بالتوفيق يامنتدى سوالف .. للجميـــع ..

[TOP-SECRET]

بسم الله الرحمن الرحيم

السلام عليكم ورحمة الله وبركاته

بكل اختصار بترك منتدى سوالف ..

في البدايه صارت لي بعض المشاكل في القسم الإسلامي

وللأسف بعض الاشخاص شوه سمعتي للأعضاء الجدد وقال اني اشوه صورة الإسلام

والكثير من الكلام

والآن زاد الكلام وكثر علي

فيوم يجي واحد ويقول اسلوب منتن

وآخر يقول تتكلم من وراي وغيرهم ناس كثير
انا ماحب اخرج من اي منتدى وتكون صورتي سيئه

لذلك حبيت اني اقادر الآن وعندي شباب افتخر اني عرفتهم

وماقدر اذكرهم كلهم

مثل المشرف عمر والمشرف محمد والاخ سناري والانصاري وراعي البيج وهامان وكل الشباب الحمد لله

علاقتي فيهم قويه وتقريبا في الجميع

لكن خلاص يكفي الى هذي الدرجه وخلاص ماقدر اشوف ولا اسمع كلام ثاني

يشوه في سمعتي او يسيء فيني والموضوع هذا للتنويه فقط ليس للمناقشه

واتمنى الأسلوب يرتقي في المنتدى بجميع اقسامه

والكل يخلص للمنتدى وان شاء الله نشوف اعضاء مبدعين للمنتدى بكل اقسامه


كتب الموضوع في تاريخ 26-12-2004 الساعه 3:24


تحياتي / حمد

[AMG]

استهدى بالله..........وخليك

[CAMARO4EVER]

خليك يا حمد انت من ابرز الاعضاء اللي اشوفهم في قسم السيارات

من ناحيه المواضيع والردود والمشاركه .


وانشاء الله تراجع نفسك في هالكم يوم .. وتفكر عدل .



وانت معايك من اي واحد في المنتدى . اهم شي تكون عندك

الثقه بنفسك والباقي ماعليك منهم ..



تقبل تحياتي اخوك محمد .

[سياف]

أفا بو شهاب و أنا ما تفتخر إنك عرفتني ؟ :laugh:

هدي أعصابك ياخوي تراك فاكهة المنتدى ...

صح إنه في أشياء وايد تنرفز ... بس مش أمورك يعني ... كنك ما شفت

و أتمنى المنتدى ما يخسرك ...

:Sad2:

[R32 HPA]

:rolleyes: وسع صدرك ياراجل :rolleyes:

وخليك ويانا :glasses:

مو أي واحد زعلك تقوم تتركنا وتمشي وتتخذ القرار الصارم
لازم تعرف انك في مكان عام واحد محترم واحد نص و نص واحد من جنبها
فمشي حالك هم الصغار وانت الكبير :p

وأيا واحد يكدر خاطرك بالعكس لاتكثر معاه بالردود هو حينبسط انك تفاعلت معاه :anger:

اعطيله مشغوووووووووووووووووول :sleep: وريح بالك

تحياتي
أبوعزام

[Supra_Rider]

غلطان اخوي ما عاش اللي يقول ان صورتك مشوهه

انت عزيز و غالي و من انشط الاعضاء و انت ضمن قلة من الاعضاء اللي تقول الحق و ما تجامل احد

لو كل واحد ترك مكانه عشان سوء فهم جان خربت الدنيا

ارجع لا تخلي المنتدى يخسرك و خصوصا احنا حزب التويوتا بنفتقدك:cry1:

[dbooor]

بسم الله الرحمن الرحيم

السلام عليكم ورحمة الله وبركاته

أذكر الله أخوي حمد وتعوذ من أبليس

ترانا ما نستغني عنك ... لأنك عضو في سوالف

وخلال كتابتي لهذه الأسطر جاء في بالي هذا الحديث :

قال رسول الله صلى الله عليه وسلم((مثل المؤمنين في توادهم وتراحمهم وتعاطفهم، مثل الجسد ،

إذا اشتكى منه عضو، تداعى له سائر الجسد بالسهر والحمى))رواه مسلم

وقوله( (المؤمن للمؤمن كالبنيان، يشد بعضه بعضاوشبك بين أصابعه) رواه البخاري ومسلم.


