سوالف للجميع - شنو الإعتراض على اسمي؟؟؟؟

المعشوقه

10-08-2000, 06:28 AM

اعزائي

بعدما قضيت سنتين في سوالف من بدايه افتتاحها
بعدما عاصرت تطوراتها وتوقفها واعطالها
بعدما حبيت اعضاءها خاويتهم
بعدما صار عدد مواضيعي 1142
بعدما صرت عضو فعال
بعدما قضيت احلى وامتع اوقاتي معاكم

يقولون لي وبالحرف الواحد
:
:
:
:
:
:
:
اسمك ( المعشوقه)
اسمك مو زين بالحيل
ولما قلت لهم ليش
اسمي لما حطيته كنت اقصد فيه الحبيبه او المحبوبه مو اكثر ولا اقل
قالولي
انه المعنى يختلف

جيت اسألكم لأني اثق فيكم
هل كلامهم صحيح؟؟؟؟؟؟:(
وشنو الإعتراض على اسمي؟؟؟؟؟؟؟:(

http://www.harrythecat.com/menu/scream.jpg

LEENA

10-08-2000, 06:52 AM

اسمك مافيه اي شي ......

بلعكس هذى الكلمه تتكرر كثير في

الاشعار الموجوده في سوالف ..... ليه ما انحذفت

بعدين منهم الي قالولك ......

القط الوردي

10-08-2000, 06:55 AM

هـلا والـلـه بالمـعـشـوقة ....
وش فيه اسـمك حلو ويـجنن وفيه نرجسية..
والعـشــق = اعـلى مـراتب الحــب
وعـن نفـسي احـب اسـمك واحـب صورتـك
واحـب شخـصيتـك المتـمردة :)
وبعدين حنا بـجد نعشقك لانك اخـت وغالية
صحيح لك بعـض الطوشـات لكن تبقين معشوقة:)

المعشوقه

10-08-2000, 07:04 AM

من هم الي قالولي
ما اقدراقول بس هم اكيد اكيد بيقرون هالموضوع
وعلى فكره هم قالولي خلي اعضاء سوالف حكم
وانا خليتكم حكم
أشكرج لأنج رفعتي من معنوياتي
واشكرك على ردج على الموضوع
أكيد ردج شي مهم بالنسبه لي
مع حبي

المعشــــــ http://www.harrythecat.com/menu/scream.jpg ـــــوقه

المعشوقه

10-08-2000, 07:10 AM

أشكرك يا خوي
بس والله هاذا الي انقال لي

أشكرك يا خوي
والله انا بعد احبكم اخوان عزيزين والله
والله اني قلت لهم ان العشق هو من الحب
قالولي لا
العشق شي غير
ولا فهمت قصدهم

والله كلامهم اثر فيني
أشكرك يا خوي على ردك
آنا لي طوشات؟؟؟؟؟؟؟؟؟؟
مو مشكله
يقولون
لكل جواد كبوه
صح؟؟؟
أشكرك ياخوي
وخذ
هاذي
إلك
http://www.harrythecat.com/menu/scream.jpg

المعشــــــ http://www.harrythecat.com/menu/scream.jpg ـــــوقه

شوك

10-08-2000, 09:13 AM

هو مو على الاسم والمثل يقول لج :

لبس الخنفسعه تبقى ست النسا!!

.
.
.
.

شـ ـ يحمي الورد ـ ــوك

الجمل

10-08-2000, 09:19 AM

انا اشوف اسمك ممتاز وحلو
وحمكي نفسك قبل كل شي

نملة

10-08-2000, 09:48 AM

اسمج... شفيه؟؟

ما اشوف فيه شي :)

بس اللي قالوا لج..ليش ما قالوا قبل سنتين؟؟

ولج تحياتي اختي المعشوقة :)

هفوف الخواطر

10-08-2000, 11:02 AM

إسمك صراحه يا المعشوقه ..... يمكن حلو ويمكن مب حلو

فكري فيه جيداً فله عدة معاني وكل شخص ممكن يفسر على كيفه

فالأشخاص الطيبين او الذين ما يفكرون في أشياء ثانيه ، يعتبرونه

إسم عادي ، والأشخاص الثانيين يعتبرونه مب حلو وعيب .

لكن إذا انت معجبه فيه ، فلا تسمعي كلام حد

BRABUS

10-08-2000, 03:06 PM

ماشالله اسمج واايد حلو

وما عليج من كلام الناس خلي كل واحد يفهمها مثل ما يبي

اشلج فيهم المهم انتي شو نيتج من هالاسم وووووووووبس :)

نور

10-08-2000, 03:23 PM

على فكرة . . .

أنا قليلة المشاركة هنا . . .

واسمحي لي أن اشارك في الموضوع . . .

قد يكون رأيي هذا لا يعجب البعض . . .

ولا يجد له مؤيدين . . .

ولـــــكـــــن . . .

أنا متأكدة أنك ستفهمين جيدا ما أقصد . . .

أختي الغالية . . .

نحن هنا لا نضع أسمائنا الحقيقية ولكن نتعامل مع بعض بالأسماء

المستعارة . . .

فأنا لا أعرفك إلا بالإسم . . .

وربما تتفقين معي في نقطة وهي . . .

أن الإسم يدل على الشخص الذي يحمله . . .

ولنعطي أمثله . . .

مثلا : عندما أجد اسما مستعارا كصدى الحق . . .

أكون على يقين تام أن هذا الشخص له رسالة قيمة كريمة يريد أن يوصلها من خلال تواصله معنا . . .

ونتأكد من ذلك عند قرآة مواضيعه بالفعل . . .

وكذلك الحال بالنسبة لبعض الأسماء أخرى من مثل : سائحة أو جيون

أو مسلمة . . .

ولا أريد أن أضرب أمثلة لأسماء مستعارة تعطينا رؤية ضبابية

لهدف أصحابها من وراء هذه الأسماء . . .

والآن أختي لو لم تكوني صاحبة هذا الإسم . . .

ووجدت عضوة بهذا الإسم . . .

( تخيلي ذلك ) . . .

قد يتبادر إلى ذهنك : سؤال ما هدف هذه الفتاة من كتابة هذا

الإسم ؟؟

أهو فقط مجرد اسم ؟؟

هل تعين أختي ما قد يلقيه الشيطان في نفوس الكثير ممن يقرأون

مواضيعك ، وهي مذيلة بهذا الإسم ؟!!

أرجو منك تقبل مشاركتي هذه بصدر رحب . . . :)

والله من وراء القصد . . .

شرخشين2000

10-08-2000, 04:31 PM

لا تخلّين للعذال فرصة يتهكموا عليك ،،
اسمك مرررررة حلو ،،

يزيد

10-08-2000, 06:32 PM

ا ل م ع ش و ق ه...........
انا اتفق مع ما ذهبت اليه الاخت / نور
بالنسبه للاسم فمهما كان نحن العرب نتعامل مع الاشياء حسب فهمنا لها ........ وانا بحكم اني جديد على سوالف كنت افكر كثير في اسماء الاعضاء وتطابقها مع ما يكتبون حتى قبل تسجيلي في سوالف .
ولكن هذا لا يعني اني ضد اسمك او سم اي واحد من الاعضاء فهم من اختاروا هذه الاسماء لانفسهم ويعلمون اذا كانت تنطبق عليهم ام لا.
ولو لم يراودك شك في اسمك لما استشرتي احد .... فهمتي قصدي ...وانا لو كنت مكانك وكنت مقتنع باسمي لما اهتميت باراء الاخرين . طالما احس ان هذا الاسم يمثلني فعلا" .
ارجو ان تتقبلي كلامي هذا برحابة صدر .........

marwah

10-08-2000, 06:52 PM

المعشوقة
اللي عاجبك سويه خاصة اذا كنتي انتي مقتنعة فيه
وماعليك من هلوسات الناس

منال

10-08-2000, 07:07 PM

اسمج ما اظن انه مناسب

بس اذا كان يناسبج ما نقدر نقول شي

:)

المعشوقه

11-08-2000, 05:36 AM

بصراحه ما فهمت معنى ردك؟
ما ادري نان ما فهمت ولا هو مو واضح
ياريت توضحين شوي :)

مع تحياتي وشكري
المعشــــــ http://www.harrythecat.com/menu/scream.jpg ـــــوقه

المعشوقه

11-08-2000, 05:42 AM

أشكرك على ردك ومشاركتك

يااخي والله انا محكمه نفسي اكيد يوم اخترت الاسم كنت مقتنعه فيه بس كثر ما سمعت والله صرت اعيد التفكير فيه

وتحيّرت
وقلت من لي غير اخواني بسوالف يرشدوني ويعلموني اذا كان اختياري صحيح ولا لا

اشكرك اخوي من كل قلبي

المعشــــــ http://www.harrythecat.com/menu/scream.jpg ـــــوقه

المعشوقه

11-08-2000, 05:57 AM

شخباركم حبايبي ؟
والله ما ادري شقول
أشكركم على ردكم ورايكم

برابوس
اشوفك تهددنا
ش السالفه؟؟؟؟؟؟؟؟؟

نمله تعالي بقول لج شي في اذنج
ترى برابوس................................................

عرفتي؟؟؟؟؟؟

خلي بالج

مع حبي لكم
المعشــــــ http://www.harrythecat.com/menu/scream.jpg ـــــوقه

المعشوقه

11-08-2000, 06:03 AM

في مثل خليجي يقول
كلن يرى الناس بعين طبعه

ولني يوم حطيت اسمي توقعت الناس تفكر فيه بنفس تفكيري
تفكير بعيد عن اي شي دنيء

بس شسوي ؟؟:(

على العموم اشكرك حبيبتي على ردك والله انه اثلج صدري

مع تحياتي
المعشــــــ http://www.harrythecat.com/menu/scream.jpg ـــــوقه

المعشوقه

11-08-2000, 06:16 AM

أشكرك على مشاركتك

بس احب اعلق واتمنى تفهميني صح

الواحد قبل ما يسوي اي شي يفترض حسن النيه
ان الطرف الأخر بياخذ هالشي بحسن نيه
وهاذا الي انا توقعته من الناس حسن النيه ونظافه التفكير

عزيزتي
كل شي لو ننظر له من ناحيه شيطانيه بنحصّل فيه الف شي غلط ومعيب
بس لو نحن صفينا النيه ونظفنا تفكيرنا بنلاقيه ولا اروع من كذا

بس حبيت ابين لك فكرتي
مع احترامي لك

المعشــــــ http://www.harrythecat.com/menu/scream.jpg ـــــوقه

المعشوقه

11-08-2000, 06:21 AM

اشكرك من كل قلبي والله
اشكرك على ردك وعلى خوفك ان احد يتهكم على
انا والله اعتربكم اخواني
واحب استشيركم في كل شي
يعني لو الإنسان تحيّر في شي وين يروح
يروح لأخوانه
وانا جيتكم اسمع منكم تسمعوني مني
مو بس عشاني
عشان إلّي قالولي يقتنعون ويشوفون رايكم

مع احترامي
المعشــــــ http://www.harrythecat.com/menu/scream.jpg ـــــوقه

المعشوقه

11-08-2000, 06:30 AM

بس احب اقول لكم شي واحد احنا مو عايشين بروحنا
عايشين بين ناس
حتى لو كانو هالناس مجرد اسامي مستعاره

واكيد انه يأثر بنفسيتي لوان حد اختلفت معاه باي شي يقوللي روحي شوفي اسمك( في بنت محترمه تحت هالأسم)

فعلا هالشي يسد نفسي ويخليني اكره الساعه الي دخلت فيها النت
أحنا بشر
الكلمه تأثر فينا حتى لو كانت كلمه مكتوبه بعد نتاثر فيها

ولهذا السبب حبيت استشيركم
مثل ما يقولون
four eyes see beter that two eyes

مع احترامي وشكري لكم

المعشــــــ http://www.harrythecat.com/menu/scream.jpg ـــــوقه

المعشوقه

11-08-2000, 06:34 AM

أشكرك على مشاركتج ولوانج كنتى وايد محايده
يعني ردج كان رمادي
بعد مشكوره
المعشــــــ http://www.harrythecat.com/menu/scream.jpg ـــــوقه

شوك

11-08-2000, 09:06 AM

مدمزيل / معشوقه

اولا :

انا انا رجااااااااااااااااااااال ياهووووووووووو !!

وحاطط اسم اقشر ...

شــوك : الصدمه الكهربائيه !!

((((((( Shock 240 Volt )))))))

ثانيا :

الي ابغي اقوله معشوقه ، محبوبه ... مسـتانسه ... الخ هذه

اسامي فقط و الي راح يفسر اسمج هو نوعية واسلوب كتابتج !!

.
.
.
.

شـ ـ دكتور نفساني ـ ـــوك

مجروح

11-08-2000, 06:07 PM

هلا المعشوقة .

شوفي اذا تبين الصدق فأنا رأيي من رأي الأخت نور الله يعطيها العافية قالت لكِ بكل صدق اللي في قلبها ومن واقع حرصها على مصداقية الكلمة ومراعاة الله فيها .
واذا تبين المجاملة مثل البعض فترى اسمك ممتاز ولا يدعو الا للصداقة والاخوة والمحبة وهو احلى اسم .

يامعشوقة والله احترامي لكِ هو اللي خلاني اقول رأيي ـ لاتزعلين .

تحياتي .

المعشوقه

11-08-2000, 06:09 PM

اسفه والله اتحسبك بنت
شسوي؟؟؟
العتب على ال............

اتمنى تكون قبلت اعتذاري؟؟:(

الحين فهمت معنى كلامك
اشكرك على الرد والمتبعه
وكلامك 100% صحيح

مع احترامي

المعشــــــ http://www.harrythecat.com/menu/scream.jpg ـــــوقه

سفير الحب

12-08-2000, 01:38 AM

وجهة نظر وماعليك من احد :)

عسل

12-08-2000, 02:23 AM

وخصوصا حركة الفم... تدوخ (عسل انصرع)
--------
عســــــ تبين معسل ـــــــــــل

المعشوقه

12-08-2000, 02:46 AM

اشكرك يا خوي على ردك
بقول لك مثل ما قلت لنور
اني قدّمت حسن النيه وما كنت متوقعه حد بيصدمني بهالكلام
شسوي؟؟؟؟؟؟؟؟؟

يمكن هاذي غلطتي
اذا كنت انا غلطانه
اقول
أسفه
أسفه لأني ضنيت في الناس حسن النيه

I'm Sorry

مع شكري
المعشــــــ http://www.harrythecat.com/menu/scream.jpg ـــــوقه

المعشوقه

12-08-2000, 02:49 AM

اقول لك مثل ما تقول احلام
وش فيك غايب طعنت القلب بغيابك

وين هالغيبه؟؟؟؟؟؟؟؟؟؟؟؟؟؟

اشكرك يا خوي على ردك
ادري انها وجهة نظر بس اثرت فيني وايد

يعني رايك اني اطنشهم؟؟؟؟؟؟
بفكر جديا بهالموضوع

أشكرك يا خوي

المعشــــــ http://www.harrythecat.com/menu/scream.jpg ـــــوقه

المعشوقه

12-08-2000, 02:51 AM

انت بعد مثل القطوووو
مهووسين بالصوره

الله يعينكم

المعشــــــ http://www.harrythecat.com/menu/scream.jpg ـــــوقه

القط الوردي

12-08-2000, 06:37 AM

كــــأني ســـمـعـت أسـمـي :)

Miss Internet

12-08-2000, 01:04 PM

والله ما أعرف شو اقووولج اختي تراني مستحيه اقول كلام ما يرضيج على اسمج و انتي مدحتي اسمي (أو النيك نيم مالي)

