياني بس ماعرف اسعار تعديلهم كم .

اشكال البي ام دبليو منها الحلو و منها البايخ صحيح حتى المرسديس ممكن عند البعض تكون بايخه .. برأيي البي ام 330CI أحلى من ال مرسديس CLK320 ..

من ناحية عدم توفر الفئه الخامسه بحامل أكواب .. طيب الشبح بعد مافيها حامل اكواب في الطبلون:( مافيها الا في الدرج حق القفازات حامل واحد يكفي علبة بيبسي بس .

_________
تميل كثير باللفات على عكس المرسيدس وذلك لعدم توفرها بنظام abc الموجود في مرسيدس
_________
بما انه فيها هيدروليك (( اعتقد ))فيها هالنظام .. يمكن بأسم آخر .. بس حسب علمي و انت قلتها البي أم اثبت من المرسديس ..

صحيح كلامك الي أم تفتقر للسقف الزجاجي في سياراتها .. وهذي مشهوده للمرسديس و بقووه :D

فيه تجي البي أم سيدان دفع رباعي قبل المرسديس

عندك الفئه الثالثه 330 XI دفع رباعي من سنة 2001 يمكن .


حبيت اقول رأيي و انتقادي ولاحد يزعل :D


تحياتي

[S8]

رد مقتبس من الشبابي
اخوي ريد شيفي ...
من عيوب البي ام دبليو ...
8/ عدم توفر الفئة الخامسة بحامل اكواب وعدم وجود مكيف في الخلف .
9/ تميل كثير باللفات على عكس المرسيدس وذلك لعدم توفرها بنظام abc الموجود في مرسيدس .
10 / لا نرى السقف الزجاجي بسياراتها .
11/ عدم توفر انظمة الدفع الرباعي مثل مرسيدس واودي .

اخوكم الشبابي

عندي ملاحظات شويه ياشبابي لو سمحت ...

عدم توفر حاملات الاكواب ...هذه تعتبر من مميزات السيارات الاوربية والسبب معروف ...اقرب مثال تعال شوف حامل الاكواب في الفياقرا ..تحس ان مرسيدس وضعتها بدون نفس ..ايضا الفئة E القديمة ايضا ...الجديدة اذا ماكنت واهم فهو ايضا تحس ان الشركة وضعته بدون نفس والمواصفات الاوربية والسيارات الاوربية لا تهتم بحامل ىالاكواب لان اوروبا اصلا تعارض الاكل والشرب وقت سواقة السيارة ...

بالنسبة لعدم توفر الفئة الخامسة بمكيف خلفي ..فهذا كلام غريب وانا متأكد انك قاعد تتكلم عن عدم وجود مكيف خلفي للفئة الخامسة من باب( سمعت الشباب والناس قالت ))ولا لو انك كلفت نفسك شويتين ورحت للمعرض حتتأكد ان السيارة تتوفر بمكيف خلفي من زمااااااااااان يعني حتى الموديل السابق فيه فتحتا مكيف خلفي والجديد ايضا كمان بدون شك طبعا ... :) :)

النقطه 9 من كلامك فوق ...تقول انها تميل كثير في المنحنيات .... انت تعرف ان شركة بي ام دبليو تتحدى ان تميل الفئة السابعة مقدار ملم واحد في المنحنيات ؟..اعتقد انت عارف ان تعليقها بالكامل من الالمنيوم وهي السيارة السيدان الوحيدة التي تتوفر بتعلقي المنيوم كاااااااااامل ...واعتقد في نفس الوقت ان كلامك متناقض لانك قلت ان سيارات بي ام تميل في المنحنيات وبعدين في المميزات قلت ان سيارات بي ام سيارات جدا راسية في الخط ...

النقطه 10- هذه الميزة متوفرة لسيارات مرسيدس ولا يجب ان نعمم على كل شركة لم تستخدمه انه من عيوبها ...

عدم توفرها بدفع رباعي ليس عيباً لان السيارات هذي من يومها دفع خلفي ((مرسيدس لم يمر عليها اكثر من سنيتن تستخدم الردفع الرباعي ..واودي في الاصل هي سحب امامي ولكن لتداك الامر وللحفاظ على السمعه توفرت سياراتها بالدفع الرباعي ...بي ام دبليو ...اعتقد انها في غنى عن استخدام الدفع الرباعي حاليا ... رغم توفر الفئة الثالثه فقط بدفع رباعي اختياري فسيارات بي ام دبليو من افضل السيارات رساوة وثباته (على شهادتك) لذلك لا تحتاج الى دفع رباعي حاليا لزيادة ثباتها ورساوتها ...

