سوالف للجميع - شرطي ارقام ..........................!!!!!!!!!!!!!!!!!!!!!!!

ياكوياكو

23-12-2000, 01:59 PM

انا حلم امي
من دخلت
المتوسط
وانا بين الكراسي
اسحب رجوولي
ابي اتوظف واتنظف
مليت الحصص
والكتب ...والواجبات
ومليت انا هدومي
مليت طابور الصبح
اللي زود جنوني
مليت مدرس الحساب
ستاد زكي
الصعيدي
اللي شافط فلوسي
امي
المسكينة
تدعي
الله يوفق نظر عيني
يا ولدي
ودي اشوفك طبيب ولا مهندس
تحلم الحجية
وانا مغرز ثمان سنين
يا ويلي
ترك المدرسة
وعلى الشرطة
يا ورطة
تسع شهور
نسوني حليب امي
وفالميدان دقوني
واحلى كلام في الدنيا
قالولي
وتخرجت
وفي مخفر خيطان قطوني
الضابط الملعون
زهقني وطفشني
والعريف اللي يقلقص
واصل على كتوفي
آآآآآآآآآآه يا كتوفي
11سنة
الحين انا
عريف مكرش
راحت علي
ومن هالشغلة
كلت كتوف
كلب عند الضابط
اوصل اغراض البيت
وعيال الضابط الملعون
صبي
بس الحكومة تدفع فلوسي

روح الليل

23-12-2000, 11:17 PM

أخوي ياكوياكو..

حلووووة مرة.. انت مغرز ثمان سنين!!! ههههه.. وبعد 11 سنة وآخرتها صبي!!!؟؟
بصراحة الأسلوب جداً جميل.. وممتع.. ومبطن بالنقد.. وهذا أكثر ما أعجبني فيه..
الله يعطيك العافية..

أختك/ ..<< روح الليل >>..