تعزيز ...... الإعلان الأخير

[Be Away Of My Way]

السلام عليكم ورحمة الله وبركاته

كيف حال الشباب

أتمنى تكونوا بألف صحة وعافية

هذا الإعلان الأخير عن موعد تجمع شباب الرياض

اللي تأجل إلى الخميس المقبل الموافق 20/4/2006 الموافق 22/3/1427

في العمارية ، شمال مدينة الرياض

وقد قام الشباب بعمل بروفة الخميس الماضي

تجمع فيه ما يزيد عن 20 لومينا SS من النوعين

وحصل بعض القومات اللي سأوافيكم بها لاحقاً بإذن الله

لذلك جرى الإعلان

والله ولي التوفيق

أخوكم :black: مجازف :black:
0559576675
الإتصال للتنسيق في أي وقت من بعد صلاة المغرب

[EL_3grab]

bump :D

[A L H A M O O R]

للرفع ^^^^^^ :-)
لكن ما وضحت المكان بالضبط أخوي !!!
والساعة كم !!!
وياريت تعمل لنا تغطيه للتجمع
وان شاء الله نحاول نحضر

[Be Away Of My Way]

المكان راح يكون في منطقة العمارية

طريق القصيم

مكان معروف وتوجد لوحات إ رشادية لمطقة العمارية

وبالنسبة للوقت

راح يكون تقريباً من بعد الساعة 9 مساءاً

وأنا حاط رقم الجوال للتنسيق في حال حدوث أي تغيير

وتحياتي للجميع

:black: مجازف :black:

[ERT]

بتوفيق :)

[قلق و رجه]

بالتوفيق لكم وبنرسل لكم ناس نعرفهم هناك

[FSM]

ياليت يتم تثبيت الموضوع :banana:

[Genius]

مشكور على التذكير

وإن شاء الله أكون أول الحضور

ياليت يتم تثبيت الموضوع :banana:

[نديم الطيف]

والله ياشباب للحين مادليت العمارية هذي :confused:

اوصفوا لنا باسماء الشوارع لاتقولون شمال الرياض وبس...شمال الرياض قارة بكبرها :D

[sayedco]

ياليت يتم تثبيت الموضوع :banana:


بالتوفيق شباب الرياض

عاد نبي صور و فيدو :knight:

[بو فهد]

نديم الطيف انا مهب من الرياض بس اجيها كثير

على ما أعتقد انك تاخذ طريق الملك فهد (شمال) كأنك تبي القصيم يجيك حي الصحافه والمستشفى السعودي اللأماني على يمناك بعدين عاد مادري :D

بس الشباب يقولون في لوحات تدلك ............والله يوفقكم انشاء الله

[opel005]

وين بالظبط بالعمارية ... اذا طلعنا المخرج وين نروح يمين ولا يسار ؟؟؟؟؟

يمين ينتهي الشارع على طوول وفيه شارع طويل مظلم وغالبا يكون هنا تفحيط وهذا اللي مانبيه الشارع هذاك خاصة يسار الخط طووووووووويل
Be Away Of My Way وين بالظبط ؟؟؟؟؟؟

الشباب اللي مايعرفون العمارية .. على طريق القصيم اذا تعديت المستشفى الالماني ونادي الشباب بتجيك لوحة كبيرة على مخرج مكتوب العمارية واضحه مافيها مضياع

بس نبي المكان بالظبط وين ؟؟

[cruiser2000]

موضوع مهم


للرفع

[Be Away Of My Way]

أخوي opel005 المكان بالضبط ما نقدر نحدده لأن الجو يحكمنا

من ناحية الدوريات الأمنية وغيرة

ولكن هذا أرقام جوالاتي ، ودق على إنت وأي واحد من الشباب وننسق مع بعض

0509662463 0559576675

تحياتي لكم

:black: مجازف :black:

[Be Away Of My Way]

شاركت الخميس الماضي

وراح تشارك باكر بإذن الله

لومينا SS كوبية وعادي

والجديد قادم

http://www.cars-club.com/up/upload/2212.jpg


http://www.cars-club.com/up/upload/20060417(001).jpg

وأتمنى إننا نوفق في هذا التجمع

دعواتكم يا شباب

تحياتي لكم

:black: مجازف :black:

[sayedco]

للرفع

هذا مو تجمع ؟ :blink:

المفروض يتثبت

[bashar_255]

بإنتظار الصور يا بو خلاد :knight:

[opel005]

اشوى اني مادقيت ولا رحت وتوهقت هههههههه :D

Genius التجمع شفه كل خميس يصير على طريق الخرج انا امس رحت هنا من بعد الساعه 12 بالليل يبدون الشباب يتجمعون ولا مواعيد ولا خرابيط كلن يجي على كيفه وتقعد الى الفجر ... تبي تمشي بدري تبي تمشي الفجر زي ماتبي وفيه مقاومات زي ماتبي والشارع وسيع وطويييل بس مشكلته مظلم بس اهم شي الاجتماع وكلن مع اخوياه

يا ادارة تصرفو معه وهق العالم انا ماوهقني ولا الاخ Genius ماوهقه بس يمكن فيه ناس راحو للمكان وتوهقوا :ranting:

[نديم الطيف]

افاااااااااااااااااااااا

وهذي اخرتها :D

بس ياولد ماتدري يمكنهم متجمعين قبلكم ومكفوشين وجوالاتهم مقفلة :D :D

[Be Away Of My Way]

تحية طيبة لجميع الاخوان

التجمع حصل ولله الحمد بعد أن واجهتنا صعوبة مع رجال الأمن

لأن والله أعلم إن عندهم خبر ،،

حضرنا في العمارية وكان فيه شبكة

وذهبا إلى سدودس ،،، ونفس الحكاية ،،، فيه تطويق أمني

ذهبنا طريق الخرج ،،،، وتجمعنا هناك

وتوجهنا إلى المساندة..

أكثر من 45 سيارة

وجميع جوالاتي مفتوحة

والصور والفيديو خير شاهد يامن يدعي أني " سحبت عليهم "


فربما لم تتمكن من الحضور لأسباب أسرية وتريد أن تضع اللوم على الآخرين

ويؤسفني ما تأولته علي يا أخي ،،،

وتمنيت لو أنك تأكدت قبل أن تتفوه بكلمة أو تصدر حكم ..................
رغم كل العقبات ،،،،،،،،،،،،،،،،،

التجمع حصل ولله الحمد في منطقة المساندة بعد أن تجمعنا على طريق الخرج

وكان التجمع من الساعة 12:30 حتى الساعة 4 فجراً

وكان التجمع جداً رائع وشيق.

وسترى بإذن الله تعال الصور هذا اليوم ومقاطع الفيديو ستكون بعد أقل من يومين بإذن الله.

أكثر من 12 لومينا SS من موديل 2003 إلى موديل 2006

موستنج GT 2006
BMW M3 موديل 2003

أكثر من 10 كابرس SS موديل 2004 إلى موديل 2006

أكثر من 5 ألتميات

2 كاميري 2005 معدل

كورولا 2005 معدل

وسيارات أخرى لا من مختلف الفئات

وجميع السيارات المذكورة آنفاً معدله.

أخوي بشار كيف أخبارك ؟

ودي أستشيرك بخصوص فديو القومات

ياليت تدق على جوالي.

ترقبوا الصور هذا اليوم

تحياتي للجميع

أخوك :black: مجازف :black:

[Be Away Of My Way]

وقبل لا أنسى

الأخ opel005

بدل ما تكون محضر خير وتهدي الموضوع تقوم تحط البنزين على النار :headshak:

المفروض تقول حجة الغايب معه ( هذا لو كانت في الأساس غايب )

يقول صلى الله عليه وسلم : ( من كان يؤمن بالله واليوم الآخر فل يقل خيراً أو ليسكت )

كاميرا الفيديو اللي تم من خلالها التصورير تظهر في شاشتها التاريخ والوقت

20/4/2006 يوم الخميس

وهذا كفيل إنه يبطل ما تأوله البعض علي



نديم الطيف أشكرك لك تقديم العذر لإخوانك وياليت الشباب عملو مثل ما عملت

رايتك بيضا أخوي نديم الطيف

وحنا في هذا المنتدى أخوان ، والإخوان يحدث بينهم الخلافات والعتب

ولكن هذا لا يعني أنني أضمر العداء والكراهية لأحد

لأن الموضوع لا يتحمل مثل هذا الوضع بين الإخوان

سامح الله كل من تأول علي ، فنحن إخوان في هذا المنتدى الرائحع

والجميع يتقبل هذا الكلام برحابة صدر

لأني فضفضت شوي :smart:

وتقبلوا تحياتي

أخوكم :black: مجازف :black:

[Genius]

وقبل لا أنسى

الأخ opel005

بدل ما تكون محضر خير وتهدي الموضوع تقوم تحط البنزين على النار :headshak:

المفروض تقول حجة الغايب معه ( هذا لو كانت في الأساس غايب )

يقول صلى الله عليه وسلم : ( من كان يؤمن بالله واليوم الآخر فل يقل خيراً أو ليسكت )

كاميرا الفيديو اللي تم من خلالها التصورير تظهر في شاشتها التاريخ والوقت

20/4/2006 يوم الخميس

وهذا كفيل إنه يبطل ما تأوله البعض علي



نديم الطيف أشكرك لك تقديم العذر لإخوانك وياليت الشباب عملو مثل ما عملت

رايتك بيضا أخوي نديم الطيف

وحنا في هذا المنتدى أخوان ، والإخوان يحدث بينهم الخلافات والعتب

ولكن هذا لا يعني أنني أضمر العداء والكراهية لأحد

لأن الموضوع لا يتحمل مثل هذا الوضع بين الإخوان

سامح الله كل من تأول علي ، فنحن إخوان في هذا المنتدى الرائحع

والجميع يتقبل هذا الكلام برحابة صدر

لأني فضفضت شوي :smart:

وتقبلوا تحياتي

أخوكم :black: مجازف :black:

يأخونا أنا ما تكلمت من فراغ

أنا مسوي زحمة وجاي معي أثنين من أخوياي ومسوي زحمة
منتدانا يبيسوون تجمع وسيارات قوية وفي الأخير ضاع وجهي
دقيت عليك 3 مرات بين 9:30 إلى الـ10 على 0559576675
ولا مجيب .

فلا تلومني أنا من القهر على طول رديت على موضوعك.

وإن كان حصل تجمع في مكان ثاني فأتمنى أنكم أستمتعتوا
لكن أهم شي لا تقول أني أنا ما حضرت فحطيت اللوم عليك

وشكراً..........

[Be Away Of My Way]

أنا حاط لك جوالين

تتبع المقال من بدايته ولاحظ آخر الأرقام اللي كتبتها ( ردي على الأخ opel005

يعني دقت على واحد وما قدت تدق على الثاني ؟

تحية لك

[Genius]

أنا حاط لك جوالين

تتبع المقال من بدايته ولاحظ آخر الأرقام اللي كتبتها ( ردي على الأخ opel005

يعني دقت على واحد وما قدت تدق على الثاني ؟

تحية لك

من المفروض أن الجوالين يكونون شغالين وهذا الرقم أنت مكررة في الرديين
يعني هو الرسمي بالنسبة لك فخذت الرقم معي وأنا طالع