المعروف للجميع ان دخول الدفع الرباعي لسيارات مرسيدس هو كان رد فعل عند استخدام التعليق الالمنيوم بالكامل للفئة السابعة وثباتها الغير معقول ...فما كان من مرسيدس الا استخدمت الدفع الرباعي لتكملة النقص في ثبات سياراتها اضف الى ذلك ان سيارات سوبارو تعتبر من افضل السيارات رساوة والسبب هو الدفع الرباعي والامر متروك لكم

[TOP-SECRET]

رد مقتبس من S8
عندي ملاحظات شويه ياشبابي لو سمحت ...

عدم توفر حاملات الاكواب ...هذه تعتبر من مميزات السيارات الاوربية والسبب معروف ...اقرب مثال تعال شوف حامل الاكواب في الفياقرا ..تحس ان مرسيدس وضعتها بدون نفس ..ايضا الفئة E القديمة ايضا ...الجديدة اذا ماكنت واهم فهو ايضا تحس ان الشركة وضعته بدون نفس والمواصفات الاوربية والسيارات الاوربية لا تهتم بحامل ىالاكواب لان اوروبا اصلا تعارض الاكل والشرب وقت سواقة السيارة ...

بالنسبة لعدم توفر الفئة الخامسة بمكيف خلفي ..فهذا كلام غريب وانا متأكد انك قاعد تتكلم عن عدم وجود مكيف خلفي للفئة الخامسة من باب( سمعت الشباب والناس قالت ))ولا لو انك كلفت نفسك شويتين ورحت للمعرض حتتأكد ان السيارة تتوفر بمكيف خلفي من زمااااااااااان يعني حتى الموديل السابق فيه فتحتا مكيف خلفي والجديد ايضا كمان بدون شك طبعا ... :) :)



[/COLOR]

بالنسبه للنقطه الأولى فأنا بعكسك اشوفه عيب في اي حال من الأحوال المفروض انه يتوفر حامل اكواب ومش شرط انه يكون يسوق السياره ومشغول بالأكل والشراب يمكن يكون واقف قدام محل ويبغي يشتري منه شي يأكله ويشربه ويحرك يعني شي سريع..


بالنسبه للنقطه الثانيه انا متأكد من الموضوع وهذا مش متوفر بأقل نوع من الفئه الخامسه وهو يجي من غير نفيقيشن وفتحه سقف ايضا!!وسعرها 148 الف:anger:

[A7medo]

انا عندي نقطة وحدة بس حبيت اقولها

الموديلات الجديدة بدأت تخترب اشكالها يعني بدوا يدخلون في اشكال خياليه او انها مع مرورر الزمن راح اتصير اشكال خياليه

[RED Chevy]

السلام عليكم ورحمة الله وبركاته

ألف شكر ياشباب على الردودو وماقصرتوا...


TOYOTA - OBAS: أنا عكسك...

الموديل الحالي من الفئة السابعة قبيح جداً خصوصاً الخلفية الوجه ممكن ينبلع:D الفئة الخامسة تصميم مميز لكن معوق:D عكس المرسيدس اللي أشكالها ترضي الكل بدون إنتقادات...

والمحركات لاتعليق عليها قمة في الأداء...

__________________________________


الشبابي: أتفق معاك 100% بكل كلمة قلتها...

وزيادة على هذي مرسيدس تقدر تفصلها قطعه قطعه عكس البي إم اللي ممكن نقول تلزم الزبون بشي محدد:)


__________________________________


666: مشكور إخوي على ردك وعلى التذكير ب330 فور ويل:D


__________________________________


S8: مشكور ياماجد على ردك المميز لكن أختلف معاك بسالفة حاملات الأكواب هذي الناس تعتبرها نقص في السيارة إذا مو موجودة..