وعلى قولة أخواني : وسع صدرك


أخوك
dbooor
http://vb.arablocale.net/smile/images/278.gif

[king_prelude]

وين وين ..........

ما أحد يقدر يشوه سمعتك بالنسبة لينا ......

الكل يعرفك على الأقل في منتدى السيارات ........

خيلك وينا إنت من الاعضاء القدامة والميزين لازم تبقى

سلالالام وأتمنى منك البقى

[grandv8]

وعليكم السلام ورحمة الله وبركاته

TOP-SECRET

اخوي حمد جزاك الله على كل خير ماتقدمه لنا بالمنتدى واشهد انك عضو وشخص ملتزم بكل النواحي.

اخوي حمد لاتخلي الزعل او احد يزعزع ثقتك بنفسك وانت اصلا قدها وقدودها ماشاء الله.
ولاتخلي خروجك وانسحابك من المنتدى يأثر عليك ويقولون انك انهزمنت ويقولون ان فاشل.

بالعكس انا ابغي تكون معانا وتشاركنا ولا احد يزعزع ثقتك او يقلل من شأنك،واصلا مشاكل ماتخلص بالدنيا والانسان ملازم له المشاكل وهو من صغره ،والانسان يصبر على مبتلاه.

واخوانا الاعضاء الي يحبوك ويعزوك هم الاولى ان تبقى معاهم وانت معروف لدينا بكل شي .

اخوي حمد جزاك الله خير وانا انتظر منك ردك او تبغي ترسلني على الخاص او الايميل.

اخواك محمد
:rolleyes:

[922]

السلام عليكم

TOP-SECRET اخي الكريم حمد

انا اوفقك الرأي 100 % وكثر معاك وانا منهم بطريق توديع منتدى سوالف

الاسباب :

اكثر من 5 اعضاء حالياُ يشاركون بدون ذكر اسماء يستاهلون باند ومن اول مشاركة

تجاوزات لفظية من الاعضاء على بعضهم البعض والمشرفين لا حياة لمن تنادي

كثرة الردود السخيفة والاستفزازية اللى ماتقدم ولاتؤخر والمشرفين لا حياة لمن تنادي


ياليتك TOP-SECRET تخبرنا وين بتشارك لانك على عكس بعض الاعضاء مهم لنا


بالتوفيق للجميع


تحياتي لكم
محمد

[Ammaretor]

بسم الله الرحمن الرحيم


انت يا حمد من ارجل الشباب فى المنتدى


و لو حد اسلوبه منتن اكيييييييييييييييييييييييييييييييد مش انت .....


و ما تخلى اى شاب ذو اسلوب ((((منتن))))) يزعزع ثقتك فى نفسك

ز ما تسبلوا المتدى و تمشى(((و لو حد يمشى يكون هوا ااولهم)))) بصراحة اكتر شىء غلط انك تسيبله المنتدى و تمشى


تحياتى لك و للجميع

[AMG]

أبغي أفهم كيف يعني (لا حياة لمن تنادي) أبغي لها تفسير؟؟؟؟؟؟؟؟؟؟؟؟؟؟ :anger:

[Maranello]

بسم الله الرحمن الرحيم

السلام عليكم ورحمة الله وبركاته

اخوي حمد , 922 ,

بصراحه انا اوافقكم بكل كلمه قلتوها , هذا الموضوع كان المفروض ينفتح من زمان , انا مشاركاتي معدومه في المنتدى , لكن مشارك فيه صارلي 3 سنين تقريبا واعرف اللي يصير بالمنتدى , ومعاك حق اخوي حمد الكلام اللي انقال يزعل وما احد يرضاه على نفسه ,

اخوي AMG :

لا حياه لمن تنادي معناها ان في اعضاء تنفرض عليها قيود اكثر وهذا من ملاحظتي , وفي اعضاء مثل ما تقولون (معطينهم الخيط والمخيط ) , يعني في كلمات الواحد ما يرضى يقولها انقالت في هذا المنتدى والمفروض يكون فيه حواجز وروادع لهم , ومايصير نقول انها كانت في لحظة غضب لأن هذا الكلام على الانترنت يعني فكر 100 مره قبل لا تكتب حرف وخلي الناس تذكرك بالخير . . يعني ماعرف هل ترضى هالكلام ينقال قدام اهلك ؟ او ينقال لك ؟ (عامل الناس كما تحب ان يعاملوك)

عالعموم ما ابي اتعمق في الموضوع زياده

ونصيحه لمنتدى سوالف : ما عهدناك كذا يا سوالف , اذا استمر هذا الحال راح تخسرون اعضاء هي اللي رافعه المنتدى وهي اساسه , صدقوني ما تستاهل على عضو غلط وقل ادبه انكم تخسرون الأعضاء المحترمين , تلاحقوا نفسكم وانقذوا اللي بقى من الاعضاء .

تحياتي لكم , اخوكم ومحبكم في الله

[grandv8]

السلام عليكم ورحمة الله وبركاته

922
اخوي جزاك الله خير على ماقلته لنا ،انا نحن مقصرين لبعض الوقت.
اخوي لاتنسى انا كنت عضو قبل مااكون مشرف،مع اني مااحب اتكبر على احد ولااحتكر احد بشئ.

اما سالفة بعض التقصير لاتنسى اخوي طبيعة عملي مرات اجي وقت العصر وادخل مرات وابحث ،وبعد ادخل مرة اشارك واجوف شو المشاكل او الردود المواضيع الجديدة.

اصلا اخوي في ناس تحب تنقش وتقول ان سوالف للانحدار ،وانا اجوف بالعكس الحين اجوف احسن من قبل ،واصلا اخوي اعرف انك تبغي مواضيع مناقشة واخذ وعطاء بالموضوع من غصير عصبية او خروج عن نطاق الموضوع الاصلي.
وانا اقدر مجهودك البناء معانا وماشاء الله انك مبدع ولله الحمد.

Maranello
اخوي الكريم المنتدى على عهده وتعده لكل الناس ،واقول لك هناك بعض الاقلية من الاعضاء تقوم بتشويه سمعت المنتدى وتصغير كل شي ،وتثير المشاكل.
اخوي اذا تحس اذا عندك مواضيع او اقتراحات او حلول او ملاحظات خبرنا عنه.

شكرا لكم اخواني وجزاكم الله خير

[حبوب بوظبي]

أخي توب سيكرت
مع ان فيه بعض المشادات بيني وبينك ... لكن لا أنصح بأنك ترحل عن المنتدى ...
أستهدي بالرحمان ... وعين خير

دع الأيام تفعل مـا تشـــاء ... وطب نفسا إذا حكم القضاء
ولا تجزع لحــادثة الليـالي ... فما لحوادث الدنيـا بقــاء
وكن رجلا على الأهوال جلدا ... وشيمتك السماحة والوفـاء

و إذا مصمم ترحل ... فأتمنى ترحل ومافيه شي فخاطرك علينا

[JUST CORVETTE]

السلام عليكم ورحمة الله وبركاته


هلا اخوي حمد ، والله انا ما توقعت ان يكون موضوعك عن انك تمشي ابدا :confused: :confused:


وبعدين يا اخي اذا في (...) كلمك قولي عليه وانا اقطعه 100000000 حته ونبيعها في المنتدي بريال :D


لكن بالله عليك ما ينفع تسيب المنتدي ابدا لاسباب كثيره واهمها :


1 - انك اصلا من اعمده المنتدي ( يعني فعلا ستترك فراغ كبير ورائك )

2 - يكفي والله عدد ردود الشباب ، وهذا دليل علي حبهم لك



ان شاء الله ما يكون في زعل والشباب الي يزعلونك بيتعاقبو ان شاء الله ، و خليني اشوفك علي الماسينجر ونشوف الموضوع مع بعض



وبالتوفيق ان شاء الله في الاختبارات



اخوك عبدالله :)

[الأنصاري]

افا والله ياحمد انت من ابرز الأعضاء في المنتدى اتمنى تراجع نفسك وماتخلي كلمه سخيفه تهزز ثقتك في نفسك

عموما العضو المحبوب والناجح دايما محسود

يالله تعوذ من الشيطان وخلنا نشوف مشاركاتك:D :D

[عين الحر]

اخونا حمد


انت تعتبر فعلا من اعمدة المنتدى فعلا ومن اهم المتواجدين بها ويكفي ان يرى الانسان عدد ردودك


لاتجعل ضعاف النفوس تتمكن من تحقيق مرادها بذهابك بعيدا

انا اوافقك في ماقلت ولكن انت الكبير الفاهم والقديم بالمنتدى


وانا سبق وفكرت مثلك لكن ابتعدت فترة ورجعت واخيرا


انت تملك القرار




اخوك

عيــــــــــــــن الحــــــــــــــر

[Porsche GT2]

اخوي توب سيكريت أرجو انك تتراجع عن قرارك وانت من أهم الأعضاء في المنتدى ..

ولو فقدناك صدقني المنتدى ماله طعم .. والدليل ردود الشباب ومعارضتهم لخروج عضو مهم مثلك ..

واحنا ما ودنا نفقد عضو أخلاقه عاليه مثلك .. بينما فيه أعضاء راحوا والا جوا محد داري عنهم .. وما يحتاج ذكر أسماء ..


تحياتي لك ..

[الشبابي]

اخوي حمد ...
وانا اخوك خلك بهالمنتدى وهداعصابك .. كلنا مرينا بأشياء مثل كذا ..
ونصيحة ترى المنتديات الثانية فيها اردي من كذا بكثير ..











اخوكم الشبابي

[uae speed]

الشباب كفو و وفو .. وما يحتاج أزيد على كلامهم ..!
بكل مكان بتلقى الزين وبتلقى الشين ..

شوف يالغالي بقولك على ( زر سري ) .. :D
الزر اسمه [ طــاف ] ..!!

اذا صار شي ما اعجبك عطه هالزر وفك روحك .. :D
يا ريال خلك ايزي .. وفرفش ما عليك ... تعال انته بس انا عازمنك على شاي كرك يعدل الراس :D

عبدالله .. :)

[سياف]

شباب أبي أجيب العيد :D

[mustang cobra]

تعوذ من الشيطان يارجال:blink:

[بن ممدوح]

السلام عليكم ورحمة الله وبركاته

ياخي شدعوة حمد كل هالشباب ينادونك وانت تتغلى

والله عيب عليك تردهم ...

انا اقولك استهدي بالله وخلك في المنتدى ...

ترى ياحمد انت ما تعرف المشكلة الي بتصير بعدك في سوالف :

اول شي في اعضاء بينسحبون وراك .

ثاني شي المنتدى مابيكون له نكهة .

ثالث شي انت من اقوى الاعضاء في سوالف يعني مثل ما تفضل اخوي JUST CORVETTE انك من اعمدة سوالف ..

والله يا حمد اذا بترد هالشباب كيفك الصراحة والله موب حلوة في حقك ...

والله لو كل واحد سمع كلمة ولا كلمتين وزعل وقرر انه يهد المنتدى صدقني ما بتم احد في المنتدى...

أخوي حمد انا قلت الي عندي ،،، والله شاهد ان كل الكلام الي قلته من قلبي ...

أخوك ،،
عبدالرحمن ،،

[King 4x4]

أقول يا حلو. :anger:

آخر مره فكرت أمشي فيها انا جبتني بأذاني و رجعتني المنتدى. :damp:

الحين انت بتروح. :anger:

خلني أصيدك بس في المسنجر شرط لأخلي كباب مشوي :anger:

[180B]

رد مقتبس من AMG
استهدى بالله..........وخليك

[FSM]

السلام عليكم ورحمة الله وبركاته...


ما لها داعي انك تطلع من المنتدى لهذا السبب .......


وبعدين ليش تطلع من منتدى السيارات ....:D
خلك معنا هنا ... وما احد يضايقك :black:


:)

[ابداع2004]

بسم الله الرحمن الرحيم

السلام عليكم ورحمة الله وبركاته

اخوي حمد اعتقد انك اكبر من كذا وانت هنا ليس بالعضو العادي اللي يمر ويمشي 00

لك ثقل ووزن في هذا المنتدى وعن نفسي ايضا صحيح ماتعرفني ولاأنا اعرفك ولكن من خلال مواضيعك وانتشارك في المنتدى جعل منك ثقلا لايستهان به يكفي انك تعطي المعلومه ونناقشها بس والاهم من كل كذا ما نخسر بعض تروى شوي وفكر في محنينك (ترى لك جمهور) اتنمى من الله العلي القدير بأن تعرض عن فكرتك وترجع للمنتدى 00

عموما كل واحد ويشوف اخطائه مش اخطاء غيره 000

ويجبل مايهزك ريح 000

تحياتي لك اخوك/ محمد الهاجري

[AMG]

الأخ حمد راح يبقى معانا شاء أم أبى...................:black: