محتار في الsilverado

[UaE Nightmare]

السلام عليكم ورحمة الله وبركاته

كيف الحال اعضااء سوالف :D


باختصار وبدون مقدمات

شو رايكم في silverado

وماهي الانواع المتوفرة فالخليج وخاصة الامارات وكم سعرها تقريبا ؟

اللي اعرفه انه في عدة احجام ومكاين تنزل عليها بس ما اعرف هل تنزل عندنا ولا لا

وشو رايكم في صرفيتها .......الخ :p

هل هي مريحة وعملية ؟

هل الحوض فيها كبير ؟؟

وشو الاحسن هي ولا الافلانش ؟؟

وياريت اللي عنده اي معلومه عنها يفيدني لان ان شاءالله ناويين على وحده



http://www.chevrolet.com/i/06/pic/silverado/photogallery/popup_ext_gallery15.jpg


http://www.chevrolet.com/i/06/pic/silverado/photogallery/popup_int_gallery01.jpg

http://www.chevrolet.com/i/06/pic/silverado/photogallery/popup_ext_gallery28.jpg




وسي يو لييطر


:knight:

[sayedco]

الأفلانش أحلى

لكن السلفرادو أكثر عملية لأنه الحوض فيه طويل و طبيعي "مثل البياكب العادية"

لكن الأفلانش الحوض مثل الكدلك حلو ، و حق تحميل بسيط جداً

المكاين اللي ينزلون على 1500 ، 4.8 لتر و 5.3 لتر

قوتهم في حدود 290حصان

[TOP-SECRET]

الافلانش على ما اعتقد ماينزل الخليج بس تجيبه المعارض

السيلفرادو فيه منه عدة انواع

الجير عادي ينزل عليه محرك واحد بس اللي هو 4.8 فورتيك و 317 حصان

الاوتو تنزل عليه عدة محركات

5.3 و 325 حصان والـ 6.0 فورتيك واعتقد 345 حصان

وفيه نوع ثالث اللي هو 8.1 ويجي اقوى محرك بينهم اتوقع 370 حصان بس مانصحك فيه

ثقيل في القومه ويصرف كثير

انصحك في الـ6.0 فورتيك هو افضلهم بالنسبه لي واقواهم

فيه 1500 ينزل عليه بس 4.8 و 5.3

فيه 2500 هيفي ديوتي وينزل عليه 5.3 و 6.0

وفيه الـ 3500 ينزل عليه الـ 8.1

الحوض الخلفي يختلف من الاربع ابواب حوض طويل وفيه حوض وسط

والسعه على حسب استخدامك اخوي,وهي عمليه اكثر من الافلانش

الاسعار تتراوح من 110 الاف وطالع

بالتوفيق

[EL_3grab]

تبى ترتاح نفسيا مع السيارة وبأذن الله ماشي خرابات ..

خذلك الـ6.0 مع قير الـ4L80E .. هالقير بيستحمل العزم أكثر عن اللي أيي مع الـ5.3 ..

عندك أختيارات واسعه جدا في الأحجام .. باب وسطحه طويله .. بابين وسطحه طويله باب ونص وسطحه طويله .. وعندك السطحات الأقصر ..

يعني أنته تعرف شو داماتك للسيارة وشوف اللي يناسبك ..

السيارة جمس يوكون من الداخل .. يعني معروفه ..

سلامي

[UaE Nightmare]

sayedco
+
TOP-SECRET
+
EL_3grab


اشكركم اخواني على التعقيب

انا السطحه مهمه عندي جدا

يعني ابيها 4 ابواب وسطحه كبيره :-)


انزين لو قارنتها بالجمس سييرا شو الافضل ؟

شو تنصحون :think:


ادري اسئلتي كثيره بس تحملوني حبتين :D




سي يو لييطر


:knight:

[UaE Nightmare]

صحيح نسيت شي

هل راح تتغير اشكالهم ؟؟ :confused:

[الشبابي]

اخوي UAE NIGHTMARE ...

معلومة تفيدك .. لو انت تبيه لخطوط وطلعات بر فأنصحك بالجير العادي .. لأنه عن تجربة اقتصادي جدا ...
واعتقد المستعمل اقل من 90 الف درهم ...








اخوكم الشبابي

[EL_3grab]

السييرا بنظري أحلى .. :-)

هم متشاركين في كل شي الا الواجهه ..

[Crower]

اولا عندك 3 انواع للسيلفرادو:
1: شاصي 1500 ,مثالي للاستعمال اليومي, يتوفر عليه 4.8 ليتر و 5.3 ليتر و المحرك الاول يتوفر بجير عادي 5 سرعات للستاندر بدون مواصفات ( في امريكا يتوفر هالشاصي بعد بمحركات 6.0 على الاس اس و على الفورتيك ماكس) كلهم يتوفرون بجير 4L60E.

