ممكن أعرف رايكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!

[بنت الأحزان]

السلام عليكم ورحمة الله وبركاته..

الحين الواحد لما يسجل بأي منتدى...
ممكن انه يسجل باسم مستعار.. طيب .. هالشيء معروف ومتفق عليه
بس السؤال هو؟؟؟؟؟


ليش الواحد يسجل باسم وحدة أو لييش الوحدة تسجل باسم واحد؟؟
هل هو نقص مثل ما يقول البعض؟؟
أم ؟؟؟؟؟؟؟؟؟؟
بغض النظر عن اللي يكشف عن شخصيته مع مرور الوقت...

بصراحة... هالسؤال في بالي من زماااااااان
يمكن من سنه ونص.. يعني من أول ما سجلت في أول منتدى (سوالف)!!

وبعيد عن الحساسية.. أتمنى أعرف راي الجميع.. بالاقتراح التالي!!!


** ايقاف أي شخص يكتب تحت اسم لجنس آخر لمدة أسبوع كعقاب وردع للبقية!! **

وأظنكم ماراح تتفقوا معاي بالموضوع!!!!!!
ع العموم.. هذا كان موضوعي اليوم!!


تحياتي للجميع..

على فكرة.. في ناس.. الله يستر عليهم.. باسم ذكور..
لكن لو تشوفوا في (النك نيم) للياهو باسم وحدة!!!
يفضح نفسة بنفسة..(أو تفضح نفسها بنفسها)
روحي شيكي عليه قبل لاتنكشفي ;)

[الصديق العربي]

أنا أوافق معاكي لكن بشروط قاسية أكثر إيقافه إلين ما يروح و يشترك بإسم صحيح و على حسب جنسه

[سنفور غبي]

أنا كشفت واحد.. مسجل باسم بنيه في سوالف.. أكيد الحين بتاكلوني.. لأني سويت نفس الشي... لكن مثل ما قلت قبل.. أسباب ما أحب إني أذكرها.. وسلامتكم:)

[زورو]

أهلين بنت الأحزان .......:(
اتمنى لو انج كنتى بنت الفراح :) ( ان شاء الله دايمن سعيدع في حياتج ......:)

و بخصوص موضوعج : أممممممممم انا من رأيي انها هاي حرية شخصية يعنى ممكن هو يحسون بالراحة بهاي الطريقة فخليهم على راحتهم حبوبة .........;)

http://www.zorro.com/shared/ringlrg.gif

[طيبة]

لا يهم إذا كان المشترك بأسم ولد أوبنت
المهم الموضوع والفائدة التي تعم على الجميع ....
وأهم شيء مبادئه وأخلاقه هي التي تفرض علينا احترامه
وتقديره .. أي كان ولد ;) أم بنت :;)


تحياتي وتقديري ....

طيبــــــــــــــــــــــ يبيلي أشيك على إيميلي :)ـــــــــــــــــــــــــه

[تفاحة]

الحمدلله // الذي عافانا مما ابتلى غيرنا //

[بروسيسر]

وعليكم السلام ورحمه الله وبركاته

اوافق الاخت طيبه بكلامها
اهم شيئ الفائدة للجميع:):):)

[بنت الأحزان]

ما قلت لكم راح تختلف الآراء؟!!!

طيب راح أرد لكم باجر :)
بسييييييير البيت :)

تحياتي للجميع

[amera1]

شوفي أختي بنت الأحزان

أنا أشوف إني من خلال تعاملي مع الأعضاء في المنتديات كل اللي يهمني الموضوع المطروح بغض النظر عن جنس العضو


هذا في عالم الأنترنت والكمبيوتر ...أما في الواقع فالعكس
هو الصحيح يهمني أني أتكلم مع شخص بشخصيتة الحقيقيه من غير أي
تزييف

يعني خلهم على راحتهم بسسسس لايغلطون على أحد :):)

وتحياتي لج أختي :)

[khalid99]

هلا بنت الاحزان

والله هذا الموضوع من اكثر المواضيع التي تثير الاشمئزاز لي:(:(

وانا ودي ازود في العقوبه الى الايقاف لمدة سنه مو اسبوع بس

ولاتنسين الي يكتبون بأسمين ويسوقون الهباله:(

[الحفار]

برافوووطيبه

وكمان اميره

فعلا اللي يهمني موضوعه وكلامه وعلاقته الطيبه بالاعضاء وغير كذا مو مهم

[ريانة]

بس اللي ما احبه كتابة بعض الاعضاء باكثر من إسم بالمنتدى

بغرض ...........:(

[بنت الأحزان]

وعليكم السلام ورحمة الله وبركاته..

