خرخش خرخش مخباك .... عطونا روبية.... مبارك عيدكم

[سوالف]

السلام عليكم والرحمة

مبارك عيدكم وعساكم من عوادة وكل سنة وأنتم بخير وتقبل الله طاعاتكم والله يردها علينا كل سنة وكل حول بالصحة والسلامة.

ما نريد تهاني بس, أريد هذا العيد مختلف, يعني روبية من شجاع وروبية من فلفل وروبية من فلاش وروبية من صدى الحق, وروبية من سنفور وباقي الإخوان :)

بعد ما أنسى إخواتنا الكبار, مزون وزمردة وروضة وجيون وهند ومسولفجية ونور وباقي الإخوات وأقولهم لا تنسون أخوكم الصغير سوالف وعطوه عيدية, تراني صبرت عليكم وايد وسنتين ألحينه بدون عيدية.

أنا بغمض عيني وآخر اليوم بشيك على مخباي :)

إنشاء الله أقدر أجمع كم روبية حق مشروعي الياي, بيع الدياي

[صدى الحق]

:)

وعيدك مبارك وتقبل الله منا ومنك وغفر الله لنا ولك ولوالدينا وجعلنا من عتقاء شهره الفضيل وسترنا جميعاً بإذنه إنه على كل شيءٍ قدير .

و:)ابشر بالعيدية

بس مهب الحين :) متى ماوصلت عندكم :)

[شجاع]

يا سوالف انت تشحت ولا تطلب عيدية ؟:)

في كل موضوع طالب عيدية مع انه المفروض انت تعطينا ؟:)

يالله شو نسوي لا حول ولا قوة تفضل :

http://www.hymaan.net/card/3eedyah.jpg

بس رجعلي الباقي :)

[نور]

بارك الله فيـــك أخي سوالف :)

وعساك من عواده ، سبقني أخوي شجاع ، كنت سايرة ادور لك عيدية :)

إعتبر الألف اللي عطاك إياهم منا كلنا ، لأن اليهال عندنا

صراحةما خلولك شئ منها :)

يا الله عشان تيي بدري مرة ثانية :)

وحياك الله :)

[روضه]

يا بابا عملتنا الدرهم

اونه روبيه هندي واحد :)


اقووووووول
:) عيد سعيد ولد سعيد عيد :)
اعرف شو بتقول
الله يخليك لالالا

:) :) :)

ليش واقف ؟
شجوع عطاك نوط بو الف

يالله يالله :) كوم بو روبية :)
بررررررررررررررع

والرحمة عليكم والسلام

[غريب نجد]

الاخ سوالف

كل عام وانت وجميع الاخوان بالمنتدى بالف خير وصحه وعافيه .. وكل عام وانتم جميعا اصدقاء احباء في هذا المنتدى الطيب .. وتقبل الله منا ومنكم صيامنا ودعائنا وصدقتنا وقيامنا .. وعساكم جميعا من يعودون له بسلام ..

بودي والله اخوي اني اعطيك عيديه لكن اخونا شجاع الله يهديه قطع علينا الطريق .. فاذا فكرنا انا نعطيك مثل ما عطاك (( توهفنا ..)) واذا اعطيناك اقل منه (( مو زين بحقنا .. )) ولكن فكرة بفكرة اخرى لعلها تلاقي الاستحسان عندك وعندهم ..

عموما انت كريم وتستاهل فعيديتي لك ولكل الاعضاء صداقتي لكم فإن قبلتموها اكون لكم من الشاكرين .. وان(( وفرتموها ..)) فاملي في يوم من الايام ان تقبلوها ..

ولك وللجميع تحياتي ..

الا تتفقون معي احبتي ... ان الانسان غريب !!

[OPIUM]

اخ سوالف


** عيدك مبارك وعساك من عوادته **

تحياتي لكل اعضاء المنتدي وكل عام وانتم بخير

[هند]

هلا بك يا راعي الديار ..

سوالفنا .. الطيب ..

كم رقم حسابك ..

عشان نطرش لك العيدية .. :)

تعرف دخلنا عصر التكنولوجيا من اوسع ابوابه ..

و كل عام و انته بخير

و تسعد ايامك و يعل الفرح دوووم جدامك ..

و انشاء الله موقعك يتميز اكثر و اكثر و يتطور اكثر و اكثر

:)

[نجمة المساء]

عيدك مبارك يا سواالف واياامك سعيده اخوي




في دينار كويتي ، في ريال سعودي ، في دينار بحريني

في دولار امريكي وفي ين ياباني تدلل

[سوالف]

ما تيوز عن سوالفك, كله تريد تشررررد يوم السالفة فيها بيزات, عنبوه ما طلبت إلا روبية حق مشروعي :)

بس معذور إنت, راعي ومسؤول عن الرعية, أكيد خسرت واااااايد :)

[سوالف]

هاي عيدية,,,, ألف درهم مزور, صدق ما تستحي, يوم السالفة تزوير بخني بمليون درهم مب ألف بس, والا الشغلة وايد صعبة

على العموم الله ستر وما بلغنا عليك, بس مرة ثانية لا تغلط الغلطه هاي وتنشر ثيابك فوق السطح :)

[سوالف]

افااااا والله, ما توقعتها منج, يعني إنتي إنتي مشتركة مع شجاع زعيم مافيا تزوير عملة الإمارات, لا لا لا لا ما أصدق

صعب أصدق لكن إعترافج صدمني ....

واليهال بعد مشتركين معاكم,,,, خربت الدنيا يا جماعة

[سوالف]

ليش واقف هاه,,, واقف لين يوصل دوري :)

ما دامج ما شاء الله عليج تعرفين إنه عملتنا الدرهم, شو يابج هني, أنا طلبت روبية, ما سمعتي المثل إللي يقول:

روبية فوق روبية تستوي عيدية

الله يرحم أياااام زمااان يوم كنتي تلبسين زنوبه وتحوطين على الفريج تجمعين كم روبية :)

جدام بيتكم طاسة ... وعيونكم محتاسة

[سوالف]

منا ومنكم الغالي :)

أكيد نقبل بصداقتك أخوي, ما نحتاج إلا الصديق وقت الضيق والصديق عملة صعبة هاي الأيام.

الحمدالله إنك ما تعاونت مع زعيم المافيا شجوووع ,, دير بالك زين تراه إنسان خطير والمطلوب رقم واحد في البلاد بسالفة التزوير :)

[سوالف]

تحياتي لك وكل عام وإنت بخير :)

[سوالف]

الحمدالله حصلت حد يفهمني وبيعطيني عيدية, ما توقعت تبين رقم الحساب,, يعني المبلغ كبير كبير كبير,, خليني أخمن, يمكن ستين ألف, يااااسلالالام

مشكورة مشكورة,,, العيد الياي أريد أكثر من شذي وإنتي ما تقصرين

إللي يغديك ... يقدر يعشيك

[سوالف]

ما شاء الله عليج,,, مبروك عليج محل الصرافة الجديد, عملات كثيرة ومتنوعة عندكم

زين بس أريد عدد مواضيعج بالدينار الكويتي :)

أكيد ما بتمانعين, كريمة طول عمرج

[فتى الامارات]

^1
تفضلوا عيدية الفتى الى سوالف
http://www.alshamsi.net/cards/eed_cards/eed10.jpg