ما تقييمك للكامري و الأكورد

[lumina]

السلام عليكم ورحمة الله وبركاته ..

حبيت أعرض مناقشة عن الكامري و الأكورد المنتشرة بين الشباب من فئة 4 إسطوانات ..

1: المحرك
2: المواد الداخليه
3: نظام الكبح
4: صرفية الوقود
5 :قطع الغيار و هل قطع الغيار تعمر في السيارتين مثلا: Break's
6:الراحه الداخليه ( الضجيج, الكبح الفجائي, التسارع)
7:السعر بعد البيع
8:الشركات في الخليج و كيفية تعاملها مع المستخدم مع الفحص الدوري للسيارتين
9:ما رأيك في أي من السيارتين ولماذا معجب بها؟

و إن شاء الله يلقى إعجابكم ..

[CoLd ZeRo]

1: المحرك
الأكورد أقوى الكل يعرف ماذا يفعل الـVitc إذا عصب


2: المواد الداخليه
لا تقولوا الكامري لانه ما في مواد داخليه مطورة .. تدخل الاكورد فيها نوع من التطور وتحسها سيارة 2005 اما تدخل كامري 2005 تقول كرسيدا قراندي امريكية موديل 91 احلى منها


3: نظام الكبح
الكامري

4: صرفية الوقود
الكامري

5 :قطع الغيار و هل قطع الغيار تعمر في السيارتين مثلا: Break's
شوف حبيبي مثل قطع الغيار في الرخص ما في مثل التويوتا
ولكن جودة القطع تكن في الهوندا و المثل يقول
" ركب قطعة في أكورد و إنساها "

6:الراحه الداخليه ( الضجيج, الكبح الفجائي, التسارع)
انا لاحظت إن الي شعره حرير و حلو انصحه ما يسرع بكامري اكثر من 120 لان بتحس شعرك يتحرك من الهواء الي يدخل

7:السعر بعد البيع
الكامري مرغوب لذلك سعره ما ينزل كثير

8:الشركات في الخليج و كيفية تعاملها مع المستخدم مع الفحص الدوري للسيارتين
كلا الوكالتين حلوين لكن عبداللطيف يمصخها لانه يعدل في السيارات علي كيفه
شاف الاكورد الجديدة فيها اشارة في المرايات .. قام ركب اشارة في الكامري
وإذا طق اشارة راعي الكامري كأنه معاريس ( الاسطاب الامامي يطق و الرفرف و المرايا و السطاب الخلفي خخخخ )

9:ما رأيك في أي من السيارتين ولماذا معجب بها؟

الأكورد لما ذكرته سابقاً

[رفجة عرب]

1: المحرك:الاكورد أقوى وهذ شي معروف ...

2: المواد الداخليه: والله انا اشوف ان الكامري شغلهم من داخل اظبط من الاكورد....

3: نظام الكبح:كامري...

4: صرفية الوقود:كامري ....

5 :قطع الغيار و هل قطع الغيار تعمر في السيارتين مثلا: Break's: بدون كلام تويوتا المصلح دايما يقولي (التويوتا سفايف وبترول وامشي) ههههههههههههه وبالفعل التويوتا ماتشتكي من شي ابدا أما الاكورد (خلني ساكت احسن) :sss:

6:الراحه الداخليه ( الضجيج, الكبح الفجائي, التسارع): والله انا اشوف الكامري لي بوايد من الاكورد والسبب الاكورد يوم تركبها تكون نازله زيادة عن اللزوم وهذا الشي يضايقك يوم تقوم من السيارة وتقعد فيها..... وحتى يوم تكون راكبها ماتحس براحة مثل الكامري لانه ضيقة شوي ..

7:السعر بعد البيع:الكامري بدون منازع ....

8:الشركات في الخليج و كيفية تعاملها مع المستخدم مع الفحص الدوري للسيارتين

التويوتا رغم انتشارها الواسع لكن الخدمة عندهم ماشالله ماحد يقدر يتكلم عنها ...

أما الاكورد نصيحة الي يبي يشتري هوندا يشتري بيت عند الوكالة هههههههههههه..

9:ما رأيك في أي من السيارتين ولماذا معجب بها؟

انا أفضل الكامري عن الأكورد ..

وبيني وبينك انا أفضل نيسان الالتيما عليهم الثنتين ....

وشكرا لك اخوي..

