الى abu_nasser وجميع ملاك الباجيرو

[القرن الجديد]

السلام عليكم

الوالد قرر انه يشتري جيب


وفجأه طلب مني ان اقترح عليه نوع الجيب


فقلت عطني مهله


وجيته بعد يومين ووريته صور الباجيرو :-)

والوالد استانس وعجبة شكلة :eek:



بس فيه كم سؤال (للملاك والمجربين)

وش رايك في السيارة بشكل عام؟

كيف صرفية البنزين ؟؟

وكيف الراحة في الخط والمدينة والطرق الوعرة ؟؟

عزل الاصوات والهواء شي مهم كيف عزلة؟؟

بالنسبة للجودة (التصنيع) وشرايكم فيها ؟؟

قطع الغيار :sss: هل تخوف ؟؟؟

هل يوجد فيها عيوب ؟؟؟


وشكراااااااااااااا لمروركم وردودكم مسبقا

[طالب جكر]

Up

[mits_stiggy]

اعرف واحد من الربع عنده باجيرو 2004
سياره حلوه
بس لو كانت اوسع شوي من الداخل كان احسن

السياره مميزه بفخامتها وشكلها الخارجي وخاصة لو كانت فل اوبشنز و جير وتبترونيك
صرفيتها عاديه

امممممم

انشالله بقية الشباب يفيدونك اكثر مني

[sayedco]

السلام عليكم

عند عمي 2004 فل أوبشن مع تيبترونك و جلد و و و

قوتها معقولة و مريحة نوعاً ما ، ، الصرفية عادية

******

عن تجربة خبيييييييييرة قصدي عندنا باجيرو موديل 1994
:
الراحة مرضية تقريباً بس فيه أصوات الكراسي شوي (ما تلاحظ )
المكينة أحسن شي عجبني فيها (قوة في القومة و لحد الآن ما فيها و لا شي)
القير بعد قوي

بس فيها شيين اختربوا :
فتحة السقف
القفل الأوتوماتيكي
نافذة وحدة معلقة
الحرارة دايماً في النص


صاروا ثلاث !! خخخخخخخخ

بس ما أنصحك فيها!
شوف التريل بليزر شكلها و قوة و هيبة
أو الإنفوي
الأمريكي يتحمل أكثر و صوته عجيب و مريح أكثر من الياباني والحرارة ما ترتفع

[الشبابي]

اخوي القرن الجديد ...
لدينا باجيرو 2002 فل واقول لك السيارة من ناحية الجودة جدا ممتازة .. ورساوتها معقولة وراحتها جيده جدا ووسعه مقبول وشكل حلو وملموم لكن يعيبه الاستهلاك العالي للبنزين وقطع الغيار غالية لكن افضل من قبل وكذلك الصيانة تحسنت كثير ... لكن اعتقد في جيوب كثير منافسه له ...
ممكن تشوفون الجي اكس ار او البرادو او الارمادا ....










اخوكم الشبابي

[S8]

السلام عليكم
شوف التريل بليزر شكلها و قوة و هيبة
أو الإنفوي
الأمريكي يتحمل أكثر و صوته عجيب و مريح أكثر من الياباني والحرارة ما ترتفع



أغرب كلام قرأته في حياتي

حبيب قلبي sayedco من متى تحمل السيارات الأمريكية افضل من اليابانية؟ ومن متى تجد سيارة امريكية ماترتفع حرارتها؟

في راحة الجلوس انا معك فقط


رجعة للموضوع
انا قلتها كثير وبأقول كثير مرة ثانية
انا اعرف 2 من اخوياي آبائهم ماسكين مناصب قوية وحساسة في وكالة ميتسوبيشي
وكل سياراتهم ميتسوبيشي بطبيعة الحال
ووالله لم اسمعهم في يوم من الايام احد منهم يقول ان سيارته خربانه الا نااااااااااااااااااااااااااادرا جدا جدا
سيارات ميتسوبيشي كلها سيارات معقولة وخاصة الباجيرو عاجبني كثير
لكن يعيب سيارات ميتسوبيشي ان وكيلها (حضرمي) وكالة سيئة
قطع غيار ناااااااااااار وصيانه غالية
ايضا صرفية عاليه للوقود لجميع انواع سيارات ميتسوبيشي
الباجيرو عيبة ضيق من الداخل فقط
اما مواصفاته معقولة وسعره مررررررررة معقول
تحياتي :)

