انا في الانترنت كافيه احين

[سديم]

هلا بكم
صحيح
قلت خليني اشوف وش صاير في عالم النت كوفيه
الوضع احين كذا
انا على جهاز رقم 12
يعني بنص القاعه
اصوات لوحة المفاتيح تدق في كل مكان
شباب
دخان
اصوات ضحك
شباب يسولفون في ميرسي وكل شوي يطرون واحد ويعملون له بنج
ويضحكون بصوت عالي
واحد كل شوي جواله يدق ويقول وينك عن المسنجر؟
وواحد يغني يابنت النور ( مثدق نفسه محمد عبدو مع صوته اللي يرفع الضغط) مصدق عمره ان بنت تسمعه احين - مو داري ان شباب جنبي من الناحية الثانيه مسوين فيه مقلب ..:)
همدي كل شوي يجيني ويقول انا فيه يشرب كوفي سير؟
اقول لك كافي احين ياكافي الشر؟ وش بينيمني؟
واحد يرقم مدري مين
وواحد يسولف مع مدري شنهو
ظلمة وحر
وبالاضافه
صار لي ساعه احاول افتح سوالف والايميل ماني قادر
وكل هذا ب 20 ريال بالساعه

خوش تجربه ماراح تتكرر
الا اذا خلص اشتراكي يوم خميس بالليل :)

واللي يرجم والديك سكت لا تغني خلاص
كرهت الاغنية وكرهت نفسي من صوتك

[unique]

ليش حلوه بنت النور :(

[زهرة الليلك]

الله يعينك .. بس أقول .. مادريت انهم خفضوا الاسعار في الكافيه نت الدقيقة على 10 و 15 ريال

وبعدين قل لهذا اللي جنبك يسكت لايخرب أغنيتي احسن له :)

مسكين .. والله كسرت خاطري .. أقول قم رح بيتكم نام أحسن لك :)

[سديم]

يونيك
ايه هين
اغنيه حلوة



اختي زهرة

وش سالفه هلا وش سالفة معكم يابنات ؟؟؟؟؟
لا يكون تصدقون عمركم يغني محمد عبدو عشانكم ؟؟؟
والله انه مو حولكم :)

[khalid99]

الله يعينك

لا تكفى خله يسكت وقله بعطيه ريال

لايخرب الاغنيه:):)

[الحفار]

تستااااااااااااهل

ما احد قال لك ما تجدد اشتراكك

:):):):):)

[سديم]

خالد 99
هلا بك
خليت له الكافي بكبره ورجعت البيت اصرف لي :)



هلا اخوي الحفار
شخبارك؟
ياخي تصير في احسن الاشتراكات :)

[تفاحة]

والله حزنت عليك :(

لكن تدري شف عسوول يوزع اشتراك مجاني :)

الحق قبل لا ينتهي المجاني بعد :)

تحياتي //

[سديم]

هلا اختي تفاحه
وما تحزني على غالي :)

ادور عسل اتحرش فيه يعطيني اشتراكه احسن
بس لايكون مستحي يجدد اشتراكه وقال خليني انسحب واسوي جو رومانسي ؟؟ :) يمكن أحد يجدده له :)
تحياتي