يعني أدفع ذيج الحجاية في بي إم وآخرتها مافيها كب هولدر؟
والسني اللي ماتجي ربع جيمتها فيها هالشي:D

وبخصوص الإنحناء الشبابي يمكن كان يقصد البدي يميل على جنب يعني مو إنحراف عن الطريق بل السيارة تصير مو على خط واحد جزء فوق وجزء تحت( يعني مايلة):D

ومشكور على ردك مرة ثانية)


_________________________________


TOYOTA - OBAS: مشكور على ردك مرة ثانية ياحمد:D

_________________________________


A7medo: هذي أتفق معك فيها 100%:banana:

_________________________________

ومشكورين ياشباب على الردود وماقصرتوا وتحياتي للنقاش الهادئ المتزن العقلاني الحيادي:banana:

[S8]

ماادري ..لكن عموما

الفئة الخامسة في الدفع الاخيرة اصبحت تتوفر بحاملات اكواب ...

لكن رغم ذلك اعيد واكرر ان الاوروبيون لا يحبون هالشي ودائما يحاربونه وحتى لو وضعوا حاملات فانها تضعها ارضاء لرغبة الزبون وقد تكون امكنها غريبة او غير لائقة تماما

تحياتي

[الشظيه]

رد مقتبس من S8
ماادري ..لكن عموما

الفئة الخامسة في الدفع الاخيرة اصبحت تتوفر بحاملات اكواب ...

لكن رغم ذلك اعيد واكرر ان الاوروبيون لا يحبون هالشي ودائما يحاربونه وحتى لو وضعوا حاملات فانها تضعها ارضاء لرغبة الزبون وقد تكون امكنها غريبة او غير لائقة تماما

تحياتي

انا اتفق معاك في كل نقطه.
وما اعتقد انه اي شخص راح يشتري سياره حيفكر يتاكد اذا في حامل اكواب او حيسئل الموظف هل يوجد في السياره حامل اكواب.



1: البي ام تتميز في كبر حجم المقدمه والمؤخره بعكس المنافسين .
واعتقد مميزات البي ام الشباب زكروها.

وعيبها هو قطع الغيار والصيانه ولكن يوجد ورش خارجيه ممكن تغنيك عن الشركه.

[mill_955]

احب اظيف على الشبابي بعظ النقاط :


عيوب :

- نظام I-Drive معقد شوي
- سياراتهم المكشوفه مازالت تستخدم النظام القديم وهو السقف القماشي

مميزات :

- اداة التحكم بنظام I-Drive قريبه من متناول يدك بعكس مرسيدس اللي لازم تمد يدك عشان تتحكم بنظام command

[الشبابي]

اخوي اس 8 ...
بالنسبة للمكيف روح شوف الفئة الخامسة بدون مكيف خلفي بينما عندك الالتيما واللومينا والسيارات الرخيصة فيها ....
بالنسبة لحامل الاكواب فهو بغض النظر عن كونه ميزة ام لا فمرسيدس تخيرك بين حامل الاكواب ام لا ... يعني بالطلب على كيفك .. عشان يرضون جميع الاذواق ..يمكن انت ما تبغى حامل الاكواب بس انا ابغاه ولعلمك هو ميزة ببلاش يعني ما تدفع عليها فلوس ... اما البي ام على النظام الاروربي على كلامك فاللي تتكلم معاهم اوروبيين الان ...!!

بالنسبة للميلان اتحدى اي شخص يثبت ان البي ام ما يميل واحنا عندنا بي ام يميل باللفات بقوة ... صحيح انه ارسى من المرسيدس واكررها واريح بعد .. لكن المرسيدس ما يميل لأن حق اخوي بدون نظام ABC ومع ذلك ما يميل كثير ...


بالنسبة للرساوة بي ام ارسى من مرسيدس بس بهذا النوع من السيارات الرساوة ماتفرق كثير لأن السيارات هذي اعلى من الرساوة نفسها فالفرق ما يظهر الا نادر ... انا قد كنت طالع بالمرسيدس حق اخوي وشغلت المساعد الرياضي ومشيت تقريبا 170 وتفاجأت بسيارة امامي ورميت بقوة عنها وماشاء الله تبارك الله السيارة تحسها قطعة وحدة ولله الحمد ما صار اي انزلاق ولا صوت بالكفرات .... والدفع الرباعي يعتبرونه بعض الناس ميزة هامة ويدفعون عليه فلوس ... بالنسبة للبي ام الدفع الرباعي ما في غيرها لكن المرسيدس تتوفر على الاس والاي وعلى سيارات ثانية ...


اخوي 666 ...
البي ام ممكن تصلحه بره لكن الاماكن غير معتمدة مثل الوكالة لأن البي ام معقد مرة وصعب ، لكن المرسيدس اسهل بكثير ...

