استفسار عن جيب رانجلر JEEP ... !!!

[V 12]

السلام عليكم ورحمة الله وبركاته

كيفكم شباب ..

اللي عنده معلومات ويقدر يفيدني بها عن الجيب الرانجلر JEEP كم اسعاره وهل هو مميز في الصحراء وكيف خراباته ..
هل يتحمل الكرف .. مثل جيب التويوتا ..

ولكم مني كل الشكر والتقدير ..

[ra3y_v8]

الجيب رانجلر....
8 سلندر...
كشف واجزاء الموتر تتفكك يدويا وتتركب يدويا مثل..الباب..السقف...وغيره...
4.0 لتر...
سعره...من 75 الف درهم اماراتي الى 85 الف درهم...
يتحمل الكرف ومن افضل انوع الجيب في العالم ......
الامان فيه ضعيف واعتقد البدي مصنوع بماده غير المواد العاديه للسيارات(اخف)
ووفيه مشكله الي هيه كسر الدفريشن....
كثير من الي عندهم ها الجيب يشكون من هذي المشكله....
في بر... :glasses2: ماعليه كلام..

الاستعمال اليومي.....نظرا انه السقف يتركب يدويا فهو غير مريح على الخط(يدخل هواء)
وعن قوه في الشارع فقوته ممتازه :-)



شكرا

[V 12]

شكراً لك اخي .. واثابك الله

V8 المحرك ...!!!؟؟؟

[جداوي كول]

لا المحراك في 6
سته نمر موديل 2006
السقف حقو ينفك حوالي اربعه قطع
دبل
عليه كشافات
سيدي

ووفيه مشكله الي هيه كسر الدفريشن.... كانت في موديل 2000 - 2003
لكن الاغن عدلوها


في التطعيس مافي احلى منو
على ما اظن انو وقفو الصحارا وخلو اسمو الجديد اييغل
مررررررره قوي يقولو احسن من اللي فات
والله انا ماشالله مررررره عجبني
انشالله افكر اطلع واحد
واركبلو سستم وزنون
واشيل السقف واطلع على التحليه
وجنااااااااااااااااااااااان :knight: :knight: :knight:

[ra3y_v8]

المحرك سته سلندر...ونفس اللترات...
هذا موقع بيفيدك عن الجيب وفيه كل المعلومات عنه
http://www.jeep.com/wrangler/

[Mr_CoRvEtTe]

الجيب سياره حلووووة جدا وخاصه في الرمول تستمتع في سياقتها

محركها سته سلندر 4.0

والسياره خفيفه جدا وقوتها ممتازة

ومشكلتها الدفريشن والشافت :headshak:

ولكن صدقني اذا خذيت جيب رنجلر (( نظيف )) عمرك ما راح تندم بالعكس راح ترتاح وايد

[grandv8]

السلام عليكم ورحمة الله وبركاته

اخوي بالنسبة لجيب رانغلر احسن موديلات من 2001 وفوق

وموديل 2005 يفرق عن موديلات القبلية بفرق كبير

اصبح القير العادي من 5 غيار واصبح القير اقوي واحسن من قبل,

نظام تماسك على المنحيات وعدم الزحف.

نظام اغلاق بالمفتاح للوسادة الهوائية وخاصة للطعوس بالبر

وسيارة قوية وخفيفة بالرمل.

وله نظام حماية وسيفتي بداخل السيارة وحتى لو انقلبت.

وتقدر تركب له اكسسوارات واطارات كبيرة .

المحرك اقتصادي وقوي

قطع غيار شوي غالية

بالتوفيق اخوي

[أبوالزين]

حلو , وأحلى جيب بصراحه

4.0 ليتر , 6 سلندر طول عمره

و موديل 2005 إختلفت فيه السرعات من 5 غيارات إلى 6 غيارات.

الدفريشن مشلكه موجوده في الرنجلر القديم, أما من 2004 و فو قعدلوا المشكله.

و إذا بغيت موديل قديم, فركب له شافت نيسان , أو جمس, وايد قوي, ويستحمل.

في الرمل ما في أحسن منه

يجيك أنواع مختلفه((صحارا,سبورت,ليميتد....)) بس الإختلاف في الإكسسوارات, والمكينه وحده

وإذا بغيت في وحده موديل 1992 , صبغة وكاله, أسود, ماشئ 172.000كم, صحارا,للبيع في سلطنة عمان.