View Full Version : ابي رايكم بالاوبل اوميقا ارجوكم 00000
الفارس2005
17-05-2005, 03:42 AM
السلام عليكم
ودي اسأل عن الاوبل اوميقا من حيث الاستعمال ،،
والخرابات او المشاكل الي فيها ،،
لا اعرف عنها شي ابدا
ولكن معجبن فيها حديثه وسعره معقول اتكلم عن المستعمل
ابي شوركم ورايكم وخاصه الي عنده خبره ،،، وايهم افضل 4سلندر او 6سلندر
وكم الاسعار
الكبريت
17-05-2005, 11:04 AM
السلام عليكم
اخوي الفارس2005 انا اول واحد في المملكه اشترى اوبل اوميغا فل كامل موديل 2000
طبعا السياره في المواصفات حقتها جدا ممتازه يعني عندك تلفون وشاشة عرض يبين درجة
الحراره والاعطال الموجوده في السياره وكذالك حساب كم كمية البنزين المتبقيه في السياره
واشياء ثانيه وكذلك المسجل حقها ممتاز
اما بالنسبه للمواصفات المكانيكيه
السياره هذي بكل صراحه اذهلتني بقوتها الجباره مع العلم ان السياره حقتي 6 سلندر
211 حصان,, العجب كل العجب انه السياره 211 حصان وهي تتمتع بالقوه هذي
المشكله اللي فيها الوزن الزائد يعني وزنها 1900 كيلو,, بس طبعا هذي في صالح السلامه
يعني السياره في القومه يعني تصفي من الصفر الى 100 كم في 8.5 ثانيه عشان وزنها الزايد
يأثر في القومه بس خلي السيار تمشي بعد 100كم تتحول السياره الى طياره
يمكن ماتصدقني لو قولت لك ايش السيارات الي طرحتها بعد 100 كم يعني اللومينا SS امشي
معاه في الخط هذا اذا ماطرحته وطبعا المكسيمات والسيارات اللي زيها ما تأكل عيش معايه
طبعا عندك ثلاث انظمة فرامل وهي ABS ونظام TC وهو نظام يمنع الجر ونظامBrak Pwor
عشان كذا السياره راسيه جدا في المنعطفات القويه
المساوي :
طبعا زي ماقلت الوزن الثقيل , وبعدين صارتلي مشاكل في المكينه وهذا نتيجةالاستعمال
المجحف لاني الصراحه استعمالتها استعمال قوي جدا, يايشيخ كنت امشي طبلون في عز الظهر
وقت ماتكون الحراره 50 درجه
والشي الثاني ان الوكيل وهو الجميح تعبان جدا
طبعا نصيحتي اشتري 6 سلندر فل كامل لان سعر المستعمل حيكون رخيص يعني في حدود
35 الف ريال سعودي الى 30 الف ريال
واذا كنت من سكان جده حرسلك رقم واحد ميكانيكي ممتاز وتخليه يكشف على السياره
واي خدمه نحن حاضرين
نسيت ماقول شي :
اوبل اوميغا انقذت حياتي
boos_2005
17-05-2005, 02:35 PM
السلام عليكم
الصراحه السياره شكله حلو وموصفاته ما عليه كلام
بس عيبه كثره الخرابات والقطع تلفيق لانه أصلن شركه المانيا
ونصيحه أدا رغبان لا تشتري من الوكاله لانه سعره غالي على خرطي ولو فكرت تبيع خسران أكيد
لو تشتري لك لومينا SS 2004
أتوقع ما بترفق عنها في السعر كثير
ولأمر أولاً وأخيراً راجع ألك
على فكره في قومه صارت بين كابرس 94 (صابون) :knight: معا أوبل سته سلندر فل :m: قدم الكابرس مسافه نص لمبه
cruiser2000
17-05-2005, 06:03 PM
أحب ازيد
اخوي كانت عنده اوميغا موديل 2000 وصراحة السيارة ممتازة وماشكى منها شي ابداً
وحط لها زوايد لومينا لانها نفس المقاس وطالعة حلوة وممتازة جدا
بس اشتكى من قطع الغيار الباهظة الثمن
اللمبة اختربت مرة وبدلها ب 1500 درهم يمكن 3000 درهم
وحدة من الاثنين "الاثنين ولا الثلاثاء هاااا هااا هاااا :D "
بس الصراحة السيارة ثمنها حلو وغالية عند الشراء لكن رخيص ويطيح سعرها عند البيع :(
طبعا نسيت ما اقولك يتوفر لها جير عادي من 6 سرعات
هذا اللي عندي
السلام عليكم
انا عندي اوميجا 2001 4 سلندر
