واحد صاحبي محله خسران000

[فارس مشاعر]

في المملكه(( واحد صاحبي عنده محل خسران في ابها)) مدري كيف طلع ذا العنوان 00المهم انا طاحت في ايدي ارقام مهوله وفي نفس الوقت خطيره علينا في المستقبل لما تسببه من تأثير على الاقتصاد وخلق ازمه في السيوله والى اخره …. وبعيد عن الفلسفه والكلام التشدقي بدخل في الموضوع (( ايه تكفا ))..شوفو معاي الاقام التاليه وبعدها اكمل (4500145774) اربعه مليار وخمس مية مليون دولار صرفت السنه هذي في السياحه والسفر الخارجي و (ا 120054875) ومية وعشرين مليون دولار فقط داخلي يعني بفارق عالي جدا وهذا طبعا للي يفهم في الاقتصاد معناها ان حركة راس المال جالسه تلعب لعب الكراسي ..والمصيبه ان حنا يا الشباب نساهم بدرجة كبيره في تدمير الاقتصاد الداخلي وتحسين اقتصاد دول اخره هي في الحقيقه الد اعدائنا من اللي يمكرون لنا في الخفاء والعلن والمصيبه بيدنا احنا ندفع عجلة اقتصادهم ونكسر مجاديف سفينتنا ..ولو جينا للمفارقات في كل شي نشوف ان عندنا السياحه افضل بمليون مرره لكن العمى عمى القلب والعقل .وتعالو معي نسوي مفارقه بسيطه بين هنا وهناك..اول شي واهم شي هو الامان ..فيه تقرير قدامي يقول ان العوائل السعوديه الي تعرضت للسلب والنهب والاعتداء فاق 55 عائله بس في بريطانيه لوحدها الصيف هذا قيس على هذا باقي الدول مثال امريكا والدول الاوربيه يعني هذا اهم شي في السفر هو الاطمئنان على النفس والمال ولو جينا مثلا لابها نجد الحمد لله بفضل الله الامان والاطمئنان يكفيني اني في بلدي مهما مهمارحت وجيت سواء في ليل ولا نهار احس بالامن لي ولاسرتي الي هي امانه في عنقي لنه يوم تجي بتسافر مالهم سلطه يمنعونك وغير هذا نجي للفارق الثاني الغلاء الفاحش ..فا مثلا في لندن فندق زي فندق شيرشل هوتيل يكلف الليله الوحده 1400 ريال طبعا هذا اذا خذته من هناك من هنا تاخذه 890 ريال وهذا السعر الموجود قدامي ولونقيسها بفنادق ابها مثلا بتاخذ شقه مفروشه بجميع مستلزماتها ماتعدت 500 ريال حتى لو نفس سعر لندن على الاقل في بلدي وجالس ادعم الاقتصاد المهزوز اصلا خاصه مع تداعيات الاحداث الماضيه الاخيره من نزول للبترول وخلافه ..ولو جينا للمفارقه الثالثه والمهمه وهي العباده وحريتها الي يدعي الغرب الحريه فيها مع انه جالس يحارب الدين بكل ماأوتي من قوة ومهما جلست في اوربا مستحيل راح تسمع غير اصوات طبول الجاز وكزنوهات الكونوسير (( وربي ماجيتها بس مريت عليها من برا !!))..ولو جينا لأبها او اي منطقه صيفيه في المملكه ولا بفضل الله تسمع الاذان وذكر الله الي يغذي الروح يوم تسمعه ويخلق الطمأنينه والراحه ..ولو جينا للمفارقه الرابعه الجو في لندن مثلا بعض المناطق الجو فيها مولوث من تاثير المصانع المنتشره في ضاحي لندن واللي حذرت منها منظمة اليونسكو في تقريرها المؤرخ في تاريخ 4/5/1998..بأن جو لندن العاصمه اصبح يشكل خطوره لحياة الانسان لما فيه من شحنه من الغازات السامه ..ولو جينا لالى ابها (( واحد مهدد انه يسكر المحل الشتويه الجايه !!)).ولا هي بفضل الله جو نقي صافي ماطيب منه (( صدق بدوي )) الخير والناس والقرود وكل شي زين بفضل الله ..وغير كذا كثير من المفارقات الي ماأبغى اني اطول عليكم فيها (( كل ذا ولا تبي تطول !)) … اتمنى من ارباب الاسر انهم يبصرون من جميع النواحي واهمها دعم بلدنا اللي للاسف جايه من اخوانا الخليجين اكثر منا (( طبعا ان ماشالتهم الارض تشيلهم عيونا اخوانا في الدم والعقيده والنسب )) لكن كان من الاجدى ان ابن البلد يوعى لذا لامر اكثر من اي شخص اخر ..واسف الي اطلت مع انه في جعبتي الكثير من الامور الي تزعلنا وتخوفنا على بلدنا الله لايرينا فيه مكروه ويعين فيه ولاة امورنا على تسيره لما فيه خير الجميع ....وسلامتكم000

[sanfura]

وهذا حالنا بعد في الامارات
بس شو نسوي؟ التفشخر عندنا في الخليج بزيادة عن باقي الدول والواحد مستعد يحد على ظهره وظهر أبوه ديون ولا زم سفرة لندن كل سنة علشان ما حد يتطنز عليه

سنـــــــ وااا عجبي ـــفورة

[wildorchid]