[RamAir]

انا جربت الباجيرو موديل 2003 في الربع الخالي اثبت بصراحة انه من افضل الجيوب وبالنسبة للبنزين النيسان الباترول يستهلك اكثر منه واستهلاكة معقول حسب الدعس اذا بتدعس كثير حتى لو معك ايكو بيطير البنزين وانا انصح فيه وبقوة والله موتر وخفيف في البر اما من ناحية الجودة ما استخدمتة فترة طويلة ما اقدر احكم على الجودة

[الأنصاري]

الوالد عنده 2002 فول اوبشن وواحد من الشباب قريبي عنده 2003 باب واحد سبورت

والإثنين مرتاحين جدا جدا معاها مممممم يعني السياره حلوه وفيها كل شي وتلبي جميع الإحتياجات

الباجيرو سياره ممتازه

خلي احط لك صوره لوووووول

http://www.w6w.net/upload/23-05-2005/w6w_20050523222923412548fc.JPG

[sayedco]

أخوي S8 آنا ما قد جربت الأمريكي الجيب

بس جربت الكرايسلر الحرارة ممتازة و عن التحميل أعتقد كل ما زادت قوة المكينة يزيد التحمل و السعة لها دور

و حتى لو تلاحظ الآر بي إم ما يرتفع كثير في الأمريكي عند الدوسة المتوسطة

أما الياباني يرتفع بشكل ملحوظ

و إذا بغيت تاخذ باجيرو خذ مكينة 3.8 أقوى شي

[mits_stiggy]

احب انوه على شي مهم
ميتسوبيشي اكثر من عشر مرات تربح رالي دكار الصحراوي
يعتبر اصعب واشق انواع السباقات قسوه على الانسان والاله

وعلى اي سياره ؟؟
الباجيرو


وكان من العشر مرات خمس مرات على التوالي

وفي كل رالي كل سنه تقريبا تكون الست او حتى العشر مراكز الأولى (ميتسوبيشي)

ان دل على شي ...يدل على القدرة العاليه للتحمل

يعني تعرفون هذا السباق يبدأ من العاصمه الفرنسيه في القاره الأوروبيه
وينتهي في العاصمه السنغاليه دكار في افريقيا
مارا بإسبانيا والمغرب وموريتانيا ......الخ
قاطعا اكثر من 9 الاف كيلومتر

[غريب السيف]

انا عندي واحد من الربع عنده باجيرو باب واحد 2003 ...مشالله قوية وتتحمل الكرف ومركب عليها تواير 900 او بالون ويستخدمها للرحلات البرية والوديان وداخل المدينه وماشيه لحد الان 105 الاف كم
وما دخلت الوكالة غير ثلاث مرات لتبديل الهوبات والسيور ...صيانه عاديه يعني
- المكيف بارد جدا ...ونادرا ما يستخدم رقم 2 في المكيف
- الرساوة ممتازة وصوت حفيف الهواء والاطارات قليل جدا بسبب استخدام دعامات اسفنجية عازلة للصوت
- الاداء جيد جدا بالنسبة لمحرك 3,0 وممتاز جدا للمحرك الاكبر 3.8 وهو الى انصحك به
- السيارة مريحه جدا حتى الصف الثاني من المقاعد اما الصف الثالث ضيق قليلا ولكنه يتسع لشخصين بالغين
- داخلية السيارة جميلة وخالية من التعقيدات والجير تيبترونيك ونظام الدفع من افضل الانظمة عالميا ويوجد بها بوصله وكمبيوتر للرحلات .سي دي يتسع لست اسطوانات .
- التشطيبات الخشبية رائعه جدا من حشب الجوز الاصلى على الدريكسون والجير والطبلون
- صرفية الوقود عادية جدا وانا اشوفها افضل بكثير من سيارات في نفس الفئة ولذلك بسبب صغر
حجم المحرك واستخدام تقنية INVEST على جير السيارة

بالنسبة لقطع الغيار بالمقارنة مع السيارات الاخرى فهي غاليه قليلا ولكن ميزة قطها انها معمرة والسيارة عموما معمرة ومن افضل الجيبات اليابانية وجودتها عالية لانها يابانية 100%

ولو رسيت على السيارة انصحك بالفئة ليميتد ولون لؤلؤي رائع جدا وجلد بيج

السموحه طولنا عليك

[القرن الجديد]

الشكر لكم على ردودكم

والله ريحتوني وجزاكم الله الف خير


وصراحة الباجيرو معجبني من زمان وكمان اعجب الوالد جدا

وبالنسية للحجم عادي يعتبر واسع للوالد

اتوقع انه خمس تعشيقات يعني انه خفيف في حركته وكمان مستقل اربع كفرات (اتوقع انه مناسب)

ولي رجعه

لاني مستعجل شوي وتقبلو شكري

[ديجتال]

فعلا سيارة باجيرو سيارة قوية وجميلة ولكن للأسف التعصب وعدم الروية بحيادية وفهم يجعل التجاهل واضح لهذه السيارة .

[HaKeM]

اكثر مايميز سيارات ميتسوبيشي انه قطعها تستحمل الكرف

الي اعرفه عن ميتسوبيشي انه القطع الكهربائية فيها تخرب اسرع من غيرها

اذا كانت السيارة لمهام الصعبة لصحرا ومناطق وعرة فانصحك بيها

اما اذا كانت لخطوط وسفر انصحك باليوكون أو الجمس

تحياتي

[uae speed]

بالفعل السيارة حلوة وخاصة اللون الأسود ، ومحرك 3.8 لتر ...

والشباب قالوا كل شي ما شاء الله وما قصروا ..

بالتوفيق :)

[ديجتال]

http://www.pajero-uae.com/images/0430G209.jpg

اختياري المستقبلي سيكون الباجيرو بإذن الله ، وااشاهد السيارة تستعمل في شركات المقاولات وتكرف بشكل غير طبيعي علي ايدي الموظفين ومع ذلك تدوم .

هذا موقع الشركة لمن اراد المزيد من المعلومات http://www.pajero.com/arabic/top.html

وهذه صور للسيارة :

http://www.pajero.com/resources/desktop/image7_s.jpg

http://www.pajero.com/resources/desktop/image11_s.jpg

http://www.pajero.com/resources/desktop/image5_s.jpg

[abu_nasser]

في البداية اعتذر عن التاخير

و بالنسبة للباجيرو فهو موتر و بصراحه انا اكرفه كرف مو طبيعي و تقدر تقول انه ما فيه رصيف في الرياض ما رقيته فيه موتر قوي

بالنسبة لصرف البنزين اذا كنت تدعس و تسرع فالموتر يصرف :)

لكن الموتر ما شاء الله في الطعوس قوي قوي و اقوى من الاندركروزر بعد (من ناحية الطعوس)

لانه فيه مره بطعس التحدي انا و واحد من الشباب معه لاندكروزر و رقيت الطعس و بكل سهولة و هو رقى لكن بصعوبه شوي :) مع العلم ان معه GXR-J

و عيبه الكبير وكالتهم سيئه و بقوة للاسف

و اي معلومات او استفسار بلغني و باذن الله اذا دخلت سوالف بارد عليك

و اعذرني على التاخير و السبب هو التشفير (على القافيه)

كل ما احاول ادخل سوالف يطلع لي حق التشفير لكني صرت استخدم المقهى بعض الاحيان عشان احل هالازمة

[زورو الامارات]

ماذا عن تويوتا برادو سياره بنفس الفئه وشكل حديث ومحرك اقوى واكبر ولاتنسون خبره تويوتا في مجال الدفع الرباعي يمكن السعر يكون غالي بس سعر تويوتا فيها وقطع غيارها ارخص ومتوفره فكر في البرادو اذا انت في الكويت المتسوبيشي ماشي عندكم لكن في باقي دول الخليج مب مثلكم