2: شاصي 2500 نفس اللي انته حاطه في الصورة, يتوفر بمحرك 6.0 و جير 4L80E و يتوفر بمحرك 8.1 و ديوراماكس ديزل 6.6 كلهم بجير اليسون ( اقوى جير على السلفرادو) ز كلهم يتوفرون ايضا بجير عادي 5 غيار بس العزم اقل)

3: شاصي 3500 او دبل تاير مثل ماهو معروف, نفس مواصفات شاصي 2500 بالضبط.

كل السيلفرادو مواصفاتهم الخارجية باب واحد او باص و نص او بابيبن, و حوض قصير و عادي و طويل و ركب على كيفك اللي تبيغه, شاصي 1500 يتوفر بحوض مخصر على زد 71 عندنا في الخليج بس على كبينة و نص حوض قصير و قبل كان على الباب بس وقفوا تصنيعه.

[Crower]

عيل اللي تبغيه انته هو شاصي 2500, في وكالة بن حمودة بابين بدي قصير ( ماعتقد تحتاج بدي طويل, القصير اكثر عن كفاية و بعدين السيارة بيطول طولها معقول تقدر تسوقها في المدينة ) ال 6.0 فل بدون جلد ب 108000 درهم و الديزل ب 125000 و 8.1 ماشي عندهم هالدفعة غير باب واحد بدي طويل و سعره 100000 درهم

[UaE Nightmare]

الشبابي

مشكور اخوي

ونعم نباه حق خطوط وطلعات بالنسبة للمستعمل ماعندي فكره عن اسعاره





EL_3grab

حتى انا بعد السيرا شكلها احلى وصدق كلامك اكتشفت انهم متشابهين فكل شي ماعدا الواجهه





Crower

مشكووووور اخوي على المعلومات ماشاءالله عليك احسن من مسؤول المبيعات الي شفته

اليوم :headshak: بس غريبه انا قالي مسؤل المبيعات ان سعرها 115

المشكله مايفهم مايعرف الا دبل كابينه ولا نص كابينه :ranting:



على العمووم اشكركم كلكم على تفاعلكم وياي

بالمناسبة انا اليوم خطفت على المعارض وشفت النيسان التيتان والتويوتا التندرا

كل وحده احلى من الثانيه بس المشكله سعرهن غالي 150-140 :blink:

ومن دون ضمان بعد !!!


وبعدين خطفت على وكالة النيسان وشفت الفتك خخخخخ ولعبت فراسي وخربطت افكاري :shy:

:D




سي يو لييطر

:knight:

[TOP-SECRET]

اخوي فيه في معرض عندنا في قطر تيتان 2005 اسود فل اوبشن باب ونص :D وماشي 12 الف ومطلوب ب 98 الف

السعر غالي وايد

[bohusni]

مالك غير انك تروح الوكالة وتستفسر

وعلى فكرة في شباب معانا في المنتدى بجيبوا هالسيارات من امريكا

شوف كلمهم

[Nas1]

ربيعي من كمن يوم حجز سييرا كبينه و نص,, اعتقد اسمها z71

طلعت عليه بـ 99,900

الكراسي نص تماتيك,, و من الداخل مخمل ,,

مع الجلد بتطلع عليك بـ 105 الاف


المحرك 5,3,,
مع محرك الـ 6.0 السعر بيكون 111 الف تقريبا و هذه اسعار الكندي للسيارات

[Nas1]

هييه صح,, بالنسبة للصرفية

ربيعي الثاني,, "الي ياب لنا عدوى الجمس"

يفول في سيارته بـ 150 درهم و تمشيه تقريبا 600-650 كيلو في الظروف العادية و بدون مداعس, و مكينة سيارته 5,3

[uae speed]

حيالله وليد ، وين هالغيبات ؟

شوف بالنسبه لي أفضل الجمس سييرا 3500 دبل تاير ، بس اعتقد شكله بيتغير في 2007 أو 2008

شوف الصوره :

http://www.swalif.net/sforum1/upload/22490_103274329.jpg

حياك وليد ولا تقاطع :)

[Nas1]

uae speed

الدبل تاير زين حق القلص,, لكنه موووووووووووول مب عملي

يدي كان عنده واحد و باعه عقب شهر و خذا جمس 2500 بمكينه 6.0 ,, كان يستخدمه حق البحر و حق سيرات خصب

لفته واااااااااااايد عوده,, الى درجة انه مرات يوم يرجع U turn يضطر انه يرد ريوس عشان يعدل السيارة :ranting:

كانت صدق فضيييييييعه :blink:

لكن كـ قوة في القلص, بصراحه لا يعلا عليها

[زورو الامارات]

السلام عليكم ورحمة الله وبركاته

شباب ابغي استفسر عن ال 6 لتر على السلفرادو كيف استهلاكه من البترول ؟


اعرف واحد عنده سوبربان شفر 6 لتر يقول لي استهلاكه معقول جدا

وعلى الخطوط احلى واحلى


ابغي تأكيد من الحلوين

[EL_3grab]

أنا حلو .. :D :D :D

شوف يا عزيزي ..

الـ4.8 والـ5.3 والـ5.7 والـ6.0 .. كلهم بلوك واحد (مع أختلاف المواد)

شي طبيعي الصرفيه تزيد تدريجيا من الـ4.8 للـ6.0 .. السعه تزيد .. الصرفيه تزيد .. القوة تزيد .. والعزم يزيد .. :D

بس بشكل عام صرفية المكينه بتكون حلوة ..

والصرفيه والله أولا وأخيرا تعتمد على رجل السايق .. أذا حافظت على سواقتك تحت الـ2000 بتعيش متنهي .. وكل شي بيطول معاك .. يعني بالمدينه لا تطوف الـ60 .. والهاي وي لا تطوف الـ100 ..

ونشوف راي المجربين لو كانوا موجودين ..

[قلق و رجه]

هلا بوليد


يا رجال خلنا نشوفك واعطيك شرح كامل عن كل شي تبغاه

وانشالله افيدك

[زورو الامارات]

بوزياد ماعندك فكره عن استهلاك البترول فيه ؟


ياليت لو تفيدنا شوي عن تجربه

[قلق و رجه]

هلا خالد

اللي عندي اليوكون ال 5.3 اللي بيكون على ال1500

98 لتر واعبيه فل ويمشيني في المدينه ما بين 450 الى 500

ولا تنسون فرق الوزن بيني وبين الحوض

وفي الخط يكون تقريبا بين 500 الى 600 وطبعا على حسب رجلك

وبالنسبه لي رجلي ثقيله والسياره تساعد

وفيه مره ابوي عبى السياره فل بعد حدود الاردن ويقول كنت مثبت السرعه على 100 وبدون مكيف ومشاه فوق 750 قبل ما يولع ليت البنزين

بس طبعا محد من الشباب بيمشي بهالسرعه

بس السياره عمليه لاخر حد وصرفيتها ممتازه جدا ك 8 سلندر وخاصه اذا قارنته بسيارات نفس الفئه

[زورو الامارات]

ماشاء الله تبارك الله


امم اتوقع البيك اب صرفيته اقل خصوصا انه اخف وزن من اليوكن

الله اعلم

[UaE Nightmare]

السلاااااااااام عليييييييكم



:D



اسمحولي تعبتكم وياي يا شباب بس احم


خلاص ماشي سلفرادو


حصلنا بديل



والبديل هو .................




http://www.swalif.net/sforum1/attachment.php?attachmentid=5682&stc=1


:shy:






سي يو لييطر


:knight:

[TOP-SECRET]

ونعم الاختيار :D زقرت :D

[قلق و رجه]

خخخخخخخخخ

الحين بعد هذا كله غيرت على :sss:


الله يهديك بس :D

[gamballa-qtr]

بديل تعبان حق عوار الظهر

[EL_3grab]

البو شنب مب عملي لسيارة كل يوم .. والزحمه .. والصرفيه بعد ..

تانكي البو شنب يتعبى بـ250 .. :D :D

[الشبابي]

الله يعين ظهرك عليه .. كان عندنا واحد 2002 وبعناه .. ما ادري وش عاجب الناس فيه ؟؟ والله يعينك على الصرفية ....... لكن يالله عاد بالبركة ..










اخوكم الشبابي

[Nas1]

الـ بو شنب "الكروزر" انقرض في دبي و الامارات الشمالية :sleep:

نادر انه نشوفه في الشوارع, اغلب الناس الحين ياخذون جمسات لأنها عملية اكثر و بسبب توفر كل انواع التزاويد في الوكالة ( من الفلتر الى السوبر جارج)

[الهاوي جروب]

والله زقرت وابضاي


شاص ولما تلقا منه 8 سلندر فظيييييع لكن الله يعينك على التنقيز

[cruiser2000]

ياريال ليش خذته

الله يهديك بس

الكروزر صرفيته بتلعوزك انا معاك انه قوي ووقت القلص قوي بعد من تجربتي له
بس شوف ترا قطع الغيار متوفرة عادي والسيارة تتوفر بقير عادي

بس الله يعينك على صرفيت وتراه مب مريح

بس انت ما قلت انك تبي 4 أبواب ؟

الكروزر مب وسيع من داخل يكفي حق 2.2 اشخاص الاب الام ولدهم الرضيع ( :D )


والمكينة 230 حصان انجكتر و 4.5 لتر !!!!!


لو خذت السلفرادو على الاقل صرفيته أفضل بوايد مرة

ووسيع من داخل خاصة لو تاخذ كابيه ونص مع بيك اب طويل

ربيعي عنده سلفرادو موديل 2004 ولا اشتكى منه تمام التمام


بس دامكم شريتوا الكروزر مبروك عليكم والله يعطيكم خيره ويكفيكم شره ان شاء الله