وهو على العموم بي ام تتفوق كثير من ناحية المحركات ...













اخوكم الشبابي

[RED Chevy]

السلام عليكم ورحمة الله وبركاته

أول شي أحييكم على النقاش الهادئ والرايق وألف شكر وأتمنى الإستمرار على هالشي....



S8: بس إحنا وش علينا منهم:D تعرف الخليجي مايمشي بدون بترول:D لازم الأكل وياه وين مايروح;)




الشظيه: مشكور على ردك إخوي وماقصرت..

ومازيد بشي على كلامك:p




mill_955: السقف القماشي ممكن نعتبره عيب لكن ميزته إنه ينفتح بوكت قصير جداً( على ماظن 17 ثانية للزد4) والآي درايف صدقت بها والmmi أسهل منه
:p :p




الشبابي: وش تقصد بالميلان؟

إذا قصدك إن السيارة تزرف لما تلف بقوة نعم هذي معاك 100%:banana: إستغربتها من البي إم ذاك اليوم بغى يدخل في الرصيف:D

[CORVETTE^C5]

هاذي صوره لحامل الاكواب في الفئه الخامسه

http://www.ta7meel.com/up/38/1089992871.jpg

و هاذي صوره للمكيف ( المكيف الخلفي موجود حتى بالفئه القديمه ) انا سيارتي موديل 99 فيها تكيف خلفي

http://www.ta7meel.com/up/38/1089993050.jpg

[S8]

http://majed945.jeeran.com/DSC02386.JPG

RED Chevy
ارغمتني على المشاركة حالياً في سوالف رغم تحفظي على ذلك :)

[RED Chevy]

السلام عليكم ورحمة الله وبركاته

CORVETTE^C5 : جبت الدليل القاطع لكن هل يتوفر كخيار أو أساسي؟


S8 : هلا فيك ياماجد..

المشاركة بالمواضيع المفيدة مثل هذي وموضوعك عن البورش وغيرها من الموضوع تعتبر مكسب لنا:p

آنا اللي عجبني إن كل اللي ردوا على موضوعي السابق عن هالموضوع قالوا إبعد عن المشاكل وعندنا تعصب ومدري إيش لكن شوف الردود كيف كل واحد يقول الزود عندي من أخلاق وتفكير وراي محايد منطقي:)

تحياتي لك ولكل من رد على الموضوع:)

[mill_955]

CORVETTE^C5

بصراحه اول مره ادري ان فيها مكيف خلفي

لكن حامل الاكواب كيف يقدر يصل اليه السائق :D

[CORVETTE^C5]

CORVETTE^C5 : جبت الدليل القاطع لكن هل يتوفر كخيار أو أساسي؟

حسب ماهو مكتوب بالكتلوج انه اختياري لكل الموديلات من 520 الى 545 . ما اتوقع انه راح يكلف وايد


اخوي mill_955 بالنسبه لسؤالك
انا لرجعت للكتلوج مال السياره مكتوب انه في حاملين اكواب في الامام في الطبلوم ( عاد انت دور مال السائق :p )

[kaser annassr]

بسم الله الرحمن الرحيم
السلام عليكم ورحمة الله وبركاته
بالنسبة للموضوع الرائع أتمنى أن تزداد أمثال هذه المواضيع الرائعة أما بعد

فأول عيوب البي ام
1 نظام آي درايف من كثر تعقيده أصبح يمثل عقبة لا ميزة ومن كثر أعطاله
2 أشكالها القبيحة جدا خاصة الفئة الخامسة وخلفية السابعة
3 عدم مراعاة الذوق لدى تصميمها الداخلي أدخلوا للمرسيدس وانظروا ثم احكموا بانفسكم

[RED Chevy]

السلام عليكم ورحمة الله وبركاته

mill_955 يمكن يكون خيار إضافي:D


CORVETTE^C5 : لي يومك ماركبتها لكن نشوف بعد فترة
:cool:



kaser annassr : مشكور إخوي على ردك وأتفق معاك 100% أشكال بي إم غلط من داخل ومقدمة الZ4 وخلفية الفئة السابعة والخامسة كاملة:D

[X_RaYs]

وش معنى بديت بالـBMW .. ليش مو المرسيدس :anger: !!!


<------------ ناوي طقاق من اولها :D

المهم .. حبينا نلطف الجو شوي خلونا نبدا بالجد ..


بالنسبه للـBMW .. انا اشوف انها في تمشي في الطريق الصحيح .. تصاميم رائعه .. مبيعات مرتفعه .. وحصولها على 18 جائزه في بداية 2004 !!

من اهم الاشياء اللي تعجبني في سياراتها :

1- تصاميمهم الرائعه باستثناء الـX3 اللي اعتبره سقطه ..

2- ابتكاراتهم اللي ماتخلص .. وانا اشوف انها الشركه الوحيده اللي ترفض تقليد اي شركه ثانيه ..

3- محركات قويه وبتقنيه عاليه ..

4- هيبتها في الشارع .. من الفئه الثالثه الى الفئه السابعه ( أدري انك تختلف معي في النقطه هذي :p )

5- غير كذا .. سياراتها تتميز بأنك من بعد كيلو تقدر تعرف انها BMW .. كل سياره لها تصميم يميزها وخاصيه الخلفيه ..

عيوبها :

1- اسعارها مبالغ فيها .. تخيل الـX3 بـ210 ألف ريال :OO:

2- صيانه غاليه وقطع غيار اغلى ..

3- خراباتها كثيره والله اعلم ( سامع وماجربت بنفسي )

ومشكور على مواضيعك اللي فعلا كل فتره تمتعنا فيها :rolleyes:

[RED Chevy]

هلا فيك يا X_RaYs وبديت بالبي إم على حسب الترتيب الأبجدي على طلب حبوب بوظبي ومشرفنا عمر:D

بخصوص الهيبة مالها هيبة حالياً وين ال740 وال745 تحسه فخم وبه هيبة لكن مو مثل القبلي:D

والعيوب معاك خاصة بالمعوق اللي إسمه X3 عنبو على شنو 21 الX5 3.0 وصل لي 19 والقبيح يصير أغلى:D



الخرابات ماعليك منها كلام في كلام الفلكس كل الناس تقول مشاكل البي إم يقولوا مشاكل اللومينا يقولوا مشاكل الأودي يقولوا مشاكل وفي الأخير كلامك في كلام
:D

[RED Chevy]

UP

:D

أو خلاص نسكره ونحش بشركة ثانية:D ؟

[الثلج الأبيض]

سلام عليكم


اللا مايعجبني في البي أم أن شعار السيارة مسدووووووووووح على الكبوت , يعني ماتقدر تشوفه مثل شعر المرسيديس :D

شكراً

[RED Chevy]

رد مقتبس من الثلج الأبيض
سلام عليكم


اللا مايعجبني في البي أم أن شعار السيارة مسدووووووووووح على الكبوت , يعني ماتقدر تشوفه مثل شعر المرسيديس :D

شكراً



:laugh:



:banana:



:p

[Dentist]

مرحبا شباب

طبعا ماشالله عليكم ماقصرتوا حشيتوا ووفقيتوا الله يعطيكم العافيه :laugh:

بس فيه عندي بعض الملاحظات اللي قاهرتني في الفئه الخامسه

- أولا عدم توفر الشفط للأبواب فيها حتى أرقى فئاتها وهي الـ545
مع انها تتجاوز الـ 250 ألف ريال في سعرها !!

- ثانيا .. عدم وجود فتحات السقف الزجاجية وهذا بصراحه شي يقهر :damp:

- والتكييف الخلفي وهي الطامة الكبرى انها مو متوفره في بعض فئات الخامسه

- الشكل الموحد للفئات الثالثه والخامسه والسابعه


- السيارة الجذابة والرخيصه اللي يقولوا عنها X3 :headshak: .. ولا تقولي الناس اذواق .. الشغله أكبر من كذا :shock2:


طبعا إضافة الى كلام الشبابي بحذااااافيره


والباقي تمام <<<< وش بقيت
:D






وسلامتكم

[Opirus]

من المعروف إنه شركة BMW تهتم بالسلامة إلى أبعد الحدود

يمكن الواحد ما يلاحظ بعض الأشياء ويعتبر إنه هذا عيب في السيارة

لكن ثق تماما إنه كلشي في السيارة مدروس وبشكل دقيق

أنا أعطيك مثال
ليه شركة BMW تخلي أنوار التبلون حمراء أو تميل إلى الأحمر؟

طبعا من المعرون إنه اللون الأحمر هو من أشد الألوان إثارة ( يعني لونه مو هادئ) وطبعا هذا حق لا تنام وإنت تسوق بعكس الألوان الثانيه مثل اللون الأخضر ويعتبر من الألوان الهادئ