شفتي عـاد http://www.swalif.net/sforum/images/icons/icon11.gif

بس انتي طلبتي كل حد يشارك وأنا حبيت أشـارك وأرد عليييح

أنا صراحة ما أرتحت لاسم المعشوقة أول ما شفته
بس يوووم شفت ردودج وطريقة كلامج خليتيني أحس انه في فرق بين الاسم والمشاركـات

وعن انه المعشوقة هي نفسها المحبوبة
فيه فرق اختي :)

حتى روووحي شوفي المعنى في أي معجم عربي
( يالله درس عربي الحين ) :)

لو بتغيرين الاسم أو حتى ما بتغيرينة كله واحد عـندي والله
..المهم انشوووووف مواضيعج الحلوة

وبس :)

ترا أنا كلامي (مب سيييدة) على قوولت البتان عشان أنا خايقة أزعلج :(

الزعل مرفووووووووووض .. okaik ?
yallah Say CheeZzZ & Smile

:D :D

المعشوقه

12-08-2000, 09:36 PM

صج انك قطو
حاسه الشم عندك واااااااو

المعشــــــ http://www.harrythecat.com/menu/scream.jpg ـــــوقه

المعشوقه

12-08-2000, 09:43 PM

حبيبتي

اولا اشكرك على صدقج وياي

ثانيا ما اعتقد انه في حد مجبور يجاملي يعني الي قالو انه الأسم عادي ما اعتبرهم يجاملوني
لانهم مو مجبورين يردون ولا مجبورين يجاملون

ولا اعتقد انه في حد ممكن يجامل على حساب مبداه :):)

عزيزتي اشكرك على ردك وصدقني اني باخذ رايج بعين الإعتبار

مع تحياتي واعجابي ب your nickname

المعشــــــ http://www.harrythecat.com/menu/scream.jpg ـــــوقه

BRABUS

12-08-2000, 09:58 PM

المعشوووووووقه خلاص خلاااااااااص

لعنتي صير صير اللي اعترضوا على اسمج

الموضوع وصل 35 رد و الله يعين كم بيوصل

بس خلاص صكي عالموضوع :):):)

المعشوقه

12-08-2000, 10:01 PM

برابوس
لا والله ما اصكر الموضوع لين ما يقتنعون ويقولون لي خلاص اقتنعنا

وحتى لو اقتنعو على هالشي
بفتح موضوع شي ثاني هم بعد قالولي عنه
والله ما بخليهم
شنو
انا المعشوقه والأجر على الله

ولا شو رايك؟
المعشــــــ http://www.harrythecat.com/menu/scream.jpg ـــــوقه

BRABUS

12-08-2000, 10:22 PM

من الجملة اللي فوق انتي تموتين على شي اسمه مسلسلات (مصريه بعد )

بس رايي من رايج ويا هالراس :):)

المعشوقه

13-08-2000, 08:08 AM

:)
لا زم يكون رايك من رايي
تذكر يوم كنت اسمّع لك بالثانويه العامه؟؟؟؟؟؟؟؟؟
المعشــــــ http://www.harrythecat.com/menu/scream.jpg ـــــوقه

khalid99

13-08-2000, 03:11 PM

تبين رأيي

هذا يعتمد عليك اولا وأخيرا

هل انتي مقتنعه به ؟ اذا استمري بنفس الاسم

اما اذا كان في خاطرك شىء منه فلا مانع من تغييره

ملاحظه: مادمنا في عالم الاسماء المستعاره فليس

من المؤكد تطابق الاسماء مع الشخصيات حتى في العالم الحقيقي

وللتدليل ليس كل من اسمه وسيم يحمل من الوسامه

وشجاع ونبيل وفاتن وجميله الى اخره من الاسماء

اذا هي مجرد اسماء فقط

تحياتي

المعشوقه

13-08-2000, 07:24 PM

اشكرك يا خوي خالد 99
والله انك بردت قلبي

انا يا خوي مقتنعه
وخوصا اني لين هاللحظه ما ادري اشلون اخترته وليش هاذا بالذات والله اني ما أدري

بس مقتنعه فيه
والله مقتنعه

مع تحياتي لك

المعشــــــ http://www.harrythecat.com/menu/scream.jpg ـــــوقه