[SLR55]

1: المحرك

الصراحة يقولون الأكورد قويه بس ما أعتقد تكون أكثر إعتمادية من الكامري

2: المواد الداخليه

معروف إن التويوتا موادها الخامه ممتازه وتدوم وما تحسها تتفكك

3: نظام الكبح

الكامري بريكها فنان بس يطلع أصوات ليش مادري

4: صرفية الوقود

أكيد للكامري

5 :قطع الغيار و هل قطع الغيار تعمر في السيارتين مثلا: Break's

تويوتا بلا منازع بس إذا ما كانت أصليه ما تدوم ^_^

6:الراحه الداخليه ( الضجيج, الكبح الفجائي, التسارع)

شوف بالراحه أكيد الكامري لأنها أوسع وبخصوص الكبح تحس الكامري بتضرب من قدام ^_^

7:السعر بعد البيع

تويوتا بلا منازع

8:الشركات في الخليج و كيفية تعاملها مع المستخدم مع الفحص الدوري للسيارتين

في الإمارات ما جربت إلا الفطيم و خدمتهم ممتازه

9:ما رأيك في أي من السيارتين ولماذا معجب بها؟

الأكورد مبدعين في كل شيء إلا من الخلف و خاصه ال6 سلندر لاني ما أعترف ب 4
بس الكامري ما تفكر في إنها يصير معاك شيء

ماشاء الله عليها

سلااااااااااااااااام ^_^

[MuGeN]

1: المحرك
أنا أشوف محرك الكامري مزعج مقارنة بالأكورد ... يمر جنبك تسمع صوت عالي ... مو مثل الأكورد ...

2: المواد الداخليه
الكامري في نظري ..... سيئة .... حتى شكل العدادات مو جميل بالمرة ( في نظري ) ... أما الأكورد فالكل يمدحها ... و لو إني أشوفه جميل نوعاً ما ...

3: نظام الكبح
ولا مرة سمعت واحد مدح في مكابح الكامري ... الأكورد عادي ...

4: صرفية الوقود
كااااامري أكييييييد ...

5 :قطع الغيار و هل قطع الغيار تعمر في السيارتين مثلا: Break's
تويوتا ... أرخص ... هووندااا ... أجود و أفضل ...

6:الراحه الداخليه ( الضجيج, الكبح الفجائي, التسارع)
تسارع الأكورد أفضل ... بس ثقيلة في القومة ... الكامري عزمها جميل ...
أما الضجيج في الكامري غريب جداً ... مزعج ..... أما الأكورد جيد و لو إنه فيه شوية إزعاج بعد ال 140 ...

7:السعر بعد البيع
في السعودية ما في مثل التويوتا ... لكن الأكورد حالياً بدأت تمسك سعرها أيضاً ...


8:الشركات في الخليج و كيفية تعاملها مع المستخدم مع الفحص الدوري للسيارتين
الإثنين كانوا جيدين و الإثنين صاروا لعابين ..... المشتكى لله .. بس أنا افضل صيانة الأكورد ...

9:ما رأيك في أي من السيارتين ولماذا معجب بها؟
أنا أفضل الأكورد ... طبعاً هوندا مشهورة ... و جربت الموديلات 89 . 97 . 98 . 92 . 2003 ... أنا أفضلها على كثير من السيارات اليابانية ... بس عيبها أظن إن الطلاء بسرعة يروح ... لكنها أفضل من غيرها ...

أما الكامري ... أنا الموديل الوحيد الي عجبني هو من 1998 إلى 2002 ... أما الباقي مادري كيف صراحة ... و أحسن مافيها الجير العادي :D ...


تحياتي ....

[WRX]

1: المحرك
بدون اي مقارنة محرك الأكورد
2: المواد الداخليه
اكووووووووووووووووووووووووووووووورد :sleep:
3: نظام الكبح
اكو........ :p
4: صرفية الوقود
مدري عنها الصراحة لاكن الي اسمعة ان صرفيتة الكامري مرتفعه شوي
فعشان كذا بأقول اكووووووووووووووووووووووووووووووووووووووووووووووووووورد :)
5 :قطع الغيار و هل قطع الغيار تعمر في السيارتين مثلا: Break'sطبعاًً............اكورد :mad:
6:الراحه الداخليه ( الضجيج, الكبح الفجائي, التسارع)
بصراحة مدري عنها لاكن الي اعرفه عن الكامري انعدام الراحة الداخلية
فا عشان كذا اقول اكووووووووووووووووووووووووووووووووووووووووووووووووووورد :think:
7:السعر بعد البيع
كامري ((طبعاً)) :m:
8:الشركات في الخليج و كيفية تعاملها مع المستخدم مع الفحص الدوري للسيارتين
ما فهمت سؤالك زين ولاكن اعتقد الوضع عندنا في السعودية يقووووول عبداللطيف جميل وكالة قوية ومافيه زيها ..... عشان كذا بأقول كامري للمرة الثانية :eek:
9:ما رأيك في أي من السيارتين ولماذا معجب بها؟
والله عزيزي بصراحة انا ماني من المعجبين بالأكورد ((الى حداً ما)) ولاكن في كثير من الشباب هنا يعرفون رأي في الكامري الي كثير ما احب اني احتفظ بيه لنفسي((عشان لا ازعل احد مني))
ولاكن بعض الاحيان احب افض فض عن نفسي ((زي الحين)) لأني احياً احس اني بأنفجر منها...... :mad:
وبس.............غلق الكلام :sss:

[ا ح ن 1 0 0]

السلام عليكــم ورحمة الله وبركاته

يرحم ابوكم ياشباب

امدحوا لي اي شئ في الكامري الا الفرامـل

اسال مجرب ولا تسال طبيب

يعني والله قمـة القهر سيارة بكل ذي الشهرة والشعبية والسعر وفراملها الاستاندرد

مهي ABS !!!

يمكن يوم فضّلتوا الفرامل عن الأكورد قصدوا العمر أو أي شي ثاني



سلام

[RamAir]

كلهم اسعارهم غالية على الفاضي يمكن الهوندا احسن شوي

[ERT]

بما اني جربت الاكورد والكامري والنتايج :

1: المحرك

الاكورد محركها سلس جدا والاعتماديه للكامري

2: المواد الداخليه

اكيد الاكورد تتمتع يوم تشوفها مب الكامري

3: نظام الكبح

الاكورد طبعا

4: صرفية الوقود

الكامري


5 :قطع الغيار و هل قطع الغيار تعمر في السيارتين مثلا: Break's

الكامري تصلح للكراف واتم عندك سنين


6:الراحه الداخليه ( الضجيج, الكبح الفجائي, التسارع)

الضجيج لدى الاكورد قليل جدا مقارنه مع الكامري تسمع اصوات الهوا عدال اذنك , الكبح المفاجي الاكورد تمام
اما التسارع الاكورد كلما تسرع فيها ظهرك بينكسر مقارنه مع الكامري الكامري ارحم بوايد كلما سرعت فيها ظهرك بيرتاح

7:السعر بعد البيع

الكامري


8:الشركات في الخليج و كيفية تعاملها مع المستخدم مع الفحص الدوري للسيارتين

كلهم

9:ما رأيك في أي من السيارتين ولماذا معجب بها؟

الاكورد احسن حق الكشخه اما الكامري تنفع للمشاوير الكثيره والكرافيه ,

[Qatif_Altima_Hks]

الاكورد اصلا احسن من الكامري بمليوووووووووووون مره

كل شي فيها مزبوط

خاصه الاربع سلندر في الاكور في فئه منها جلد وجنوط وفتحه ومثبت سرعه وتحكم بصوت في الدركسون
ومحركها قوي اقوى من الكامري
وفي الشكل اكشخ

[922]

السلام عليكم

انا معى اكورد 2004

صرفيتها ممتازة جداً ...

المواد الداخلية والخارجية ممتازة

راسية جداً امشى عليها 180 يومياً بدون اصوات والا ازعاج ولا صوت محرك وتغير القير سلس جداً جداً

سعره في السوق ماسك جداً جداً ........ سيارتى مسيومة براس مالها "وش تبى بعد !!"
لان الجديد غالى .

صيانة الوكيل ممتازة والفرامل مااشتكيت منها ونظام ABS فعال جداً واكثر من مره انقذنى .

قطع الغيار صارت ارخص بسبب الانتشار .
والقطع تعيش تعيش واسأل المجربين




تبى النصيحة جربها اسبوع وصدقنى ماراح تشتري غيرها.



تحياتي
محمد

[bahrainlove]

مشكور اخوي على طرح هالموضوع الشيق

وبما ان عندي السيارتين (الشكل السابق 98_ 2002) فاقدر اقول لك ان الأكورد افضل من عدة نواحي منها المحرك والشكل العام والديكورات الداخلية والتجهيزات الأخرى ومن ناحية السعر بعد البيع الاحظ وخصوصاً عندنا في البحرين ان الأكورد يحتفظ بسعره أكثر من الكامري لوجود عدد كبير في المعارض من الكامري المستورده من دبي بأسعار رخيصة ... ومثل ما تلاحظ ان اكثر الردود في صالح الأكورد ........... وشكراً مرة أخرى.