بصراحة السيارة تخدم ومريحتني بس الحين هي عند الجميح لان فيها تسريب زيت خفيف وعندي اصوات بنظام التعليق الخلفي المهم دخلتها عندهم امس وقلت لهم عن بعض الاشياء يشوفلي اياها وبكم تصليحها بس كلها حاجات عادية .... تغيير قماشات ..... وزن انوار ... وهكذا
تعرف انة كلمني اليوم يقول لي سيارتك بتكلف 8 آلاف ريال :bomb:
يعني ما ادري اذا قلت عن الجميح نصاب هل توفية هاذي الكلمة والا لا
واقول لة لية هالمبلغ الخيالي سكت شوي وقال لي اسعار قطع الغيار ... :headshak:
بكرة بروح لة ويا انا ياهو ..... من جد ترى ناوي هوااااش معاهم الحرامية
الفارس2005
17-05-2005, 11:32 PM
اشكر الجميع على الاراء الطيبه و واشكركم على جهودكم في الرأي
وجزاكم الله خير
يعني ان توكل على الله،،، وندور 6 سلندر
الكبريت
18-05-2005, 10:24 AM
السلام عليكم
على فكره في قومه صارت بين كابرس 94 (صابون) :knight: معا أوبل سته سلندر فل :m: قدم الكابرس مسافه نص لمبه
حرررررررررام عليك ياشيخ صابونه مره وحده يعني قول اي سياره ثانيه ممكن
_____________
المهم حاول انك تاخذ لون فاتح لان الاوبل بالون الغامق ماتسوى
opel005
18-05-2005, 12:33 PM
انا معاي اوميغا 2002 السيارة ممتاز جدا جدا .. بس اهم شي تحافظ عليها يعني لاتتوقعها زي الكامري
اكبرر مشاكلها الجميييح :ranting: :ranting: ...
انا اللي عندي 6 سلندر وماشاء الله عزمها ممتااز جدا وقووية(الكامري والماكسيما واللومينا بالخط ماياكلون معها عيش) .. وللعلم انا اقاوم فيها وادعس فيها والسيارة ماشاء الله مظبوطة لولا اني قبل فترة حصل لي حادث عليها وكلفتني تقريبا فوق العشرين بشوي (الله يسلم التأمين لانه اللي صدمته كان غلط عليه ميه بالمية ) وبقت مشكلة معاي الى الحين وهي مشكلة الحرارة على انها كل من شافها قال ماتضر على وضعها كذا لاكن انا مي معجبتني كذا لانها صارت شوي ترتفع عن يوم انها كانت وكالة بشي بسيط وماودي ادخلها الجميح يعفسونها زيادة عليها على اني اظن انها فقط اعادة برمجة للكمبيوتر وتظبط يمكن تلخبط شوي بعد الحادث :D لكن السيارة الحين ماشية تمام معاي .. وسعرها بتحصلها رخيصة مستعملة . مره شفت عن الافضلية بالجميح وحده ماشية 21 الف تقريبا والسيارة جدا نظيفة موديل 2003 بحدود 47 الف نص فل .. اذا بتاخذ خذلك فل كامل لانها من جدا رووووووووووعه ...وانصحك باللون الابيض او شي وبعدها عندي يتساوى الاسود مع الفضي ..
اتمنى اني افدتك ولو بشي بسيط ..
الفارس2005
19-05-2005, 02:44 AM
جزاكم الله خير جميعا
tornado
19-05-2005, 03:52 PM
مرحبا ..
انا عندي أوميجا 2001 .. استعملها أستعمال الحمير .. وماشاء الله عليها فنانه ..
بس عيبها الوكيل وقطع الغيار .. يعني على اي شي تضرب عليك فوق 2000 درهم .. ومره أخترب
عليه (gearbox) .. قالوا لي نحن بس بنفتح لك القير بدون مانشوف شو المشكلة ب 1500 درهم ! ..
وعيبها حراتها الحاليه .. الي تخليك دوم تغير (سيل) القير والمكينه .. وبنفس الوقع المرواوح
دوم تخترب ..
هالاعطال تظهر عندي دوم لاني كل يوم اسرع فيها يعني اللمتيد 140 -160 كل يوم هاي سواقتي
..
nismo
20-05-2005, 03:19 AM
السلام عليكم
اخوي انا ما انصحك تاخذ وحدة لا جديد ولا مستعمل الى ادا انت تحب الورش و صرف الفلوس الزايده
من الاشاء الي دايم تخرب في الاوبل
1-القير
2-الدفرنس
3-راس المكينة
وانت براحتك
الفارس2005
20-05-2005, 04:06 AM
اشكر الجميع على الاراء الطيبه
وانا اشتريت فورد 99
اشكركم جميعا وجزاكم الله كل خير 0000