View Full Version : لـــم فـــتـــحـــت الـــبـــاب يـــا أمـــي ..؟!
الروح
24-10-2000, 08:20 PM
لم فتحت الباب له يا أمي ..؟
لم نثرت الملح على الجرح ...
وأزعجت سُبات ندمي ...؟
أنسيتِ كيف كنت أهرب
من غرفتي ...
لأصلي وحيدة ...
على تلك التلّة ...
أُسكت شوقي
وأبحث زحفا ...
عن دواء لألمي ..؟؟؟
لم فتحت الباب له يا أمي ...؟
أنسيتِ كيف كنت أمتنع
عن الطعام ...
والشراب ...
أستجدي رحمته ...
إلى أن التصق جلدي ...
بعظمي ...؟!؟!
أنسيتِ كيف كنت أهجر
مخدعي ...
وأمضي ليلي
أتأمل صورته ...
وأسامرها ...
كأنني راهب ... وكأنها
صنمي ...؟؟؟
لم فتحت الباب له يا أمي ...؟
أنسيتِ وقوفي كل مساء
عند باب قصره
حافية القدمين ...
لأقول له : أحبك !
وأعود بعدها خائبة ...
لأن وجودي أمامه
كان كعدمي ...؟؟؟!
أنسيتِ بكائي كطفله ...
إذا ما استيقظت يوما ...
ولم أجده في حلمي ...؟؟؟
لم فتحت الباب له يا أمي ...؟
إن نسيتِ ...
فلم أنس بعد ...
إن هدأتِ ...
فلم أهدأ بعد ...
ما زلت ألهث ...
كلبؤة جريحة ...
يسري سمّه في دمي ...!!!!
أغلقي الباب ثانية ...
ولا تستخفي بوعودي ...
فلم يعد ملاكي ...
ولم أبطل بالانتقام بعد ...
عظيم قسمي ...!!!
:( :( :(
تحياتي للجميع ..
بروكسي
24-10-2000, 08:24 PM
واذا فتحت الباب انا شكو ؟
ممكن اعرف شنو بالضبط ؟
الروح
24-10-2000, 08:28 PM
أقول ...
أعصابك ...
شوي شوي ...
ما حطيت الموضوع عشان ترد بهالطريقة ..
أوكي ...؟
بروكسي
24-10-2000, 08:33 PM
مو معصب ولا شيء
بس بعرف شنو هذا ؟
بروكسي
ما يصير تهزأ في الناس بالطريقة هذي
:(
الروح
24-10-2000, 08:38 PM
شو ( شنو ) هذا ...؟
كلام شرا كلام خلق الله ...
عيبك ..؟
رد عليه بإسلوب ...
ما عيبك ..
ياخي سوالف فيها ألف موضوع وموضوع ..
اختار لك واحد ورد عليه ..
بس بعد رد بإسلوب ..
" شنو أونه " ..!
الروح
لا تزعلين من بروكسي
هو ما يقصد شي والله
الكل يعرفه هنا
بس هو ما يبي الخواطر في قسم الاصدقاء
الروح
24-10-2000, 08:43 PM
مسا الخير عزيزتي ... :)
إنزين ما يبى الخواطر لا يحط حرته في موضوعي ...!
وبعدين أنا مب أول وحده ولا آخر وحده تحط خاطره في سوالف ..
وإذا هو ما يبى الخواطر في سوالف ، ما أعتقد إنها طريقة حلوة اللي رد فيها على موضوعي عشان يفهمني يعني إنه ما يبى الخواطر في سوالف ...
وبعد مرة و" بعدين " ..
ما أحيده مراقب !
تحياتي عزيزتي :) :) :)
بروكسي
24-10-2000, 08:53 PM
منال انا ما تهزأت بالناس ولا شيء
بس بعرف آخرتها مع السوالف هذي
الروح انا اي موضوع ارد عليه
وحتى عسل رديت عليه رغم انه عزيز علي
وبعدين الظاهر تعرفين تقرين هندي اقصد عربي
في قسم للشعر والادب هذا مخصص للخواطر روحي واكتبي اهناك
واذا رديت عليج لج حق تزعلين او ادافعين
ماحيدة مراقب يعني شنو ؟
عربي بليز
الروح
24-10-2000, 08:58 PM
الظاهر إن ما عندك خبر عزيزي إن سوالف الأصدقاء سوالف لكل شي ...
وبعدين ...
إذا فيه شي المفروض إني أسويه وما سويته فأعتقد إنها مسؤولية المراقبين إنهم يقولون لي ..
أقول ..
ما تعرف شو يعني " ما أحيده " ..؟؟؟
الله وياك الله وياك !
بروكسي
24-10-2000, 09:02 PM
اقول تعرفين تقولين خعااااخع ؟؟
او جربي هغخع عشر مرات
ندري ان سوالف لكل شيء
لكنها مقسمه الى اقسام
اعضاء آخر زمن
الروح
24-10-2000, 09:06 PM
أقول ..
ما أبى أرد عليك ...
قول ليش ...؟
لأني ما أبى أخسر حد ...
بس صدقــــني لو رديــــت .........
أقول ..
لا تخرب موضوعي ..
تعبانه عليه ..
ومب ناقص غير تخرب لي إياه ..!
بروكسي
24-10-2000, 09:11 PM
أي موضوع ؟؟
اهو انتي كاتبه موضوع ؟؟
وينه ....؟
الروح
24-10-2000, 09:13 PM
مـــــــــــا بـــــــرِد....