كيف حالكم اليوم؟؟!! :)
أنا لما كتبت الموضوع قلت لكم انكم ما راح تتفقوا معاي بالراي :)
لكني اندهشت لما شفت القلة من المؤيدين!!
ع العموم..
أنا مب ضد فكرة اختلاف الأجناس اللي تكتب في المواقع..
وأعرف ان الأهم هي المواضيع المطروحة من العضو..

لكن سؤالي هو..
هل هو الشعور بعدم الأمان من الجنس الآخر اللي يخليهم يتنكروا لجنسهم؟؟

؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!
ولو انضيف سؤال ريانه للموضوع..
ليه يكتبوا بأكثر من اسم..
؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!
الظاهر اني راح ألقى ردود فعل عكسية من هالموضوع!!
الله يعينني :)


تحياتي لك جميعا ..وأشكركم على مشاركاتكم في الموضوع أو قراءتكم له :)

[بياع القلوب]

بنت الاحزان
تحياتي
كسب الثقة من الآخرين قد يكون سبب عدم الافصاح عن حقيقة من وراء الاسم المستعار ، وهذا شيء راجع للمستخدم نفسه
اما كونه يكتب باسم رجل او امرأه فهذا شأنه دام هو محترم نفسه ومحترم الاخرين ..
عادي ... حتى لو كتب بدل الاسم رقم - وفيه ناس كثير يسوون كذا - لكنهم محترمين جدا
اما من ناحية الكتابة بأكثر من أسم فهذا ايضا حرية شخصية لها اسبابها - دامها لا تتعدى على حريات الآخرين أو تقل من احترامهم..

لكم تحياتي

[غاية النفس]

اتفق مع راي طيبه ... المهم هو الفائده

تصدقين حزونه مره باحدى المنتديات كانت بنت تكتب باسم ولد

وكانت تطرح مواضيع روعه ... وارائها منطقيه الى ابعد حد

طبعا ماكنا نشك في انها ولد ابد

لانها كانت تتناول مواضيع منوعه ومشتركه ... وكان همها الوحيد

هو توصيل رائيها وافكارها لنا .. ومناقشة الامور السلبيه في مجتمعاتنا الخليجيه ..

لكن للاسف كشفوها واتهموها بالاسترجال لان محد رضى انها تستحوذ على الاهتمام الكبير هذا ... ولانها ناقشت مواضيع وقالت كلمة الحق .. تخيلي البنت ما انكرت لكنها قالت السبب اللي خلاها تسوي كذا ...
السبب كان انها لما كانت تكتب باسم نسائي .. كان هم اي شخص يتكلم معها انه يتعرف عليها .. وكانوا يرفضون يتناقشون معاها باي موضوع جدي ...

هذي اسبابها ... واعتقد انه كان لها حق في الشيئ اللي سوته ..

عموما ... مثل ما قلت بالاول راي طيبه صحيح :)

[sanfura]

أنا من رايج (:

[فارس مشاعر]

بالنسبه لي ولد ولا بنت مايهمني ابدا00لاني لم افكر ولو للحظه بان اعمل علاقه مع بنت من خلال الانترنت00لاسباب احتفظ بها لنفسي00
المثير للغثيان فعلا هو بعض الاعضاء اللذين يدخلون باكثر من اسم00فعلا هؤلاء يثيرون الغثيان عندي00والمشكله انهم مكشوفين00البعض يدخل باسم ولد وبنت ويسوي لنفسه جو00والعكس00وطبعا بدخوله باكثر من اسم يبي يكون له مؤيدين له بالكذب00ولكي ينسف ويقهر من يعارضه00بان يرد عليه باكثر من اسم وهو شخص واحد0000ابيكم جميعا تقولون الله ياخذ عمره والله يرد كيده بنحره من يدخل باكثر من اسم في هذا التشات00ابي اشوفكم كلكم تقولون امين00وبجنبها تكتبون امين على ماقال فارس:)لان ممكن يروغ ويقول انا قلت امين على حاجه ثانيه وضحكت عليهم:):)00على فكره في بعض المنتديات هناك ميزة كشف رقم الاي بي متاحه لجميع الاعضاء00ولو تصير بسوالف راح نشوف فضايح:):):)00وسلامتكم00

فـhttp://www.all-yours.net/postcard/pictures/i_love.jpgــارس مشــhttp://www.all-yours.net/postcard/pictures/i_land.jpgـــاعر

[dangerouse123]

أنا من رأي الأخت طيبة....
بس أظن انها حركة بايخة....

[فارس مشاعر]

امين000امين0000امين0000امين000

[almushtag2000]

I think only men who did that ? And I don’t know why
Is there any problem to be a man
Please all of U guys; we
don’t need to cheat others

[وعد]

أنا معاج

[دموع حائرة]

انا كمان معاكم ......
هو مايفرق مثل ماقالت طيبة .. بس ليش ..؟؟؟
تحياتي لك ......

[بنت الأحزان]

كيف حالكم اليوم؟؟
انشالله حرارتكم معتدلة ونفسيتكم مرتاحة وأعصابكم دافية
(ما أحبها تكون باااادره.. ولا حااااارة دافية أحسن ;))

عالعموم .. اسمحوا لي تأخرت عليكم بالرد..!!
ما عليه المهم اني أرد عليكم صح ;)

اخواني وخواتي..
انا لما طرحت الموضوع.. كا كان انتقاص من حريتكم الشخصية
أو اني أستهزئ بأي عضو من الأعضاء..((مثل ما قالوا عني!! :())
لكن قصدي كان مجرد استفسار

لأني أعرف شباب (من الجنسين) معانا..
لهم أفكارهم الجريئة لكنهم يتخوفون من ردة فعل الناس
من المواضيع اللي ينشروها..
أو انهم (وغالبا تكون البنت) تخاف من كون الشباب يطنشوها
أو ...العكس..؟؟!! لأنها بنت !!
أو ان ردودهم على مواضيعها ما تكون بالأسلوب المطلوب!!

وبالنسبة للشباب.. نفس القصة!!
لكني سمعت مرة عن واحد كان ودة يتهرب من رسائل البنات له!!
فكان يسجل نفسه في أي مكان باسم بنت ...!!!
لأن البنت في اعتقادة كان ..انها من النادر تفكر
بانها تستمر مع صديقة من النت أو توثق علاقتها معاها؟!!
هذا كان تفكيره!!!!؟؟؟؟؟!!!!!

يعني المعلومات اللي عندي تؤكد..
انه في كلتا الحالتين كان هروب من الجنس الآخر؟!!
فحبيت أعرف هل هالشيء مازال مستمر؟!!
أقصد التهرب من الجنس الآخر ؟؟؟؟
اضافة للفضول اللي يغلب على البعض لمعرفة
الحديث اللي يدور مع الطرف الآخر فيما لو كان من نفس الجنس؟!!!



------- ويااخوي فارس مشاعر -------
الدعاء لهم بالخير أفضل بمليون مرة من الدعاء عليهم .. ولا شرايك :)



وتقبلوا تحياتي ..
واعتذاري إذا كان فيه أحد حس باني أخطيت بحقه
والسموحة منكم..

[صحارى الشوق]

بالنسبه للكلام اللي قالوه اخواني هذا سبب خاص بالناس المعنيه فيه...لكن ما نقدر نغيرهم او نغير نظرتهم للموضوع لان اكيد لهم اسباب خاصه..
بالنسبه لي انا هذا اسمي معاكم فالمنتدى وفي الياهو تشات او في اي منتدى راح ادخله مستقبلاً...هذا اذا مليت منكم طبعا..ههههههه..وهذا ماراح يصير طبعا واحب اقولك واقول لاي شخص ينظر لاسمي اني رجل ومتأكد من الشي هذا..هههههه..


وسلامتك

[بنت الأحزان]

هلا بأخوي..
السموحة لأني تأخرت بالرد..


وأظن بأن البعض مافهم قصدي من الموضوع.. :(
عالعموم.. يا هلا بالجميع..


وتحياتي لكم