وفيه شغله ثانيه صارت قدامي
أنا صاحبي كان عنده BMW الفئة السابعه وكان موديلها 91
لاحظ الموديل 91 يعني قديم بس شوف السلامه إلي إكتشفناها مع إنه السيارة قديمه

لما شغل السيارة وجا بيتحرك.. القير ما يعشق إلا نمره وحده بس وتضل السيارة تمشي تقريبا 60 كلم بس ولا تزيد
وطبعا هذا كله بسبب واحد وش تتوقعون ؟؟؟؟؟؟
طلعت المشكله في فيوز الأنوار كان محروق ، يعني الشركه مو مسؤوله منك إذا إنت ما شغلت الأنوار في الليل بس هي مسؤوله عن الخراب أو العطل إلي يصيب السيارة يعني إذا إحترق فيوز الأنوار ما تبيك الوكاله تمشي بسرعه والنور ما يشتغل
:cool: وهذي المواصفه موجوده وقديمه وأنا أشهد بأنه BMW تتفوق على المرسيدس في السلامة
وسلامتكم :D

[ABD 911]

ملاحظاتي على البي إم :

1- التصاميم الموحدة لسياراتها وهذا أظنه سيدخلها في أزمة مثل ألفا روميو وبعض السيارات الاخرى حيث نادراً ما تتجرأ على تغيير واجهات سياراتها ..

2- ثقل أبواب الفئة الخامسة وقسوة المقاعد والتعليق .. هذي طبعاً سمه ممتازه إذا السيارة رياضية ولكن المشكلة إنها عائلية متوسطة ولدى بي إم سيارات أخرى رياضيه تضع فيها هذه المواصفات ..

3- عدم توفر الشفط في الفئة الخامسة والذي أعتبره ضروري جداً فيها خاصة إن أبوابها ثقيلة وحركتها متعبة ..

4 - أغلب موديلاتها وخاصة التي تصدر إلينا يكون لون طبلونها أسود شديد السواد وهذا لايناسب جونا الحار .. يعني إذا مو مضلل عازل الله يعينك ..


5- صوت المكينة مرتفع جداً ومزعج داخل السيارة إذا دعست عليها للآخر وتحس الصوت يجيك من الطبلون ومن تحت الكراسي .. (في الفئة الخامسة 2002) .. ولكن في الموديل الجديد أحسست أن بي إم أدركت غلطتها وحسنت من العزل بشكل كبير ..

6- حامل الأكواب في الفئةالخامسة هو أغبى إختراع رأيته في بي إم دبليو .. الحامل يأتي أسفل الراديو ومقابل للمكيف .. يعني إذا وضعت شىء في الحامل فمن شبه المستحيل إستخدام المكيف و بعض خصائص الراديو .. مع العلم أنه لا يستطيع حمل أكثر من قارورة ماء صغيرة وقد تقع مع أقرب لفة لعدم وجود عمق في الحامل يمسك بالقارورة ..
وإذا رايح هارديز ولا ماكدونالدز إغسل يدك تحط فيه شي .. مافيه إلا تحط البيبسي بين رجولك .. لأن الحامل لايحمل إلا القوارير ذات الإرتفاع المستقيم لا المخروطي ..

والصورة الي وضعها أحد الأعضاء يبدو لي إنها ميزة إضافية تتم بطلب خاص أو ماشابه .. أول مرة أشوفها ..


الميزات :

1- جودة التصنيع الداخلي يتغلب على مرسيدس بفارق كبير (أقولها عن تجربة مع إني أملك مرسيدس)

2- قوة التورك في محركاتها مرتفعه وهذه من أقوى ميزاتها حيث تعتمد بي إم في قوة محركاتها على التورك وليس على عدد الأحصنة ...

3- أنظمة الإنارة لديها متطورة وتعتمد على آخر التقنيات مثل خاصية الإنحناء مع المنعطفات المتوفرة في السابعة والخامسة الجديدتين ..

4- إخراج تورك عالي من محركات صغيرة ..

5- عدم إستخدام الشواحن التوربينية (التيربو) إلا نادراً بعكس مرسيدس التي تستخدمه بكثره .. وأنا أرى في الحقيقة أن هذا عيب فيها حيث تحاول إخراج أكبر قوة من المحرك حتى لو كان صغيراً أي تحاول إخراج قوة أكبر لكل ليتر من سعة المحرك حصان/ليتر .. ولكن مرسيدس تضع التيربو وتجعل المحرك مرتاح تقريباً ..




بالنسبة للمكيف الخلفي .. الفئة الخامسة لم أرها يوماً بدون مكيف خلفي .. ربما الموديلات ذات المواصفات القياسية؟؟!!


تحياتي

ABD 911

:cool:

[745]

بسم الله الرحمن الرحيم

المثل يقول اسال مجرب ولا تسال طبيب. انا املك بي ام دبليو 530 موديل 2005 استلمتها قبل شهرين.

السيارة ولا اروع. انا اشتريتها من وكيلنا و سعرها 180000.

بخصوص حامل الاكواب، اسيارة فيها اثنين و تكون اختيارية هذا على حسب طلبك.

فتحة السقف متوفرة باقل طراز اللي هو 520 و كذللك المكيف الخلفي.

باب السارة انا اشوفه عادي جدا. الشنطة ثقيلة لما تسكرها بس تفتح بروحها

السيارة باردة في الصيف مع ان الطبلون اسود و السيتات بيج. في اوبشن انك تخلي المكيف يشتغل حتى لو السيارة طافية

السيارة جدا هادية و من النادر انك تسمع صوت الهوا.

بخصوص قطع الغيار، السيارة تجي مع عقد صيانة مجاني لمدة خمس اعوام. يعني عب بترول و ادلع.

ال I-Drive احسن اوبشن في السيارة. استخدامه ابسط من المتوقع و اخذت ساعة وحدة عشان اتعود عليه. ما عليكم من كلام غير المجربين .

اذا كنتوا حابين، انا ممكن انسق مع الاخ grand V8 بعد اذنه و نسوي تجربه للسارة و انتو احكموا.

اذا في اي سؤال انا في الخدمة.

اخوكم

745

[ABD 911]

رد مقتبس من 745

اذا كنتوا حابين، انا ممكن انسق مع الاخ grand V8 بعد اذنه و نسوي تجربه للسارة و انتو احكموا.

اذا في اي سؤال انا في الخدمة.

اخوكم

745


إذا سويت التجربة فأتوقع إنه رح يكون من أقوى المواضيع في المنتدى .. وستكون سابقة في سوالف من بد جميع المنتديات العربية ..

أتمنى أن تتم قريباً .. وإذا أنت في الدمام أو الخبر (شكلك مب في السعودية أصلاًُ :) ) فبإمكاني أساعدك في التصوير إذا إحتجت ..


تحياتي لك ..


ABD 911

[عالي مستواه]

رد مقتبس من TOYOTA - OBAS
بالنسبه للنقطه الثانيه انا متأكد من الموضوع وهذا مش متوفر بأقل نوع من الفئه الخامسه وهو يجي من غير نفيقيشن وفتحه سقف ايضا!!وسعرها 148 الف:anger:

إنت متأكد من السعر .. لأن واحد ماخذ 525i ..

ومثل ماتشوف أصغر حجم .. ويقول فيها نفقيشن .. وبعد وصل سعرها 180 ألف ريال قطـري طبعاً .. :help:

مشكورين على الموضوع .. :p

[RED Chevy]

تسلمون شباب على الردود وماقصرتوا...


Dentist: من قال خلصنا حش:D


وكلام صح لاحظت اليوم إن بابها وايد وايد ثقيل أكو الكابرس من يومه وباب طن وربع بس لين تسكره بصبع واحد بس دزه:D

بس باب ال5 يصلح لواحد يشيل حديد:D


بدال التمارين يقعد يفتح ويسكر بالباب:laugh:

وتسلم لي على ردك الجميل

___---___---___


Opirus: مشكور إخوي على ردك وماقصرت والسلامة شي أساسي عند الأوروبيين بشكل عام لكن الأمريكان واليابانيين

:sleep: :sleep:


___---___---___


ABD 911: تسلم لي على هالرد الحلو إخوي كفيت ووفيت ومعاك بكل نقطة قلتها يزاك الله خير وماقصرت:p


___---___---___


745: تسلم لي على ردك وياريت تمتعنا بتجربة حصرية لسوالف:banana:

___---___---___


عالي مستواه: مشكور إخوي على ردك:p