ماعمرك سألت نفسك عن العماله الاجنبيه؟
هل تخيلت كمية المبالغ اللي يتم تحويلها الى بلدانهم؟
تعتقد لو أحللنا سعوديين مكانهم ماكانت هذي الاموال بقيت في البلد؟؟!!
تقدر تقول ليش هذا التضخم اللي صاير عندنا؟؟
هل تعتقد انه بسبب السفر للخارج؟؟
صار لنا عشر سنين والى الآن اقتصادنا زي ماهو معقوله ان احنا ماقدرنا نعوض الخلل اللي كان في الميزانيه؟
ارتفع سعر البترول مئات المرات وبرضه ماتغير شيء..
في المقابل..
طالبونا ان احنا نشد الحزام..
البنزين أرتفع 100% - قالوا فتره وبيرجع...قالوا!!- اسعار المعيشه صارت مهوله..
حتى اساسيات العيش صارت اسعارها في السما..
الكهرباء..تصدق انك تدفع عليها ضرائب؟؟
لما تستهلك ب 600 ريال تدفع 300 ريال رسوم استهلاك..على كم مكيف وكم لمبه..وبعض..لا عفوا قصدي مئات البيوت انوارها مضاءه طول السنه ولكن للأسف مافيها سكان..
الجوال- ويمكن انت تعتبره كماليات ولكن لبعض الناس يعتبر ضررورة لأن ماعندهم تليفون ثابت- تدفع رسوم أخرى؟
وش هذي الرسوم الأخرى؟؟يقولون محاولة لتعويض النقص اللي يسببه عدم دفع " الكثير" لفواتيرهم..

الموضوع طويل ومتشعب..لكن صدقني سواء بقينا هنا أو سافرنا برا المحصلة وحده..
ماراح نشوف اي قرش دفعناه.........!!

[ma3gool]

اخي فارس مشاعر..!!!اي ابها الله يرحم والديك والله الفرق بين السماء والارض...
وبعدين انت شفت وش قاعد يصير في ابها!!! نفس اللي يصير في اوربا..
مشكلة الاقتصاد معروفه فهمت قصدي ولا اوضح!!!

[فارس مشاعر]

اشكر لكي ردك الجميل00واتفق معك في ردك الكريم000

[فارس مشاعر]

وكنت اتمنى ان نناقش المواضيع واحد واحد ومنها موضوع السياحه الداخليه بعيبوها وحسناتها00واكرر لكي شكري على ردك الكريم00

[فارس مشاعر]

انا عارف باني رفعة ضغطك بهالموضوع:):)00ولكن حبيت انا نتناقش عن سلبيات وعيوب وايجابيات(هذا اذا كان فيه ايجابيات) السياحه الداخليه00اخوي معقول مشكور على ردك00وابتسم:):)فانت في ابها:):)00ايه انا دراي والله انه فيه فرق:(:(000وسلامتك

[سردال]

من مشاكل اقتصادنا أن الأموال الخارجة من البلاد أكثر من الداخلة:

1) العمالة الوافدة التي ترسل الأموال لبلدانها (عندنا في الإمارات المواطنين صاروا أقلية في بلادهم).
2) السياحة الخارجية، مع أن البلاد فيها أماكن تستحق الزيارة:

عمان: صلالة بالدرجة الأولى، نزوى، وأماكن أخرى كثيرة فيها من المزارع والأفلاج والآثار التاريخية الشيء الكثير.
السعودية: مكة (للعمرة)، المدينة (أكثر مكان أرتاح فيه نفسياُ)، الطائف، أبها.

وليعذروني أخواننا من بقية دول الخليج فلا أعرف شيء عن أماكنهم السياحية.

أما لندن وأوروبا، فتخسر فيها التالي:
1) أموالك (و بالهبل! :))
2) دينك (هذا إذا ما رحت مع رفقة صالحة).
3) يا أخي بلادهم فيها من تلوث الأخلاق والبيئية ما يقززك فيها.

[فارس مشاعر]

اعجبني ردك الواقعي جدا0 وليش مايكون بين دول مجلس التعاون التوظيف مفتوح بينهم بدل الاجانب؟؟0والله يكثر من امثالك00وسلامتك00

[سردال]

أخي فارس المشاعر.

المشكلة أن مجلس التعاون أكمل عشرين سنة أو أكثر، ولم يحقق الكثير من الإنجازات التي كنا نتوقع. (ومع ذلك يبقى المجلس أفضل تجربة عربية حتى الآن).

لكن الآمال المعقودة عليه كبيرة، وما يتحقق منها قليل للأسف.

مسئلة توطين الوظائف، فهذه لي فيها رأي:
الحكومات لا تستطيع استيعاب هذه الأعداد الكبيرة من الخريجين كل سنة، بل الأصل أن يعمل هؤلاء الخريجين في مؤسسات خاصة، أو يقوموا بإنشاء مشاريعهم الخاصة. والحمدلله حكومة دبي توفر تسهيلات كثيرة لكي يبدأ الشاب مشروعه بأقل التكاليف.

لكن مع ذلك نجد العديدين يبحثون عن الوظيفة الحكومية لأنها أضمن، يا أخي الرزق على الله وعلينا أن نسعى في طلبه، بسبب هذا الخوف على الرزق تصبح الوظيفة الواحدة في الحكومة مقسمة على 4 أو 6 موظفين! (تصور الخسارة)