ماهو تصرفك عندما تكبس على المكابح بقوة؟

[lumina]

السلام عليكم ورحمة الله وبركاته ..

حبيت أعرض موضوع دار فراسي وقلت أحطيه ..

دام نحن شباب والكل عنده دوام الصبح ولا عنده شغل في بعض مناطق المدن في أوقات الذروة فالمكابح شي ضروري :banana: ..

حبيت أسأل كل واحد منكم كيف يتصرف إذا كان على سرعه عاليه في المدينه ولقا الشارع واقف والمسافه قصيرة نوعا ما ..!! :bomb:

وطبعا في بعض الشباب سياراتهم فيها ABS والموضوع يحمع اللي عندهم ABS ولي ماعنده :cry1:

من ناحيتي انا : أنا أستخدم الغيار العكسي في السيارة طبعا انا عندي الجير اتوماتيك يعني من D لين 2 وعقب 1 .. والله هذي الحركة فادتني كثير لأنه سيارتي وااايد تسحب
(SUZUKI ESCUDO :ranting: ) ... ويله شباب نبا همتكم في الردود . و إذا صار لك موقف حلو عن هذا الموضوع قوله :blink:

[الشبابي]

موضوع حلو اخوي لومينا ...
انا تلقائيا اضرب على الفرامل بأقوى ما عندي وانتظر النتيجة ...
وقد صار لي موقف طريف مخيف ... مرة كنت رايح الجامعة وبالخط السريع كان الشارع في البداية عادي مافيه زحمة كثير وكنت مسرع ... وكنت ماشي على الجزء الايسر ( الكتف ) وكان على يميني اوبل اوميجا جديدة و كنا مسرعين شوي وصدفة ازدحم الشارع وكانت الاوبل ماشية جنبي بالتمام .... راعي الاوبل الظاهر ما كان يطالع على مساره وكان يتفرج على سيارتي او على المباني اللي بالجوانب ... انا ضربت فرامل وهو صدم بدون ما يضرب فرامل حتى ... انا انقهرت لما سوى الحادث لأن الاوبل جديدة وبقراطيسها حتى ان الرجال من القهر نزل وقفل السيارة وخلاها مكانها وراح ....







اخوكم الشبابي

[TOP-SECRET]

اذا كانت السفايف رايحه استخدام الغيار العكسي لكن لو كانت جيده استخدام البريك والغيار العكسي

عشان مايكون تأثير قوي عالسفايف يعني ماتتأثر كثير

ومشكور عالموضوع الحلو

[MuGeN]

أكبس الفرامل و أصمت للحظتين و أشوف الوضع << يجمد :D

[الأنصاري]

ادوووووووس فرامل بكل قوتي وانتضر

ممممم وحتى لو صدمت الي جدامي مو مشكله في العاده سيارتي مايسير فيها شي والي وراي والي جدامي يتكرسون


وحتى لو صار في صدامي شي قيمته في الشركه 300 ريال لوووووووووووول


راعي لاندكروزر لووووووووووووووول

[lumina]

شكرا إخواني على الردود الحلوة .. و اتمنى الأعضاء الآخرين يشوفون الموضوع ويردون عليه.

[SL 65]

اذا كانت السفايف رايحه استخدام الغيار العكسي لكن لو كانت جيده استخدام البريك والغيار العكسي

عشان مايكون تأثير قوي عالسفايف يعني ماتتأثر كثير

ومشكور عالموضوع الحلو

أنا كنت اسوي هذي الحركة و سببتلي فضاوة في الشفت :cry1:
الموتر صار ما ينساق , كنت دايماً أحس بضربة في القير. وديت موتري الوكالة و ركبلي
الميكانيكي واشر في الشقت. و الحمدلله الحين ما فيه شيء.

[Porsche GT2]

انا عندي القير اتوماتيك .. في حالة الوقوف المفاجئ أحط القير على N حتى تقل السرعة ويخف الضغط على الفرامل وطبعاً أدوس فرامل بأقوى ما عندي ..

مسألة الغيار العكسي في القير الاتوماتيك أحس إنها تضر القير مع الوقت والله أعلم

[TOP-SECRET]

أنا كنت اسوي هذي الحركة و سببتلي فضاوة في الشفت :cry1:
الموتر صار ما ينساق , كنت دايماً أحس بضربة في القير. وديت موتري الوكالة و ركبلي
الميكانيكي واشر في الشقت. و الحمدلله الحين ما فيه شيء.

خخخخخخ فضاوه

اقولك عصى القير عندي الحين في القير الثالث تضرب في الطبلون قدام :smart:

والسبب هذي الحركه بس تفيد وقت تكون غافل

والمشكله تعودت عليها اي وقت اجي مسرع وقدامي دوار ارجع نمره

حتى لو حطيت رجلي (تكرمون) مثلا عالكلج والسياره واقفه وحطيت السياره عالقير الثالث

احركه يمين ويسار كانه عالخالي (الفاضي)

[sayedco]

أحط القير على N حتى تقل السرعة

ما فيه فايدة ، يمكن في بس قلييييييييييل

هو في وقت الضرورة ترجع نمرة حل قوي ، لكن مو حق كل يوم لأنه القير يتأثر ، إلا إذا كان قير رايسنغ هذاك ما يتأثر أبداً

بس آنا الصراحة لما أوقف فجأة أدوس بريك حدي ، لكن و الحمد لله الABS مسوي شغل على السرعات العالية

[SLR55]

أنا الصراحة ما أمسك البريك كامل لأن قلبي يعورني على البريكات

عندي كابريس و بريكات الوكالة طبعة مو بريكات زي الناس بس زينة

بس الحينة حطيت درامات DBA إلي تجي ذهبية مثقبة و حال السيارة صارت أحسن ومسكتها أخف وما تدوم السفايف

وأما على القير العكسي ما أنصح في التماتيك بس وقت الضرورة

بس طريقتي في حال السرعة و الوقوف فجأة أمسك بريك و أشيل رجلي و أمسك بريك مرة ثانية

يعني أضغط و أخف لين ما تخف سرعة السيارة


سلاااااااااااااام

[الهاوي جروب]

السياره الي عندي قير عادي صني 99 مقاس الجنط 13 والكفرات الي عليها اصغر شوي

سيارتي تسحب دايم وثباتها قليل وعلى السرعات العاليه في حالت كبستك للفرامل السياره ماتكون ثابته

انا في الغالب انزل نمر عكسيه واحياننا اذا كنت على الخامس انزلها على الثالث وارفع قليل مره من على الكلتش تحس السياره تثقل

وارجعها ثاني عشان لاتخرب

وفي بعض الأحيان اذا كبت فرمل الف الطاره يمين وشمال على بالي الكفر لما يتغير اتجاهه يزيد في تماسكه

فيلسوف الشيخ وهو مو داري بالسالفه

[sayedco]

بس طريقتي في حال السرعة و الوقوف فجأة أمسك بريك و أشيل رجلي و أمسك بريك مرة ثانية

هاذي الطريقة مفيدة ، بس إذا عندك مجال ، لكن احنا نتكلم إذا مسافة قصيرة جداً و بفجأة


على العموم ، هاذي الطريقة جيدة جداً و مجربة لكن الABS مكفي و الله يخليه و يطوره لنا :D

[lumina]

أشكركم شباب على الردود . وكل واحد منا عنده الطرشقة الخاصة به ..

[سدرك]

انطل ووخر عنهم الله يخلي الجلنط

[al3arf]

اما انا معي سياره زي البغل رنجر ديزل 2002 4×4 حدها 140 بالطقاق تجيبها و اذا حصل و احتجت بريك اهز الموتر يمين و يسار راح تخف السرعه + ارد نمره + بريك ...

هذا اللي عندي..

[uae speed]

بالنسبة لي أضغط البريك بقوة وأرفع الهاند بريك شوي وانزله وارفعه وانزله علشان ما يفتر علي الموتر !

مرة كنت اتسابق ويا راعي كامري مثل اللي عندي وجدامي تقاطع اشارات وكانت خضرة ، ومرة وحده أصفرت و احمرت الأشارة وكان وباقي شوي على التقاطع ..

مسكت بريك بقوة ، وحسيت اني بدش في التقاطع .. فرفعت الهاند بريك والسيارة وقفت على الخط مررره ! :D
الموتر اشوي افتر ، بس عدلته :D

و راعي الكامري دش بنص التقاطع ، وحطه ريوس بسرعه ورجع :D
بعدين نزل جامته ، وقال لي كيف قدرت توقف بسرعه ؟ احنا كنا مع بعض !
قلت له الهاند بريك شو خانته عيل ههههه !

