ايــــــه هيــــــــــــن!!!

[wildorchid]

ايه هين,,أو ايه طيب..
جملة نستخدمها وان كنا نستخدمها باحيان متفاوته بين شخص
وآخر..
هذه الجمله..أو المصطلح تدل على عدم التصديق..
قد يطلقها شخص للدلاله على عدم تصديقه لما يقال حوله..
أسبابها؟
أما لأن المتحدث أو القائل يتكلم بشيء غير معقول..أو مستحيل
الحدوث على الأقل بالنسبه للسامع..
أو لأن المتحدث فقد مصداقيته..
بمعنى انه يقوم بعمل يناقض ما يتكلم عنه أو مايعد بتنفيذه..
ولكن هل سيبقى عديم المصداقيه امامنا؟


وبس

------------------
دع الزهور من كل لون تتفتح
ماوتسي تونج

[الحفار]

هلا اوركيد

حنا عندنا نقول
((ايــــه حــط بالــخـــرج))

وتدرين هذي كلمة طيب

ما احبها بالمره احس ان فيها امتعاظ من الرد

ويمكن يقولها لي حتى يقهرني خصوصا اذا عارف ان هالكلمه تنرفزني

وعلى ما قال الشاعر
هين هين يالضبان
وهو يقصد يصير خير
او الوعد قدام
او ان ماعندكم سالفه خصوصا انه قالها بعد ما علقهم على الحبل

.....الظاهر اني خبصت الدنيا على بعض .....

.
.
.
الــــحـــفــ مهو عارف وش يقول ـــــــار

[ma3gool]

اييه كثري منها... :)

معلومه حلوه...(صدق انك فاضيه :))

الحفار...وش امتعاظ!!!!!.. :) :)

------------------
كل شي معقول

[دكتور / مجنون]

:)

طيب
و بعدين ................. :)

------------------
خلوني ياجماعه اضحك لحالي***وإن قلتوا يامجنون ياناس مجنون
سبة جنوني واحد كان غالي***راح وخلاني معذب ومحزون

[wildorchid]

الحـــــــــــــــــفار,,
وهي تقهر بعقل؟؟؟
لا انت ماخبصت الدنيا..
تعرف؟
الكلمه هذي احيانا تقولها عادي..بس لما تنقال لك ودك ترمي نفسك..
وخصوصا لما تكون متحمس جدا وقاعد تحكي..
وبكل برود يرد عليك ب" طيب" والا "وبعدين؟"
احيانا نستخدمها عشان "نقهر" الطرف الآخر..ماهو لان موضوعه مايستاهل
أو انه كله كلام..
ولكن احيانا كثيره..وخصوصا مع ناس صارت لنا مواقف معاهم تثبت انهم
ماهم قد اللي يقولونه..يصير لما نسمعهم يرددون نفس الكلام نشعر بالملل
نحس انهم ناس غير مسئوله عن الكلام اللي تقوله..أو حتى المشاعر اللي هم يعطونها..
وتعرف متى تكون مؤلمه..
لما تنقال لك وانت بالفعل صادق..وقالها شخص عمرك ما خذلته


معقول
الحمدلله على الســــــــــلامه :) :)
اسفرت وانورت :)


دكـــــــــتور :)
ولا قبــــــــــــــلين,,
تستخدم وبعدين كوسيلة لتكسير المجاديف احيانا واطفاء الحماس,,
الحماس من التحمس وليست منظمة المقاومه الفلسطينيه :)

[القط الوردي]

ابه هـيـن....
طــــيــب....
ضيفوا لهم وللاسف كلمة
انشاء الله ...
اللي صار البعض يستخدمها للدلالة
على عـدم الالتزام , انسان عزيز
على نفسي قال لي ان ابنه البالغ من
العمر اربع سنوات لمايقولون له على
اي موضوع يريده انشاء الله يقول لهم
لا ماهو انشاء الله قولوا خــلاص يصير.
________________________________
يامدور الــهين تـرى الكايد احلى
اســأل مجــرب كايدات الظــروفـي
________________________________

------------------
مشـكـلتي انــي ما أفهــم

[b]<small><small>[ تم تعديل الموضوع بواسطة &nbsp; القط الوردي &nbsp; يوم &nbsp; 24-06-2000]

[wildorchid]

اهلين القط الوردي..
تصدق..فعلا ناس كثير صاروا يستخدمون كلمة انشالله
وبطريقة غريبه..
صاروا يقولونها عشان يتخلصون من الالحاح والتملص
من اي موضوع..
بزعمهم ان انشالله راح ترضي الجميع..
ويا حليل ولد صديقك..
ماقلت لك ان الاطفال اذكى مخلوقات الله :)

[wildorchid]

هالمرة انا ودي اقولها..
والسبب ان فيه شخص ماني قادرة اصدق كلامه..
لان مواقفه تثبت انه ابدا ماكان جاد..
مو معقوله هلنوعيه من بني آدم......