;)
بروكسي
24-10-2000, 09:15 PM
أي رد ؟؟
اهو انتي رديتي ؟؟
وينه ......؟
بنت الدوحه
24-10-2000, 09:22 PM
انتو مو كأنكم أزعجتونا ؟؟؟؟؟
هذا القسم لازم يغيرون اسمه من سوالف الاصدقاء الى سوالف الاعداء
المهم .. الروح ... الموضوع حلو والشعر أحلى
:) :) :)
بروكسي
24-10-2000, 09:43 PM
بنت الدوحة خليج بعيد
ورجاءً لو تشوفين دم لا تتدخلين
انا ابي اشوف آخرتها
وخري شوي
عيبتني صراحة ..
خاصة هالسطر :
لأن وجودي أمامه
كان كعدمي ...؟؟؟!؟!؟!؟!؟!؟!!؟!؟!؟!؟
تحياتي اختي :)
المعاند
24-10-2000, 11:09 PM
إختي الروح :)
تحياتي لموضوعكٍ الرائع .
تحياتي لقلمـكٍ وتعبيركٍ
فلقد أبدعت مثل دايم . والشوق والحزن في سطوركٍ هايم
اسأل الله لكٍ امطار الفرح بعد الحزن الغايم .
حبيت احييكٍ على كل ماكتبتٍٍ .
وياليت تسعدينا بكل حروف فنكٍ
ولكٍ مني كل احترامي وتقديري
وتحياتي :)
الروح
25-10-2000, 11:05 AM
صباح الورد عزيزتي :)
لا عزيزتي ...
لا إزعاج ولا غيره ..
أقول ..
عيبج الكلام ..؟؟؟
شرف لي والله :)
تسلمين حبيبتي :) :)
khalid99
25-10-2000, 11:26 AM
هلابك الروح
تسلمين والله كلام جميل ومعبر
الروح
26-10-2000, 10:44 AM
خلاص عيــــوني :)
ما يغلى عليج هالسطر ... :)
ThIs Is FrOm Me To YoU
http://afary.com/ecards/cards/friends_03.jpg
عيون دبى
26-10-2000, 07:26 PM
كم أنت رائعة :):):)
وكم هي رائعة هذه المشاعر الصادقة التي كتبت بهذا الأسلوب المثير :):):):)
موفقة والى الأمام دائما :):):)
عيــــ يبعث لج تحياته ـــــــــون دبي
سعودية
26-10-2000, 07:54 PM
اجزم انك لبوة ذات شموخ وانفة ولست بذات جروح
ساهر الليل
26-10-2000, 08:46 PM
تميز لا يوصف
في كل خاطره تكتبينها
او ترسمينها
لانها بصراحه كلها مميزه واشبه باللوحات الفنيه الجميله
فيها افكار جديده وغريبه وواقعيه وحزينه
وتختارين لها كلمات مميزه وسلسه وعذبه
يعجبني انها حزينه دائماً فالحزن هو عنواني ......
تحياتي لابنتي الغاليه دائماً :)
حقا انها كلمات رائعه
سلمت يداك يالروح
شمس الشموسة
26-10-2000, 11:23 PM
مرحبا عزيزتي الروح....
كلام رائع.. وتعبير اجمل..
يعني والله ماني عارفه اشلون امدح فيج.. ولا اشلون اوصف لج كيف الكلام حلو ورائع.. ( مثلج يا رائعة):):) ( شوي شوي على عمرج):):):)
المهم.. واصلي الكتابة.. وواصلي نشر كل ما تكتبينه.. ولا تأبهي لاحد.. فانت مبدعة.. واروع من المبدعات والمبدعين.. :):):)
تحياتي لج...
شموسة:):):)
دخلت غلط
لاكن الموضوع اعجبني
وتسلم انامل روح الروح
وقرأت الردود الاولي صدمتني
وشدتنى الردود الاخيره فأعجبتني
تحياتي لروح الروح
ليش كل هالكره والعداء تجاه بعضكم البعض ؟ الأخ بروكسي عيب اللى تسويه ومن حق الآخرين عليك تحترم اللى يكتبونه بغض النظر عن المكان اللي كتبوا فيه واحنا مب بحرب ...............الرجاء امسكوا أعصابكم
الروح
28-10-2000, 03:35 PM
مرحبا عزيزي :)
يالله ..
إذا كان كلامي يدفع عملاقا مثلك لأن يخط لي ما خطت يداك ، فسأكتب دون كلل أو ملل إلى أن يواري التراب ..
تحياتي لك عزيزي وألف شكر على الرد :)
الروح
29-10-2000, 07:29 AM
خــــالد :)
صباح الخير الطيب ...
شكرا عزيزي ..
في كل مرة أكتب أتوقع إنك ترد علي وبالفعل والله ..
ما يخيب ظني :)
ألف شكر :)
عيون دبي :)
هلا والله الطيب .. :)
تسلم على التحية ..
وحيا الله أهلنا :)
سعودية :)
مرحبا حبيبتي :)
شكرا .. لأ .. ألف شكر ..
بعد لأ .. " إلى ما لا نهاية " من الشكر لج ..
أسعدني ردج حبيبتي :)
تحياتي لكم جميعا :)
الروح
29-10-2000, 07:36 AM
صباح الخير عزيزي :( :( :(
لك وحشة يا بابا :(
تسلم ألف مرة على الرد ..
الصراحة ما عندي كلام أكبر من اللي قلته ..
أكــــــــــــيد ..
الكبير دايما يلقى الكبير ...
تبقى لنا إن شالله :)
تحياتي :) :) :)
أقول أقول ..
هاي إهداء لك وللحفار :( (http://ksa.6arab.com/songs/5aleeji/abdulmajeed/3abdelmajed..7abayebna.rm)