مــــــــــــــروق وعســـــــــــــل ... وما بين السطــــور

[عسل]

مروق/السلام عليكم
عسل/ ايش النهار المهبب ده
مروق/ اول شيء..رد السلام ..ثاني شيء..احنا الان بالليل :)
عسل/طيب طيب .. لا ترجني ..وش عندك اليوم ..
مروق / ما عندي غيرك ...
عسل/طيب هات العلوم ..
مروق/ ابي اسألك كم سؤال .. وابيك تجاوبني بطريقة عسل اللي حبها الجميع ..:)
عسل/ بديت ترضي غروري ..هات العلوم ..
مروق/ وش هو الحب ؟؟؟ في نظرك ...؟؟ من ناحية فلسفيه
عسل/ عندك حيل ووقت ..
مروق/ اقولك ما وراي الا انت :)
عسل / طيب شوف ..
الحب ..قاموس..شامل..للغات ..
لغة النظره ..
لغة الابتسامه ..
لغة الدلع ....
لغة الكلام ....
لغة الشعر....
لغة العذاب..
لغة الخيانه ..
لغة الشك..
لغة اللمس..
لغة الشم...
لغة الفراش ..
ووووووووو.........الخ ..
فمن قال ..انا افهم الحب ...
دعه .. فهو كاذب ..
او اختبره ..في احدى اللغات ..الا ..الاخيره ... فكلهم ...يتكلمونها بالفطره
ولو بركاكه ...
مروق/ نفسي اعرف قابلت انيس منصور مره وحده وصرت فيلسوف ..كيف لا درست ..عنده
عسل/ تمنيت وحاولت ..يوم كنت هناك ..بس عارف ظروفنا ايامها :(:)
مروق / طيب سؤال اخر ...وش اجمل مافي المرأه
عسل/ الذي لا يظهر ..
مروق/ شلون يعني ؟؟؟
عسل / كل شيء اقصد كل شيء لا يظهر تماما
مروق/ قصدك من الجسد ..
عسل / كل شيء ..من الجسد ..من الاحاسيس الجميلة ..كل اسرارها
مروق/وانت تحب اللي ما يظهر ..
عسل / كلنا ذالك الرجل ..
مروق / طيب وشلون تحب شيء ما تشوفه ؟
عسل/ ومن قال ... راح اشوفه ..واحسه واحبه اكثر واكثر :)
مروق / طيب باقي ...
عسل/ يكفي ... في ناس ما تحب المواضيع الطويله :)
مروق/ معاك حق..نكمل بعدين :)
----------
عســــــــــ لو يرجع المحبوب بأبيات شعري** والله لأ حفر على القلب ديوان ـــــــــل

[ساهر الليل]

نفسي اعرف اللي بين السطور ؟؟؟؟؟؟؟؟؟؟؟؟؟

ٍٍٍٍ :)عســـ يكتب بحبر سري . جاسوس ـــل :)

[ma3gool]

عسل!!! وشو اللي لا يظهر في المرأه!!!؟؟؟؟؟
فلسفتك اليوم غريبه شوي..:):)

[بنت الأحزان]

أقول.. ممكن أضيف شيء؟؟
يمكن يكون له دخل بالموضوع بطريقه أو بأخرى
لكنه جا على بالي وانا أقرى الموضوع!!
ويمكن يكون جزء من الاجابه على معقول :)

من الأشياء التي لا يمكنك رؤيتها في المرأة!!

أصالتها وعراقتها..
حساسيتها ورقتها..
عواطفها ومشاعرها..
تفكيرها ومعتقداتها..
أحزانها وغضبها..
هجومها وعدوانيتها..
إحساسها بأهميتها..
رغبتها في التملك..
قانونها الذي تعيش معه وتسير على دروبه..
رغبتها في الشعور بالأمان.. وهو الأهم!!

فليس كل ما يلمس يرى.. وليس كل ما تراه حقيقه!!

تحياتي .. وأعتذر للتأخر بالرد..
لكني توني أشوف الموضوع

[تفاحة]

نسيتو // اخلاقها وتربيتها //

[عسل]

ما خابت توقعاتي ابدا في عقليتك التي ..تطور الاخرين
----------
عســــــــــ الاجابة صح ــــــــــــــــل

[بنت الأحزان]

تلميزتك يا أستاز عسل ;)
ومنكم نتعلم المزيد ..
وننمي أسلوبنا في الطرح والمناقشة..:)

وصباح الخير..:)