واخضرت الاشارة ووجان يدووس من القهر .. :D :D

[الشرار]

والله المواقف معي كثيره منها كنت مسرع على كابرس 2000 امشي حدود 220 طلعو لي سيارتين من تقاطع وصارو قدامي انا قلت الموت ومسكت الفرامل بقوا ما املك من قوه اللي قدام سمع صوت الفرامل والتكبيس قام فتح لي مجال صغير عاد فكيت الفرامل ولفيت السياره ودخلت بينهم مثل الصاروخ

ومره كنت على كامري 2002 امشي 190 بالليل وكنت ماشي على الكتف ما دريت الا واحد راعي كرسيدا موقف بالكتف ومطفي النور مسكت فرامل بقوه ليت ما عدت السياره اللي جمبي بعدين نطلت على الخط بس من جد هذا اصعب موقف قابلني

[lumina]

الحمدلله على السلامه ياشباب .. كلنا نسرع .. الموقف اللي صار معي الله يبعده عنكم .. شوفو شو صار:

الصبح رايح الكلية على شارع المطار في الشارقة طبعا هذا الشارع مشكلة تحصله كم متر فاضي ومرة وحده يوقف من لا شيئ في ذاك اليوم علي إمتحان ومتأخر وكنت مسرع وكنت بالسوزاكي مالي المهم واحد عنده كامري 6 سلندر قام يدوس وياي وانا على الكتف الأيسر وهو على اليمين .. وانا كنت ماشي 130 و لا مرة وحده ربيعي قالي بصوت هادي إنتبه ولا الشارع واقف مايتحرك و دعست على البريك بأقوى ماعندي والسيارة سحبت مسافه طويله وقامت تشاوح من ورا و أرد الغيار إلى 1 لكن ماشي فايده و أحصل لي فجه بين المواتر وأدخل فيها و تعور المدقار الأيمين شويه و VW Golf ماصابها شي المهم راعي الكامري طلع على المنطقه اللي يشتغلون فيها العمال و لف على جمس يوكن وتعورت الكامري شويه .. والحمدلله على كل حال .. طبعا الإطار الأيمن نفد لأنه الوحيد اللي إنضغط عليه أكثر شي ..

[TerroRx7]

ادعس على البريك برجلك و ايدينك و عض عليه بعد :D
و اذا حصل لك اي مجال يمين و لا يسار لا تتردد حتى لو في الرمل
بس لا تحاول تلف اذا ما عندك ABS :D

[HaKeM]

دوس على البريك بكل قوتك

بس أنتبه الي جنبك لايخش في القزاز

مثل واحد خويي كان معايا ومتربع فوق الكرسي وكبست فرمل بكل قوتي طار من مكانه ونزل في الأرضية بين الكرسي والطبلون وماقدر يطلع الا بعد ماوقفت وفكيت الباب (موقف يموت من الضحك)

[غريب السيف]

الصراحه صارت لي عدة مواقف من هالنوع ومعظمها في شارع الشيخ زايد

انا اكبس على البريك بقوة واغير مساري بسرعه اذا لقيت فجه سواء يمين او يسار والحمدلله سيارتي فيها
ABS وقياس الاطارات 18/40/225 يعني الثبات عندي كووووووووول

لكن ابدا ما استخدم الهاند بريك او الغيار العكسي


حاسبوا شباب في السواقة وعن السرعه الزايدة في الشوارع المزدحمه

[lumina]

أشكركم إخواني على المرور وماقصرتوا والله يحفظنا من الحوادث

[SS_Z06]

انا صارلي مقف رهيب
كان الشارع زحمة وانا اتجاوز وفجاة السيدين وقفو ظربت بريك مرة وحدة بس السيارة ماوقفت ويوم شفت اني بدخل في القدامي طلعت عن الشارع وقفت في نص السيارة الى قدامي احمد ربي الف مرة ان مافي رصيف في ذاك الشارع

[مفتاح عشرة]

انا الحمد لله مافي مرة صار لي موقف كذا لأن شوارع الحساء مائاء الله ماتقدر تسرع فيها عن 40 والسبب الحفر والمطبات
يعني يمديك تدق بريك








تحياتي مفتاح عشرة :knight: